Persónugervingar á ferð

Allmargir þættir þurfa að koma saman við hönnun farartækja, að því er fram kom í máli Chris Bangle, fyrrverandi aðalhönnuðar BMW-bílaframleiðandans, á Driving Sustainability ráðstefnunni í Reykjavík. Hönnuðir þurfa að horfa til þess hvaða þætti verði að hafa með, hvað sé hægt að gera, hvað þeir vilji gera og sé skynsamlegt að gera. „Til dæmis er skynsamlegt að hafa bollastatíf, þau eru nú meðal þess sem fólk býst við að sé í bílum,“ sagði hann.

Girtu fyrir bein átök við Alþingishúsið

„Þetta var eitt af stærstu verkefnunum sem við höfum tekist á við og það gekk bara býsna vel.“Þetta segir Stefán Eiríksson, lögreglustjóri á höfuðborgarsvæðinu, um aðgerðir lögreglu vegna hinna fjölmennu mótmæla við Alþingishúsið í fyrrakvöld.

Slagurinn tapast eða vinnst í borgunum Kína

Með fyrri orkuskiptum þar sem hætt var að nota olíu og kol til húshitunar og jarðvarmi tók við hafa Íslendingar sýnt heiminum að slíkar umbreytingar eru færar, sagði Ólafur Ragnar Grímsson, forseti Íslands, á alþjóðlegu ráðstefnunni Driving Sustainability sem fram fór í Reykjvík í september. Hann segir raunhæfan möguleika á að Reykjavík gæti með orkuskiptum í samgöngum orðið fyrsta borg í heimi til þess að reiða sig að fullu á visthæfa orku.

Fáir fá sértæka skuldaaðlögun

Eingöngu 128 einstaklingar hafa gengið frá endanlegum samningum um sértæka skuldaaðlögun og 51 fyrirtæki í farið í gegnum fjárhagslega endur­skipulagningu.

Treystir á víðtækt samstarf um úrlausnir

Ríkisstjórnin treystir á samvinnu við stjórnarandstöðuna, hagsmunasamtök heimilanna, aðila vinnumarkaðarins og bankana um lausnir á skuldamálum heimila og fyrirtækja.

Þakka björgunarsveitarfólki

Ættingjar Andrésar Tómas­sonar, sem fannst látinn í Kleifarvatni í fyrradag, vilja koma á framfæri innilegum þökkum til lögreglu, björgunarsveita og allra þeirra sem tóku þátt í leitinni með einum eða öðrum hætti.

Sýnir og gefur myndir án leyfis höfundanna

Ljósmyndir eftir tvo myndasmiði sem eru í verki Ólafs Elíassonar, Cars in Rivers, eru notaðar án heimildar höfundanna. Þær myndir eru úr albúmi sem skálaverðir Ferðafélags Íslands í Langadal í Þórsmörk settu saman.

Oddný stýrir fjárlaganefnd fyrst kvenna

Oddný G. Harðardóttir, Samfylkingunni, verður kosin nýr formaður fjárlaganefndar á fundi hennar á föstudag, samkvæmt heimildum Fréttablaðsins. Eftir því sem blaðið kemst næst hefur kona aldrei fyrr gegnt formennsku í nefndinni.

Blésu lífi í flogaveikan mann

„Maðurinn var orðinn alveg blár þegar þeir komu með hann upp úr. Svo blésu þeir lífi í hann. Það var algjör unaður að sjá fólkið að störfum, það gerði allt rétt,“ segir Birkir Guðjónsson sundlaugargestur.

Bekkjum forðað tímabundið

Starfsmenn Umhverfissviðs Reykjavíkurborgar fjarlægðu í gær nokkra garðbekki af Austurvelli. Sjö bekkir voru bornir á bálið á mótmælunum síðastliðið mánudagskvöld og því var ákveðið að fjarlægja þá sem eftir voru tímabundið, til að fyrirbyggja frekari skemmdir.

Vilja koma í veg fyrir sjálfsvíg

Yfirvöld í nokkrum bandarískum borgum leita nú leiða til að koma í veg fyrir sjálfsvíg á opinberum stöðum.

Flagga í hálfa stöng vegna áforma stjórnvalda

Stéttarfélögin í Þingeyjarsýslum hafa sent frá sér yfirlýsingu vegna tillagna stjórnvalda um niðurskurð til reksturs Heilbrigðisstofnunar Þingeyinga. Þar fordæma þau „glórulausar" tillögur stjórnvalda og segja þær lýsa algeru þekkingarleysi ríkisvaldsins á staðháttum, starfsemi og starfssvæðinu „sem nær yfir báðar Þingeyjarsýslurnar eða um 17% af landinu."

Ljósmæður segja ríkið hafi sóað langri jafnréttisþróun

Stjórn Ljósmæðrafélags Íslands mótmælir „þeim ömurlegu" sængurgjöfum sem ríkið býður foreldrum. Félagið afþakkar þær fyrir hönd foreldranna. Í yfirlýsingu frá félaginu segir að Íslendingar hafi stysta fæðingarorlof allra Norðurlandabúa. Ríkið hafi sóað áralangri jafnréttisþróun.

Engin samstaða náðist á fundinum - þjóðstjórn ekki tímabær

Engin samstaða náðist á fyrsta fundi forystumanna ríkisstjórnarinnar og stjórnarandstöðunnar um aðgerðir handa skuldsettum heimilum. Forsætisráðherra segir að finna verði lausn á vandanum sem fyrst en telur ekki tímabært að mynda þjóðstjórn.

Verktakar börðust grimmt um Suðurstrandarveg

Fimmtán verktakar börðust grimmt um að fá að leggja síðustu fimmtán kílómetra Suðurstrandarvegar en tilboð voru opnuð hjá Vegagerðinni í dag. Lægsta boð, frá Háfelli, hljóðaði upp á 179 milljónir króna og reyndist aðeins 41 prósent af kostnaðaráætlun. Næstlægsta boð átti Suðurverk, upp á 56 prósent af áætlun.

Bjartsýnn um Búðarhálsvirkjun

Lægsta boð í vélbúnað Búðarhálsvirkjunar reyndist 85 prósent af kostnaðaráætlun og kveðst forstjóri Landsvirkjunar nú bjartsýnn á að fjármögnun ljúki á næstu vikum og að framkvæmdir hefjist um áramót.

Prjónaði yfir sig

Ökumaður mótóhjóls prjónaði yfir sig á gatnamótum Kringlumýrarbrautar og Miklubrautar nú á sjötta á tímanum.

Vilja ekki skoða hugmyndir frá stjórnarandstöðu

Fundi leiðtoga stjórnarflokkanna, með forystumönnum stjórnarandstöðunnar, lauk nú rétt fyrir klukkan fimm. Fréttmaður Stöðvar 2 og Vísis ræddi við leiðtoga stjórnarandstöðunnar að fundi loknum og segir að ekki sé að skilja að neinar heildstæðar hugmyndir séu um lausnir á skuldavanda heimila.

Birgitta ber í tunnur

Þingmenn ræða enn fjárlagafrumvarp fyrir næsta ár en 1. umræða um það hófst klukkan tvö í dag. Það aftrar þó ekki þingkonunni Birgittu Jónsdóttur frá því að taka þátt í mótmælunum en hún hefur staðið á Austurvelli í dag á meðal annarra mótmælenda og barið í tunnur.

Niðurskurði á Austurlandi harðlega mótmælt

Stjórn Sambands sveitarfélaga á Austurlandi (SSA) mótmælir harðlega niðurskurðaráformum stjórnvalda, er varða Heilbrigðisstofnun Austurlands eins og þau koma fram í framlögðu frumvarpi til fjárlaga 2011.

Einlæg skilaboð ráðamanna til AGS: „Very truly yours"

Venjan er að stjórnvöld sendi Alþjóðagjaldeyrissjóðnum viljayfirlýsingu samhliða hverri endurskoðun á efnahagsáætlun Íslands.

Austurvöllur í gærkvöldi: „Allir á sama máli“ - myndband

Sjaldan eða aldrei hafa jafn margir mætt á Austurvöll til þess að mótmæla ástandinu í þjóðfélaginu en í gærkvöldi. Talið er að um átta þúsund manns hafi verið á svæðinu þegar mest var og Andri Ólafsson, fréttamaður Stöðvar 2 tók nokkra þeirra tali.

Varasamt að sitja með fartölvur í kjöltunni

Læknar hafa varað fólk við að sitja með fartölvur í kjöltunni langtímum saman. Það getur valdið varanlegum húðskemmdum.

Fámenn en hávær mótmæli

Mótmælin á Austurvelli sem boðað var til klukkan tvö í dag eru fámenn en hávær, segir fréttamaður Stöðvar 2 og Vísis sem staddur er í þinghúsinu. Hún segir að um það bil tíu manns séu á Austurvellli og berji í tunnur. Hávaðinn frá þeim heyrist greinilega inn í Alþingishúsið.

Neandertalsmenn voru vænstu skinn

Nýjar rannsóknir benda til þess að Neandertalsmenn hafi ekki verið þeir nautheimsku ruddar sem hingaðtil hefur verið talið.

Forsætisráðherra telur að landsdómsmálið spilli ekki samstarfi

Jóhanna Sigurðardóttir forsætisráðherra fundar með leiðtogum stjórnarandstöðunnar núna klukkan fjögur um mögulegt samstarf milli stjórnar og stjórnarandstöðu. Jóhanna var spurð að því í dag hvort að hún óttaðist að að landsdómsmálið yrði til þess að spilla samstarfi

Bretar skera börn og atvinnulausa

Breska ríkisstjórnin ætlar að setja þak á atvinnuleysisbætur og fella niður barnabætur til hálaunafólks. Þetta er liður í uppstokkun á velferðarkerfinu.

Ódýr íbúð til sölu í Róm

Íbúð hefur verið auglýst til sölu í Róm. Ásett verð er 7.6 milljónir króna. Sem sýnist fjári gott verð. Þangaðtil þú ferð að lesa smáa letrið.

Mótmæli ekki ætluð börnum

Það er almennt ekki rétt að börn séu höfð með í mótmælum eins og þau fóru fram í gær. Þó að það sé brýnt að þjálfa börn í lýðræðislegri þátttöku voru aðstæður þetta kvöld ekki við hæfi barna, segir Umboðsmaður barna í pistli á vefsíðu sinni.

Greiðslur til feðra dragast saman

Sparnaðaraðgerðir Fæðingarorlofssjóðs hafa bitnað einna mest á meðalútgjöldum til feðra. Munur á greiðslum Fæðingarorlofssjóðs til mæðra og feðra hefur farið minnkandi frá því feðrum var fyrst veitt feðraorlof árið 2001. Meðalútgjöld til feðra voru 82,5 prósentum hærri til feðra en mæðra þetta fyrsta ár sem báðir foreldrar gátu tekið orlof vegna fæðingar. Bráðabirgðatölur ársins 2010 gefa til kynna að bilið milli feðra og mæðra sé enn að minnka og eru meðalútgjöld til feðra samkvæmt þessum tölum 29,1% hærri en útgjöld til mæðra.

Myntkörfulán að sliga mörg Evrópuríki

Það var víðar en á Íslandi sem fólk tók lán í erlendri mynt í góðærinu. Það gerðu einnig milljónir manna í öðrum Evrópulöndum. Ekki síst í Austur-Evrópu.

Skuldavandi heimila verði strax settur á dagskrá

Aldrei hef ég orðið vitni að slíkum mótmælum og fóru fram í gærkvöldi, sagði Ólöf Nordal, varaformaður Sjálfstæðisflokksins, við upphaf þingfundar í dag. Hún sagði að þúsundir manna sem væru að missa lífsviðurværi sitt hefðu mótmælt á Austurvelli í gær. Við þessu yrði að bregðast strax og taka tafarlaust á dagskrá Alþingis umræður um skuldavanda heimilanna.

Vill kjósa til Alþingis í vor

Jón Gunnarsson, þingmaður Sjálfstæðisflokksins, vill kjósa til Alþingis í vor. Að hans mati er núverandi ríkisstjórn ekki vaxin þeim vanda sem samfélagið stendur frammi fyrir.

Jóhanna segir þjóðstjórn ekki í myndinni

Jóhanna Sigurðardóttir forsætisráðherra segir að þjóðstjórn sé ekki lausn á þeim vanda sem nú er glímt við. Fyrsta markmiðið er að mati hennar að ná einhverskonar sátt og samstöðu um leiðir til þess að ná utan um skuldavanda heimilanna.

Saksóknari Alþingis kjörinn á morgun

Það ræðst væntanlega ekki fyrr en á morgun hvort að Sigríður Friðjónsdóttir mun taka að sér embætti sérstaks saksóknara í máli Alþingis gegn Geir H.

Jóhanna: Einkavæðing félagslega íbúðakerfisins mistök

Forsætisráðherra viðurkenndi í gær að einkavæðing félagslega íbúðakerfisins hafi verið mistök. Hún upplýsti jafnframt að þegar hefði verið lagður grunnur að kaupleigukerfi hjá Íbúðalánasjóði.

Hrina mótmæla vegna niðurskurðar á landsbyggðinni

Hávær hrina mótmæla er hafin í þeim byggðum á landsbyggðinni sem þurfa að taka sig stórfelldan niðurskurð í heilbrigðisþjónustu. Á Húsavík er búið að boða til borgarafundar á fimmtudag.

Aftur boðað til mótmæla

Hópurinn sem boðaði til mótmæla gærkvöldsins hvetur fólk til þess að mæta á Austurvöll á ný í dag. Þingfundur hefst klukkan tvö í dag og á Facebook síðu hópsins er bent á að umræðuefni dagsins á þingi sé fjárlagafrumvarpið. „Samkvæmt því er boðaður gífurlegur niðurskurður í heilgbrigðis- og menntamálum. Engar kjarabætur fyrir bótaþega og engar úrbætur fyrir húsnæðislánagreiðendur. Þetta þýðir að við fáum eingöngu meira af því sama þrátt fyrir það að mörg okkar erum þegar komin í þrot," segir á Facebook síðunni.

Nokkrir ófriðarseggir skáru sig úr hópi friðsamra mótmælenda

Stefán Eiríksson lögreglustjóri segist vera afar sáttur við framgöngu lögreglumanna í gærkvöldi. „Aðgerðirnar gengu afar vel upp. Við höfðum góða stjórn á þessu verkefni alveg frá fyrstu mínútu til hinar síðustu,“ segir Stefán í samtali við Vísi.

Stefnuræða Jóhönnu í heild sinni

Jóhanna Sigurðardóttir forsætisráðherra hélt stefnuræðu sína á Alþingi í gærkvöldi. Hún birtist hér í heild sinni.

Geimtíkin Laika hlaut ömurlegan dauðdaga

Rússneska tíkin Laika varð heimsfræg árið 1957 þegar hún varð fyrsta lífveran sem send var á braut um jörðu í geimfarinu Sputnik 2.

VÍS er stærsti eigandi Pressunnar

Vátryggingafélag Íslands hf. (VÍS) er stærsti eigandi Vefpressunar ehf. með um 33% eignarhlut. Vefpressan rekur vefmiðilinn pressan.is . Aðrir eigendur eru Björn Ingi Hrafnsson (26,37%), Salt Investment (23,08%) og Arnar Ægisson (17,58%).

Bíll Steingríms beyglaður og framrúðan brotin - myndir

Ráðherrabíll Steingríms J. Sigfússonar fjármálaráðherra er töluvert skemmdur eftir mótmæli gærkvöldsins. Hópur mótmælenda umkringdi ráðherrann þegar hann ók frá Alþingishúsinu að þingfundi loknum.

Fasískir fánar og jarðvegur fyrir lýðskrumara

Eiríkur Bergmann stjórnmálafræðingur segir upplausnarástand ríkja í íslenskum stjórnmálum og bendir á að ríkisstjórnin hefur ekki haft meirihluta fyrir stefnumálum sínum á Alþingi. „Það er líklega það sem mun sprengja þessa ríkisstjórn og enda þessa fyrstu vinstri stjórn landsins. Það er auðvitað svolítið kaldhæðnislegt ef það á að vera vinstri armur Vinstri grænna sem á endanum sprengir fyrstu stjórn landsins," segir hann.

Ljónin gerðu árás -myndband

Mikil skelfing greip um sig í sirkus í Úkraínu þegar ljónin réðust á temjara sína. Ekki einusinni heldur mörgum sinnum.