Viðmiðunarmörk vegna gosöskunnar voru færð til

Flugbannið í Evrópulöndum stóð í tæpa viku og varð til þess að fella þurfti niður meira en 100 þúsund flugferðir. Beinn kostnaður flugfélaga er kominn yfir 200 milljarða króna að mati alþjóðlegu flugmálastofnunarinnar IATA, og ómæld eru þá hvers kyns óþægindi flugfarþega sem urðu innlyksa víðs vegar um Evrópu sem og annarra er treystu á vöruflutning með flugvélum.

Vilja ekki hús í fuglafriðland

Sjálfstæðismenn í umhverfis- og skipulagsnefnd Árborgar gagnrýna ákvörðun meirihlutans um að reisa 200 fermetra þjónustuhús í fuglafriðlandi á bökkum Ölfusár ofan við Eyrarbakka. „Við fögnum bættu aðgengi að friðlandinu en leggjumst gegn samkeppni sveitarfélagsins í kaffisölu. Nær væri að beina fjármagni sveitarfélagsins í kynningarstarf á fuglafriðlandinu,“ segir í bókun sjálfstæðismanna.

Getum margt lært af Íslandi

Þýskaland Þýska þingið samþykkti með yfirgnæfandi meirihluta að heimila Evrópusambandinu að hefja aðildarviðræður við Ísland.

Færeyingar heiðra Vigdísi

Ræðismaður Færeyja afhenti Vigdísi Finnbogadóttur heiðursgjöf frá Færeyingum á áttatíu ára afmæli forsetans fyrrverandi. Gjöfin, loforð um nítján milljónir króna á núverandi gengi, 825.000 danskar, eiga að renna til Stofnunar Vigdísar Finnbogadóttur í erlendum tungumálum.

Aukin harka í kappræðum

Gordon Brown, forsætisráðherra Bretlands og leiðtogi Verkamannaflokksins, sagði andstæðinga sína, þá Nick Clegg, leiðtoga Frjálslynda demókrataflokksins, og David Cameron, leiðtoga Íhaldsflokksins, báða vera hættulega Bretlandi í sjónvarpskappræðum þeirra í gærkvöld. Meiri harka var í kappræðunum nú en fyrir viku, en allra augu beindust að Nick Clegg sem óvænt stóð sig það vel í fyrstu kappræðunum að flokkarnir þrír standa nú nokkuð jafnt að vígi fyrir þingkosningarnar 6. maí.- gb

Björgólfur Thor verður þér góður vinur

Actavis naut stuðnings Ólafs Ragnars Grímssonar, forseta Íslands, til að hasla sér völl í lýðveldinu Serbíu.

Obama taki ábyrgð

Vinsældir Barack Obama, forseta Bandaríkjanna, hafa aukist um 3% og segjast nú 46% Bandaríkjamanna vera ánægðir með störf hans. Jafnmargir segjast vera ósáttir við störf hans sem forseta. Þetta kemur fram í skoðanakönnun bandarísku sjónvarpsstöðvarinnar Fox News.

Fundar með Ísraelum og Palestínumönnum

George Mitchell, sérstakur erindreki Bandaríkjastjórnar í málefnum Mið-Austurlanda, er á leið Ísraels og Palestínu. Hann hyggst reyna hvað hann getur til að fá Ísraela og Palestínumenn til að setjast á nýjan leik við samningaborðið.

Neyðarfundur í kjölfar sprenginga í Bangkok

Að minnsta kosti þrír eru látnir og meira en 80 eru særðir eftir að fimm sprengjur sprungu í dag í Bangkok, höfuðborg Tælands, í dag. Meðal hinna særðu eru útlendingar. Í framhaldinu kallaði forsætisráðherrann Abhisit Vejjajiva ríkisstjórn landsins saman til neyðarfundar.

Líkur á að ferðaáætlanir þúsunda manna raskist

Líkur eru á að tveimur stærstu flugvöllum landsins í Keflavík og Reykjavík verði lokað í fyrramálið vegna öskufalls. Þar með raskast ferðaáætlanir þúsunda manna í millilanda- og innanlandsflugi. Flugvellirnir á Egilsstöðum og á Akureyri taka við millilandaflugi og Icelandair flytur miðstöð sína til Glasgow í Skotlandi.

Fleiri vilja Dag heldur en Hönnu Birnu

Fleiri vilja að Dagur B. Eggertsson verði borgarstjóri en Hanna Birna Kristjánsdóttir, ef marka má niðurstöður könnunar sem Capacent vann fyrir Samfylkinguna. Dagur nýtur meira fylgis hjá konum.

Flugi til London flýtt

Flugi Iceland Express til London Gatwick hefur verið flýtt til klukkan 23 í kvöld, en vélin átti að fara í loftið í fyrramálið klukkan 7. Ástæðan er væntanleg lokun Keflavíkurflugvallar í fyrramálið. Farþegar sem eiga bókað flug með félaginu eru beðnir að fylgjast vel með, því áætlun getur breyst með stuttum fyrirvara.

Vill að iðnaðarnefnd komi saman

Gunnar Bragi Sveinsson, þingflokksformaður Framsóknarflokksins, hefur óskað eftir því að iðnaðarnefnd Alþingis komi saman til að ræða stöðu ferðaþjónustunnar vegna eldgossins í Eyjafjallajökli.

Mótmæla fyrir utan höfuðstöðvar Sky

Aðrar sjónvarpskappræður leiðtoga þriggja stærstu stjórnmálaflokka Bretlands fara fram klukkan sjö að íslenskum tíma. Mikill fjöldi mótmælenda eru samankomnir fyrir utan höfuðstöðvar Sky sjónvarpsstöðvarinnar sem sýnir beint frá kappræðunum. Í hópnum eru andstæðingar stríðsrekstrar Breta í Írak og Afganistan áberandi.

Flugvöllum líklega lokað á morgun

Allar líkur eru á að Keflavíkurflugvöllur og Reykjavíkurflugvöllur lokist í fyrramálið vegna öskustróks frá Eyfjallajökli en spáð er suðaustan átt á morgun.

Aska féll norðan og sunnan við eldstöðina

Samkvæmt upplýsingum Landhelgisgæslunnar reis gufumökkurinn í eldstöðinni á Eyjafjallajökli í um 18.000 feta 6 km hæð seinnipartinn í dag. Aska féll bæði norðan og sunnan við eldstöðina og náði öskumökkurinn í um 14.000 feta (4,5–5 km) hæð, að fram kemur í tilkynningu frá samhæfingarstöð almannavarna.

Sinubruni í Hafnarfirði

Töluverður sinubruni varð í grennd við Vallarhverfi í Hafnarfirði í dag. Slökkvilið höfuðborgarsvæðisins var tvívegis kallað út vegna þessa og reyndist erfitt að slökkva eldanna þar sem bruninn kom upp í mosa og hrauni. Á fimmta tímanum var búið að ná slökkva eldinn sem kom upp seinnipartinn í dag.

Höfundum South Park hótað

Höfundum teiknimyndaþáttanna South Park hefur verið hótað líkamsmeiðingum eftir að Múhameð spámaður birtist í þættinum í bjarnarbúningi. Þættirnir hafa alla tíð þótt umdeildir og höfundarnir Matt Stone og Trey Parker oft þurft að svara fyrir efni þáttanna.

Forsetinn heimsótti í samhæfingarstöð almannavarna

Ólafur Ragnar Grímsson, forseti Íslands, heimsótti í morgun Samhæfingarstöðina í Skógarhlíð. Haraldur Johannessen, ríkislögreglustjóri. og Ragna Árnadóttir, dómsmálaráðherra tóku á móti forsetanum sem sat síðan upplýsingafund með fulltrúum ýmissa aðila sem manna samhæfingarstöðina.

Søren Langvad handhafi Verðlauna Jóns Sigurðssonar

Hátíð Jóns Sigurðssonar var haldin í Jónshúsi í Kaupmannhöfn í dag, sumardaginn fyrsta. Markmiðið með hátíðinni er að heiðra minningu Jóns Sigurðssonar og halda á loft verkum hans og hugsjónum. Stjórn húss Jóns Sigurðssonar hefur umsjón með hátíðinni með fulltingi forseta Alþingis og forsætisnefndar.

Obama skipar sendiherra á Íslandi

Barack Obama, forseti Bandaríkjanna hefur skipað Luis E. Arreaga til að gegna embætti sendiherra Bandaríkjanna á Íslandi. Bandaríkjamenn hafa ekki verið sendiherra hér á landi í tæpt ár.

Tveir í varðhaldi eftir húsleitir á Akureyri

Síðastliðið þriðjudagskvöld framkvæmdi lögreglan á Akureyri viðamiklar húsleitir á þremur stöðum samtímis á Akureyri vegna gruns um fíkniefnamisferli. Í tilkynningu frá lögreglunni segir að hald hafi verið lagt á 1,2 kíló af ætluðu amfetamíni og rúmlega 100 grömm af hassi. Einnig hafi fundist rými sem ljóst sé að hafði verið notað til kannabisframleiðslu og þar hafi verið lagt hald á tólf ljósalampa og annan búnað til slíkrar framleiðslu. Auk þessa var lagt hald á búnað til landaframleiðslu.

Ríkisstjórn Belgíu fallin

Ríkisstjórn Belgíu er fallin eftir að forsætisráðherrann Yves Leterme tilkynnti um afsögn sína í dag. Það gerði hann kjölfar þess að einn af stjórnarflokkunum ákvað að slíta stjórnarsamstarfinu. Erfiðasta verkefni stjórnarinnar hefur verið að halda í skefjum deilum Vallóna og Flæmingja, sem búa hvorir í sínum helmingi landsins.

Fólk á öskusvæðinu noti klúta eða grímur

Freysteinn Sigmundsson, jarðeðlisfræðingur, segir ljóst að flúorinnhald gjósku hefur aukist eftir að kvikan hætti að fara í gegnum vatn í gosgígnum á Eyjafjallajöli. Gosaska í grennd við eldstöðvarnar á getur haft í för með sér ertingu og særindi í hálsi, sérstaklega fyrir fólk með astma.

Vill þingkosningar

Sigmundur Davíð Gunnlaugsson, formaður Framsóknarflokksins, vill ganga til kosninga sem fyrst þegar uppgjöri eftir bankahrunið verður lokið. Bjarni Benediktsson, formaður Sjálfstæðisflokksins, er sömu skoðunar og segir að ríkisstjórnin þurfi að fara frá því hún standi í vegi fyrir uppbyggingu og framförum í landinu.

Aðstoða bændur

Að sögn Kristínar Þórðardóttir, staðgengils sýslumanns á Hvolsvelli, eru 25 teymi með 120 félögum björgunarsveita Slysavarnarfélagsins Landsbjargar víðs vegar að af landinu að aðstoða bændur á um 20 bæjum undir Eyjafjöllum með ýmsum hætti.

Öskuský á leið til Danmerkur

Öll flugumferð frá Íslandi hefur verið samkvæmt áætlun í morgun en svo gæti farið að flugvöllum yrði lokað í Danmörku í kvöld.

Alþjóðlegir friðargæsluliðar verði sendir til Tælands

Nokkur hundruð mótmælendur komu saman í friðsömum mótmælum fyrir utan svæðisskrifstofu Sameinuðu þjóðanna í Bangkok í Tælandi í dag og kröfðust þess að alþjóðlegir friðargæsluliðar verði sendir til landsins til að fylgjast með ástandinu þar.

Greiða atkvæði um bann við höfuðslæðum

Belgíska þingið greiðir atkvæði í dag um frumvarp sem bannar klæðnað íslamskra kvenna á almannafæri sem alfarið hylur andlit þeirra og líkama. Belgía yrði þar með fyrsta landið í Evrópu sem bannaði slíkan klæðnað með lögum. Málið hefur verið afgreitt út úr nefnd í belgíska þinginu með atkvæðum allra flokka á þingi. Níkap sem er klæðnaður sem hylur allan líkamann og allt andlitið nema augun verður bannaður ásamt Búrku sem einnig hylur augun.

Áfram virkni í jarðskorpunni

Á upplýsingafundum sérfræðinga í Skógarhlíð og á Hvolsvelli í morgun kom fram að lítil aska féll úr gosinu í Eyjafjallajökli í gær og gosvirkni var róleg á yfirborðinu. Þóranna Pálsdóttir, veðurfræðingur, og Steinunn Jakobsdóttir, jarðeðlisfræðingur, voru í Skógarhlíð og greindu frá stöðunni og útskýrðu veður- og öskudreifingarspá en á annan tug erlendra blaðamanna auk fulltrúa erlendra sendiráða sátu fundinn. Fram kom að yfirborð eldstöðvarinnar er rólegt og þar sem vatn virðist lítið hefur sprengivirkni farið minnkandi. Órói kemur áfram fram á mælum Veðurstofunnar sem þýðir að virkni er áfram í jarðskorpunni.

Bílvelta skammt frá Smáralind

Bíll valt á Reykjanesbraut skammt frá verslunarmiðstöðinni Smáralind á níunda tímanum í morgun. Einn var í bílnum og reyndist ökumaðurinn ómeiddur og þurfti ekki að flytja hann á sjúkrahús. Maðurinn sem er 32 ára er grunaður um að hafa ekið undir áhrifum áfengis.

Vegfarendur sýni aðgát á öskusvæðinu

Suðurlandsvegur er opinn almennri umferð en vegfarendur eru engu að síður beðnir að sýna fyllstu aðgát, bæði vegna ösku og vegna þess að aðeins er um bráðabirgðaviðgerð á veginum að ræða. Vegagerðin biður vegfarendur um að sýna aðgát á öskusvæðinu. Ef blotnar í ösku á yfirborði vegar getur myndast hálka eða jafnvel fljúgandi hálka.

Stjórnvöld í Evrópu undirbúi sig fyrir Kötlugos

Ólafur Ragnar Grímsson, forseti Íslands, hvetur stjórnvöld í Evrópu og flugmálayfirvöld alls staðar í heiminum að hefja undirbúning vegna hugsanlegs Kötlugoss. Hættan væri ekki liðin hjá og en það gætu liðið 5-15 ár þangað til gos hæfist í Kötlu. Þetta kom fram í máli forsetans í sjónvarpsviðtali í BBC, breska ríkisútvarpinu, í gærkvöldi.

Fyrsta degi sumars víða fagnað

Sumardagurinn fyrsti rann upp bjartur og fagur á höfuðborgarsvæðinu og víða um land þó víðsvegar væri nokkuð kalt. Á allmörgum stöðum verður þessu fyrsta degi sumars fagnað með skrúðgöngum og öðrum hátíðahöldum. Fjölskylduhátíðir verða í helstu hverfum Reykjavíkur í dag. Auk hverfahátíða verður barnamenningarhátíð í fullum gangi og þar er einnig að finna fjölbreytta dagskrá sem hægt að skoða hér.

Flugumferð frá Íslandi samkvæmt áætlun

Öll flugumferð frá Íslandi er samkvæmt áætlun og er flogið til Kaupmannahafnar, Oslóar og Stokkhólms. Að öllu óbreyttu verður flogið á alla áfangastaði íslensku flugfélaganna í dag. Vélarnar þurfa þó að fara lengri leiðir í sumum tilfellum vegna öskufalls.

Egill leiðir Samfylkinguna í Fjallabyggð

Framboðslisti Samfylkingarfélaganna í Fjallabyggð fyrir komandi bæjarstjórnarkosningar var nýverið samþykktur. Egill Rögnvaldsson, sem setið hefur í bæjarstjórn sem fulltrúi H-lista, sameiginlegs framboðs Samfylkingar, Vinstri grænna og óháðra á yfirstandandi kjörtímabili skipar efsta sæti listans.

Róleg nótt í grennd við gosstöðvarnar

Að sögn vettvangsstjórnar á Hvolsvelli hefur nóttin verið mjög róleg í grennd við gosstöðvarnar. Rétt fyrir klukkan eitt í nótt varð örlítil aukning á vatnsrennsli í Markarfljóti og barst nokkur krapi með en þegar leið að morgni hafði vatnsmagn ekki aukist frekar í ánni. Frá eldstöðvunum má þó enn finna markvissan takt umbrotanna.

Sleginn í höfuðið

Skemmtanahald í gærkvöldi og nótt fór vel fram og án teljandi afskipta lögreglu. Einn var sleginn í höfuðið á dansleik í Borgarnesi. Maðurinn er ekki mikið slasaður, að sögn lögreglu. Þá voru tveir ökumenn stöðvaðir grunaðir um ölvunarakstur í Reykjavík og Borgarnesi í nótt.

Veltast um af hlátri við að segja Eyjafjallajökull -myndband

Þótt eldgosið í Eyjafjallajökli hafi lítið gert til þess að skemmta heimsbyggðinni hafa menn þó hlegið sig máttlausa að tilraunum erlendra fréttamanna til að bera nafnið fram.

Þrír fluttir á sjúkrahús eftir bílveltu

Þrír voru fluttir á sjúkrahús með minniháttar meiðsl eftir að fólksbíll valt á þjóðveginum norðan við Akureyri um þrjúleitið í nótt. Fimm ungmenni fædd árið 1992 voru í bílnum. Ökumaðurinn missti stjórn á bílnum en mikil hálka er á svæðinu, að sögn lögreglunnar á Akureyri. Bíllinn er afar illa farinn eftir veltuna.

Missti sjónar á góðum gildum

„Því verður ekki með orðum lýst, hvernig mér líður vegna mistaka minna og afleiðinga þeirra. Þær yfirsjónir verða ekki aftur teknar. Við það verð ég að lifa.“ Þetta segir Jón Ásgeir Jóhannesson í grein sem hann skrifar í Fréttablaðið í dag.

Minnisvarði um Sveinbjörn allsherjargoða

Minnisvarði um Sveinbjörn Beinteinsson, fyrsta allsherjargoða Ásatrúarfélagsins og rímnaskálds, verður vígður við hátíðlega athöfn í Öskjuhlíð í dag.

Vill alþingiskosningar eftir uppgjörið

Bjarni Benediktsson, formaður Sjálfstæðisflokksins, kallaði eftir því að kosið verði til þings eftir að uppgjörinu eftir hrunið er lokið. „Ég vil kosningar sem snúast um framtíðina,“ sagði Bjarni á opnum fundi í Valhöll í gær. Þar

Ekkert svigrúm fyrir frekari niðurskurð

Tryggingastofnun mun líklega hafa fjárhagslega burði til að taka á sig aukin fjárútgjöld vegna skerðingar á lífeyrisgreiðslum frá flestum stærstu lífeyrissjóðunum án aukaframlags úr ríkissjóði, segir Árni Páll Árnason, félags- og tryggingamálaráðherra.

Heilsuverndarstöðin má hýsa hótelrekstur

Eigendur gömlu Heilsuverndarstöðvarinnar á Barónsstíg hafa nú fengið leyfi skipulagsráðs Reykjavíkur til að breyta byggingunni í hótel fyrir Icelandair Hotels.