Mansal hefur aukist verulega

Mansal er vaxandi vandamál í Kína, að því er fram kemur í umfjöllun dagblaðsins South China Morning Post. Ástæðan er í blaðinu rakin til þess að karlar, einkum í sveitum landsins, eigi erfitt með að finna sér eiginkonur, þar sem þær sæki í auknum mæli í þéttbýlið í leit að fjölbreyttari vinnu.

Bensínstöð óafgreidd eftir þrjú ár í kerfinu

„Þetta eru alveg ótrúleg vinnubrögð. Ég bara botna ekkert í þessu,“ segir Eyjólfur Vilhelmsson, eigandi jarðarinnar Fögrubrekku í Hrútafirði, um áralangar tafir á að sveitarstjórn Bæjarhrepps afgreiði umsókn um heimild til að reisa bensínstöð á landi hans.

Öryggisverðir björguðu ekki 15 ára stúlku

Lögreglan í Seattle í Bandaríkjunum hefur nú til skoðunar mál þriggja öryggisvarða sem hjálpuðu ekki 15 ára gamalli stúlku þegar hópur ungmenna réðist á hana inni í strætóstöð fyrir skömmu.

Bretar óttast að þeir þurfi að taka þátt í björgunaraðgerðum

Bretar óttast að þeir verði neyddir til þess að taka þátt í að fjármagna björgunarpakka fyrir þau evrulönd sem kreppan hefur skollið hvað harðast á. Breskir þingmenn leggja hart að Gordon Brown, forsætisráðherra Breta, að einungis þjóðir sem eigi aðild að myntbandalagi Evrópu taki þátt í slíkum aðgerðum.

Fyrsti vinningur fór til Danmerkur og Finnlands

Það voru Dani og Finni sem skiptu með sér 1. vinningi í Víkingalottóinu í kvöld. Hvor um sig fékk að andvirði um 264 milljóna íslenskra króna í sinn hlut.

Íslendingar viðurkenndu Icesave skuldbindingar í desember 2008

Í drögum að lánasamningum íslenskra stjórnvalda við Breta og Hollendinga frá því 37 dögum áður en ríkisstjórn Sjálfstæðisflokks og Samfylkingar sprakk, má skilja að Íslendingar hafi gengist við

Erkiengillinn mun kæra til dóms- og mannréttindamálaráðuneytisins

Leif Ivar Kristiansen mun kæra ákvörðun Útlendingastofnunar um að vísa honum úr landi í gær til dóms- og mannréttindamálaráðuneytisins, samkvæmt heimildum fréttastofu.

Bjartsýni um fjármögnun Búðarhálsvirkjunar

Hluti jarðvinnu við Búðarhálsvirkjun fer í útboð strax á morgun og kveðst forstjóri Landsvirkjunar bjartsýnn á að unnt verði að bjóða út aðalverkþættina fyrir mitt ár. Fara þarf nýjar leiðir í fjármögnun sem gætu falið í sér tímabundna eignaraðild annarra fjárfesta í virkjuninni.

Icelandair velur milli Airbus A320 og Boeing 737-800

Ákvörðun um kaup á nýrri þotutegund fyrir flugflota Icelandair verður tekin fyrir í stjórn félagsins síðar í mánuðinum. Rætt er um kaup á allt að fimm þotum og stendur valið milli tveggja tegunda.

Enn skelfur jörð við Eldey

Snarpur skjálfti varð við Eldey um klukkan 17:21 í dag. Hann var 3,8 á Richter. Nokkur skjálftavirkni hefur verið þarna á svæðinu að undanförnu, en á mánudagskvöld mældust að minnsta kosti fjórir skjálftar þar yfir 3 stig á Richter.

Innflytjendur almennt með jákvæða upplifun af Íslandsdvöl

Innflytjendur á Íslandi virðast almennt hafa jákvæða upplifun af því að búa hér á landi þrátt fyrir sumir þeirra hafi upplifað ákveðna erfiðleika við komuna til landsins. Margir þeirra telja sig þó hafa orðið varir við aukna fordóma í þeirra garð á síðastliðnum árum. Þetta kemur fram í skýrslu sem byggir á viðtalsrannsókn sem Rannsóknamiðstöð Háskólans á Bifröst stóð fyrir á sumar og haustmánuðum 2009.

Bankster og Jöklar á Íslandi fengu bókmenntaverðlaunin

Forseti Íslands afhenti í dag Íslensku bókmenntaverðlaunin við hátíðlega athöfn á Bessastöðum. Guðmundur Óskarsson hlaut verðlaunin í flokki fagurbókmennta fyrir bók sína Bankster og Helgi Björnsson hlaut verðlaunin í flokki fræðibóka og bóka almenns efnis fyrir verkið Jöklar á Íslandi.

Fresta umræðum um hlýnun jarðar

Bandaríkjaþing hefur frestað umræðu um hlýnun jarðar og áhrif hennar á heilsufar almennings í Bandaríkjunum.

Nýjar myndir frá 11. september

Nýjar myndir hafa verið birtar af falli tvíburaturnanna í New York eftir hryðjuverkaárásina árið 2001.

ASÍ: Aðgerðir ríkisstjórnarinnar hafa verið í skötulíki

Miðstjórn ASÍ krefst nú þegar aðgerða af hálfu stjórnvalda til að bregðast við greiðsluvanda þeirra heimila sem verst standa. Í ályktun miðstjórnar sem samþykkt var í dag segir að ríkisstjórnin hafi haft heilt ár til að bregðast við fjárhagslegu hruni þúsunda heimila, en að aðgerðir hennar hafi verið í skötulíki.

Lagt til að sr. Óskar verði skipaður á Selfossi

Valnefnd Selfossprestakalls ákvað á fundi sínum þann 9. febrúar að leggja til að sr. Óskar Hafsteinn Óskarsson verði skipaður prestur í Selfossprestakalli. Embættið veitist frá 1. mars næstkomandi.

Stoppuðu handboltakappa sem var að missa af leik

Lögreglan stöðvaði för nítján ára pilts síðdegis í Reykjavík í gær en hann ók greitt og sveigði ótæpilega á milli annara bifreiða að sögn lögreglu. „Ungi maðurinn sagðist vera að fara að keppa í handbolta og því orðið að gefa í en í bílnum voru líka nokkrir félagar hans á svipuðum aldri sem vafalaust áttu líka að taka þátt í leiknum,“ að því er fram kemur í tilkynningu frá lögreglunni.

Össur fundaði aftur með Miliband

Össur Skarphéðinsson utanríkisráðherra átti í morgun fund með David Miliband, utanríkisráðherra Bretlands, í London. Í tilkynningu frá ráðuneytinu segir að Össur hafi farið yfir stöðuna í Icesave, samráð íslensku stjórnmálaflokkanna og hvaða möguleika íslensk stjórnvöld sæu til lausnar á Icesave deilunni.

Stendur ekki til að selja tæki HSS

Ekki stendur til að selja tæki í eigu Heilbrigðisstofnunar Suðurnesja samkvæmt upplýsingum frá heilbrigðisráðuneytinu. Fram kemur í yfirlýsingu sem stjórn Starfsmannafélags Suðurnesja sendi frá sér í morgun að ráðuneytið hyggist afla sér fjár með því að selja hluta af tækjum stofnunarinnar sem einkaðilar hafa gefið á undanförnum árum.

Minnt á markmið um hlut kvenna í stjórnum

Jafnréttisráð hefur sent frá sér ályktun um hlutdeild kvenna í stjórnun íslensks atvinnulífs þar sem skorað er á Félag kvenna í atvinnurekstri, Viðskipatráð Íslands og Samtök atvinnulífsins að beita áhrifum sínum til þess að ná sem fyrst fram markmiðum sínum um 40% hlut kvenna í stjórnum fyrirtækja.

Ekki reyna að flýta ykkur í Noregi

Noregur er eitt af ríkustu löndum í heimi. Albanía er eitt af fátækustu löndum í heimi. Á einu sviði hefur þó Albanía vinninginn; þar er betra vegakerfi.

White Stripes í mál við flugherinn

Dúóið White Stripes, sem skartar þeim Jack og Meg White, ætla að lögsækja varalið bandaríska flughersins fyrir að nota lag þeirra í auglýsingu. Flugherinn frumsýndi auglýsingu þar sem reynt er að fá ungt fólk til þess að skrá sig í herinn og fór hún í loftið á besta tíma, það er á meðan á úrslitaleiknum í ameríska fótboltanum stóð.

Jafnt kynjahlutfall í stjórnum fyrirtækja mikilvægt

Það er líklegra til árangurs að hafa jafnt hlutfall kynja í stjórnun fyrirtækja og hefur auk þess jákvæð árangur á skilvirkni og vinnulag. Þetta segir Þóranna Jónsdóttir, framkvæmdastjóri fjárfestingarfyrirtækisins Auður Capital.

Segir löggjöf um spilavíti „forkastanlega hugsun“

Setja þarf sérstaka löggjöf um rekstur spilavíta ef áform Icelandair og Arnars og Bjarka Gunnlaugssona eiga að verða að veruleika. Stjórnarþingmaður segir landið hafa verið eitt stórt spilavíti og segist aldrei ætla að styðja slíka löggjöf.

Aðalmeðferð lokið í mansalsmálinu

Aðalmeðferð í mansalsmálinu svokallaða lauk í Héraðsdómi Reykjaness í gær. Vænta má dóms innan fjögurra vikna. Þinghald í málinu er lokað fjölmiðlum og almenningi. Í málinu eru sex menn ákærðir. Fimm Litháar og einn Íslendingur.

Nauðsynlegt að breyta reglum hjá VG

Formaður kjörstjórnar Vinstri grænna segir nauðsynlegt að breyta kosningareglum flokksins í ljósi þeirrar kvörtunar sem barst eftir forval Vinstri grænna í Reykjavík um síðustu helgi.

Indriði svarar fullum hálsi

Indriði H. Þorláksson aðstoðarmaður fjármálaráðherra og einn samningamanna í Icesave samninganefnd Svavars Gestssonar, rífur niður grein Kristrúnar Heimisdóttur fyrrverandi aðstoðarmannas utanríkisráðherra um Icesave málið í Fréttablaðinu í dag. Hann segir samninga um Icesave hafa legið fyrir í tíð fyrri ríkisstjórnar, þar sem Ísland hafi gengist við lágmarksskuldbindingum vegna Icesave innistæðna.

Sonur Sivjar í framboði

Húnbogi Þorsteinsson, 25 ára gamall sonur Sivjar Friðleifsdóttur alþingismanns og fyrrverandi ráðherra, gefur kost á sér í prófkjöri Neslistans vegna komandi bæjarstjórnarkosninga á Seltjarnarnesi. Húnbogi sækist eftir 5. til 6. sæti. Móðir hans var 28 ára gömul þegar hún var fyrst kjörin í bæjarstjórn Seltjarnarness.

Fluttir til að vera étnir

Í Kenya er verið að safna saman þúsundum sebrahesta sem eiga að verða bráð fyrir ljón og hýenur.

Íslensku bókmenntaverðlaunin afhent í dag

Forseti Íslands mun í dag, 10. febrúar, afhenda Íslensku bókmenntaverðlaunin við hátíðlega athöfn á Bessastöðum. Athöfnin hefst klukkan fjögur.

Guðrún áfram oddviti VG í Hafnarfirði

Guðrún Ágústa Guðmundsdóttir, kennari og bæjarfulltrúi, mun líkt og fyrir fjórum leiða framboðslista Vinstri grænna í Hafnarfirði í komandi kosningum. Félagsfundur VG samþykkti fyrr í vikunni tillögu uppstillingarnefndar um röð ellefu efstu á lista flokksins.

Ríkið auki hagkvæmni innkaupa

Ríkisendurskoðun telur að ráðuneytin þurfi að gefa innkaupamálum aukið vægi í starfsemi sinni, setja sér tímasett og mælanleg markmið á þessu sviði og fylgjast með árangri undirstofnana sinna. Þetta kemur fram í nýrri skýrslu stofnunarinnar um innkaupastefnu ráðuneytanna. Þá er bent á að brýnt sé að innkaup séu merkt sérstaklega í bókhaldi ríkisins eftir innkaupaaðferð til að hægt sé að meta ávinning mismunandi aðferða. Þá þurfi fjármálaráðherra að setja samræmdar reglur um hvenær stofnunum sé heimilt að sneiða hjá rammasamningum. Í skýrslunni er fjármálaráðherra hvattur til að setja samræmdar siðareglur um opinber innkaup sem nái til allra ráðuneyta og stofnana.

Framkvæmdir við Búðarhálsvirkjun boðnar út

Landsvirkjun hefur ákveðið að óska eftir tilboðum í nokkra verkhluta vegna upphafsframkvæmda við Búðarhálsvirkjun: vinnu við gröft jarðganga, skurða og vatnsþróar og tilheyrandi styrkingu með sprautusteypu. Takist samningar um orkusölu og fjármögnum virkjunarinnar verða helstu áfangar framkvæmdarinnar boðnir út síðar á þessu ári, að fram kemur í tilkynningu frá Landsvirkjun.

Rafbyssa bjargaði allsberu vöðvatrölli

Hvorki lögreglukylfur piparúði né lögregluhundur dugðu til þess að yfirbuga allsbert sex feta vöðvatröll sem gekk berserksgang í bænum Viktoríu í Kanada um síðustu helgi.

Einelti í garð Heilbrigðisstofnunar Suðurnesja linni

Rekstur Heilbrigðisstofnunar Suðurnesja er ríkisvaldinu gjörsamlega ofviða og hringlandaháttur stjórnvalda dragi máttinn úr starfsfólki stofnunarinnar, að mati stjórnar Starfsmannafélags Suðurnesja. Stjórnin telur að tími sé kominn til að eineldi stjórnvalda í garð Heilbrigðisstofnunar Suðurnesja linni. Hátt í 50 félagsmenn félagsins starfa á heilbrigðisstofnunni.

160 manns fórust í snjóflóði í Afganistan

Að minnsta kosti 160 manns eru látnir eftir að nokkur snjóflóð féllu í fjölförnu fjallaskarði norður af Kabúl, höfuðborg Afganistans. Björgunarsveitir reyna nú að komast að fólki sem er fast í farartækjum sínum í skarðinu en talið er að nokkur hundruð manns séu enn fastir í skarðinu. Þegar hefur tekist að bjarga um 2500 manns. Frá því á mánudag hafa að minnsta kosti 24 snjóflóð fallið í skarðinu og því er tæplega fjögurra kílómetra vegarkafli lokaður af.

Palestinumenn við þröngan kost

Yfirmaður hjálparstofnunar Sameinuðu þjóðanna sem hefur með málefni palestínumanna að gera segir mikinn fjárskort blasa við.

Samfylkingin rannsaki þátt flokksins í bankahruninu

Mörður Árnason, varaþingmaður Samfylkingarinnar, segir að kannski sé kominn tími til að Samfylkingin rannsaki þátt flokksins í bankahruninu í stað þess að bíða skjálfandi eftir skýrslu rannsóknarnefndar Alþingis.

InDefence hvetur Íslendinga til að hafna Icesavelögunum

InDefence hópurinn hvetur Íslendinga til að hafna Icesavelögunum í komandi þjóðaratkvæðagreiðslu. Hópurinn boðar til blaðamannafundar í dag og markar sá fundur upphafið að starfi hanss í aðdraganda fyrirhugaðrar þjóðaratkvæðagreiðslu um nýju Icesavelögin sem Alþingi samþykkti í lok síðasta árs og forsetinn hafnaði að staðfesta.

Telja að 230 þúsund hafi farist á Haítí

Stjórnvöld á Haítí telja að 230 þúsund manns hafi farist í jarðskjálftanum sem reið yfir landið fyrir fjórum vikum. Þetta eru tæplega 20 þúsund fleiri en fyrri mat gerði ráð fyrir.

Páll Valur efstur í Grindavík

Páll Valur Björnsson sigraði í forvali Samfylkingarinnar í Grindavík sem fór fram í gær. Samfylkingin fékk tvo bæjarfulltrúa kjörna í kosningunum fyrir fjórum árum en þeir sóttust ekki eftir endurkjöri.

Áhættusækni tengist mögulega erfðum

Svæðið í heilanum sem stjórnar ótta fólks virkjast við þá tilhugsun eina að tapa peningum. Þetta leiddi rannsókn á tveimur konum með skemmdir í svæðinu í ljós en báðar voru hvergi bangnar við að leggja fé að veði.

Enn vantar snjó í Vancouver

Nú þegar einungis tveir dagar eru þangað til að Vetrarólympíuleikarnir í Vancouver í Kanada hefjast, hafa skipuleggjendur leikanna enn áhyggjur af snjóleysi og miklum hita. Meðalhiti á svæðinu hefur ekki mælst hærri í meira en 70 ár. Ástandið er einna verst í Cypress fjalli en þar verður keppt á sjóbrettum og í annarri skíðafimi. Flutningabílar og þyrlur hafa verið notaðir til þess að flytja snjó á keppnisbrautirnar.

Réttað yfir hryðjuverkamanni

Réttarhöld yfir karlmanni sem átti aðild að hryðjuverkaárásnum á tvö bandarísk glæsihótel í Jakarta, höfuðborg Indónesíu, í júlí á síðasta ári hófust í gær. Hann er fyrsti maðurinn sem réttað er yfir vegna árásanna en maðurinn á yfir höfði sér dauðadóm.

Ólafur vill leiða VG áfram í Kópvogi

Ólafur Þór Gunnarsson, bæjarfulltrúi og öldrunarlæknir, býður sig fram í fyrsta sæti á lista VG í Kópavogi í forvali flokksins þann 27. Febrúar. Ólafur hefur verið bæjarfulltrúi VG í Kópavogi frá kosningunum 2006 og varaþingmaður flokksins í Suðvesturkjördæmi frá 2009. Hann er uppalinn í Kópavogi, og hefur búið þar stærstan hluta ævinnar. Helstu baráttumál Ólafs eru fjölskyldu- og velferðarmál, málefni aldraðra og gegnsæ stjórnsýsla, að fram kemur í tilkynningu.