Miskabætur vegna ofsókna hækkaðar

Karlmaður sem ofsótti tvo starfsmenn Fjölskylduþjónustunnar var dæmdur í tíu mánaða fangelsi en miskabætur voru hækkaðar úr þrjú hundruð þúsund upp í sex hundruð þúsund krónur í Hæstarétti Íslands. Maðurinn hafði haft ítrekað í ógeðfelldum hótunum við starfsmennina en barn hins dæmda hafði verið tekið af honum og var í fóstri.

Hæstiréttur mildar dóm yfir tíræðum kynferðisbrotamanni

Hæstiréttur mildaði í dag refsidóm yfir tíræðum karlmanni af Reykjanesi vegna kynferðisbrots sem maðurinn framdi gagnvart barnabarni sínu á árunum 1995-2004. Hæstiréttur dæmdi manninn í tveggja ára fangelsi en Héraðsdómur Reykjavíkur hafði áður dæmt hann í fjögurra ára fangelsi.

Logi býður sig fram í prófkjöri Samfylkingarinnar

Logi Már Einarsson, arkitekt, hefur ákveðið að bjóða sig fram þriðja sætið í prófkjöri Samfylkingarinnar í Norðausturkjördæmi. Hann hvetur kjósendur til þess að velja konu í annað af tveimur efstu sætunum.

Ari biður griða fyrir Björn Jörund

„Þetta er strákur sem á í vandræðum með vímuefni," segir Ari Matthíasson, fyrrum framkvæmdarstjóri SÁÁ, um fíkniefnahneykslið sem Björn Jörundur Friðbjörnsson lenti í þegar endurrit af samtali hans við dæmdan fíkniefnasala varð opinbert.

Tryggvi Þór sækist eftir þingsæti

Tryggvi Þór Herbertsson, prófessor í Hagfræði við Háskóla Íslands, hefur ákveðið að sækjast eftir 2. sæti á lista Sjálfstæðisflokksins fyrir næstu alþingiskosningar.

Viljayfirlýsing um Tónlistarhúsið undirrituð

Katrín Jakobsdóttir, menntamálaráðherra og Hanna Birna Kristjánsdóttir borgarstjóri, undirrituðu í dag viljayfirlýsingu um framkvæmdir við Tónlistarhús og ráðstefnumiðstöð við Austurhöfnina í Reykjavík. Menntamálaráðuneyti og Reykjavíkurborg eru sammála um mikilvægi þess að framkvæmdum við húsið verði fram haldið.

Styðja hugmyndir Ástu um jafna kynjaskiptingu

Stjórn Kvenréttindafélags Íslands tekur heilshugar undir hugmyndir Ástu Ragnheiðar Jóhannesdóttur, félags- og tryggingamálaráðherra, um að stjórnmálaflokkarnir setji sér reglur er varða kynjaskiptingu á framboðslistum, þannig að skipting kvenna og karla verði sem jöfnust.

Benedikt vill forystusæti í Norðausturkjördæmi

Benedikt telur að virkni hins almenna kjósanda í umræðunni síðustu mánuðina beri að túlka sem ákall eftir lýðræðisumbótum og að vaxandi þungi virðist vera í kröfunni um að stjórnmálamenn axli ábyrgð. Samfylkingin sé lýðræðislegur jafnaðarmannaflokkur og eigi ótvírætt að vera í fararbroddi siðbótar íslenskra stjórnmála. Því sé opið prófkjör hjá Samfylkingunni í kjördæminu sjálfsögð tilraun til að bjóða áhugafólki um félagshyggju og samfélagslegt réttlæti að taka þátt í endurnýjun forystusveitar flokksins í kjördæminu.

Fékk 1500 þúsund í bætur vegna vinnuslyss

Héraðsdómur hefur dæmt Síld og fisk ehf. til að greiða fyrrum starfsmanni sínum Ewu Zubrzycka rúmar 1500 þúsund krónur með vöxtum vegna slyss sem varð þegar að Ewa skar sig á kjötsög í vinnunni.

Sýknaðir af ákæru um að myrða Önnu Politkovskayu

Mennirnir þrír sem ákærðir voru fyrir morðið á rússnesku blaðakonunni Önnu Politkovskayu hafa allir verið sýknaðir. Fjórir menn voru sakaðir um aðild að morðinu, en Anna var skotin til bana fyrir utan heimili sitt í október árið 2007. Einn þeirra er fyrrverandi yfirmaður í lögreglunni. Aðeins þrír menn voru þó færðir fyrir dóm. Sá fjórði sem var sakaður um að hafa skotið hana er enn á flótta undan réttvísinni.

Hverfislöggæslu haldið áfram

Hverfislöggæslustöðvar verða áfram með fast aðsetur í þjónustumiðstöðvum borgarinnar. Hugmyndir um að leggja niður hverfislöggæslustöðvar í Breiðholti og Grafarvogi sem lagðar voru fram af hálfu lögreglunnar voru nýverið verið kynntar borgarstjóra.

Fimmtán ára dæmdur fyrir kynferðisbrot

Fimmtán ára gamall piltur var dæmdur í fjögurra mánaða fangelsi fyrir kynferðisbrot í Héraðsdómi Reykjaness í gær.

63 menn munu djöflast gegn persónukjöri

Hópur 63 sérhagsmunagæslumanna mun reyna allan djöfulskap til að koma í veg fyrir að hægt verði að bjóða upp á persónukjör í komandi þingkosningum. Þetta fullyrtu þeir Eiríkur Bergmann Einarsson og Jón Baldvin Hannibalsson um síðustu helgi. Þetta virðist nú vera að koma á daginn.

Borgarráð: Framkvæmdum við Tónlistarhúsið framhaldið

Borgarráð samþykkti á fundi sínum í dag að framkvæmdum við Tónlistar- og ráðstefnuhúsið verði framhaldið. Bókunin var samþykkt samhljóða í ráðinu, að sögn Óskar Bergssonar formanns borgarráðs. Sameiginleg yfirlýsing ríkis og borgar um framkvæmdina verður kynnt síðar í dag.

Slá milljónir af söluverði eigna

Raunverulegt íbúðaverð á höfuðborgarsvsæðinu er mun lægra en mælingar Fasteignamatsins sýna. Dæmi eru um að seljendur slái jafnvel tugi milljóna af söluverði dýrra eigna.

Efnahagshrun blasir við eyjunni Atígva vegna bandarísks auðjöfurs

Algjört hrun blasir við efnahagslífi á karabísku eyjunni Atígva vegna meintra fjársvika og peningaþvættis bandaríska auðjöfursins Allen Stanford. Bandarísk yfirvöld leita hans, en Stanford fór í felur eftir að ákæra var lögð fram gegn honum.

Útilokar ekki þingframboð

„Ég hef ekkert íhugað þetta sérstaklega," svarar bæjarstjóri Hafnarfjarðar, Lúðvík Geirsson hvort hann hyggi á framboð til Alþingis fyrir hönd Samfylkingarinnar í Suðvesturkjördæmi.

Konur áberandi hjá VG í Reykjavík

Útlit er fyrir að það verði spennandi barátta um efstu sæti á listum Vinstri grænna fyrir komandi alþingiskosningar. Forval verður haldið 7. mars næstkomandi og ljóst að margir hafa áhuga á að leiða listana.

Jórunn vill annað sætið í Reykjavík

Jórunn Frímannsdóttir Jensen, borgarfulltrúi gefur kost á sér í 2. sæti á lista Sjálfstæðisflokksins í Reykjavík í prófkjöri flokksins 13. og 14. mars næstkomandi.

Katrín Jakobs vill að ríkið eigi listaverk bankanna

Katrín Jakobsdóttir menntamálaráðherra segir eðlilegt að gerð verði tilraun til þess fá þau listaverk sem voru seld með bönkunum þegar þeir voru einkavæddir á sínum tíma.

Ungt fólk í mestum vanda

Ungar barnafjölskyldur eru viðkvæmastar því það eru skuldsettustu hóparnir sem eru með hlutfallslega hæstu greiðslubyrðina og flest börn á framfæri. Þetta kemur fram í nýrri samantekt hagdeildar Alþýðusambandsins um skuldir heimilanna.

Bubbi biður Björn Jörund afsökunar

Tónlistarmaðurinn og fyrrum Idol-dómarinn Bubbi Morthens biður Björn Jörund Friðbjörnsson afsökunar á heimasíðu sinni bubbi.is, í dag. Ástæða eru ummæli sem hann lét hafa eftir sér og birtust á Vísi í gær.

Tónlistarhúsið tekið í notkun 2011

Tónlistarhúsið sem nú rís við höfnina verður líklega klárað á árinu 2011 ef áætlanir standast. Þetta kom fram í máli Katrínar Jakobsdóttur menntamálaráðherra á þingi en Þorgerður Katrín Gunnarsdóttir forveri hennar í ráðuneytinu fagnaði því að lausn hafi fundist á málinu og að húsið verði klárað. Þær bentu báðar á að 600 störf hangi á spýtunni og muni um minna á tímum eins og nú eru uppi.

Ari gefur kost sér í prófkjöri VG

Ari Matthíasson, leikari og áður framkvæmdastjóri hjá SÁÁ, gefur kost á mér í 2. sæti á lista VG í Reykjavík.

Netprófkjör í Suðvesturkjördæmi

Á kjördæmaþingi Samfylkingarinnar í Suðvesturkjördæmi sem haldið var í Hafnarfirði í gærkvöldi var ákveðið að halda netprófkjör um fimm efstu sætin á framboðslista flokksins í kjördæminu dagana 12. til 14. mars. Þingið samþykkti að bjóða fram fléttulista í kosningunum í vor.

Valgerður Bjarnadóttir hættir í bankaráði Seðlabankans

Valgerður Bjarnadóttir hefur sent Guðbjarti Hannessyni forseta Alþingis bréf og óskað eftir lausn frá störfum í bankaráði Seðlabankans. Valgerður tók sæti í bankaráðinu í nóvember síðastliðnum þegar að Sigríður Ingibjörg Ingadóttir bað undan lausn frá störfum sínum eftir hrun efnahagskerfisins. Auk þess að hafa verið fulltrúi Samfylkingarinnar í bankaráði Seðlabankans er Valgerður Bjarnadóttir jafnframt varaþingmaður flokksins.

Gamla höfnin: Fleiri vinna hjá CCP en HB Granda

Fleiri starfsmenn starfa nú hjá tölveikjafyrirtækinu CCP sem er með höfuðstöðvar við gömlu höfnina í Reykjavík heldur en hjá hinu gamalgróna sjávarútvegsfyrirtæki HB Granda. Í nýrri skýrslu sem unnin hefur verið um atvinnustarfsemi við Gömlu höfnina kemur fram að fyrirtækjum á hafnarsvæðinu hefur í heild fjölgað verulega frá því árið 2004.

Ragnheiður Elín vill leiða lista í Suðurkjördæmi

Ragnheiður Elín Árnadóttir gefur kost á sér í fyrsta sæti á lista Sjálfstæðisflokksins í Suðurkjördæmi fyrir alþingiskosningarnar í vor,

Heilbrigðisráðherra flytur munnlega skýrslu

Ögmundur Jónasson, heilbrigðisráðherra, flytur munnlega skýrslu um heilbrigðismál á Alþingi í dag. Umræðan hefst klukkan ellefu og stendur í tvær klukkustundir.

Katrín sækist eftir endurkjöri

Katrín Jakobsdóttir, varaformaður Vinstrihreyfingarinnar-græns framboðs, sækist eftir að leiða lista flokksins í öðruhvoru Reykjavíkurkjördæminu og gefur kost á sér í forvali Vinstri-grænna í Reykjavík sem haldið verður 7. mars næstkomandi.

Óskar upplýsi um tengsl sín við Eykt

Ólafur F. Magnússon, borgarfulltrúi F-listans, hefur óskað eftir því að Óskar Bergsson, borgarfulltrúi Framsóknarflokksins og formaður borgarráðs, upplýsi um tengsl sín við byggingarfélagið Eykt. Ólafur vill einnig vita hverjir sátu umtalaðan ,,Framsóknarfögnuð" í Ráðhúsinu 14. nóvember. Hann segir að vísbendingar séu um að þar hafi vinir eða kunningjar Óskars einnig verið boðnir á kostnað borgarbúa.

Metfjöldi skráður í framhalds- og háskóla

Haustið 2008 voru fleiri skráðir nemendur á framhalds- og háskólastigi en nokkru sinni fyrr, eða 47.282. Í framhaldsskóla eru skráðir 29.271 og 18.011 nemendur í háskóla. Á milli áranna 2007 og 2008 fjölgaði skráðum nemendum um 2,6%. Fjölgunin er öllu meiri á framhaldsskólastigi, eða um 3,3%, á móti 1,6% á háskólastigi, eftir því sem fram kemur í tölum Hagstofunnar.

Netanyahu verður líklegast forsætisráðherra

Auknar líkur eru á því að hægrimaðurinn Benjamín Netanyahu, leiðtogi Líkúd-bandalagsins, verði næsti forsætisráðherra Ísraels. Avigdor Lieberman, leiðtogi öfgahægrisinnaða Ísrael Beiteinu flokksins, hvatti í morgun Shimon Peres, forseta Ísraels, til að veita Netanyahu stjórnarmyndunarumboð.

Gísli býður sig fram í Norðausturkjördæmi

Gísli Baldvinsson, náms- og starfsráðgjafi Akureyri, sækist eftir 4.-6. sæti á lista Samfylkingarinnar í Norðausturkjördæmi í næstu kosningum.

Netverslun vex fiskur um hrygg í Asíu

Verslun á Netinu hefur margfaldast í Asíu með stórbættum nettengingum og aðgangi að Netinu.

Enginn krepputónn í Óskarnum

Þrátt fyrir að menn hafi fundið rækilega fyrir efnahagsástandinu á Wall Street og í atvinnulífinu fær það ekki að teygja anga sína inn í Óskarsverðlaunahátíðina um helgina.

Lögregla í vanda vegna múslimareglna

Reglur múslima, um að ekki megi snerta einstakling af gagnstæðu kyni utan þeirra fjölskyldu, hafa vakið töluverðar umræður innan norsku lögreglunnar en þar starfa nú orðið nokkrar lögreglukonur sem játa múhameðstrú.

Netbankaþjófar gripnir í Kaupmannahöfn

Lögreglan í Kaupmannahöfn hefur haft hendur í hári bíræfinna netbankaþjófa og samverkamanns þeirra. Þjófnaðurinn fór þannig fram að samverkamaðurinn leyfði þjófunum, nokkrum útlendingum, að nota íbúð sína og tölvu.

Bresk lestarfargjöld hæst í Evrópu

Lestarfargjöld í Bretlandi eru þau langhæstu í Evrópu og eru sumar ferðir þar allt að fjórum sinnum dýrari en sambærilegar ferðir á meginlandinu. Stéttarfélög og farþegar almennt hafa lýst megnri óánægju sinni með að fargjöld í Bretlandi hafi hækkað langt umfram verðlag í landinu síðan rekstur lestanna var einkavæddur árið 1990 og ekki dregur það úr gremjunni að félögin sem reka lestirnar græða á tá og fingri.

Obama til bjargar heimilum

Heimilum allt að níu milljóna Bandaríkjamanna verður bjargað gangi áætlun Baracks Obama Bandaríkjaforseta eftir en hann hyggst verja 75 milljörðum dollara til aðstoðar fólki sem á yfir höfði sér að missa húsnæði sitt vegna vangoldinna afborgana.

Borgin tekur afstöðu til tónlistarhúss í dag

Borgarráð ákveður væntanlega í dag hvort Reykjavíkurborg tekur þátt í að ljúka við byggingu tónlistarhússins við Reykjavíkurhöfn en Katrín Jakobsdóttir menntamálaráðherra hefur lýst áhuga ríkisins á að gera það.

Aflífa þurfti hross eftir ákeyrslu

Ökumaður slapp ómeiddur en aflífa þurfti eitt hross eftir að ökumaðurinn ók inn í hrossastóð á Suðurlandsvegi á móts við bæinn Hvamm, á milli Selfoss og Hveragerðis undir miðnætti í gærkvöldi.

HÍ og Landbúnaðarháskólinn á Hvanneyri hugsanlega sameinaðir

Til greina kemur að sameina Háskóla Íslands og Landbúnaðarskólann á Hvanneyri. Þetta kemur fram í bréfi sem menntamálaráðuneytið sendi stjórnendum skólanna um miðjan febrúar.

Aðhyllist ekki pólitík reykfylltra bakherbergja - hættur í framsókn

Rithöfundurinn Þráinn Bertelsson segist ekki aðhyllast pólitík reykfylltra bakherbergja og hefur ákveðið að draga framboð sitt fyrir Framsóknarflokkinn sinn til baka. Hann er einnig búinn að segja sig úr flokknum. Þráinn ætlaði að bjóða sig fram í prófkjöri í Reykjavík fyrir komandi alþingiskosningar en nú er hefur komið í ljós að stilla á upp lista í kjördæminum.

Hættir við formannsframboð hjá frjálslyndum

Guðrún María Óskarsdóttir hefur ákveðið að draga framboð sitt til formanns í Frjálslynda flokknum til baka af persónulegum ástæðum. Guðrún hafði lýst því yfir að hún hygðist bjóða sig fram til formanns fyrir skömmu.