Ísland úr EES

Ögmundur Jónasson, þingflokksformaður Vinstri-grænna, veltir fyrir sér að Ísland eigi að segja sig frá samningnum um Evrópska efnahagssvæðið.

Lést í vinnuslysi um borð í Selfossi

Maður lést í vinnuslysi í morgun um borð í skipinu Selfossi sem liggur við Hafnarfjarðarhöfn. Slysið varð um klukkan átta í morgun og varð með þeim hætti að maðurinn klemmdist á milli gáms og skilrúms. Selfoss er í eigu Eimskipafélagsins. Lögregla er enn á vettvangi en hún fer með rannsókn málsins ásamt Vinnueftirlitinu.

Tafir á Reykjanesbraut vegna tvöföldunar

Vegagerðin varar við töfum á umferð á Reykjanesbraut frá klukkan tíu í dag.

Handfrjáls búnaður skylda í Kaliforníu

Ný lög um bann við notkun farsíma án handfrjáls búnaðar tóku gildi í Kaliforníu í gær.

Slæmur salmonellufaraldur í Danmörku

Versti salmonellufaraldur í 15 ár gengur nú yfir Danmörku og hafa milli þrjú og fjögur þúsund manns lagst veikir síðustu vikuna og margir hverjir á spítala.

Nýtt heimsmet í fjöldagítarleik

Ársgamalt heimsmet í fjöldagítarleik riðaði til falls í gærkvöldi þegar 2.052 manna hópur kom saman á Todos Santos-torginu í Concord í Kaliforníu og lék gamla Woody Guthrie-slagarann This Land is Your Land.

Viðskiptaráðherra ESB sakar Sarkozy um að grafa undan sér

Viðskiptaráðherra Evrópusambandsins, Peter Mandelson sakar Nicolas Sarkozy Frakklandsforseta um að grafa undan starfi sínu. Sá síðarnefndi hefur nýtekið við formennsku í ESB.

Gestir Landsmóts hestamanna gistu í íþróttahúsinu

Um 60 til 70 gestir á Landsmóti hestamanna þáðu boð sveitarstjórnarinnar á Hellu um gistingu í íþróttahúsinu þar í nótt. Mikið óveður geisaði á Suðurlandi í gær og eyðilögðust tjöld, fellihýsi og ýmsir lauslegir hlutir, að sögn Jónu Fanneyjar Friðriksdóttur, framkvæmdastjóra Landsmótsins.

Skar fóstur úr ófrískri konu

Tuttugu og þriggja ára gömul kona stakk vanfæra kynsystur sína til bana á föstudag í síðustu viku og skar ófætt barnið úr kvið hennar, eftir því sem breska ríkisútvarpið BBC greinir frá.

Minnst 130 særðir í óeirðum í Mongólíu

Að minnsta kosti fjórir manns hafa látist í miklum mótmælum í Ulan Bator, höfuðborg Mongólíu, á undanförnum dögum. Að minnsta kosti 130 lögreglumenn og mótmælendur eru særðir og talið er að hundruðir hafi verið handteknir vegna mótmælanna.

Ógnaði ökumanni með hnífi eftir árekstur

Nokkuð harður árekstur varð á Akureyri laust fyrir klukkan 23 í gærkvöldi þegar bifreið var ekið í veg fyrir aðra. Ökumanninum sem ekið var í veg fyrir svall móður og dró hann upp hníf og hafði í hótunum við hinn ökumanninn.

McCann rannsókn lokið?

Portúgalska lögreglan hefur afhent saksóknurum í landinu gögn sín um mál týndu stúlkunnar Madelaine McCann.

Enn minnkar fylgi ríkisstjórnarinnar

Fylgi við ríkisstjórnina mælist 52% í nýjum þjóðarpúlsi Gallups. Fylgi við ríkisstjórnina var tæplega 80% í upphafi kjörtímabilsins en hefur minnkað jafnt og þétt síðustu sjö mánuði.

Geir heimsótti ríkislögreglustjóra

Geir H. Haarde, forsætisráðherra, heimsótti embætti ríkislögreglustjóra í dag.

Þrír myndaðir á Arnarhöfða

Brot þriggja ökumanna voru mynduð í Arnarhöfða í Mosfellsbæ í dag. Fylgst var með ökutækjum sem var ekið Arnarhöfða í norðurátt, við Spóahöfða. Á einni klukkustund, fyrir hádegi, fór 31 ökutæki þessa akstursleið og því voru flestir ökumenn til fyrirmyndar. Bílar þessara þriggja sem óku of hratt eða yfir afskiptahraða mældust á um 40 km/klst en þarna er 30 km hámarkshraði.

Mikið hvassviðri á Landsmóti

Nokkur tjöld hafa fokið á Landsmóti hestamanna sem nú er haldið á Hellu en töluvert hvasst er um sunnanvert landið.

Landlækni ekki kunnugt um ótimabær dauðsföll

Landlæknir segir að embættinu sé hvorki kunnugt um ótímbær dauðsföll sjúklinga á biðlista eftir opnum hjartaaðgerðum né hjartaþræðingum hér á landi. Heilbrigðisráðherra segir biðlista eftir hjartaþræðingum hafa styst verulega á þessu ári og unnið sé að því að stytta þá enn frekar.

Almannavarnir vara við hvassviðri

Nú er töluvert hvasst um sunnanvert landið. Mjög hvassar hviður eru sunnanundir Vatnajökli, einkum undir Öræfajökli. Við Sandfell í Öræfum hafa hviður farið yfir 40 m/s. Einnig eru hvassar hviður undir Eyjafjöllum. Búast má við að hvassviðrið standi fram á kvöld á suðaustanverðu landinu og fram á nótt á Suðurlandi og á miðhálendinu.

Starfshópur hefur umsjón uppbyggingu eftir skjálfta

Ríkissstjórnin ákvað í morgun að stofna hóp ráðuneytisstjóra og sveitarfélaganna á Suðurlandi til að hafa umsjón með uppbyggingarstarfi í þeim sveitarfélögum sem verst urðu úti í járðskjálftunum þar í lok maí.

Helst hætta á hryðjuverkum við sendiráð

Greiningardeild ríkislögreglustjóra telur að möguleg skotmörk hryðjuverkamanna á Íslandi geti verið ferðamenn eða sendiráð erlendra ríkja.

Íslendingar eiga Norðurlandamet í neyslu transfitusýru

Í grein í 24 stundum í dag var fjallað um bann við neyslu hertra fita, sem eru betur þekktar sem transfitusýrur, í New York fylki í Bandaríkjunum. Íslendingar eiga Norðurlandamet í neyslu hertra fita og neyta svipað magn af þeim og Austur-Evrópubúar og Bandaríkjamenn. Samkvæmt Alþjóðaheilbrigðismálastofnuninni er mælt með að neyslu transfitusýra fari ekki yfir 2 grömm á dag en hún er 3,6 grömm á dag að meðaltali á Íslandi.

Þrettán líkamsárásir um helgina

Þrettán líkamsárásir voru tilkynntir til lögreglunnar á höfuðborgarsvæðinu um helgina en flestar voru þær minniháttar. Fáeinir þurftu samt að leita sér aðhlynningar á slysadeild en óttast var að einn hefði nefbrotnað en sá var sleginn í andlitið á dansgólfi skemmtistaðar í miðborginni.

Stjórn Félags fréttamanna ósátt við stöðu Ríkisútvarpsins ohf.

Stjórn Félags fréttamanna skorar á menntamálaráðherra, ríkisstjórn Íslands og Alþingi að tryggja Ríkisútvarpinu ohf. þær tekjur sem lofað var þegar Ríkisútvarpinu var breytt í opinbert hlutafélag.

Sleginn yfir skemmdarverkum á heimili byggingarfulltrúa

Jakobi Frímann Magnússon miðborgarstjóri er sleginn yfir fregnum af árás skemmdarvarga á heimili Magnúsar Sædals, byggingarfulltrúa Reykjavíkurborgar, í gærkvöld.

„Ótrúlegt að sitja undir svona skít“

Magnús Sædal byggingarfulltrúi Reykjavíkurborgar segir áreiti á opinbera embættismenn alvarlegt brot. Málningu var hent í hús hans í nótt og ókvæðisorð krotuð til að mótmæla fegrunarátaki borgarinnar.

Grunur um starfsemi mansalshringa hér á landi

Vísbendingar eru um að erlendir aðilar komi í auknum mæli að skipulögðu vændi á Íslandi og grunur leikur á að sú starfsemi tengist mansalshringum einkum í Austur-Evrópu.

Málningu hent í hús byggingarfulltrúa

„Við erum búin að kæra til lögreglu," segir Vilborg Gestsdóttir, eiginkona Magnúsar Sædals byggingarfulltrúa Reykjavíkurborgar. Í nótt var málningu hent í hús Magnúsar til að mótmæla framgöngu borgarinnar í umhverfisátakinu sem stendur nú yfir.

Forseti Perú segir forseta Bólívíu að halda kjafti

Forseti Perú Alan Garcia vill að starfsbróðir sinn í Bólívíu, Evo Morales haldi kjafti og hætti að skipta sér að innri málefnum Perú. Þetta sagði hann í dag þegar hann var spurður að viðbrögðum sínum við athugasemdum sem Morales gerði við náið samband Perú við Bandaríkin.

Sami þorskkvóti í ár og í fyrra

Einar Kristinn Guðfinnsson, sjávarútvegs- og landbúnaðarráðherra, hefur heimilað veiðar á 130 þúsund tonnum af þorski á næsta fiskveiðiári sem hefst þann 1. september. Er það sama magn og í fyrra en þá var kvótinn skorinn niður um 60 þúsund tonn.

Í fangelsi fyrir fjórar vodkaflöskur

Héraðsdómur Norðurlands eystra hefur dæmt karlmann í tveggja mánaða fangelsi fyrir að hafa fjórum sinnum stolið áfengi úr verslun ÁTVR á Akureyri í vor.

Verð frekar hækkað í lágvöruverslunum

Henný Hinz, hagfræðingur hjá ASÍ, segir að það vekji óneitanlega athygli að matarverð hafi hækkað mest í lágvöruverslunum undanfarna þrjá mánuði. ,,,Þegar verðið hækkar á annað borð þá kannski til að missa ekki alveg niður veltuna í dýrari verslunum er frekar hægt að hækka verðið í lágvöruverslunum," segir Henný.

Lést á biðstofu og látin afskiptalaus - myndband

Óhugnalegt myndband úr öryggismyndavél á geðspítala í Brooklyn sýnir 49 ára konu hníga í gólfið og gefa upp öndina. Konan var látin afskiptalaus í tæpan klukkutíma áður en öryggisverðir komu að henni.

Stjórnvöld svara ESA innan mánaðar

Íslensk stjórnvöld munu gera Eftirlitsstofnun EFTA, ESA, grein fyrir afstöðu sinni til nýrrar niðurstöðu stofnunarinnar um Íbúðalánasjóð innan mánaðar. Þetta kemur fram á vef félags- og tryggingmálaráðuneytisins.

Ekki búið að taka neina ákvörðun í Madeleine-málinu

Ekki er búið að taka neina ákvörðun varðandi rannsókn á hvarfi hinnar bresku Madeileine McCann sagði fulltrúi Portúgals í dag. Komið hafði fram í portúgölskum fjölmiðlum að rannsókninni væri lokið vegna skorts á sönnunargögnum.

Fáfnir í formlegum tengslum við alþjóðleg glæpasamtök

Íslenski mótorhjólaklúbburinn Fafner MC-Iceland hefur stofnað til formlegra tengsla við skipulögð alþjóðleg glæpasamtök með því að gerast stuðningsklúbbur Hells Angels vélhjólasamtakanna. Svo segir í nýrri skýrslu greiningardeildar Ríkislögreglustjóra um mat á hættu á hryðjuverkum og skipulagðri glæpastarfsemi.

66°Norður gerir samning við danska herinn

66°Norður opnar nýja 300 fermetra sérverslun í Nørreport í Kaupmannahöfn í haust auk þess sem fyrirtækið mun opna verslun í Magasin du Nord í Árósum.

Háseti fær fjórar millur frá ríkinu

Í Héraðsdómi Reykjavíkur í morgun var íslenska ríkinu gert skylt að greiða fyrrverandi háseta um borð í hafrannsóknaskipinu Árna Friðrikssyni RE-200, tæpa fjóra og hálfa milljóna króna.

Mótmæla samdrætti RÚV á Vestfjörðum

Stjórn Fjórðungssambands Vestfirðinga mótmælir harðlega uppsögnum og tilheyrandi samdrætti í starfsemi svæðisstöð Ríkisútvarpsins á Ísafirði sem tilkynntar voru að hálfu yfirstjórnar félagsins í gær.

Alltaf einhverjir óánægðir

,,Það eru alltaf einhverjir sem aldrei eru ánægðir en í heildina eru flestir sáttir," segir Magnús Sædal Svavarsson, byggingarfulltrúi Reykjavíkurborgar, og bætir við að sér hafi borist hrós frá íbúum sem þakka fyrir bréf sem embættið hefur undanfarið sent út til eigenda og íbúa í miðborginni.

Matarverð hækkar mest í Bónus og Krónunni

Matvöruverð hefur hækkað mest í Bónus og Krónunni undanfarna þrjá mánuði. Hækkunin er mest 8% í Bónus og 6,5% í Krónunni. Í öðrum verslunarkeðjum er hækkunin á bilinu 3-4%.

Menn fluttir inn til landsins aðeins til að fremja afbrot

Greiningardeild Ríkislögreglusstjóra segir að fyrir liggi að austur-evrópskir ríkisborgarar séu „fluttir inn“ hingað til lands í þeim einum tilgangi að fremja afbrot. Vísbendingar séu um að starfsemi skipulagðra erlendra glæpahópa sé mun umfangsmeiri en flestir höfðu ætlað.

Dæmigerð viðbrögð við jákvæðri athygli á náttúruvernd

Í Fréttablaðinu í dag birtist frétt um að ferðamenn laðist að Kárahnjúkum og að stíflan væri orðin að vinsælum ferðamannastað. Ein af rökum náttúruverndarsinna gegn stíflunni var hins vegar að hún spillti hinni hreinu ímynd sem Ísland hefði út á við. Birgitta Jónsdóttir, náttúruverndarsinni taldi fréttina dæmigert neikvæð viðbrögð gegn hinni jákvæðu umræðu sem skapast hefur í kringum Náttúrutónleikana sem voru á laugardaginn.

Harma aðför að „brottreknum“ Slökkviliðsstjóra

Formaður félags slökkviliðsstjóra harmar þá aðför sem gerð var að Sigmundi Eyþórssyni, slökkviliðsstjóra Brunavarna Suðurnesja, eftir að hann hleypti Víkurfréttum inn á Tetra kerfi stöðvarinnar.

Hætta á hryðjuverkum lítil - aukin umsvif erlendra glæpahópa

Hætta á hryðjuverkum hér á landi er lítil en umsvif skipulagðra erlendra glæpahópa eru vaxandi hér á landi samkvæmt mati greiningardeildar ríkislögreglustjóra.

Sjötugur stútur undir stýri

Sjötugur karlmaður var í hópi þeirra tólf ökumanna sem lögregla á höfuðborgarsvæðinu tók fyrir ölvunarakstur um helgina.