Með hundrað þúsund krónum hærri laun en ljósmæður

Lögfræðingar og verkfræðingar starfandi hjá hinu opinbera, með fimm ára háskólanám að baki, eru með að minnsta kosti hundrað þúsund krónum hærri laun en ljósmæður með sex ára háskólanám. Tugir ljósmæðra hafa sagt upp störfum vegna óánægju með kjör og nú er næsta samningafundar beðið.

Leituðu fíkniefna í vegakantinum

Einn ökumaður var handtekinn fyrir að aka undir áhrifum fíkniefna og þvagsýni sem hann gaf benti til amfetamínnotkunar. Bifreiðin var stöðvuðu aftur skömmu eftir að ökumanninum var sleppt og hafði hann þá útvegað annan ökumann í ökuhæfu ástandi.

Læknar og samninganefnd ræða áfram saman

Samninganefnd Læknafélags Íslands og samninganefnd ríkisins ákváðu á fundi sínum í dag halda áfram viðræðum um nýjan kjarasamning fyrir lækna sem starfa hjá ríkinu.

Börn eiga að nota reiðhjólahjálma

Lögreglan á Akranesi hafði afskipti af börnum sem voru á reiðhjóli án reiðhjólahjálma í síðustu viku.

Táknræn athöfn við Kennaraháskólann vegna sameiningar

Sameiningu Háskóla Íslands og Kennaraháskóla Íslands var fagnað á táknrænan hátt við húsnæði Kennarháskólans við Stakkahlíð í morgun þegar skilti Háskóla Íslands var formlega vígt.

Staða Guðlaugs Þórs innan ríkisstjórninnar óljós

Siv Friðleifsdóttir segir að staða Guðlaugs Þórs Þórðarsonar innan ríkisstjórnarflokkanna sé óljós. Siv segir svik við kvennastéttir og hringlandahátt varðandi nýbyggingu Landspítalans standa upp úr í heilbrigðismálum eftir fyrsta starfsár ríkisstjórnarinnar.

Yfirmaður franska hersins segir af sér vegna skotóhapps

Yfirmaður franska hersins, Bruno Cuche, hefur sagt af sér vegna atviks sem varð á hersýningu í Frakklandi um helgina.

Norska undrabarnið ekki næst best í heimi

Skákheimurinn titrar af reiði vegna ákvörðunar FIDE að viðurkenna ekki árangur Magnus Carlsen þegar nýr listi yfir stigahæstu skákmenn heims var gefinn út í gær. Magnus ætti að vera sá næstbesti en endar í sjötta sæti.

Segir morðingja Politkovskaju fela sig í V-Evrópu

Maðurinn sem grunaður er um að hafa myrt rússnesku blaðakonuna Önnu Politkovskaju árið 2006 fer huldu höfði í Vestur-Evrópu.

Kvartar yfir GSM-sambandi í Innri-Njarðvík - Síminn lofar úrbótum

„Við erum með á áætlun þessa árs að styrkja farsímasambandið í Innri-Njarðvík og höfum verið að leita eftir aðstöðu á svæðinu til að hýsa búnaðinn

Franskur ríkisborgari framseldur

Eftirlýstur franskur ríkisborgari sem handtekinn var hér á landi í byrjun júní verður fluttur til Frakklands við fyrsta tækifæri. Hann samþykkti framsalsákvörðun dómsmálaráðuneytisins án andmæla.

Skíthræddir við framtíðina

„Við erum skíthræddir við haustið," segir Þorbjörn Guðmundsson, framkvæmdastjóri Samiðnar, um ástandið á vinnumarkaðnum.

Sjö ára barn lærbrotnaði í umferðarslysi

Sjö ára barn á hjóli lærbrotnaði þegar það varð fyrir bifreið við Illugagötu í Vestmannaeynjum á sunnudag.

Jóhanna Vigdís nýr framkvæmdastjóri Listahátíðar

Jóhanna Vigdís Guðmundsdóttir hefur verið ráðin framkvæmdastjóri Listahátíðar í Reykjavík.

Framleiðsluvörur seldar fyrir nærri 400 milljarða í fyrra

Heildarverðmæti seldra framleiðsluvara árið 2007 var 396 milljarðar króna sem er aukning um tæpa 40 milljarða króna frá árinu 2006 og 9,3 prósent aukning að raungildi. Þetta kemur fram á vef Hagstofunnar.

Björk: Ekki bara hippar móti álverum

Björk Guðmundsdóttir segir andstæðinga álvera vera meirihluta þjóðarinnar en ekki bara nokkra hippa. Hún segir gagnrýni Ernu Indriðadóttur, upplýsingafulltrúa Alcoa, sem sagði Björk einungis hafa lesið Draumalandið, ósanngjarna.

Læknar boða verkfallsaðgerðir í haust

Félagsfundur Læknafélags Íslands samþykkti í gærkvöld að hafna tilboði samninganefndar ríkisins um rúmlega 20 þúsund króna launahækkun með nýjum samningi og var samninganefnd félagsins falið að undirbúa verkallsaðgerðir í haust ef ekki verður breyting á viðhorfi ríkisins.

Hættir rannsókn á máli Madeleine

Portúgalska lögreglan hefur látið af rannsókn á hvarfi litlu stúlkunnar Madeleine McCann, ef marka má fréttir fjölmiðla þar í landi. Madeleine hvarf af hótelherbergi þegar hún var á ferðalagi með foreldrum sínum í Portúgal í maí á síðasta ári.

Íslenskir hjálparstarfsmenn komnir heim frá Líberíu

Starfsfólk íslensku mannúðarsamtakanna IceAid, ásamt sjálfboðaliðum, er komið heim frá Líberíu þar sem samtökin reistu byggingu sem mun hýsa sjúkrastofu munaðarleysingjahælis í höfuðborginni Monrovíu.

Abu Ghraib fangar stefna málaliðum

Fjórir menn sem haldið var föngum í Abu Ghraib fangelsinu í Írak stefndu í gær tveimur einkareknum öryggisfyrirtækjum sem starfa í Írak. Málaliðar á vegum fyrirtækjanna CACI og L-3 eru sakaðir um pyntingar og stríðsglæpi.

eBay þarf að greiða 40 milljónir evra í skaðabætur

Franskur dómstóll hefur dæmt uppboðsvefinn eBay til að greiða fyrirtækinu LVMH 40 milljónir evra í skaðabætur fyrir að heimila sölu á eftirlíkingum af vörum þeirra á vefnum.

Höfuðpaur USS Cole árásarinnar ákærður

Saksóknarar bandaríska hersins hafa lagt fram ákærur gegn meintum höfuðpaur í árásum á herskipið USS Cole árið 2000. Sautján skipverjar fórust í árásinni.

Telur að Evrópusambandið sé að missa traust

Nicholas Sarkozy Frakklandsforseti segir að Evrópubúar séu að missa trú á Evrópusambandinu, en Frakkar taka við forystu í sambandinu í dag.

HÍ og Kennaraháskólinn sameinast í dag

Háskóli Íslands og Kennaraháskólinn sameinasta í dag. Þorgerður Katrín Gunnarsdóttir menntamálaráðherra segir, í grein sem hún ritar í Morgunblaðið af þessu tilefni, að með sameiningunni gefist einstakt

Zapatero ætlar ekki að taka upp viðræður við ETA

Jose Zapatero, forsætisráðherra Spánar, segir að ríkisstjórn hans sé ekki lengur reiðubúin til þess að ræða við ETA, aðskilnaðarsamtök Baska. Þetta kom fram í ítarlegu viðtali við Zapatero sem birt var í dagblaðinu El Pais um helgina.

Nýnasistar ákærðir fyrir 20 morð

Rússneskir saksóknarar eru tilbúnir með ákærur á hendur níu mönnum sem tilheyra gengi nýnasista og eru grunaðir um að hafa myrt 20 innflytjendur í Rússlandi. Auk þess er mennirnir grunaðir um 12 manndrápstilraunir.

Álið skilar meira en fiskurinn

Miklar breytingar hafa orðið á hlutfalli áls í þjóðarbúskapnum. Undanfarna tvo mánuði hefur útflutningur á áli skilað meiri tekjum en fiskafurðir. Í maí var flutt út ál fyrir 17,7 milljarða króna samkvæmt upplýsingum í morgunkroni Glitnis.

Bílvelta í Dýrafirði

Betur fór en á horfðist í morgun þegar bíll valt útaf veginum í Dýrafirði í morgun. Einn var í bílnum og hlaut ekki alverlega áverka miðað við hve harkaleg bílveltan var. Bílinn sjálfur er gjörónýtur. Lögreglan rannsakar tildrög slyssins.

Vilja rannsaka bandarískar bankainnistæður í Sviss

Bandaríska dómsmálaráðuneytið fór í dag fram á það að alríkisdómari heimilaði skattayfirvöldum í landinu að fá upplýsingar um bankainnistæður bandarískra ríkisborgara í Sviss.

Ekki tilbúinn að gefa Hvergerðingum meira land

Ólafur Áki Ragnarsson, bæjarstjóri Ölfuss, segist ekki tilbúinn að gefa eftir meira landsvæði til Hvergerðinga. Sveitarfélögin greinir á um yfirráð yfir landspildum á mörkum sveitarfélagannna. Eins og fram kom í fréttum Stöðvar 2 í gær hefur landspilda á mörkum sveitarfélaganna valdið nokkrum óþægindum.

10 % lifa ekki af biðina

Líkur eru á að tuttugu og fjórir Íslendingar sem bíða eftir að komast í hjartaaðgerð á Landspítalanum deyi áður en þeir komast í aðgerð. Um tvö hundrað og fjörutíu manns eru nú á biðlista.

Lafleur gafst upp

Benedikt Lafleur sundkappi gafst upp á leið sinni yfir Ermarsundið fyrir klukkustund vegna veðurs. Mikið hvassviðri var á leiðinni og var líkamshiti hans kominn niður í þrjátíu og fimm gráður.

Hóta aðgerðum

Bandarísk stjórnvöld ætla á næstunni að vinna að því á vettvangi Sameinuðu þjóðanna að stjórnvöld í Simbabve verði beitt hörðum efnahagsþvingunum.

Akureyri: Las Vegas norðursins

Á Akureyri er starfræktur opinber pókerklúbbur þar sem menn hittast reglulega og spila. Verðlaunafé er í boði fyrir sigurvegara og borga menn ákveðið þátttökugjald. Mótin hafa verið haldin á hverjum einasta fimmtudegi síðan í september á síðasta ári og eru vel auglýst. Hvorki lögregla né sýslumaður hafa haft afskipti af klúbbnum. Í Reykjavík var mót með svipuðu fyrirkomulagi hinsvegar stöðvað og forsvarsmaður þess hefur verið yfirheyrður af lögreglu. Verið er að skoða lög um fjárhættuspil.

Erlendir starfsmenn streyma frá landinu

Umsóknum um hvers kyns E-vottorð fyrir fólk sem starfað hefur hér á landi en hyggst leita vinnu annars staðar á Evrópska efnahagssvæðinu hefur fjölgað umtalsvert á milli ára samkvæmt tölum Vinnumálastofnunar.

Hafa fengið mikinn makríl á síldveiðum

Tvö skip á síldveiðum á vegum HB Granda fyrir austan land hafa fengið mikinn makríl á veiðunum eftir því sem segir á heimasíðu sjávarútvegsfyrirtækisins.

Hluti Miklubrautar lokaður vegna malbikunar

Miklabraut, milli Rauðarárstígs og Lönguhlíðar, verður lokuð til austurs frá kl. 20 í kvöld fram yfir miðnætti vegna malbikunar. Hjáleiðir eru um Bústaðaveg og Flókagötu. Vegfarendur eru beðnir um að sýna aðgát og tillitssemi eftir því sem segir í tilkynningu frá borginni.

Hvolpum bjargað úr hundaprísund

Meira en hundrað hvolpum var bjargað úr hundaræktunarbúi í Flórída í morgun. Hundarnir voru í slæmu ásigkomulagi eftir að hafa verið lokaðir margir saman, í litlum búrum, alla ævi.

Lafleur hálfnaður eftir tæpa tíu tíma á sundi

„Við erum komnir yfir miðlínu milli Englands og Frakklands núna. Veðrið er ekki eins gott og menn bjuggust við en skipstjórinn er að nýta sér föll og strauma sem fleyta okkur hraðar áfram,“ segir Guðni Haraldsson björgunarsveitarmaður sem staddur er á bát úti á miðju Ermasundi. Þar syndir Benedikt S. Lafleur svokallað ermasund en hann hefur verið í tæpa tíu tíma á sundi nú.

Sarkozy heitir aðgerðum vegna skotóhappanna

Forseti Frakklands, Nicolas Sarkozy hefur heitið aðgerða vegna óhappsins við hersýningu í Frakklandi í gær þegar alvöru byssukúlur voru notaðar í stað gervikúlna sem olli því að 17 manns særðust.

Kenýa hvetur Afríkubandalagið til að reka Mugabe

Raila Odinga, forsætisráðherra Kenýa, hefur hvatt Afríkubandalagið til þess að víkja Robert Mugabe, forseta Simbabve, úr bandalaginu þangað til hann leyfir frjálsar og sanngjarnar kosningar þar í landi. Að Odinga áliti ætti bandalagið einnig að senda friðargæslusveitir til landsins til þess að stuðla að frjálsum kosningum.

,,Rekstur Droplaugarstaða er góður"

Forstöðumaður hjúkrunarheimilisins Droplaugarstaða segir að margoft hafi verið farið í gegnum rektstur heimilisins og komið hafi í ljós það sé vel rekið. ,,Rekstur Droplaugarstaða er góður," segir Ingibjörg.

Þriggja bíla árekstur á Gullinbrú

Þriggja bíla árekstur varð á Gullinbrú laust fyrir klukkan þrjú í dag. Einhverjir munu hafa verið fluttir á slysadeild en þegar fréttastofa hafði samband við slökkvilið og lögreglu skömmu fyrir fréttir lá ekki fyrir hversu margir það væru eða hvers eðlis meiðslin væru. Dælubíll frá slökkviliðinu var sendur á vettvang til þess að hreinsa upp olíu.

Tvennt slapp ómeitt í nauðlendingu á Holtavörðuheiði

Tvennt slapp ómeitt þegar tveggja hreyfla flugvél nauðlenti á sunnanverðri Holtavörðuheiði um tvöleytið í dag.

Fólk slegið yfir uppsögnum

"Þetta kom fólki í opna skjöldu," segir Heiðar Örn Sigurfinnsson, trúnaðarmaður starfsmanna Fréttastofu Útvarps. Á fundi með starfsmönnum klukkan tvö var tilkynnt að stöðugildum á Ríkisútvarpinu verði fækkað um 20 vegna halla á rekstri félagsins. Af þessum tuttugu stöðugildum heyra sex undir Fréttastofu Útvarps.