Gíslataka í Hollandi

Vopnaðir menn tóku í morgun minnst fjóra í gíslingu í ráðhúsinu í Almelo í Hollandi. Óljósar fréttir hafa borist af málinu en gíslarnir munu enn í haldi mannanna.

Skýrslutökur í máli 10-11 lögreglumanns hefjast í vikunni

Skýrslutökur hefjast í dag í rannsókn á máli lögreglumanns sem á myndbandi á vefnum YouTube sést taka ungan pilt kverkataki í verslun 10-11 í Grímsbæ.

Besta veðrið sunnan og suðvestanlands á Þjóðhátíðardaginn

Samkvæmt veðurspánni ætti að verða hlýjast sunnan og suðvestanlands á morgun en 12 stig ættu að vera á hádegi suðvestanlands og 14 stig á Suðurlandi. Hitastigið ætti að ná allt að 16 stigum um miðjan dag á höfuðborgasvæðinu. Sól ætti að verða sunnanlands en léttskýjað og fremur mikil heiðríkja á höfuðborgasvæðinu.

Kemur á fyrstu forsetabifreiðinni til hátíðahalda á Austurvelli

Forsetabifreið Sveins Björnssonar, fyrsta forseta lýðveldisins, verður notuð á ný í fyrsta sinn við opinbert tækifæri á morgun, 17. júní.

Átta hundruð grömm af kóki komu úr iðrum Hollendings

Hollendingurinn, sem hefur setið sveittur undanfarnar tvær vikur við að losa smokka fulla af kókaíni úr iðrum sínum, hefur lokið sér af. Og afraksturinn er rétt tæp 800 grömm af kókaíni. Þetta staðfesti Eyjólfur Kristjánsson hjá Lögreglunni á Suðurnesjum í samtali við Vísi.

Sýrlandsforseti sendir Íslendingum þjóðhátíðarkveðjur

Bashar al-Assad, forseti Sýrlands, sendi í dag Ólafi Ragnari Grímssyni, forseta Íslands, kveðju í tilefni af þjóðhátíðardegi Íslendinga í dag.

Pólverji áfrýjar nauðgunardómi

Pólverjinn Robert Dariusz Sobiecki, sem dæmdur var í þriggja ára fangelsi á föstudag fyrir að nauðga konu á Hótel Sögu, hefur ákveðið að áfrýja dómnum til Hæstaréttar. Þetta staðfesti Sveinn Andri Sveinsson, lögmaður hans, við Vísi.

Skjálfti norðaustur af Selfossi í morgun

Jarðskjálfti upp á 3,2 á Richter varð um klukkan korter í tíu í morgun og átti hann upptök sín um sjö kílómetra norðnorðaustur af Selfossi. Skjálftinn var á 4,5 kílómetra dýpi.

Á 132 kílómetra hraða á Hárekstaðaleið eftir hraðasekt

Töluverður erill var hjá lögreglunni á Seyðisfirði sem sneri að akstri manna í umdæmi hennar.

Með 550 málverk meðferðis í Norrænu

Lögreglan á Seyðisfirði rannsakar nú mál manns sem kom með Norrænu í síðustu viku með 550 málverk meðferðis sem hann framvísaði ekki.

Á fundi með norrænum starfsbræðrum

Geir H. Haarde forsætisráðherra situr í dag árlegan sumarfund forsætisráðherra Norðurlanda í dag sem að þessu sinni fer fram í Göta Kanal í Svíþjóð.

Engar skyndilausnir segir írski utanríkisráðherrann

Það er allt of snemmt að leita lausna á þeirri niðurstöðu þjóðaratkvæðagreiðslu Íra að hafna Lissabon-sáttmálanum.

Fresta því að taka afstöðu til breyttra samskipta við Kúbu

Utanríkisráðherrar Evrópusambandsríkjanna frestuðu því í morgun að taka ákvörðun um það hvort afnema ætti ýmsar hömlur í samskiptum sambandsins við Kúbu. Verður ákvörðun þar um ekki tekin fyrr en á fimmtudag.

Vilhjálmur prins þúsundasti riddari sokkabandsins

Vilhjálmur prins verður í dag þúsundasti riddari sokkabandsorðunnar svokölluðu og fer athöfnin fram í Windsor-kastala og Kapellu heilags Georgs.

Býst við fjölda kæra á Akureyri

Lögreglan á Akureyri býst við því að talsverður fjöldi af kærum vegna líkamsárása verði lagðar fram eftir helgina.

Danir segja fátæktarmörk 182.462 krónur í skoðanakönnun

Hafi maður ekki efni á að halda afmælisveislu eða reka farsíma er maður fátækur samkvæmt niðurstöðum danskrar skoðanakönnunar.

Fyrsti fundur Bush og Brown á breskri grund

George Bush Bandaríkjaforseti og breski forsætisráðherrann Gordon Brown héldu í gær sinn fyrsta fund á breskri grund þegar þeir hittust í Downing-stræti.

NASA semur um hönnun tunglbúninga

Bandaríska geimferðastofnunin NASA hefur samið við fyrirtæki í Houston um hönnun og framleiðslu nýrra geimbúninga sem væntanlegum tunglförum er ætlað að klæðast.

Urmull samkynhneigðra til Kaliforníu

Hóteleigendur og aðrir ferðaþjónustuaðilar hafa rennt rauða dreglinum út fyrir samkynhneigða en áætlað er að um 67.000 samkynhneigð pör heimsæki Kaliforníu næstu daga en frá og með 17. júní geta samkynhneigðir gengið þar í hjónaband.

Danskir leigubílstjórar óttast vegabréfaskoðun

Leigubílstjórar í Danmörku óttast nú að þeim verði gert að framkvæma vegabréfaskoðun hjá farþegum sem þeir aka með yfir landamæri, hvort sem er til Svíþjóðar eða Þýskalands.

Nám sem yfirskin dvalarleyfis í Danmörku

Dönsk menntamálayfirvöld grunar að innflytjendur frá löndum utan Evrópusambandsins noti nám sem yfirskin til þess að fá dvalarleyfi í Danmörku.

Hundur sogaðist upp í götusóp

Hreinsunardeild New York-borgar kallar það sjaldgæft og óheppilegt slys að hundur skyldi hafa sogast upp í ryksugu á götusóp og drepist.

Nágrannadeilur enduðu með illvígum slagsmálum í nótt

Nágrannadeilur milli tveggja manna í Austurborginni í nótt enduðu með illvígum slagsmálum og þurfti lögreglan að beita piparúða til að koma böndum á annan mannanna sem slógust.

Bretar aðstoða Bush í leitinni að Bin Laden

Meiri styrkur hefur á síðustu vikum verið settur í leitina að Osama bin Laden. Breska dagblaðið the Times hefur þetta eftir heimildarmönnum úr bandarísku leyniþjónustunni. Blaðið segir að George Bush leggir nú hart að mönnum sínum að finna manninn sem sagður er bera ábyrgð á árásunum 11. september 2001, áður en hann lætur af embætti forseta Bandaríkjanna í nóvember.

Finni myrti eiginkonu sína og tvær dætur

88 ára gamall Finni í norðurhluta landsins myrti í dag eiginkonu sína og tvær dætur. Að því loknu framdi hann sjálfsmorð.

Biskup vill rannsókn á giftingu samkynhneigðra presta

Biskupinn í Lundúnum hefur fyrirskipað rannsókn á því þegar tveir karlkyns prestar í borginni voru "gefnir saman" í kirkjulegri athöfn á dögunum. Prestarnir skiptust á hringum í einni elstu kirkju höfuðborgarinnar þann 31. maí síðastliðinn.

Hermönnum sigað á vasaþjófa

Ítalska ríkisstjórnin hefur ákveðið að senda hermenn út á götur stórborga landsins til þess að stemma stigu við glæpum. Málið hefur varkið deilur á Ítalíu en stjórnarandstæðingar líkja hugmyndinni við aðgerðir herforingjastjórna.

Hvað á hverinn að heita?

Um tvöhundruð tillögur hafa borist um nafn á stóra leirhverinn á Reykjum í Ölfusi sem myndaðist í Suðurlandsskjálftanum. Nöfnin eru það mörg að dómnefnd íhugar að nota sum þeirra á aðra nýja hveri sem einnig hafa orðið til á svæðinu.

Ein flugbraut dugar

Tæknifræðingur, sem rannsakað hefur veðurfar á Reykjavíkurflugvelli í áratugi, telur að ein flugbraut dugi til að sinna þörfum innanlandsflugs. Hagkvæmasti kosturinn sé að lengja aðra flugbrautina út í Skerjafjörð.

Ekki hætt við hátíðarhöld um verslunarmannahelgi þrátt fyrir ólæti

Aldurstakmörk á tjaldstæðunum á Akureyri auðvelduðu lögreglu að fást við ólætin í miðbænum sem þó voru mun meiri en undanfarin ár. Bæjarstjórinn á Akureyri segir að atburðir helgarinnar hafi engin áhrif á hátíðarhöld um verslunarmannahelgina.

Mikil umferð í átt til borgarinnar

Mjög mikil umferð er nú á norður- og vesturlandi á leiðinni suður enda margir sem fóru til Akureyrar um helgina, meðal annars á Bíladaga. Að sögn lögreglu á Blönduósi gengur umferðin vel þrátt fyrir það þó eitthvað hafi verið um hraðakstur. Allt hefur þó gengið slysalaust fyrir sig fram að þessu.

Bush í konunglegu teboði

George Bush Bandaríkjaforseti er að ljúka ferðalagi sínu um Evrópu en nú er hann staddur á Englandi. Hann og Laura konan hans settust niður með Elísabetu Englandsdrottningu í Windsor kastala og drukku te. Bush verður í tvo daga á Englandi og meðal annars mun hann hitta Gordon Brown forsætisráðherra að máli á morgun.

Vísar ásökunum um bull á bug

Elías Guðmundsson, framkvæmdastjóri sjóstangveiðifyrirtækisins Hvíldarkletts, segir það víst rétt fyrirtæki hans hafi aðeins keypt 1300 kíló á leigukvótamarkaði eftir að verðið fór í 260 krónur, eins og haft er eftir honum í Fréttablaðinu í dag. Hallgrímur Guðmundsson, formaður Framtíðar, samtaka sjálfstæðra í sjávarútvegi, sagði í samtali við Vísi fyrr í dag að Elías færi með rangt mál.

Sjóstangveiðifyrirtækin hafa klárlega skrúfað upp verðið á leigukvóta

Hallgrímur Guðmundsson, formaður í Framtíð, samtökum sjálfstæðra í sjávarútvegi, segir það bull að fyrirtækið Hvíldarklettur hafi aðeins keypt um 1300 kíló á því verði sem nú er í gangi á kvótaleigumarkaði. Í Fréttablaðinu í dag er viðtal við Elías Guðmundsson, sem rekur sjóstangaveiðifyrirtækið Hvíldarklett. Trillusjómenn hafa haldið því fram að sjóstangaveiðifyrirtækin hafi sprengt upp verðið á kvótaleigumarkaðinum en Elías segir það staðlausa stafi enda hafi hafnn aðeins keypt rúmt tonn. „Þetta er bara bull,“ segir Hallgrímur hins vegar og vísar í upplýsingar á heimasíðu Fiskistofu.

Bjarni kannast ekki við loforð Geirs

Bjarni Benediktsson, þingmaður Sjálfstæðisflokksins, segist ekki kannast við að vera með loforð upp á vasann frá Geir H. Haarde að hann taki við ráðuneyti á næstunni. Heimasíðan "Orðið á götunni" segir í dag að þar til fyrir nokkrum dögum hafi flest bent til þess að Bjarni væri á útleið úr pólitík. Það hafi hins vegar breyst eftir einkafund sem hann átti að hafa átt með Geir Haarde forsætisráðherra nýlega þar sem Geir lofaði Bjarna því að fljótlega verði gerðar breytingar á ríkisstjórninni og þá verði hann ráðherra.

Karzai hótar að senda hersveitir inn í Pakistan

Hamid Karzai, forseti Afganistans, hótaði í dag að senda hersveitir inn í nágrannríkið Pakistan til þess að hafa hendur í hári uppreisnarmanna talibana.

Dregur úr hjartaáföllum í kjölfar reykingabanns

Hjartaáföllum hefur fækkað á helmingi allra spítala á Englandi í kjölfar þess að reykingabann var sett á skemmtistöðum þar í landi. Hjartaáföllum hefur fækkað um 1348 á þeim níu mánuðum sem liðnir eru frá því banninu var komið á, borið saman við sama tímabil í fyrra. Það þýðir að hjartaáföllum hefur fækkað um þrjú prósent frá því banninu var komið á.

Tugir látnir í flóðum í Kína

Að minnsta kosti 55 hafa látið lífið og ein og hálf milljón manna þurft að yfirgefa hemili sín vegna mikilla flóða í Suður-Kína. Flóðin hafa leikið Sisjúan hérað illa en þar er fólk enn að jafna sig eftir skjálftann í síðasta mánuði.

Stjórnarþingmaður óánægður með ráðherra

Jón Gunnarsson þingmaður Sjálfstæðisflokksins í Suðvesturkjördæmi lýsir óánægju sinni með stefnuna í orku- og virkjunarmálum í Fréttablaðinu í dag. Hann segir að eftir að Bitruvirkjun hafi verið slegin af þá hafi Össur Skarphéðinsson iðnaðarráðherra sagt að það þyrfti að hafa áhyggur af orkuskorti og að slegið gæti í bakseglin hjá stórfyrirtækjum sem hygðu á starfsemi á Íslandi.

Kvartað undan RARIK

Dreifbýlis- og hálendisnefnd Fljótsdalshéraðs gerir þá kröfu að Rafmagnsveitur ríkisins og Landsvirkjun standi við gildandi samninga um stjórn vatnshæðar í Lagarfljóti. Þetta var samþykkt á fundi nefndarinnar í vikunni.

Hraðakstur víða um land

Lögregla stöðvaði fimm bifreiðar á Reykjanesbraut vegna hraðaksturs í gærkvöldi og í nótt. Einn var svo stöðvaður á 111 km þar sem hámarkshraði er 50 km/klst og annar á 159 km þar sem hámarkhraði er 70 km/klst. Ökumennirnir voru báðir sviptir ökuréttindum til bráðabirgða.

Kveikt í bílum á Selfossi

Grunur leikur á að kveikt hafi verið í þremur bílum á Selfossi í nótt. Lögregla fékk tilkynningu laust eftir sjö í morgun um að bílar stæðu í ljósum logum fyrir utan réttingaverkstæði við Gagnheiði. Slökkvilið var kallað út og réði niðurlögum eldsins. Tveir bílanna eru gjörónýtir og sá þriðji er mikið skemmdur. Þeir sem urðu varir við grunsamlegar mannaferðir á þessum slóðum eru beðnir um að gefa sig fram við lögreglu.

Skutu flugeldum að lögreglu á Akureyri

Mikil ölvun og ólæti voru í miðbæ Akureyrar í nótt og eru fangageymslur lögreglunnar fullar. Mikið fjölmenni er í bænum í tengslum við Bíladaga. Lögregla furðar sig á grófri og ruddalegri framkomu fólks í sinn garð og var dósum og flöskum meðal annars kastað í átt að lögreglu. Þá var flugeldum skotið á lögreglu á Ráðhústorginu.

Barinn í höfuðið með golfkylfu

Mjög annasamt var hjá lögreglunni í miðborg Reykjavíkur í nótt. Fjórir ungir menn réðust á annan og börðu hann í höfuðið með golfkylfu af þvílíku afli að hún brotnaði. Lögregla segir ótrúlegt að maðurinn skuli ekki hafa slasast meira en raunin varð en hann fékk að fara heim að lokinni skoðun á slysavarðstofunni. Lögregla handsamaði mennina en þrír þeirra eru 17 ára og einn 18. Að öðru leyti var mjög mikið að gera hjá lögreglunni, mikið um útköll vegna ölvununar og fólk var víða ósjálfbjarga vegna hennar, að sögn lögreglu.

Tuðran sprakk á leiðinni til Reykjavíkurhafnar

„Þetta gekk bara ágætlega fyrir utan smá óhapp sem við lentum í við Viðey þegar önnur tuðran sprakk, eða eitt hólfið í henni,“ segir Alma Eðvaldsdóttir, talsmaður framtaksins Kraftur í kringum Ísland. Þar er um að ræða níu manna hóp sem ætlar að sigla hringinn í kringum landið á tveimur tuðrum, eða slöngubátum.