Aldrei fleiri útskrifaðir

Aldrei hafa jafnmargir kanditatar útskrifast úr háskólum hér á landi og í dag. Samtals voru þeir tæplega tvöþúsund og fjögur hundruð. Ekkert lát virðist vera á þekkingarleit landsmanna, því metaðsögn er að háskólunum fyrir haustið.

Íran ætlar ekki að hætta að auðga úran

Stjórnvöld í Teheran segjast ætla að hafna öllum samningaumleitunum sem ganga út á að Íranar hætti auðgun úrans. Javier Solana, sem fer með utanríkismál fyrir hönd ESB lagði í dag fram tilboð fyrir hönd stórveldana sem felur í sér að Íranir hætti að auðga úran en fái í staðin aðstoð við að byggja upp "friðsamlega" kjarnorkuáætlun. Solana fundar nú með íranska utanríkisráðherranum og segjast íranar tilbúnir til að ræða tilboðið, en að ekki sé inni í myndinni að lofa að hætta að auðga úran.

Sex látnir í Japansskjálfta

Nú er komið í ljós að minnsta kosti sex létu lífið í jarðskjálftanum sem skók Japan í morgun. 140 eru slasaðir en skjálftinn var 7,2 á richter skalanum. Sjö grófust undir aurskriðu sem féll á hverasvæði sem vinsælt er hjá ferðamönnum. Björgunarsveitir eru nú að störfum við að reyna að bjarga fólkinu úr skriðunni.

Slökkvilið fær veglega gjöf

Nú á dögunum var slökkviliði Hveragerðis fært veglegt hjartastuðtæki að gjöf. í tilkynningu frá slökkviliðinu kemur fram að aðili sem ekki vildi láta nafns síns getið hafi gefið liðinu tækið. En slökkviliðsmenn vilja koma á framfæri miklum þökkum til viðkomandi aðila.

Sjö milljónum veitt úr Háskólasjóði KEA

Kristján Möller, samgönguráðherra og Halldór Jóhannsson, framkvæmdastjóri KEA afhentu í dag sjö milljónir króna úr Háskólasjóði KEA.

Discovery lent heilu og höldnu

Geimferjan Discovery var að lenda á Canaveral höfða í Flórída. Skutlan hefur verið í tveggja vikna ferð á sporbaug um jörðu þar sem verið var að koma japanskri rannsóknarstofu á braut. Ferðin hefur vergengið í alla staði vel og áhyggjur manna um að eitthvað væri að skutlunni reindust ekki á rökum reistar, því hún lenti heilu og höldnu nú rétt eftir klukkan þrjú.

Háskólinn stefnir hátt

Kristín Ingólfsdóttir, rektor Háskóla Íslands, sagði við útskrift tæplega 1100 kandídata í dag, að á næstu fimm árum stefndi Háskólinn að því að byggja upp fjögur til sex afburðasvið eða stofnanir, sem tryggt yrði sérstakt fjármagn og grundvöllur til að skara framúr á alþjóðavísu.

Stúlkan komin í leitirnar

Stúlkan sem leitað var að í Setbergslandi í Hafnarfirði í hádeginu er fundin, heil á húfi. Íbúi í hverfinu tilkynnti til lögreglu að hann hefði séð til hennar og þegar lögregla kom á staðinn fannst hún í nágrenninu.

Leitað að stúlku í Hafnarfirði

Nú stendur yfir leit að ellefu ára gamalli stúlku í Setbergshverfi í Hafnarfirði. Lögregla og björgunarsveitir taka þátt í leitinni og þyrla landhelgisgæslunnar flaug yfir svæðið. Stúlkan, sem er fötluð, hvarf frá heimili sínu rétt fyrir hádegið en sökum fötlunar hennar var ákveðið að bregðast skjótt við og kalla út lið til leitar.

Hanna Birna: Ekki unað við stöðu flokksins í borginni

Ekki verður unað við stöðu Sjálfstæðisflokksins í borginni segir Hanna Birna Kristjánsdóttir oddviti borgarstjórnarflokks Sjálfstæðismanna. Hún segir andstæðinga meirihlutans hafa vegið ómaklega að borgarstjóra.

Hringferð um landið á tuðrum

Snemma í morgun lögðu tvær tuðrur, eða slöngubátar, upp frá Vestmannaeyjum í hringferð í kringum landið. Hér er á ferðinni átaksverkefni sem standa mun í þrjár vikur. Fyrsti áfangastaður er Reykjavík og er búist við þeim á milli klukkan tvö og þrjú í dag.

Tsvangirai í haldi lögreglu

Leiðtogi stjórnarandstöðunnar í Simbabve, Morgan Tsvangirai, hefur verið handtekinn ásamt ellefu stuðningsmönnum sínum. Þetta segir fréttastofa Reuters og hefur eftir talsmanni flokks Tsvangirai, MDC. Mennirnir eru í haldi á lögreglustöð í Harare, höfuðborg landsins.

Ölvaður ók á kyrrstæðan bíl

Harður árekstur varð á Sæbraut rétt fyrir miðnætti í gærkvöldi. Ekið var aftan á bíl sem var kyrrstæður á rauðu ljósi. Ökumaður og farþegi í kyrrstæða bílnum voru fluttir á slysadeild í sjúkrabíl. Sá sem var valdur að slysinu er grunaður um ölvun við akstur.

Öflugur skjálfti í Japan

Óttast er að minnsta kosti þrír hafi látið lífið og meira en eitt hundrað slasast þegar öflugur jarðskjálfti gekk yfir norðurhluta japans í nótt. Skjálftinn mældist 7,2 á Richter og fylgdu honum fjölmargir eftirskjálftar. Tíu manns er enn saknað eftir skjálftann og þá hafa samgöngur víða legi niðri með þeim afleiðingum að þúsundir manna komast ekki leiðar sinnar.

Landaverksmiðja í hesthúsi

Lögreglan á Selfossi fann í gærkvöldi landabruggverksmiðju í hesthúsi í sveitarfélaginu Árborg. Karlmaður var handtekinn grunaður um að hafa staðið að brugginu en um er að ræða um það bil 250 til 300 lítra af gambra og 70 til 80 lítra af fullunnum landa. Manninum var sleppt að loknum yfirheyrslum en lögregla lagði hald á bruggið og tækin.

Mikil ölvun á Bíladögum á Akureyri

Mikil ölvun var í miðbæ Akureyrar í nótt en þar standa yfir Bíladagar. Sjö gistu fangageymslur lögreglunnar vegna ölvunar og óspekta. Fjórar líkamsárásir komu til kasta lögreglu en þær voru allar minniháttar.

Velti fjórhjóli

Ökumaður fjórhjóls velti hjólinu skammt fyrir ofan Heiðarbraut í Garði í gærkvöldi. Að sögn lögreglunnar á Suðurnesjum fann hann til eymsla í mjöðm og höfði og var hann fluttur á Heilbrigðisstofnun Suðurnesja til skoðunar. Hann mun hafa verið vel búinn til fjórhjólaaksturs sem sennilega hefur komið í veg fyrir frekari meiðsli.

800 grömm af hassi í Breiðholti

Lögreglan lagði í gærkvöldi hald á að um 800 gr af hassi og um 200 þúsund í peningum við húsleit í Breiðholti. Að sögn lögreglu var húsleitin gerð á grundvelli úrskurðar frá Héraðsdómi Reykjavíkur. Tveir voru handteknir vegna málsins.

Fjórir fluttir á slysadeild í árekstri á Sæbraut

Fjórir voru fluttir á slysadeild Landspítalans eftir umferðarslys á Sæbraut um klukkan háfltólf í kvöld.

Malbikað á Miklubraut

Á morgun verða malbikunarframkvæmdir á Miklubraut, Skútuvogi og Sægörðum með tilheyrandi töfum á umferð.

Bílslys í Hrútafirði

Einn var fluttur á brott með sjúkrabíl eftir að bifreið fór út af veginum rétt norðan við Staðarskála í Hrútafirði í kvöld. Fleiri voru í bílnum en hlutu ekki alvarleg meiðsli.

McCain gagnrýnir Guantanamo úrskurð

John McCain gagnrýndi í dag nýlegan úrskurð Hæstaréttar Bandaríkjanna sem heimilar föngum í Guantanamo fangabúðunum að fara fram á að bandarískir dómstólar úrskurði um réttmæti þess að þeim sé haldið föngnum.

Flúðu fangelsið í Kandahar

Um 1.150 fangar flúðu úr fangelsi í borginni Kandahar í Afganistan í dag. Af þeim sem flúðu eru um 400 Talibanar sem barist hafa gegn bandamönnum í landinu.

Frakkinn ekki grunaður um brot hér á landi

Engar vísbendingar eru um að Frakkinn, sem handtekinn var í miðbænum í vikunni vegna gruns um að hann hafi dregið að sér 24 milljónir í heimalandi sínu, hafi gerst sekur um fjársvik þann tíma sem hann hefur verið hér á landi.

Framkvæmdir við Landeyjahöfn hefjast á næstu vikum

Öll tilboð í hafnar- og vegagerð við Landeyjahöfn voru töluvert undir kostnaðaráætlun. Framkvæmdir hefjast á næstu vikum en áætlað er að höfnin verði tilbúin eftir tvö ár

Málað í miðborginni

Framkvæmda- og eignasvið Reykjavíkurborgar fékk í morgun heimild til að mála illa farið hús við Bergsstaðastræti, en ítrekað hefur verið kvartað yfir ásýnd þess, sem og ástandi lóðar.

Matsferli hafið vegna álvers á Bakka

Hafið er matsferli vegna álvers á Bakka við Húsavík. Til skoðunar er bygging álvers með allt að 250.000 tonna ársframleiðslu. Alcoa er framkvæmdaraðili verksins.

Rúmenar og Þjóðverji dæmdir fyrir milljónakortasvik

Héraðsdómur Reykjavíkur hefur dæmt tvo Rúmena og einn Þjóðverja í fangelsi fyrir kortasvik og tilraunir til kortasviks hér á landi. Svikin nema milljónum króna.

Sleppt úr haldi á Akranesi

Manni, sem handtekinn var með aðkomu sérsveitar eftir ofsaakstur á Akranesi í gær, var sleppt úr haldi um hádegisbil í dag að sögn lögreglu á Akranesi.

Sölumaður stolinna líkamshluta iðrast

Tannlæknir í New Jersey, sem er ákærður fyrir að selja stolna líkamshluta, horfðist í dag í augu við ættingja þeirra sem hann seldi hluta af.

Mugabe tilbúinn í borgarastyrjöld

Robert Mugabe, núverandi forseti Zimbabwe, segir að tapi hann forsetakosningunum í landinu í lok mánaðarins verði fyrrverandi hermenn tilbúnir að sverfa til stáls.

Tvö börn lögð inn á geðdeild á Spáni vegna gemsafíknar

Tvö börn, 12 og 13 ára voru sett inn á geðdeild af foreldrum sínum á Spáni en þau töldu börn sín vera háð símum sínum og ekki getað lifað eðlilegu lífi án þeirra. Þau voru farin að vanrækja skólann og ljúga að ættingum til þess að geta náð sér í pening til þess að eyða í síma sína.

Dæmdur fyrir nauðgun á Hótel Sögu

Héraðsdómur Reykjavíkur hefur dæmt tvítugan pólskan karlmann, Robert Dariusz Sobiecki í þriggja ára fangelsi fyrir nauðgun sem átti sér stað á salerni í kjallara Hótels Sögu í Reykjavík í mars í fyrra. Þá var hann dæmdur til að greiða henni eina og hálfa milljón í bætur.

Írar fella Lissabon-sáttmálann - Baroso hvetur önnur ríki til að staðfesta

Nú er það staðfest að Írar hafa fellt Lissabon-sáttmálann í þjóðaratkvæðagreiðslu. Búið er að telja öllum kjördæmum og er niðurstaðan á þann veg að 53,4 prósent þeirra sem tóku þátt höfnuðu sáttmálanum en 46,6 prósent sögðu já.

Fær leyfi til kolvetnisleitar á Drekasvæði

Orkustofnun hefur í dag veitt norska olíuleitarfyrirtækinu Wavefield-InSeis þriggja ára leyfi til leitar að kolvetni á norðanverðu Drekasvæðinu og hefjast hljóðbylgjumælingar með mæliskipi fyrirtækisins væntanlega innan nokkurra daga.

Pósthússtræti lokað annan daginn í röð vegna blíðviðris

Annan daginn í röð er Pósthússtræti lokað fyrir bílaumferð vegna veðurblíðu. Tilgangur lokunarinnar er að gera Austurvöll þægilegri fyrir gangandi gesti og hjólreiðafólk. Heimilt er að gefa þessum hópum meira rými meðfram Austurvelli á góðviðrisdögum.

Kaupsamningum fækkar um nærri 75 prósent milli ára

Ríflega 250 kaupsamningum var þinglýst á höfuðborgarsvæðinu í maí síðastliðnum sem er 74 prósentum minna en í sama mánuði í fyrra. Þá reyndust þeir nærri 970.

Mikil áta í kringum landið

Mikil áta var víðast hvar í kringum landið, einkum úti fyrir Suðurströndinni, þegar rannsóknarskipið Bjarni Sæmundsson fór í sinn árlega vorleiðangur.

MH og Verzló vinsælustu skólarnir

Umsóknafrestur í framhaldskóla landsins rann út á miðnætti 11. júni. Alls bárust 4400 umsóknir frá nemum í 10 bekk en sá árgangur telur 4600 manns. Einnig sóttu um 3400 eldri nemendur, bæði nemendur sem vilja skipta um skóla og hefja nám að nýju.

Fullkomlega eðlilegt að spyrja Geir út í efnahagsmálin

Steingrímur J. Sigfússon, formaður Vinstrihreyfingarinnar - græns framboðs, segir fullkomlega eðlilegt að spyrja forsætisráðherra út í aðgerðir ríkisstjórnarinnar í efnahagsmálum. Geir H. Haarde firrtist við þegar Sindri Sindrason spurði hann út í málið í dag og sakaði forsætisráðherra hann um dónaskap. „Mér finnnst hún nú frekar skiljanleg í ljósi frétta undanfarna sólarhringa, nýrrar afkomuspár ríkissjóðs, hagspár ASÍ og fleiri frétta,“ segir Steingrímur, aðspurður hvort spurning Sindra til ráðherra hafi verið eðlileg.

Auglýst eftir nýjum forstjóra Landspítala

Heilbrigðisráðuneytið hefur formlega auglýst embætti forstjóra Landspítalans laust til umsóknar. Á vef ráðuneytisins er þess krafist í auglýsingu að forstjórinn skuli hafa háskólamenntun sem nýtist í starfi og jafnframt þurfi hann að búa yfir reynslu af rekstri og stjórnun.

Dagdraumar gefa vísbendingar um ástand fólks í dái

Vísindamenn hafa fundið leið til þess að meta hvort heilaskaðað fólk í dái muni komast til meðvitundar aftur eður ei. Hluti heilans getur haldist virkur þrátt fyrir að fólk liggi í dái og hafi skaðast á heila.

Vill hefja aðildarviðræður um inngöngu í ESB

Halldór Halldórsson, formaður Sambands íslenskra sveitarfélaga og bæjarstjóri á Ísafirði, segist vilja að Ísland hefji sem fyrst aðildarviðræður um inngöngu í Evrópusambandið.

Rafmagnslaust í Washington í morgun

Bilun í rafstöð í miðborg Washington olli töluverðum töfum á morgunumferðinni í Washington, höfuðborg Bandaríkjanna, þar sem umferðarljósi duttu út og neðanjarðarlestarsamgöngur fóru úr skorðum.

Landsliðið á leið á EM í bridds

Íslenska landsliðið Í bridds hefur í morgun þátttöku á Evrópumótinu í bænum Pau í Frakklandi þar sem það keppir í opnum flokki.