Símar hleraðir á 32 íslenskum heimilum

Stjórnvöld létu hlera síma á 32 heimilum í sex lotum á árunum 1949 til 1968, að því er fram kemur í grein Kjartans Ólafssonar fyrrverandi ritstjóra Þjóðviljans og alþingismanns Alþýðubandalagsins, sem birtist í Morgunblaðinu í dag.

Lögreglan notar reiðhjól vegna okurverðs á bensíni

Lögregluþjónum á reiðhjólum fjölgar víðsvegar um Bandaríkin þessa dagana vegna hækkunar á olíuverði. Chris Menton, lektor í afbrotafræði við Roger Williams háskólann á Rhode Island, segir að reiðhjól geti í mörgum tilfellum verið heppilegri en bílar. Þetta eigi við bæði í úthverfum og í miðborgum þar sem mikil mannmergð er.

Þrjár tilkynningar um verkfæraþjófnað

Verkfæraþjófar voru enn á ferð á höfuðborgarsvæðinu um helgina og bárust lögreglunni þrjár tilkynningar um slíkt. Verkfærunum var solið úr tveimur vinnuskúrum við nýbyggingar og úr einum bíl. Mikið hefur verið um slíka þjófnaði upp á síðkastið og leikur grunur á að um skipulagða starfssemi sé að ræða og að verkfærin séu jafnvel flutt úr landi í gámum.-

Með þrjár tegundir fíkniefna í líkamanum

Óvenju fjölbreytt fíkniefnaflóra reyndist vera í tveimur ökumönnum, sem teknir voru úr umferð á Akranesi um helgina vegna aksturs undir áhrifum fíkniefna.

Friðargæsluliðar misnota börn

Börn á stríðshrjáðum svæðum eru misnotuð af friðargæsluliðum sem eiga að gæta öryggis þeirra. Þetta segir í nýrri skýrslu hjálparsamtakanna Save the Children.

Níu létust á Sri Lanka

Sprengja sprakk í troðfullri farþegalest rétt fyrir utan Colombo, höfuðborg Sri Lanka í dag. Níu létust og 72 særðust.

Segir "málflutning" fréttastofu Stöðvar 2 hneyksli

Geir H. Haarde forsætisráðherra var afar harðorður í garð fréttastofu Stöðvar 2 í viðtali í þættinum Ísland í dag í kvöld.

Lagt til að Sævar Ciesielski fái ríkisborgararétt

Sævar Marinó Ciesielski er í hópi 24 mann sem allsherjarnefnd Alþingis leggur til að verði veittur íslenskur ríkisborgararéttur á yfirstandandi vorþingi.

Neyddir til að sprengja sig í loft upp

Íraskir hermenn handsömuðu í dag sex táninga sem verið var að þjálfa til þess að framkvæma sjálfsmorðsárásir gegn vilja sínum. Þetta kemur fram í tilkynningu frá innanríkisráðuneyti landsins.

Segist hafa komist í skjöl með klækjum

Talsmaður niðurhalsvefsins Viking Bay segist með klækjum hafa komist í málsskjöl Samtaka myndréttarhafa á Íslandi vegna rannsóknar á ólöglegu niðurhali á síðunni. Hann hafi síðan varað félaga sína við. Þetta segir framkvæmdastjóri samtakanna rangt.

Fyrrverandi þingmenn segjast eiga auðvelt með að finna vinnu

Sautján miðaldra og eldri þingmenn hættu á alþingi síðastliðið vor. Enginn þeirra hefur átt í vandræðum með að fá vinnu - þótt ótryggar atvinnuhorfur eftir þingmennsku séu gjarnan taldar til röksemda fyrir betri eftirlaunakjörum lýðræðislegra fulltrúa okkar við Austurvöll.

Þjófar stálu kaffi

Nokkur innbrot voru tilkynnt til lögreglunnar á höfuðborgarsvæðinu um helgina en í þremur þeirra höfðu þjófarnir verkfæri á brott með sér. Verkfærunum var stolið úr tveimur vinnuskúrum og einum bíl en svo virðist sem hina óprúttnu aðila hafi líka þyrst í kaffi. Nokkrar kaffipakkningar hurfu líka úr öðrum vinnuskúranna sem og mjólk sem var geymd í ísskáp á sama stað.

Strætó óheimilt að velja lækni fyrir vagnstjóra

Landlæknisembættið telur stjórnendur Strætó bs. ekki geta gert þá kröfu að starfsfólk tilkynni veikindi sín og veiti nánari upplýsingar um sjúkdóma sína til annars læknis en það kýs sjálft að leita til. Trúnaðarmenn Strætó óskuðu eftir úrskurði landlæknis vegna samskipta starfsmanna fyrirtækisins og Heilsuverndarstöðvarinnar Impro.

Velta bílum að gamni sínu

Á myndbandasíðunni Youtube.com er að finna íslensk myndbönd sem sýna hvernig fífldjarfir ungir menn velta fólksbílum í iðnaðarhverfi Grafarvogi.

Vilja að þingmenn fresti framhaldsskólafrumvarpi til hausts

Kennarafundur í Menntaskólanum við Hamrahlíð skorar á alþingismenn að fresta afgreiðslu frumvarps til laga um framhaldsskóla til hausts svo tóm gefist til að skoða ýmis atriði frumvarpsins betur.

Karl V. Matthíasson nýr formaður Umferðarráðs

Séra Karl V. Matthíasson, þingmaður Samfylkingarinnar, tekur við sem formaður Umferðarráðs um næstu mánaðamót samkvæmt ákvörðun Kristjáns L. Möller samgönguráðherra.

Hæstiréttur fellir úr gildi framsalsúrskurð

Hæstiréttur hefur fellt úr gildi þann úrskurð dóms- og kirkjumálaráðuneytisins að framselja pólskan karlmann til síns heima þar sem hann er grunaður um þjófnaðarbrot. Meirihluti dómsins gerir það þar sem maðurinn naut ekki aðstoðar lögmanns í málinu.

Skakkur Japani

Ekki er ólíklegt að nú sé japanskur flugfarþegi skakkur einhversstaðar í Tokyo. Þökk sé japönsku tollgæslunni.

Leitin að Titanic var aðeins yfirskin

Haffræðingurinn Bob Ballard hefur viðurkennt að leit hans að flakinu af Titanic hafi verið yfirskin.

Leggja fram frummatsskýrslu vegna kísilverksmiðju í Helguvík

Tomahawk Development, félag í eigu íslenskra og danskra aðila, hefur lagt fram frummatsskýrslu um umhverfisáhrif fyrir fyrirhugaða kísilverksmiðju í Helguvík. Í tilkynningu frá Skipulagsstofnun segir að hægt sé að gera athugasemdir við skýrsluna til 8. júlí.

Ítalir fækka í herliði sínu í Afganistan

Ítalir munu fækka í herliði sínu í Afganistan síðar á árinu eftir því sem varnarmálaráðherra landsins greindi frá fyrr í dag.

Félagsmálaráðherra ætlar að beita sér í málum Fjölsmiðjunnar

Jóhanna Sigurðardóttir félagsmálaráðherra segist munu gera það sem í hennar valdi stendur til þess að finna skjóta lausn á húsnæðismálum Fjölsmiðjunnar sem brátt verður húsnæðislaus. Þetta kom fram í svari hennar við fyrirspurn Birkis Jóns Jónssonar, þingmanns Framsóknarflokksins.

Tillögur VG í kvótamálinu lagðar fram

Vinstrihreyfingin - grænt framboð hefur mótað tillögur að æskilegu svari til mannréttindanefndar Sameinuðu þjóðanna í kjölfar þess að nefndin úrskurðaði íslenska fiskveiðistjórnunarkerfið brotlegt við mannréttindasáttmála Sameinuðu þjóðanna. Í tillögum VG er meðal annars gert ráð fyrir að íslensk stjórnvöld hefji „vandaðan undirbúningað nauðsynlegum lagabreytingum í því skyni að gera það mögulegt að innkalla aflaheimildir frá núverandi handhöfum.“

Vill að svar til mannréttindanefndar SÞ verði kynnt þingi

Guðni Ágústsson, formaður Framsóknarflokksins, deildi á ríkisstjórnina í dag fyrir að vilja ekki leyfa þinginu að ræða væntanlegt svar ríkisstjórnarinnar við áliti mannréttindanefndar Sameinuðu þjóðanna. Forsætisráðherra sagði hins vegar ekkert sem mælti gegn því að málið yrði rætt á þingi.

Segir Skipulagsstofnun hafa farið út fyrir hlutverk sitt

Samorka, Samtök orku- og veitufyrirtækja, telur vandséð annað en að Skipulagsstofnun sé komin út fyrir lögbundið hlutverk sitt með áliti sínu um Bitruvirkjun.

Um 1700 lögreglumenn vakta ráðstefnu um Írak í Stokkhólmi

Lögreglan í Stokkhólmi mun kalla til 1700 lögreglumenn til þess að gæta öryggis á ráðstefnu um framtíð Íraks sem fram fer í borginni á fimmtudag.

Þriggja bíla óhapp á Biskupstungnabraut

Þriggja bíla umferðaróhapp varð á Biskupstungnabraut til móts við bæinn Alviðru um klukkan tíu í morgun

Segir grafhýsi Kleópötru fundið

Æðsti yfirmaður fornleifa í Egyptalandi telur sig hafa fundið grafhýsi Kleópötru. Hann vonast til þess að rómverski hershöfðinginn Markús Antoníus hvíli henni við hlið.

Átta létust í illviðri í Bandaríkjunum

Átta manns létu lífið og fimmtíu slösuðust í óveðri í Bandaríkjunum í gær.

Segir flugvallarkönnun blása fylgiskönnun út af borðinu

Ólafur F. Magnússon borgarstjóri segist halda að könnun á stuðningi við flugvöll í Vatnsmýrinni blási af könnun á fylgi flokkanna í borgarstjórn.

Rætt um orku- og auðlindafrumvarp á þingi

Önnur umræða um breytingar á lögum á auðlinda- og orkusviði hófst á Alþingi í morgun. Hlé var gert á henni nú klukkan eitt.

Myndir berast frá Mars

Fönix, ómannað geimfar Bandarísku geimferðastofnunarinnar, NASA, lenti á Mars á miðnætti í nótt.

Tilfærsla yfir á hægri akrein sviðsett

Í dag eru fjörutíu ár frá því skipt var yfir í hægri umferð á Íslandi. Að því tilefni verður tilfærslan af vinstri akrein yfir á þá hægri sviðsett klukkan eitt í dag, á sama stað og fyrir fjórum ártugum.

Verður alltaf að vera til orka fyrir lítt mengandi fyrirtæki

Það verður alltaf að vera til reiðu orka fyrir lítt mengandi hátæknifyrirtæki, sagði Össur Skarphéðinsson iðnaðarráðherra fyrir sléttum þremur mánuðum. Deilur um háspennulínur, virkjanir í neðri hluta Þjórsár og við Bitru benda ekki til að iðnaðarráðherra verði að ósk sinni.

Mengistu dæmdur til dauða

Hæstiréttur Eþíópíu hefur dæmt Mengistu Haile Mariam til dauða. Mengistu var leiðtogi marxista sem tóku völdin í landinu eftir að keisarinn Haile Selassie missti stjórn á ríkinu í kjölfar mikillar hungursneyðar. Valdatímabil hans einkenndist af miklum ofsóknum í garð þeirra sem hann skilgreindi sem andstæðinga sína.

Skoða möguleika á frekari málshöfðun á hendur Hringrás

Slökkvilið höfuðborgarsvæðisins skoðar nú möguleikann á frekari málshöfðun á hendur endurvinnslufyrirtækinu Hringrás vegna bruna á athafnasvæðis fyrirtækisins fyrir um fjórum árum. Þá vill slökkviliðið að brunavarnalögum verði breytt þannig að skýrt verði kveðið á um ábyrgð aðila í brunum sem þessum.

Verslunarmannafélag Austurlands sameinast VR

Aðalfundur Verslunarmannafélags Austurlands samþykkti í gær tillögu um að sameinast við VR og stofna sérstaka deild VR á Austurlandi.

Serbar neita sekt um þjóðarmorð

Serbar neita því að þeir hafi gerst sekir um þjóðarmorð í stríðinu í Bosníu á árunum 1992-1995.

Borgarstjóri fagnar niðurstöðum skoðanakönnunarinnar

Ólafur F. Magnússon, borgarstjóri í Reykjavík, fagnar niðurstöðu skoðanakönnunar um staðsetningu Reykjavíkurflugvallar sem birtist í Fréttablaðinu í morgun.

Hefði myrt Guðmund í Byrginu

“Hefði þetta gerst fyrir 10 árum hefði ég framið morð á honum”, segir Ragnar Hauksson sem réðst á Guðmund Jónsson, fyrrverandi forstöðumann Byrgisins fyrir hálfum mánuði.

Lýður leikstýrir dönskum stórleikara

Vestfirskir kvikmyndagerðarmenn hefja í sumar tökur á leikinni sjónvarpsmynd sem verður að mestu leyti tekin upp á Jökulfjörðum en einnig á Ísafirði.

Býst við minni verðbólgu

„Ég tel að þetta sé síðasta háa talan sem við munum sjá og mánaðartölurnar fari lækkandi hér eftir,“ segir Vilhjálmur Egilsson, framkvæmdastjóri Samtaka atvinnulífsins.

Rússar skutu niður könnunarvél

Það var rússnesk orrustuþota sem skaut niður ómannaða könnunarflugvél frá Georgíu yfir Abkasíu hinn 20 apríl síðastliðinn.

Draugur við stýrið í útafakstri?

Héraðsdómur Suðurlands sýknaði í dag karlmann af ákæru um ölvunarakstur þar sem ekki var talið hafið yfir vafa af hann hefði verið undir stýri.

Gríðargóð þátttaka í kosningum um stjórnarskrá í Búrma

Nærri 93 prósent íbúa í Búrma samþykktu stjórnarskrá sem herforingjastjórnin lagði fram í þjóðaratkvæðagreiðslu á um helgina. Frá þessu greindi ríkissjónvarpið í Búrma í morgun.