Bjóst ekki við að drengurinn myndi lifa

Vitni að því þegar snjósleði rann stjórnlaust á fjórtán ára gamlan dreng í Bláfjöllum í gær segist ekki hafa búist við því að hann myndi lifa af. Sleðinn hafi skollið á piltinum á miklum hraða og þeir svo oltið áfram.

Hauskúpumálið upplýst?

Heimamenn í Kjósarhrepp eru langt komnir með að leysa hauskúpumálið sem upp kom þegar hlutar úr hauskúpu fundust á víðavangi í hreppnum í fyrrakvöld.

Árásarmennirnir ófundnir

Lögreglan leitar enn að sex til átta manns sem grunaðir eru um að hafa brotist inn á heimili í Keilufelli í gær og ráðist með kylfum á sjö karlmenn sem þar bjuggu. Rannsóknin beinist meðal annars að því að fá staðfestan framburð fórnarlambanna um að um pólskt glæpagengi hafi verið að ræða.

Leitað að lettneskum auðjöfri

Lettneska lögreglan leitar nú að Leonid Rozhetskin rússnesk-ættuðum auðjöfri sem hvarf á dularfullan hátt úr glæsihúsi sínu á Balkanskaga fyrir einni viku.

Einn á gjörgæslu eftir bílveltu

Einn er á gjörgæslu og fjórir voru fluttir á slysadeild eftir umferðarslys vestan við Vogaveg á Reykjanesbraut um klukkan eitt í nótt.

Höfuðkúpan notuð sem öskubakki

Höfuðkúpan sem fannst á leiksvæði við Meðalfellsvatn í gærdag er rakin til hjólhýsis sem þar stóð síðasta sumar. Niðurstöður bráðabirgðarannsóknar sína að höfuðkúpan er líklega úr konu eða barni sem lést fyrir tíu til þrjátíu árum.

Herferð gegn átröskun á Ítalíu

Íþrótta- og æskulýðsráðherra Ítalíu segir að átröskun sé alvarlegasti geðkvilli sem unga fólkið tekst á við í dag.

Umferðarmannvirki skapa hættu

Ætla mætti að gleymst hafi að taka tillit til vöruflutningabifreiða við hönnun umferðarmannvirkja á höfuðborgarsvæðinu.

Nefhjól datt af Færeyjaflugvél

Vél frá færeyska flugfélaginu Atlantic Airways missti annað nefhjólið í flugtaki frá Kaupmannahöfn í morgun.

Forsætisráðherra Pakistan krefst lausnar dómara

Yusuf Raza Gillani nýskipaður forsætisráðherra Pakistan hefur fyrirskipað að öllum dómurum sem verið hafa í haldi frá setningu neyðarlaga í landinu verði sleppt. Þetta tilkynnti Gillani nokkrum mínútum eftir að vera kosinn til embættisins af þingmönnum í dag.

Skarst á hálsi á dansleik á Höfn

Karlmaður var fluttur með sjúkraflugi til Reykjavíkur eftir að hann skarst á háls eftir dansleik á Höfn í Hornafirði aðfararnótt laugardags. Lögreglan á Höfn verst allra frétta af málinu en segir málið í rannsókn.

Drengur alvarlega slasaður eftir snjósleða í Bláfjöllum

Alvarlegt slys varð á skíðasvæðinu í Bláfjöllum í gærmorgun. Starfsmaður missti stjórn á vélsleða rétt ofan við Kóngslyftu þannig að hann féll af honum. Vélsleðinn rann stjórnlaus niður skíðabrekku og hafnaði á ungum dreng sem varð undir sleðanum. Drengurinn var fluttur alvarlega slasaður á Landsspítalann í Fossvogi. Hann mun vera margbrotinn á vinstri fæti og viðbeinsbrotinn auk þess sem hann hlaut bólgur í andliti og á hnakka.

Grunar að pólskt glæpagengi búi í Reykjanesbæ

Lögreglu grunar að pólskt glæpagengi sé búsett í Reykjanesbæ. Enn er leitað allt að átta manna sem taldir eru viðriðnir hrottafengna árás í Reykjavík á laugardag.

Mannabein fundust í Kjósarhreppi

Hlutar úr hauskúpu fundust á víðavangi í Kjósarhreppi í gærkvöldi. Frumrannsókn á hlutunum leiddi í ljós að beinin eru um tíu til þrjátíu ára gömul. Rannsókn lögreglu er á frumstigi en talið er að beinin séu úr konu eða barni.

Hamas eyðileggur friðarferli Mið-Austurlanda

Dick Cheney varaforseti Bandaríkjanna segir að herskáir Hamasliðar í Palestínu ásamt Íran og Sýrlandi reyni að sundra friðarumleitunum fyrir botni Miðjarðarhafs. Cheney lét ummælin falla eftir morgunverð með Ehud Olmert forsætisráðherra Ísraels sem markaði enda ferðar hans til Mið-Austurlanda.

Kveikt á ólympíueldinum þrátt fyrir mótmæli

Kveikt var á ólympíueldinum við hátíðlega athöfn í Grikklandi í morgun þrátt fyrir truflun mótmælenda. Tveir aðgerðarsinnar sem eru á móti yfirráðum Kína í Tíbet brutu sér leið í gegnum þúsund manna varðhring lögreglu í Ólympíu og reyndu að setja upp fána þegar sendifulltrúi Kínverja talaði. Aðgerðarsinnar höfðu boðað mótmæli vegna ástandsins í Tíbet.

Fyrrverandi kona Sarkozy giftir sig á ný

Cecilia, fyrrverandi eiginkona Nicolasar Sarkozy, forseta Frakklands er búin að gifta sig á ný. Nýi eiginmaðurinn er marókkoskur auðmaður sem heitir Richard Attias. Cecilia og franski forsetinn skildu í október síðastliðnum eftir ellefu ára brokkgegnt hjónaband.

Búist við þungri umferð

Búast má við þungri umferð á þjóðvegum í dag, einkum til Reykjavíkur, þegar tugþúsundir landsmanna snúa heim úr páskafríi. Mestur verður umferðarþunginn að líkum á Norðurlandsvegi og Vesturlandsvegi enda meðal annars margt skíðafólk af höfuðborgarsvæðinu sem lagði leið sína á helstu skíðasvæði Norðurlands.

Fjögurþúsund Bandaríkjamenn hafa fallið í Írak

Fjórir bandarískir hermenn féllu í Írak í gær. Þar með hafa fjögur þúsund bandarískir hermenn fallið síðan innrás var gerð í landið fyrir fimm árum. Bandamenn unnu stríðið gegn herjum Saddams Hussein næsta auðveldlega. Eftirleikurinn hefur hinsvegar verið erfiðari.

Aukaflug hjá FÍ vegna páskahelgarinnar

Flugfélag Íslands hefur sett upp alls átta aukaflug í dag til að flytja fólk aðallega utan af landi til Reykjavíkur á lokadegi páskahelgarinnar. Aukaflugin eru frá Ísafirði, Akureyri og Egilsstöðum en alls eiga sextánhundruð manns bókað flugfar í dag með vélum Flugfélagsins. Ágætlega viðrar til flugs og er fært á alla staði.

250 landflótta Tíbetar handteknir

Tvöhundruð og fimmtíu landflótta Tíbetar voru handteknir í mótmælagöngu í Katmandu, höfuðborg Nepals í dag. Göngufólkið var að reyna að komast að höfuðstöðvum Sameinuðu þjóðanna í Katmandu. Mótmælafundir hafa verið haldnir daglega í Nepal undanfarnar vikur. Þar búa um 20 þúsund Tíbetar sem flúðu land sitt eftir misheppnaða uppreisn gegn Kínverjum árið 1959.

Einn á slysadeild eftir árekstur á Bústaðavegi

Einn var fluttur á slysadeild eftir árekstur tveggja bíla á Bústaðavegi við Kringlumýrarbraut um klukkan átta í morgun þegar fólksbíll og jeppi skullu saman. Ökumaður jeppans er grunaður um ölvun við akstur og var fluttur til yfirheyrslu á lögreglustöð.

Eldur í rusli og bílum á höfuðborgarsvæðinu

Slökkvilið höfuðborgarsvæðisins var kallað út vegna íkveikju í rusli við hús á Mýrargötu í nótt. Þá voru þrjú útköll vegna elds í jafnmörgum bílum á höfuðborgarsvæðinu.

Sprautunálarán eru hluti af fíkniefnavandanum

Gróf ofbeldisverk og hótun um ofbeldi hljóta alltaf að vera með alvarlegustu málum sem upp koma í okkar samfélagi, segir Vilhjálmur Þ. Vilhjálmsson, formaður borgarráðs og íbúi í Breiðholti.

Árásarmenn úrskurðaðir í þriggja vikna gæsluvarðhald

Mennirnir fjórir sem handteknir voru seinni partinn í gær vegna líkamsárásar í Keilufelli í Breiðholti hafa verið úrskurðaðir í þriggja vikna gæsluvarðhald.

Lík dönsku hermannanna flutt heim

Lík tveggja danskra hermanna sem féllu í sprengjuárás í Afganistan í síðustu viku voru flutt til Danmerkur nú um helgina.

Pilturinn kominn í leitirnar

Pilturinn sem lögreglan á Selfossi lýsti eftir fyrr í kvöld er kominn í leitirnar.

Búið að sleppa Leifsgötumönnunum

Búið er að taka skýrslur af tveimur mönnum sem voru handteknir á Leifsgötu í morgun eftir að fjölmennt lið lögreglu og víkingasveitar hafði verið kvatt á staðinn. Það var um ellefuleytið í morgun að lögreglan fékk tilkynningu um að maður hefði ógnað fólki með hníf.

Lögreglan fer fram á gæsluvarðhald yfir árásarmönnum

Lögreglan mun fara fram á gæsluvarðhald yfir mönnunum fjórum sem voru handteknir í tengslum við hrottalega líkamsárás í Fellahverfi í gærkvöld.

Segist hafa myrt í sjálfsvörn

Það var fyrir algjöra tilviljun að 46 ára gamall maður stakk fyrrverandi eiginkonu sína og tengdapabba í Hørsholm í Danmörku í gær. Og morðið var gert í sjálfsvörn.

Palestínumenn undirrituðu samkomulag um friðarviðræður

Forystumenn Fatah hreyfingarinnar og Hamas hafa undirritað samkomulag sem ætlað er að stuðla að friði á milli þessa tveggja stríðandi fylkinga.

Musharraf heitir stuðningi við samsteypustjórnina

Forseti Pakistan, Pervez Musharraf, heitir fullum stuðningi sínum við nýmyndaða samsteypustjórn í landinu, sem skipuð er pólitískum andstæðingum hans. Í göngu sem var farin til að fagna þjóðhátíðardegi Pakistan sagði Musharraf að nýtt tímabil lýðræðis væri framundan.

Eigandinn í Keilufelli kveðst ánægður með leigjendur

Hlynur Jensson, fiskitæknir og eigandi húsnæðisins að Keilufelli, þar sem ráðist var á fjölda Pólverja í gær segir íbúa hússins vera mjög góða leigjendur.

Óttast að laxastofninn í Þjórsá hrynji

Visfræðingur óttast að laxastofninn í Þjórsá hrynji verði af Urriðafossvirkjun. Hún segir laxastofninn einn þann stærsta og sérstæðasta í landinu og ekki sé útlit fyrir að Landsvirkjun geti með nokkru móti komið í veg fyrir það, þrátt fyrir yfirlýstar mótvægisaðgerðir.

Páskahátíðinni fagnað víða um heim

Páskahátíðinni er fagnað víða um heim. Í Írak og Afganistan létu kristnir ekki báborið ástand aftra sér frá því að fagna upprisu krists og að venju var mikið um dýrðir í Jerúsalem.

Benedikt páfi hélt árlegt páskaávarp sitt

Benedikt páfi hélt sitt árlega páskaávarp á Péturstorginu í Róm fyrir stundu. Í ræðu sinni hvatti hann til lausnar á deilunni í Tíbet og bað fyrir friði í Afríku og Miðausturlöndum.

Alvarlega særður eftir árás í Keilufelli

Einn maður liggur alvarlega slasaður, brotinn og með samfallið lunga, eftir fólskulega líkamsárás síðdegis í gær. Lögregla leitar enn allt að átta pólskra karlmanna sem ruddust ásamt fjórum öðrum inn í hús í Keilufelli vopnaðir öxum og bareflum.

Líkamsárás á Leifsgötu

Fjölmennt lið lögreglunnar og sérsveitar ríkislögreglustjóra var kallað að Leifsgötu í Reykjavík á ellefta tímanum í morgun.

Páskaboðskapurinn snýst ekki um hrun á mörkuðum

Karl Sigurbjörnsson, biskup Íslands, flutti páskapredikun í Dómkirkjunni í morgun. Hann sagði fréttir undanfarinna daga vart hafa snúist um annað en fjármál og gengi, hrun og svarta daga í kauphöllum og fyrirtækjum, óvissu og ótta.

Saka Dalai Lama um að halda Ólympíuleikunum í gíslingu

Kínversk stjórnvöld ásaka Dalai Lama um að halda Ólympíuleikunum í Peking í gíslingu í þeim tilgangi að sverta ímynd Kína og knýja fram sjálfstæði Tíbet.

Skíðasvæði víða opin í dag

Í dag, páskadag, verður opið á skíðasvæðum höfuðborgarsvæðisins frá klukkan 10 til 18.

Fjórir gista fangageymslur á Ísafirði

Fjórir gista fangageymslur hjá lögreglunni á Ísafirði eftir nóttina. Tveir vegna umferðarlagabrots og tveir vegna ölvunar og óláta. Lögreglan segir að talsverður erill hafi verið á Ísafirði í nótt vegna hátíðarinnar Aldrei fór ég suður sem lauk formlega í nótt.

Lögreglan veitti ökumanni eftirför

Lögreglan á höfuðborgarsvæðinu veitti ökumanni eftirför í Suðurhlíð klukkan sex í morgun. Maðurinn sinnti ekki stöðvunarmerki lögreglu.

Eldur í Sirkus

Eldur kviknaði í húsnæðinu þar sem skemmtistaðurinn Sirkus í Reykjavík var til staðar um klukkan þrjú í nótt og var slökkvilið kvatt á staðinn.

Fundu 20 kíló af dínamíti

Lögreglan á Suðurnesjum fann um 20 kg af dínamíti við Þorbjörninn í Grindavík í gærkvöld. Er hér um að ræða 6 stykki af rúmlega 3 kílógramma dínamítstúpum.