Fleiri fréttir

Glænýjum sendibíl stolið á Laugavegi

Grábrúnum sendibíl af gerðinni Renault Traffic var stolið á um klukkan 17:00 í dag. Verið var að afferma bílinn við Landsbankann við Laugaveg þegar óprúttin bílaþjófur settist í bílstjórasætið og ók bílnum á brott.

Þjófar handteknir á Laugavegi

Tveir karlar á fertugsaldri voru handteknir á Laugavegi í morgun en þeir stálu peningaveski frá starfsmanni fyrirtækis við sömu götu. Það var skömmu fyrir ellefu sem lögreglu barst tilkynning um þjófnaðinn og brást hún skjótt við og fann mennina í nærliggjandi verslun. Veskið kom sömuleiðis í leitirnar og reyndust greiðslukort og peningar ennþá á sínum stað. Veskinu var komið aftur í réttar hendur en þjófarnir voru færðir í fangageymslu. Mennirnir hafa áður komið við sögu hjá lögreglu.

Sala á alifuglakjöti upp fyrir kindakjöt í fyrra

Kjötframleiðsla í landinu jókst um sjö prósent á síðasta ári frá árinu á undan samkvæmt bráðabirgðatölum. Þá reyndist sala á alifuglakjöti meiri en kindakjötssala í fyrsta sinn í sögunni.

Gönguskíðafæri í Heiðmörk

Gönguskíðafæri er í Heiðmörk eftir að snjó hefur kyngt þar niður síðustu daga. Fram kemur í tilkynningu að skíðafærið sé það allra besta sem komið hafi í nokkur ár.

18 látnir í mótmælunum í Kenía

Að minnsta kosti 10 létust í mótmælum í Kenía í dag þegar lögregla skaut að fólki til að leysa upp átök ættbálka vegna ósættis með niðurstöður forsetakosninganna 27. desember. Alls hafa 18 látist í þriggja daga mótmælunum sem stjórnarandstöðuleiðtoginn Raila Odinga boðaði til og á að ljúka í dag. Lögreglan segist einungis hafa skotið að þjófum og óeirðaseggjum.

Allt sem ég hef byggt upp síðustu ár farið

„Það eina sem ég viet er að það er bara allt farið sem maður er búinn að byggja upp síðustu ár," segir Jón Daníel Jónssson, eigandi Kaffi Króks á Sauðárkróki sem gjöreyðilagðist í eldi í nótt.

Geðhjálp óskar eftir aðalstjórnarfundi í ÖBÍ

Fulltrúi Geðhjálpar i stjórn Öryrkjabandalags Íslands hefur farið fram á að aðalstjórnarfundur verði haldinn hjá sambandinu. Á fundinum verði farið yfir þá stöðu mála sem komin er upp hjá félaginu og hefur meðal annars leitt til þess að Sigursteinn Másson sagði af sér formennsku í Öryrkjabandalaginu.

Jákvæður tónn um að ganga hraðar í verkefnið

„Það má segja að það hafi verið jákvæður tónn um að ganga hraðar í verkefnið og það var vilji í mönnum til þess að setjast yfir þetta af meiri alvöru," segir Sigurður Bessason, formaður Eflingar - stéttarfélags eftir fund Starfsgreinasambandsins og Flóabandalagsins með Samtökum atvinnulífsins hjá ríkissáttasemjara í dag.

Handtekin vegna gruns um hryðjuverk í Kenía

Tveir Þjóðverjar og hollensk kona sem komu til Kenía sem fréttamenn hafa verið handtekin vegna gruns um að skipuleggja hryðjuverk. Lögregla segir myndir með uppsetningu grunsamlegs búnaðar hafa fundist í fórum þeirra. Eftir komuna til landsins hafi þau hagað sér grunsamlega.

Fischer trúði ekki á læknavísindin

Bobby Fischer lést af völdum nýrnabilunar. Einar S. Einarsson segir í samtali við Vísi að Fischer hafi ekki viljað leita sér læknisaðstoðar vegna kvilla sinna og að hann hafi ekki haft trú á vestrænum lækningaaðferðum.

Vélin missti afl í aðflugi að Heathrow

Flugstjóri British Airways vélarinnar sem brotlenti á Heathrow flugvelli í gær hafði aðeins 30 sekúndur til að bjarga farþegum sínum og áhöfn. Í aðflugi að flugbrautinni uppgötvaði Peter Burkill flugstjóri að Boeing 777 þotan hafði misst afl þegar hann var í 500 feta hæð.

Fjögurra ára dómur fyrir kynferðisbrot gegn systurdætrum

Héraðsdómur Reykjaness hefur dæmt karlmann í fjögurra ára fangelsi fyrir gróf kynferðisbrot gegn tveimur systurdætrum sínum sem stóðu yfir í mörg ár. Þá var hann einnig sakfelldur fyrir að hafa ljósmyndir af annarri stúlkunni sem sýndu hana á kynferðislegan hátt í tölvu sinni.

Ákært vegna fjöldaslagsmála

Héraðsdómur Reykjaness þingfesti í dag tvö mál vegna fjöldaslagsmála sem brutust út á Garðavegi í Hafnarfirði í ágúst síðastliðinn.

Mokiði frá sorptunnunum

Sorphirðan í Reykjavík biður borgarbúa um að moka frá sorptunnum um helgina en snjór hefur víða safnast upp við þær.

Lögreglan lenti í umferðaróhappi

Töluvert hefur verið um árekstra í morgun sökum hálku og slæmrar færðar, en sem betur fer hafa allir sloppið ómeiddir úr þeim óhöppum. Alls hafa fimmtán umferðaróhöpp verið tilkynnt. Þar á meðal var þetta atvik þegar lögreglubíll lenti á öfugum vegarhelmingi á Hálsabraut á móts B&L og hafnaði á bifreið Orkuveitunnar.

Bobby leitaði skjóls í búðinni hjá Braga

„Ég var einmitt að leggja til hliðar bækur til að láta hann fá þegar ég heyrði fréttirnar," segir Bragi Kristjónsson bóksali, en Bobby Fischer var fastagestur í búðinni hans á Klapparstígnum. „Hann hafði mest gaman af gömlum amerískum teiknimyndasögum og hló mikið þegar hann las þær." Bragi segir að einnig hafi hann leitað í sögur af mönnum sem hrakist hefðu frá löndum sínum enda má segja að Bobby hafi verið í slíkri stöðu sjálfur.

Ómögulegt að vinna sigur á Srí Lanka með hernaði

Fyrrverandi upplýsingafulltrúi vopnahléseftirlitsins á Srí Lanka segir ómögulegt fyrir stríðandi fylkingar í landinu að vinna sigur með hernaði. Hann er svartsýnn á þróun í landinu fyrir almenna borgara.

Fundu hass við húsleit í Hveragerði

Lögreglan á Selfossi fann lítilræði af hassi við húsleit í Hveragerði í nótt. Einn maður var handtekinn og vistaður í fangageymslu. Hann var svo yfirheyrður í dag vegna þessa máls og annara sem lágu fyrir.

Námsráðgjöf og aukinn netaðgangur fyrir fanga

Nefnd á vegum menntamálaráðherra leggur til að ráðinn verði náms- og starfsráðgjafi við Fjölbrautaskóla Suðurlnad á Selfossi hið fyrsta til þess að sinna föngum bæði á Litla-Hrauni og annars staðar á landinu. Fram kemur í tilkynningu frá menntamálaráðuneytinu að nefndinni hafi verið falið að vinna að stefnumótun í menntunarmálum fanga.

Fékk að kenna á snilli Bobbys Fischer

Friðrik Ólafsson stórmeistari og fyrrverandi forseti Skáksambands Íslands segir fráfall Bobbys Fischer sorgleg tíðindi. Friðrik segist nokkrum sinnum hafa fengið að kenna á snilli Fischers og telur hann einn af höfuðsnillingum skáklistarinnar.

Óli Stef ekki með um helgina

Ólafur Stefánsson fyrirliði íslenska landsliðsins í handbolta verður ekki með í nætu tveimur leikjum liðsins á evrópumeistaramótinu í handbolta. Ólafur er með rifinn vöðva aftan í læri.

Bobby kom Íslandi á kortið

Einar S. Einarsson var í forsvari hópsins sem beitti sér fyrir því að Bobby Fischer fengi lausn úr fangelsi í Japan og íslenskan ríkisborgararétt. Hann kynntist Fischer náið á þeim þremur árum sem liðin eru síðan hann kom hingað til lands. „Bobby Fischer var að mínu mati meistari meistarana í skák," segir Einar í samtali við Vísi. „Hann kom Íslandi á kortið, svo einfalt er það. Þegar hann tefldi hér við Spassky 1972 var Ísland óþekkt í heiminum og Fischer breytti því á skammri stund."

Spasskí brugðið við fréttir af fráfalli Fischers

Boris Spasskí var brugðið þegar Vísir hafði samband við hann á heimili hans í París fyrir stundu vegna andláts Bobbys Fischer fyrrverandi andstæðings síns í skák. Hann hafði ekki heyrt af fráfalli Fishers en vildi vita nánari upplýsingar um aðdraganda þess. Spasskí vildi ekki tjá sig frekar á þessari stundu.

Þakklát fyrir að Fischer fékk að deyja á Íslandi

Guðfríður Lilja Grétarsdóttir, formaður Skáksambands Íslands, segist þakklát fyrir það að Íslendingar hafi komið Bobby Fischer til hjálpar og hann hafi fengið að deyja frjáls á Íslandi en ekki í fangelsi. Bobby Fischer lést í gær.

Bobby Fischer látinn

Skákmeistarinn Bobby Fischer er látinn. Hann lést eftir erfið veikindi.

Indverjar aftra yfirvöldum að hefta fuglaflensufaraldur

Heilbrigðisyfirvöld á Indlandi hvetja íbúa þorpa þar sem hið banvæna afbrigði fuglaflensu H5N1 kom upp í vikunni, að hætta að henda dauðum fuglum í vötn og tjarnir. Vanþekking þorpsbúa aftrar yfirvöldum frá því að hefta útbreiðslu flensunnar.

200 látnir í kuldakasti í Afghanistan

Tvö hundruð manns hafa látist í miklu kuldakasti í Afghanistan síðustu daga. Flestir hinna látnu eru fjárhirðar, en konur og börn hafa einnig látist af völdum kuldanna. Fólk virðist ekki vera viðbúið þessum kulda, en ekki hefur fallið jafnmikill snjór í sumum hlutum landsins í 20 ár. Rauði krossinn segir fólk hafa búist við snjókomu í einungis tvo daga.

Segja flugstjóra Boeing þotunnar hetju

Gordon Brown forsætisráðherra Bretlands hrósaði flugstjóra farþegaþotunnar sem brotlenti á Heathrow flugvelli í gær fyrir fagmennsku. Brown var einmitt staddur á Heathrow og tafðist flug hans til Kína vegna atviksins. Willie Walsh yfirmaður British Airways flugfélagsins sem á þotuna segir flugstjórann og áhöfn hans hetju.

Sjá næstu 50 fréttir

Mest lesið