Þriggja ára dreng rænt í Nígeríu

Nígerískir mannræningjar hafa krafist tíu milljóna Naíra, eða tæpra fimm milljón króna lausnargjalds fyrir þriggja ára dreng sem þeir rændu á leið í skóla í borginni Port Harcourt við ósa Níger-árinnar. Ættingjar barnsins greyndu frá þessu í dag. Einungis eru fjórir dagar síðan mannræningjar á svipuðum slóðum slepptu þriggja ára breskri stúlku sem þeir höfðu haldið frá því fimmta júlí.

Slasaður eftir stökk af hótelsvölum í sveppavímu

19 ára gamall íslenskur ferðamaður brotnaði á báðum fótum í Amsterdam um síðustu helgi, þegar hann stökk fram af svölum af annarri hæð hótels undir áhrifum ferskra ofskynjunarsveppa. Pilturinn er með gifs á báðum fótum.

Vill að ríkið hætti við sölu á hlut sínum í Hitaveitu Suðurnesja

Málefni Hitaveitu Suðurnesja hefur ekki fengið lýðræðislega meðferð hvorki af hálfu Alþingis eða viðkomandi sveitarfélaga að mati Jóns Bjarnasonar, þingmanns Vinstri grænna. Hann segir það aldrei hafa staðið til að Hitaveita Suðurnesja yrði einkavædd þegar málið kom til kasta Alþingis á sínum tíma og krefst þess að ríkið hætti við sölu hlutar síns í hitaveitunni.

Myrti börn sín og yfirmann

Franskur herlögreglumaður myrti tvo syni sína og yfirmann áður en hann skaut sjálfan sig herbúðum í bænum Malakoff suður af París í dag. Drengirnir voru að sögn lögreglu um ellefu ára gamlir. Maðurinn var meðlimur í gendarmerie hersveitunum, sem sinna lögggæslu í sveitum og smábæjum í Frakklandi. Þetta er annar fjölskylduharmleikurinn á stuttum tíma í Frakklandi en fyrr í vikunni viðurkenndi 37 ára gamall maður í Suður-Frakklandi að hafa drekkt þremur börnum sínum í baðkari á heimili sínu.

Samstarf til að auka notkun korta

Landmælingar Íslands og Slysavarnafélagið Landsbjörg hafa gert með sér samkomulag um aukið samstarf til að auka notkun korta og annarra landupplýsinga. Samkomulagið var undirritað í dag.

Séra Hjálmar eini umsækandinn um embætti sóknarprests Dómkirkjuprestakalls

Séra Hjálmar Jónsson, dómkirkjuprestur, var eini umsækjandinn um embætti sóknarprests Dómkirkjuprestakalls í Reykjavíkuprófastdæmi vestra. Umsóknarfrestur rann út 10. júlí síðastliðinn en það kirkjumálaráðherra sem veitir embættið að fenginni umsögn valnefndar. Embættið er veitt frá 1. október næstkomandi.

Fljúgandi asparfræ áberandi víða á landinu

Siðustu daga hafa fljúgandi asparfræ verið áberandi víða á landinu. Nú er grasfrjókornatímabilið hálfnað, en það hófst óvenju snemma í ár. Í júní var magn frjókorna í lofti einnig óvenjumikið suma daga. Mikill erill er hjá ofnæmislæknum og er fjöldi sjúklinga mjög illa haldinn. Yfirgnæfandi hluti þeirra er með grasfrjókornaofnæmi.

Breski herinn sakaður um að sleppa skrímslum í Basra

Breski herinn í Basra í Írak liggur nú undir ámæli fyrir að standa fyrir plágu af risavöxnum mannýgum greifingjum þar í borg. Undanfarnar vikur hafa sögusagnir geisað um að risavaxin loðin skrímsli gangi um úthverfi borgarinnar og ráðist jafnt á búfénað og menn.

Hornhimnubanka komið á fót á augnlækningadeild Landspítala Háskólasjúkrahúss innan skamms

Svokölluðum hornhimnubanka verður komið á fót á augnlækningadeild Landspítala Háskólasjúkrahúss innan skamms. Þannig munu íslendingar eiga meiri möguleika en áður á að fá betri sjón.

Góð veiði í Elliðaánum

Alls veiddust 23 laxar í Elliðaánum í gær þrátt fyrir óhagstætt veðurfar. Fiskurinn þykir fallegur og vel haldinn.

Jón Steinar myndi fagna opinberri rannsókn á upphafi Baugsmálsins

Í viðtali sem birtist við Jón Steinar Gunnlaugsson hæstaréttardómara í Viðskiptablaðinu í dag, segist hann telja eðlilegt ef gerð yrði opinber rannsókn á upphafi Baugsmálsins. Hann segist ekki vilja leggja mat á hvort lagaheimildir fyrir slíkri rannsókn séu fyrir hendi. „Persónulega myndi ég þó fagna því," sagði Jón Steinar í viðtalinu.

Ísland þarfnast ekki Rio Tinto

Össur Skarphéðinsson, iðnaðarráðherra, segir reynslu íslenskra stjórnvalda af fyrirtækinu Rio Tinto ekki góða og telur að Ísland þarfnist ekki fyrirtækisins. Þá segist hann vera vitandi um það slæma orðspor sem fyrirtækið hefur meðal umhverfissina og það hjálpi ekki til með að skapa sátt um náttúruvernd á Íslandi.

Enn varað við skemmdum á Þingvallavegi

Enn er varað við skemmdum á klæðningu á 1,5 km kafla á Þingvallavegi, við Grafningsvegamót. Bifhjólamenn eru sérstaklega varaðir við skemmdunum og er hraði takmarkaður við 50 km. Einnig eru vegfarendur beðnir um að sýna varúð við akstur um hálendið, sérstaklega við óbrúaðar ár.

Mótmæla sölu lúxusíbúða á kostnað aldraðra

Meirihlutinn í borgarstjórn Reykjavíkur hefur snúið frá yfirlýstri stefnu sinni að auka þjónustuíbúðir fyrir aldraða að mati fulltrúa Samfylkingarinnar og Vinstri grænna í borgarstjórn. Þeir mótmæla því harðlega að selja megi íbúðir í Mörkinni til annarra en aldraðra.

Fyrsta BMW kraftmílan háð á morgun

Farið verður í fyrstu BMW kraftmíluna á kvartmílubrautinni í Kaplahrauni, laugardaginn 14 júlí næstkomandi. Slík kraftmíla hefur ekki verið háð hér á landi áður, og þarna er markmiðið að mynda öruggan og löglegan vettvang fyrir unga ökuþóra.

Matvæli dýrust á Íslandi samkvæmt evrópskri könnun

Verð á matvælum, áfengi og tóbaki er 61 prósent hærra á Íslandi en að meðaltali í ríkjum Evrópusambandsins. Þetta kemur fram í niðurstöðum evrópskrar könnunar. Verð var næst hæst í Noregi þar sem það mældist 56 prósent yfir meðaltali. Sé skattalækkunin í mars tekin inn í dæmið er verð engu að síður hæst á Íslandi samkvæmt Hagstofunni.

Fulltrúadeild Bandaríkjaþings vill herinn heim fyrir apríl

Fulltrúadeild Bandaríkjaþings hefur samþykkt lög þess efnis að herlið Bandaríkjanna hverfi frá Írak fyrir apríl á næsta ári. Lögin gera ráð fyrir því að varnarmálaráðuneytið byrji að kalla herliðið til baka eftir fjóra mánuði.

Segjast hafa verið narraðar til verksins

Bresku stúlkurnar sem voru ákærðar í Ghana fyrir tilraun til að smygla kokaíni að verðmæti 37 milljónir íslenskra króna til Englands segja að þær hafi verið narraðar til verknaðarins.

Eyþing hefur áhyggjur af atvinnulífi á svæðinu

Stjórn Eyþings, Sambands sveitarfélaga í Eyjafirði og Þingeyjarsýslum, hefur áhyggjur af þróun atvinnulífs á svæðinu eftir að tilkynnt var um niðurskurð í aflaheimildum á þorski. Stjórnin vill að gripið verði strax til raunhæfra mótvægisaðgerða af hálfu stjórnvalda.

Sláttuvélar menga

Nýjasta tískuorðið á Íslandi er kolefnisjöfnun og er enginn maður með mönnum nema hann hafi kolefnisjafnað bílinn sinn, sumarfríið sitt og jafnvel sjálfan sig. En það er fleira en bílar og flugferðir sem menga því ein sláttuvél getur mengað á við 40-70 bíla.

Laugavegshlaupið á laugardag

Laugavegshlaupið verður haldið á laugardaginn kemur og hefst kl. 9. Tæplega 140 keppendur frá 14 löndum eru skráðir þátttakendur þar af 94 Íslendingar. Þetta er næst fjölmennasta hlaupið frá upphafi. Hlaupaleiðin frá Landmannalaugum í Þórsmörk er um 55 km. Stígur er alla leiðina þar sem undirlag er sandur, möl, gras, snjór, ís eða ýmis vöð á vatnsföllum.

Ekkert óeðlilegt við ástandið í Austurstræti

Vilhjálmur Þórmundur Vilhjálmsson, borgarstjóri í Reykjavík, segir ekkert óeðlilegt við að enn séu spýtnabrak og hálffullar áfengisflöskur í húsunum sem brunnu við Austurstræti fyrir heilum þremur mánuðum.

Óttast að rækjuvinnsla leggist af

Aðeins fjórar til fimm rækjuverksmiðjur verða starfandi í landinu eftir að Rammi á Siglufirði hættir starfsemi í haust. Framkvæmdastjóri fyrirtækisins óttast að rækjuvinnsla á Íslandi leggist af á næstu árum. Fólkið sem missti vinnuna í gær er í miklu áfalli að sögn formanns verkalýðsfélagsins Vöku.

Geysir Green eignast þriðjung í Hitaveitu Suðurnesja

Búið er að semja um eignaskiptingu Hitaveitu Suðurnesja og mun Geysir Green Energy eignast þriðjung. Minnihlutinn í Reykjanesbæ fordæmir að Suðurnesjamenn séu gerðir að tilraunadýrum í einkavæðingu orkufyrirtækja og telur að bæjarfélagið sé að verða ofurselt Glitni, kjölfestueiganda Geysis Green.

Afbragðsveður það sem af er sumri

Veðrið leikur svo sannarlega við landsmenn, sunnan og vestanlands, þessa dagana og ekkert lát virðist vera á sólskinsstundum í bráð. Íslendingar grilluðu, átu, drukku og gerðu sér glaðan dag sem aldrei fyrr í síðasta mánuði. Þessi mikla neyslugleði er meðal annars rakin til góðviðris.

Umhverfismat vegna virkjana í neðri Þjórsá, hneyksli að mati jarðfræðings

Ingibjörg Elsa Björnsdóttir jarð- og umhverfisfræðingur segir umhverfismat vegna virkjana í neðrihluta Þjórsár hneyksli og skammarlega illa gert. Stefán Thors skipulagsstjóri segir að umhverfismatsferlið vegna virkjananna hafi verið opið og lýðræðislegt og ítarlega fjallað um allar kærur sem bárust.

Ríó eignast Straumsvík

Stjórn Alcan hefur samþykkt yfirtöku Rio Tinto á félaginu. Álverið í Straumsvík verður þá hluti af stærsta álfyrirtæki heims.Talið er að Alcoa sem reyndi að eignast Alcan muni beina yfirtökukló sinni að Century Aluminium sem á álverið á Grundartanga.

Á 115 kílómetra hraða á Sæbraut

Lögreglan í Reykjavík tók tuttugu og sjö ökumenn fyrir hraðakstur á höfuðborgarsvæðinu í gær. Grófasta brotið var framið á Sæbraut en þar mældist bíll á 115 km hraða.

Tilraunadýr í einkavæðingu

Búið er að semja um eignaskiptingu Hitaveitu Suðurnesja og mun Geysir Green Energy eignast þriðjung. Minnihlutinn í Reykjanesbæ fordæmir að Suðurnesjamenn séu gerðir að tilraunadýrum í einkavæðingu orkufyrirtækja og telur að bæjarfélagið sé að verða ofurselt Glitni, kjölfestueiganda Geysis Green.

Ekki talið að Íslendingar tengist málinu

Rússnesk kona sem kom til Íslands í vikunni játað í yfirheyrslu að hafa komið til Íslands gagngert til að stunda vændi. Rannsókn lögreglu hefur ekki leitt í ljós að Íslendingar tengist málinu.

Ber vott um ofstjórnarsamfélag

Össur Skarphéðinsson iðnaðarráðherra segir viðbrögð hins opinbera við útiborðum kaffihúsa í höfuðborginni óskiljanleg. Þau beri vott um ofstjórnarsamfélag. Fyrr í vikunni var veitingamanni á Laugavegi gert að fjarlægja aukaborð sem hann setti út í sól og blíðu. Aðstoðaryfirlögregluþjónn segir að bregðast verði við kvörtunum.

Brimborg mun flytja inn bíla með etanolvélum

Brimborg hyggst hefja innflutning etanolbíla. Egill Jóhannsson, forstjóri Brimborgar, segir að um tilraunarstarfsemi sé að ræða. Búið sé að panta tvo bíla af gerðinni Volvo og Ford sem væntanlegir séu til landsins í ágúst.

Biðja drottninguna afsökunar

BBC hefur beðið Elísabetu Englandsdrottningu afsökunar á því að hafa gefið ranglega í skyn að hún hafi strunsað út úr myndatöku hjá Annie Leibovitz, einum frægasta ljósmyndara Bandaríkjanna.

Ók ölvaður á Laugarvegi

Lögreglan í Reykjavík stöðvaði ölvaðan karlmann á þrítugsaldri við akstur á Laugavegi eftir hádegi í gær. Hann var færður á lögreglustöð og vistaður í fangaklefa. Við eftirgrennslan kom jafnframt í ljós að maðurinn hafði ekki ökuréttindi.

Að minnsta kosti 12 létust þegar ferja sökk

Að minnsta kosti 12 létust þegar ferja sökk rétt hjá Manila í dag, höfuðborg Filippseyja. Herinn sagði að minnsta kosti 129 manns hafi verið bjargað sem voru um borð í ferjunni „MV Blue Water Princess," en þó séu það ekki staðfestar tölur. Þegar hermenn komu á vettvang lá ferjan á hlið í grunnu vatninu.

Þyrla sækir tvo brunasjúklinga til Neskaupstaðar

Þyrla Landhelgisgæslunnar, TF Gná, lenti fyrir skömmu í Reykjavík með tvo brunasjúklinga. Annar þeirra brenndist illa í morgun þegar kviknaði í bíl hans í Fljótsdal. Hinn, sem er útlendingur, brenndist í gærkvöldi þegar hann steig út í hver við Mývatn.

Þriggja ára dreng rænt í Nígeríu

Þriggja ára nígerískum dreng hefur verið rænt við borgina Port Harcourt sem stendur við ósa Níger-ánnar í Nígeríu. Aðeins eru fjórir dagar síðan að mannræningjar slepptu þriggja ára breskri stúlku úr haldi sem þeir höfðu rænt í sömu borg. Samkvæmt lögreglu á svæðinu er drengurinn sonur höfðingja á svæðinu í kringum borgina. Ekkert hefur heyrst af kröfum mannræningja.

Sjö farast eftir sjálfsmorðsárás í brúðkaupi

Sjö gestir í brúðkaupi lögreglumanns í Írak létust þegar maður sem gerðist boðflenna í brúðkaupinu sprengdi sjálfan sig í loft upp. Fjórir í viðbót slösuðust alvarlega. Ekki kemur fram hvort að brúðarhjónin hafi verið á meðal fórnarlamba sprengjunnar.

Rice og Gates til Mið-Austurlanda í ágúst

George W. Bush, forseti Bandaríkjanna, sagði á fréttamannafundi sínum í dag að hann ætlaði sér að senda varnarmálaráðherrann Robert Gates og utanríkismálaráðherrann Condoleezzu Rice í ferðalag um Mið-Austurlönd.

Bráðabirgðarlög um rafkerfi á Keflavíkurflugvelli ekki nauðsynleg

Gera mátti nauðsynlegar breytingar á rafkerfi gamla varnarsvæðisins á Keflavíkurflugvelli án umdeildrar lagasetningar. Þetta kemur fram í tilkynningu frá Samtökum atvinnurekenda í raf-og tölvuiðnaði. Ríkisstjórnin afgreiddi í síðustu viku sérstök bráðabirgðarlög til að heimila notkun bandarísks rafkerfis. Vinna á endurbótum á rafkerfinu er nú hafin en hún felur meðal annars í sér breytingar á rafmagnsöryggi í samræmi við íslenskar reglur og fyrirmæli Neytendastofu.

Magnús Þór ráðinn skrifstofustjóri borgarstjóra og starfandi borgarritari

Magnús Þór Gylfason, viðskiptafræðingur, hefur verið ráðinn skrifstofustjóri borgarstjóra til eins árs. Borgarráð Reykjavíkur samþykkti í dag tillögu borgarstjóra þess efnis. Magnús Þór gegnir starfinu í leyfi Kristínar A. Árnadóttur sem utanríkisráðuneytið hefur ráðið til að leiða framboð Íslands til Öryggisráðs Sameinuðu þjóðanna.

Lögreglan í Rússlandi vill að flækingar séu fangelsaðir

Lögreglan í Rússlandi vill endurlífga lög frá tímum Sovétríkjanna og fangelsa flækingja og betlara. Gagnrýnendur fordæma hugmyndina og segja hana færa Rússland aftur til alræðistíma fortíðarinnar. Flakkarar og betlarar eru algengir í Rússlandi og margir láta lífið af völdum kulda á veturnar.

Gáfu Krabbameinsfélaginu 1,2 milljónir króna

Konur úr Lionsklúbbnum Engey í Reykjavík afhentu Krabbameinsfélaginu í morgun 1,2 milljónir króna til kaupa á brjóstaómsjá. Tækinu er ætlað til noktunar við leit að brjóstakrabbameini í leitarstöð Krabbameinsfélagsins við Skógarhlíði í Reykjavík. Um er ræða peninga sem söfnuðust í styrktartónleikum sem fram fóru í Salnum í Kópavogi í síðastliðnum marsmánuði.

Sjóður til styrktar augnlækningum

Stofnaður hefur verið sjóður til styrktar augnlækningadeild Landspítala-háskólasjúkrahúss en tilkynnt var um stofnun sjóðsins í dag. Það er Eignarhaldsfélag Samvinnutrygginga sem stendur á bak við sjóðinn og lagði félagið fram 25 milljónir króna í stofnfé.

Bush ætlar að bíða eftir skýrslu Petraeus

George W. Bush ætlar sér að bíða eftir skýrslu frá yfirhershöfðingja Bandaríkjanna í Írak áður en hann tekur ákvörðun um hvort að breytt verði um stefnu í Íraksstríðinu. Þá sagði hann að al-Kaída væri ekki jafn burðugt og það var fyrir árásirnar í Bandaríkjunum. Smellið á „Spila“ til þess að sjá myndbrot frá fréttamannafundi Bush í dag.