Dæmdur í 6 ára fangelsi fyrir að stinga mann í hjartastað

Héraðsdómur Reykjavíkur dæmdi í dag Ara Kristján Runólfsson í 6 ára fangelsi fyrir að stinga mann með hnífi í brjóstið. Frá dregst gæsluvarðhaldsvist sem hann hefur sætt frá 4. apríl síðastliðinn.

Kvennaslóðir.is

Næstum sex hundruð sérfræðingar af kvenkyni eru skráðir í gagnabankann Kvennaslóðir sem var enduropnaður með viðhöfn í dag. Forstöðumaður Rannsóknarstofu í kvenna- og kynjafræðum er sannfærður um að bankinn hjálpi til við að jafna kynjahallann í fjölmiðlum og stjórnum fyrirtækja.

Alcan velur nýjan stað fyrir álver fyrir áramót

Forstjóri Alcan segir fyrirtækið ætla að finna nýjan stað undir álver á Íslandi fyrir áramót og vonast til að fá svigrúm til að taka ákvörðun um framtíðarstarfsemi hérlendis. Hann segir að jafnframt verði reynt að tryggja að unnt verði að reka álverið í Straumsvík næstu tuttugu ár.

Dauðsfall á Landspítala

Rannsókn á vofveiflegu láti tuttugu og tveggja ára stúlku á Landspítala háskólasjúkrahúsi í Fossvogi um helgina er enn í gangi. Stúlkan fannst látin á herbergi sínu aðfararnótt sextánda júní, var endurlífguð en lést tveimur sólarhringum síðar. Í ljós hefur komið að engin sprautunál var í handlegg hennar eins og sagt var í fréttum okkar í gær. Ekki er vitað hvernig lyfin, sem talið er að hafi leitt stúlkuna til dauða, bárust í hana.

Laminn í Palestínu

Tvítugur Íslendingur lenti í táragasi, gúmmíkúlnaskothríð, var handtekinn og laminn vegna starfa sinna með alþjóðlegum mannréttindasamtökum í Palestínu. Hann er nýkominn heim og hvetur íslensk ungmenni til að taka þátt í mannréttindastarfi - þrátt fyrir lífsreynslu síðustu mánaða.

Bjó til tölvuleik fyrir tvíburasynina

Móðir heyrnarskertra tvíburadrengja dó ekki ráðalaus þegar hún stóð frammi fyrir því að finna nútímaafþreyingu fyrir syni sína. Hún bretti einfaldlega upp ermar og hannaði tölvuleikinn: Tumi og táknin.

Ljótasta ráðherrataska í heimi?

Skjalataska Iðnaðarráðherra er án efa ein ræfilslegasta ráðherrataska í heimi. Össur Skarphéðinsson segir að taskan sé fullgóð en ætti kannski frekar að vera í fjármálaráðuneytinu, aðspurður um hvort taskan væri tákn um sparnað í iðnaðarráðuneytinu.

Netþjónabú skapa fjölda þekkingastarfa

Netþjónabú geta skapað mikinn fjölda þekkingarstarfa á Íslandi. Ísland er kjörinn staður fyrir slíkan rekstur en hann veltur algerlega á nýjum sæstreng milli Íslands og Evrópu.

Einar Már fær lofsamlega dóma í Danmörku

Nýjasta ljóðabók Einars Más Guðmundssonar hefur fengið afar lofsamlega dóma í danskri þýðingu en bókin kom út fyrr í þessum mánuði. Einar er með ástarsögu í smíðum sem ratar án efa fyrir augu lesanda um næstu jól.

Upplýsingar um upptöku ökutækja

Ríkissaksóknari hefur sent frá sér upplýsinar um upptöku ökutækja vegna umferðalagabrota. Það er gert í tilefni af mjög alvarlegum umferðarlagabrotum, ofsaakstri, og vangaveltum um hvenær heimilt sé að gera ökutæki brotlegs ökumanns upptæk.

Lúðvík nefndi landfyllinguna fyrst á fundi í fyrradag

Michel Jacques, forstjóri Alcan segir að fyrirtækið hafi litið á ýmsa möguleika með það að markmiði að útvíkka starfsemina í Hafnafirði en enginn reyndist raunhæfur. Fyrirtækið ætlaði því að tilkynna bæjarstjóranum í Hafnarfirði að fyrirtækið sæi sér ekki fært að efla starfsemi álversins innan bæjarmarka Hafnarfjarðar, þegar hann nefndi möguleikann á landfyllingu.

Á fjórða þúsund hermanna hafa látist í Írak

Nú hafa ríflega 3500 bandarískir hermenn látist í Íraksstríðinu, þar af 68 í júnímánuði. Tólf bandarískir hermenn hafa látið lífið í árásum undanfarna tvo daga. Alvarlegasta árásin var í Norðaustur - Bagdad í dag þegar herbíll var sprengdur með þeim afleiðingum að fimm bandarískir hermenn létust, auk þriggja óbreyttra íraskra borgara og írasks túlks.

Eldsneyti úr ávöxtum

Bandarískir vísindamenn halda því fram að hægt sé vinna umhverfisvænt eldsneyti úr ávöxtum, nánar tiltekið úr ávaktasykri. Slíkt eldsneyti á að innihalda mun meiri orku en Etanól sem notað er í bensín.

Kona fær ekki bætur fyrir að vinna ekki lottó

Helene De Gier tapaði í dag máli þar sem hún vildi fá skaðabætur fyrir að vinna ekki stóran lottóvinning. Málinu er þannig háttað að nágrannar De Gier unnu tæplega 1,2 milljarð í lottói. Sjö nágrannar hennar í bænum Heusden í Hollandi unnu pottinn, en vinningshafarnir voru dregnir eftir póstnúmeri.

Óska eftir upplýsingum um samskipti Hafnarfjarðarbæjar við Alcan

Guðrún Ágústa Guðmundsdóttir, bæjarfulltrúi Vinstri-grænna í Hafnarfirði, lagði fram fyrirspurn á fundi bæjarráðs í morgun þar sem óskað er eftir upplýsingum um samskipti fulltrúa Hafnarfjarðar við fulltrúa Alcan.

Frakkar lofa Abbas aðstoð

Utanríkisráðherra Frakklands, Bernard Kouchner, segir að Frakkar muni aðstoða palestínsku ríkistjórnina með beinni fjárhagslegri aðstoð. Kouchner talaði við Mahmoud Abbas, forseta Palestínu, í vikunni og upplýsti hann um áætlanir Frakka. Ekki er vitað hversu mikilli upphæð Frakkar ætla að verja í aðstoðina.

Líklegast að Alcan verði á tveimur stöðum í framtíðinni

Michel Jaques, forstjóri Alcan Primary Metal Group, segir að fyrirtækið hafi engin áform um að leggja niður starfsemi hér á landi. Þeir leiti allra mögulegra leiða til að styrkja og efla starfsemina í Straumsvík. Líklegast er að fyrirtækið verði með starfssemi á tveimur stöðum á Íslandi í framtíðinni.

Skortur á háskólamenntuðu starfsfólki

Um 51% svarenda í könnun um stöðu og framtíðarhorfur stærstu fyrirtækja á Íslandi telja að skortur sé á starfsfólki. Um 40% svarenda töldu svo vera í febrúar. Fyrirtæki í fjármála- og tryggingastarfsemi og í ýmsri sérhæfðri þjónustu eru áberandi hvað þetta varðar.

Konu hermanns ekki vísað úr landi

Yaderline Jimenez, eiginkonu Alex Jimenez sem saknað hefur verið í Írak síðan í maí, verður ekki vísað úr landi. Heimavarnarráðuneyti Bandaríkjanna staðfestir það. Alex, sem er bandarískur hermaður, hafði sótt um græna kortið fyrir konu sína eftir að þau giftust árið 2004. Yaderline kom ólöglega til landsins frá Dóminíska Lýðveldinu.

Sprengja finnst í bíl á Spáni

Lögreglan á Spáni fann 100 kg af sprengiefni í bíl í Ayamonte, um 200 kílómetrum vestur af Sevilla. Einnig fundust hvellhettur í bílnum. Ekki kemur fram hver kom sprengiefninu fyrir.

Konum fjölgar í stjórnendastöðum hjá ríkinu

Konum í stjórnendastöðum hefur fjölgað frá árinu 1998. Þá voru konur 40% stjórnenda með mannaforráð ef frá eru taldir forstöðumenn stofnana. Nú eru konur tæpur helmingur stjórnenda með mannaforráð, eða 48%.

Páfi hefur áhyggjur af kristnum í Írak

Benedikt XVI hefur miklar áhyggjur af kristnum íbúum í Írak og í öðrum miðausturlöndum, vegna ofbeldis og ofsóknum sem þeir verða fyrir. Hann segir kristið fólk á þessu svæði þjást andlega og veraldlega.

Nýr og betri sæstrengur tryggir samkeppnishæfni Íslands

Niðurstöður athugunar á samkeppnishæfni Íslands fyrir svokölluð netþjónabú voru kynntar í Þjóðmenningarhúsinu í dag. Á fundinum kom fram að Ísland væri kjörinn staður fyrir starfssemi af þessu tagi. Eina fyrirstaðan fyrir því að Ísland geti talist tilvalinn staður fyrir þessa starfsemi væri tenging landsins við umheiminn en samgönguráðherra nýjan og betri streng fyrirhugaðan.

Myndband sem líkir eftir árásunum 11. september

Í byrjun mánaðarins var myndband með tölvulíkingum af árásunum á Tvíburaturnana í New York sett á You Tube síðuna. Myndbandið sýnir hvernig Boeing 767 flugvélarnar skullu á byggingarnar, ruddu öllu eldvarnarefni frá stoðsúlum þeirra og leiddi til hruns þeirra.

H5N1 finnst í Tékklandi

H5N1 afbrigði fuglaflensunnar fannst í kalkún á bóndabæ í Tékklandi í dag. Hermenn, lögreglumenn og dýralæknar hafa afgirt bóndabæinn þar sem veiran fannst. Veiran fannst um 150 kílómetra frá höfuðborginni Prag.

Efna til fjöldagöngu gegn umferðarslysum

Sumarið er tíminn - en ekki fyrir alla. Hjúkrunarfræðingar eru með kvíðahnút í maganum og ætla að efna til fjöldagöngu gegn umferðarslysum í næstu viku.

Fingrafimur ræstitæknir í Glasgow

Píanóhæfileikar pólsks ræstitæknis við háskólann í Glasgow uppgötvuðust í gegnum vefmyndavél þegar yfirmenn hans sáu hann laumast í píanó skólans á vinnutíma.

Búist við erfiðum fundi í Brussel

Leiðtogar Evrópsambandsríkjanna koma saman til fundar í Brussel í dag til þess að reyna að ná samkomulagi um sáttmála um umbætur á samstarfinu. Þjóðverjar leggja til róttækar breytingar á samstarfinu en segja sáttmála sinn ekki nýja stjórnarskrá.

Nýr veruleiki í öryggis- og varnarmálum

Íslendingar standa frammi fyrir nýjum veruleika í öryggis- og varnarmálum og þurfa að fara í meiri stefnumótunarvinnu í málaflokknum, segir Ingibjörg Sólrún Gísladóttir utanríkisráðherra. Hún boðar aukin útgjöld til varnarmála og segir þau fyrst og fremst snúast um að gæta hafsvæðisins í kringum Ísland.

Alcan greinir frá framtíðaráformum sínum í dag

Alcan ætlar síðar í dag að greina frá framtíðaráformum sínum í uppbyggingu áliðnaðar hérlendis. Forsvarsmenn Alcans funduðu í morgun með ráðamönnum í Þorlákshöfn sem þykir nú einn álitlegasti kosturinn fyrir nýtt álver.

Stórskipahöfn við Keilisnes?

Borgarafundur í Vogum á Vatnsleysuströnd samþykkti í gærkvöld með miklum meirihluta að veita bæjarstjórn sveitarfélagins umboð til þess að ræða við Alcan um uppbyggingu álvers á Keilisnesi. Fjölmargar hugmyndir komu fram á fundinum um aðra atvinnuuppbyggingu í sveitarfélaginu, þar á meðal stórskipahöfn fyrir allt höfuðborgarsvæðið við Keilisnes.

Faraldur alvarlegra mótorhjólaslysa

Mótorhjólaeign landsmanna hefur tvöfaldast á tveimur og hálfu ári. Jóhannes Gunnarsson, lækningaforstjóri Landspítala háskólasjúkrahúss segir að faraldur alvarlegra mótorhjólaslysa hafi verið að undanförnu og skapi enn meira álag á sjúkrahúsinu.

Útsendingar Digital Íslands í Árnessýslu hafnar

Digital Ísland hefur nú hafið útsendingar í uppsveitum Árnessýslu og því nást nú á svæðinu útsendingar Stöðvar 2, RÚV, Sýnar, Sýnar Extra 1, Stöðvar 2 bíó, Sirkuss, og Skjás eins. Auk hefðbundinna áskriftarleiða Digital Íslands geta orlofshúsaeigendur á svæðinu nýtt sér sérstakar orlofshúsaáskriftir.

Mubarak boðar til viðræðna

Hosni Mubarak, forseti Egyptalands, hefur boðið fulltrúum Palestínu, Ísraels og Jórdaníu til viðræðna í næstu viku. Ríkisstjórnir landanna hafa þó ekki enn þekkst boðið. Ef fundurinn fer fram verður hann fyrsti fundur Mahmoud Abbas og Ehuds Olmert síðan Hamas komst til valda fyrir 18 mánuðum síðan.

Austurríkismenn sleppa grunuðum njósnara

Yfirvöld í Austurríki hafa leyst úr haldi fulltrúa rússnesku geimferðastofnunarinnar sem sakaður var um njósnir. Maðurinn, sem er rússneskur, var handtekinn í síðustu viku í eða við borgina Linz vegna gruns um njósnastarfsemi.

Áttatíu ökumenn krafðir um endurgreiðslu vegna ölvunaraksturs

Á árinu 2006 kröfðu tryggingafélögin 80 ökumenn um endurgreiðslu vegna umferðartjóna sem urðu þegar ökumaður var undir áhrifum áfengis. Aðrar ástæður voru lyfjaakstur, ökuréttindaleysi, beinn ásetningur og vítavert aksturslag eða glæfraakstur.

Sandur hættulegri en hákarlar?

Samkvæmt rannsókn feðganna Bradley og Barry Maron hafa fleiri látið lífið af völdum sands heldur en af völdum hákarla. Í rannsókninni kemur fram að 16 ungmenni létust í Bandaríkjunum eftir að drukkna í sandi á árunum 1990-2006. Á sama tíma létust 12 af völdum hákarlaárásar.

Stöðuvatnið sem hvarf

Jökulvatn í Chile tók upp á þeirri óþægilegu nýjung að láta sig hverfa. Vísindamenn eru ráðþrota og engar vísbendingar er að finna um hvert það brá sér. Vatnið var í Suður-Andes fjöllunum og þegar þjóðgarðsverðir fóru um svæðið í mars var það á sínum stað, um tveir hektarar að stærð, blandað misstórum ísjökum. Þeir fóru síðan aftur í síðasta mánuði og þá var það horfið.

Vetnisknúnir bílaleigubílar

Íslensk NýOrka áformar að markaðssetja vetnisknúna Toyota Prius bílaleigubíla í samvinnu við Hertz bílaleiguna. Áætlað er að bílarnir verða fáanlegir í apríl á næsta ári í tengslum við nýja markaðsáætlun, sem fer í gang í næsta mánuði.

Fimm þúsund vilja Alfreð áfram

Um fimm þúsund manns hafa nú skrifað undir áskorun til Alfreðs Gíslasons um að halda áfram þjálfun íslenska karlalandsliðsins í handknattleik.

Tæplega 3000 manns búnir að skora á Alfreð

Tæplega 3000 manns voru búnir að skrá sig á áskorunarlista til Alfreðs Gíslasonar klukkan hálfellefu í kvöld. Vísir.is setti áskorunina af stað klukkan sjö í kvöld og er markmiðið að hvetja Alfreð til að halda áfram að þjálfa íslenska karlalandsliðið í Handbolta.

Enn tapar KR

KR-ingar sitja enn fastir á botni Landsbankadeildar karla eftir að liðið tapaði 2-0 fyrir nýliðum HK í Kópavogi í kvöld. Keflvíkingar unnu góðan 2-1 útisigur á Víkingi þar sem Guðmundur Steinarsson skoraði sigurmark Keflvíkinga úr vítaspyrnu þegar rúmar 2 mínútur voru komnar fram yfir venjulegan leiktíma.

Rúmlega 2000 manns búnir að skrifa undir áskorun til Alfreðs

Nú tveimur tímum eftir að Visir.is setti af stað áskorunarlista til Alfreðs Gíslasonar um að halda áfram sem þjálfari karlalandsliðsins í handknattleik, eru rúmlega 2000 manns búnir að skrifa undir. Einungis hálftíma eftir að listinn var settur af stað voru ellefuhundruð manns búnir að skrifa undir.

Íslensk og norsk stjórnvöld óánægð með áhrifaleysi í Evrópu

Íslensk og norsk stjórnvöld eru óánægð með áhrifaleysi ríkjanna í málefnum Evrópu. Þau hafa ákveðið að efla samvinnu sína í því skyni að bæta úr. Þetta var helsta umræðuefni á fundi utanríkisráðherra ríkjanna í dag.

Sænskur lögreglumaður skotinn til bana

Sænskur lögreglumaður var skotinn til bana í bænum Nyköping um fimm leytið í dag, að því er kemur fram á fréttavef Dagens nyheter. Tveir lögreglumenn voru sendir til að sækja mann í íbúð hans en manninn átti að fara með í geðlæknismat. Hann var álitinn hættulegur umhverfi sínu og voru því tveir lögreglumenn sendir á staðinn.