Bakkavör sýknað af kröfu Bakkavarar

Héraðsdómur Reykjavíkur sýknaði dag Eignarhaldsfélagið Bakkavör ehf. af kröfum Bakkavör Group um að því væri óheimilt að nota heitið Bakkavör í nafni fyrirtækisins. Töldu eigendur Bakkavör Group sig hafa einkarétt á nafninu.

Próflaus á skellinöðru

Drengur undir fermingaraldri var stöðvaður á litlu mótorhjóli í vesturhluta borgarinnar fyrr í vikunni. Hann ók bæði um íbúðargötu og nærliggjandi tún. Drengurinn sagði lögreglunni að afi sinn hefði gefið honum leyfi fyrir þessum akstri.

Yfir 300 nemendur brautskráðir frá Háskólanum í Reykjavík

Alls verða 337 nemendur brautskráðir frá Háskólanum í Reyjavík á morgun. Þá mun skólinn í fyrsta skipti útskrifa lögfræðinga með fullnaðarpróf í lögum.

Unglingar staðnir að veggjakroti

Tveir piltar voru staðnir að veggjakroti í Smáralind í gærkvöld. Piltarnir, sem eru 13 og 14 ára, og foreldrar þeirra fengu tiltal frá lögreglunni. Lögreglan lítur veggjakrot alvarlegum augum enda er um eignaspjöll að ræða. Mál sem þessi koma nánast daglega á borð lögreglu.

Geymsluskúr í björtu báli

Slökkvilið höfuðborgarsvæðisins var kallað út um klukkan hálf eitt í dag eftir að tilkynning barst um eld í einbýlishúsi við Langabrekku í Kópavogi. Sendir voru þrír slökkviliðsbílar á staðinn en þegar þangað kom reyndist enginn eldur vera í húsinu heldur í geymsluskúr á lóðinni bak við.

Bærileg vist í höndum sjóræningja

Dönsku sjómennirnir á flutningaskipinu sem var rænt undan ströndum Sómalíu í síðustu viku hafa það þokkalegt, samkvæmt upplýsingum sem danska utanríkisráðuneytið hefur aflað sér. Ráðuneytið vill ekki upplýsa hvort það sé í sambandi við sjóræningjana sjálfa. Fimm Danir eru um borð í Danica White.

Stútur kitlaði pinnann

Lögreglan á höfuðborgarsvæðinu stöðvaði tvo ökumenn í gær vegna gruns um ölvunarakstur. Annar þeirra var stöðvaður á Kringlumýrarbraut en bíll hans mældist á 139 km hraða. Ökumaðurinn, sem er fimmtugur, rengdi ekki hraðamælinguna en bar því við að hann vissi ekki hver leyfður hámarkshraði á þessum stað væri.

Dalfoss skal skipið heita

Nýtt frystiskip Eimskips var nefnt Dalfoss við hátíðlega athöfn í Sundahöfn í dag. Þetta er í fyrsta skiptið sem skip er nefnt í Sundahöfn og var tekið á móti gestum á athafnasvæði Eimskips á höfninni af því tilefni. Baldur Guðnason, forstjóri Eimskipa, sagði við þetta tækifæri að skipið gæfi fyrirtækinu gott samkeppnisforskot í kæli- og frystiflutningum en fyrirtækið hefði náð leiðandi stöðu á alþjóðavísu á því sviði.

Geiri á Goldfinger óttast ekki lögregluna

Ásgeir Davíðsson eigandi skemmtistaðarins Goldfinger óttast ekki afskipti lögreglunnar af rekstri staðarins. Hann segir að lögreglan rannsaki staðinn reglulega, meðal annars til að kanna aðbúnað þeirra stúlkna sem þar starfi.

Orkuverð til iðnaðar í Bandaríkjunum tvöfalt hærra en á Íslandi

Heildsöluverð á raforku til iðnaðar í Bandaríkjunum er að meðaltali tvöfalt hærra en samið hefur verið um að greitt er fyrir orkuna til fyrirhugaðrar álbræðslu í Helguvík. Mikil leynd hefur hvílt yfir orkusamningum til stóriðju í gegnum tíðina og því tíðindi þegar það er staðfest að umsamið orkuverð til fyrirhugaðs Helguvíkurálvers sé tvær komma ein króna á kílóvattsstund.

Vélmenni hjálpar vísindamönnum að skilja börn

Vélbarnið CB2 er nýjasta hönnun japanskra vísindanna. CB2 þykir líkari fyrirmyndinni en fyrri kynslóðar vélmenn. Hreyfingarnar eru mun mýkri en áður hefur sést hjá vélmönnum, húðin er úr sílikoni, hann sýnir svipbrigði, getur skriðið og tekið skref þótt óstöðugur sé.

Hjartavernd fyrir konur

Þann 16. júní næstkomandi fer hið árlega Kvennahlaup ÍSÍ fram. Hjartavernd er aðalsamstarfsaðili hlaupsins í ár. Að því tilefni hefur stofnunin ásamt ÍSÍ og Lýðheilsustöð gefið út bæklinginn Hreyfing er hjartans mál - hjartaprófið sem er sérstaklega sniðinn að konum.

Mannréttindasamtök gefa út skýrslu um „horfna“ fanga

Sex mannréttindasamtök gáfu í dag út upplýsingar um 39 einstaklinga sem talið er að sé haldið föngnum í leynifangelsum Bandaríkjanna. Einnig hefur verið greint frá nöfnum ættingja hinna horfnu fanga sem sjálfir hafa valið í leynifangelsum. Þar er jafnvel um að ræða börn, allt niður í 7 ára aldur. Íslandsdeild Amnesty hefur sent sendiráði Bandaríkjanna hér á landi afrit af skýrslunni.

Álverið í Reyðarfirði tekið formlega í notkun

Álverið tók til starfa í byrjun apríl síðastliðnum en verður formlega tekið í notkun á morgun. Framleiðslugeta álversins nýja verður 346 þúsund tonn.

Telja að Landsvirkjun tapi 16 milljörðum á seinkunum

Tap Alcoa Fjarðaráls vegna tafa á orku frá Kárahnjúkavirkjun getur numið allt að 8 milljörðum króna samkvæmt útreikningum Náttúruverndarsamtaka Íslands. Samtökin telja ennfremur að tap Landsvirkjunar geti numið rúmlega 16 milljörðum vegna skaðabóta, tapaðri orkusölu og auknum framkvæmdakostnaði. Formaður samtakanna segir ljóst að almenningur muni þurfa greiða tapið.

Hæsta bygging á Íslandi rís

Hæsta bygging á Íslandi rís nú hratt upp frá grunni á Smáratorgi. Um er að ræða 20 hæða turn þar sem verslun og viðskipti verða í hávegum höfð. Og götumyndin í Smáranum tekur miklum breytingum þessar vikurnar. Það er fasteignafélagið SMI sem er að mestu í eigu Jakúps Jacobsen í Rúmfatalagernum sem stendur að byggingunni. Hún verður tilbúin í október og verður tæpir 80 metrar á hæð.

Þroskahamlaðir hlaupa hringinn

Evrópskir hlauparar með þroskahömlun eru væntanlegir á Suðurland í dag. Ætlun þeirra er að hlaupa hringinn í kringum landið. Hópurinn er hluti af verkefninu "Integrative Meetings of Friends" og hefur hlaupið rúmlega 8000 km. um Evrópu þvera og endilanga frá árinu 1999.

Fjórtán myrtir á heimili lögreglustjóra

Byssumenn réðust inn á heimili lögreglustjórans, Colonel Ali Delyan Ahmed, í Baquba einni hættulegustu borg Íraks í dag. Fjórtán manns voru myrtir, þar á meðal eiginkona lögreglustjórans og bróðir. Auk þeirra týndu ellefu lífverðir lögreglustjórans lífi. Fjórum börnum lögreglustjórans var rænt.

Ekkert Coca-Cola, bara Afri-Cola

Þó að Coca-Cola sé auglýst sem „hið eina sanna" er það hvergi að finna á G8 fundinum í Heiligendam í Þýskalandi sem nú stendur yfir. Blaðamönnum sem sækja fundinn hefur hins vegar verið boðið upp á þýskan kóladrykk sem kallast Afri-Cola og er tappað á flöskur í nágrenni fundarstaðarins.

Skora á ráðherra að fara ekki eftir tillögum Hafrannsóknarstofnunar

Einhliða niðurskurður á aflamarki í þorski fyrir næsta fiskveiðiár er stórlega varasöm að mati stjórnar Skipstjóra og stýrimannafélagsins Verðandi í Vestamannaeyjum. Þetta kemur fram í yfirlýsingu frá stjórninni. Þeir skora á sjávarútvegsráðherra að fara ekki eftir tillögum Hafrannsóknarstofnunar um breytingar á aflareglu í þorski.

Hreppsnefnd Vopnafjarðarhrepps óánægð með úthlutun byggðakvóta

Hreppsnefnd Vopnafjarðarhrepps ályktaði gær að heildarmagn þess byggðakvóta sem úthlutað er kvótaárið 2006/2007 þurfi að vera mun meira ef aðgerðin á að hafa áhrif. Sveitarfélagið fékk 42 þorskígildistonn í sinn hlut.

Sitja fyrir fjársjóðsleitarskipum

Spænsk herskip sitja nú fyrir tveim bandarískum fjársjóðsleitarskipum sem liggja í höfn á Gíbraltar. Spánverjar telja líklegt að 17 tonn af gull- og silfurpeningum sem fjársjóðsleitarmennirnir fundu hafi komið úr flaki af spænsku skipi. Þeir eigi því tilkall til fjársjóðsins.

Árekstur í Skipholti

Árekstur varð í Skipholti á ellefta tímanum í morgun. Lögregla og sjúkralið voru kölluð á staðinn. Engar upplýsingar hafa fengist um slys á fólki.

Takmarka skaðleg plastefni í leikföngum

Innihald efnasambandsins þalats í plastleikföngum hefur verið takmarkað samkvæmt nýrri reglugerð sem tók gildi í maí. Þalat er meðal annars notað til að gefa plasthlutum mýkt en það getur dregið úr frjósemi manna og verið skaðlegt ófæddum börnum í móðurkvið. Fram kemur í tilkynningu frá Umhverfisstofnun að efnið sé sérstaklega hættulegt yngstu börnunum.

Þrælar frelsaðir í Kína

Þrátíu þrælar hafa verið frelsaðir úr prísund sinni í Kína. Mennirnir voru látnir vinna kauplaust í tuttugu tíma á dag, í múrsteinaverksmiðju í Shanxi héraði. Verksmiðjan er í eigu sonar yfirmanns kommúnistaflokksins í héraðinu.

Leynifangelsi CIA í Evrópu

Rannsóknari Evrópuráðsins segist hafa sannanir fyrir því að Evrópuríki hafi leyft bandarísku leyniþjónustunni CIA að reka leynifangelsi fyrir meinta hryðjuverkamenn. Svissneski þingmaðurinn Dick Marty segist hafa sannanir fyrir því að slík fangelsi hafi verið bæði í Póllandi og Rúmeníu. Hann sakar Þjóðverja og Ítali um að hafa reynt að halda leyndum upplýsingum um fangaflutningana.

Ábendingar frá nágrönnum leiddu til handtöku HIV-smitaðs manns

Upp komst um HIV smitaðan mann sem smitaði ungar stúlkur í Svíþjóð eftir ábendingar frá nágrönnum. Þetta kemur fram á vef sænska dagblaðsins Aftonbladet. Nágrannarnir urðu varir við kynlífsmyndir af manninum og barnungum stúlkum á heimili hans. Eins tóku þeir eftir miklu magni HIV - lyfja og lyfseðla, drógu þá ályktun að hann væri smitaður og tilkynntu lögreglu.

Færð á vegum

Búið er að opna Þorskafjarðarheiði. Þar er mikil bleyta og vegurinn tæpast fær nema fjórhjóladrifsbílum. Ásþungi er þar takmarkaður við tvö tonn. Vegna aurbleytu og hættu á vegaskemmdum er allur akstur bannaður á fjölmörgum hálendisleiðum sem að jafnaði eru ekki færar nema að sumarlagi. Kort sem sýna ástand á hálendisleiðum verða gefin út vikulega fram eftir sumri og taka gildi á fimmtudögum. Kortin segja ekki til um færð, heldur hvar umferð er óheimil.

Önnur atlaga að Ermasundinu

Sundkappinn Benedikt S. Lafleur undirbýr sig nú af fullum krafti fyrir aðra tilraun sína til að synda yfir Ermarsundið. Hann áætlar að þreyta sundið 7.-14.júlí. Benedikt reyndi við sundið í fyrra. Þá varð hann að hætta við eftir að hafa synt æfingasund í 10 klst. í höfninni.

Íbúum Los Angeles sagt stilla sturtuferðum í hóf

Íbúum Los Angeles hefur verið ráðlagt að vera ekki lengi í sturtu, nota ekki garðúðara og sturta sjaldnar niður til þess að reyna að minnka notkun á vatni. Töluverður skortur er á vatni í borginni vegna mikilla þurrka sem þar hafa verið undanfarið. Þetta er þurrasta árið síðan mælingar hófust fyrir 130 árum síðan. Þetta hefur einnig haft áhrif á skógar- og kjarrelda í Kaliforníu það sem af er ári.

Þrjú ár fara í að lesa óþarfa tölvupóst

Tölvunotendur eyða þremur árum af lífi sínu í að lesa óþarfa tölvupóst. Þetta eru niðurstöður rannsóknar sem 181 yfirmenn í Svíþjóð, Danmörku, Bretlandi og Þýskalandi tóku þátt í. Einn af hverjum þremur tölvupóstum er óþarfi og dreifir athygli fólks frá mikilvægari verkefnum.

Dómari og saksóknari mótfallnir því að Paris hafi verið send heim

Dómarinn og saksóknarinn í máli Parisar Hilton mótmæltu í kvöld þeirri ákvörðun fangelsisyfirvalda að leyfa henni að afplána dóm sinn heima hjá sér. Saksóknarinn, Rocky Delgadillo, sagði að hugsanlega hefðu reglur réttlætisins verið beygðar. „Útskýringin er furðuleg. Heilbrigðisaðstaðan í fangelsinu sem hún var í eru vel í stakk búin til þess að taka á tilfellum sem þessum.“

Jón Ólafsson með tónleika í Hafnarborg

Jón Ólafsson heldur tónleika í Hafnarborg föstudagskvöldið 8. júní kl. 21:00. Tónleikarnir eru hluti af Björtum dögum sem nú standa yfir í Hafnarfirði.

Al-Sadr ákallar Arabaríki

Sjía klerkurinn Múktada al-Sadr ákallaði í kvöld Arabaríki um allan heim og bað þau um hjálp við að binda enda á þjáningar Íraka. Hann kom fram í sínu fyrsta sjónvarpsviðtali í kvöld síðan hann kom úr felum fyrir tveimur vikum síðan. Hann hafði verið í felum síðan Bandaríkjamenn hertu öryggisaðgerðir sínar í Írak í miðjum febrúar.

Þingmenn í Arizona í handalögmálum

Handalögmál brjótast stundum út í þingsölum um víða veröld. Óvenjulegt er að það gerist í Bandaríkjunum en það gerðist þó í dag þegar þingmenn á ríkisþingi Arizona tókust á.

Enn er lýst eftir Þorvaldi Erni

Lögreglan á höfuðborgarsvæðinu lýsir enn eftir Þorvaldi Erni Thoroddsen. En ekkert hefur spurst til hans síðan miðvikudaginn 5. júní. Þorvaldur er 17 ára, 180 cm á hæð, dökkhærður og grannvaxinn.

KF Nörd ætlar að verja heiður Íslendinga

KF Nörd, hið stórskemmtilega knattspyrnulið sem varð til í samnefndum sjónvarpsþætti, hefur skorað á sænska KF Nörd liðið í landsleik til þess að hefna ófara íslenska landsliðsins í knattspyrnu. Þetta kom fram í Ísland í Dag í kvöld.

Ingjaldur sjósettur í dag

Eftirmynd bátsins Ingjalds, sem Hannes Hafstein sýslumaður reyndi að stöðva breska landhelgisbrjóta á, var sjósett í Nauthólsvík í dag.

Tekið á móti flóttafólki frá Kólumbíu í sumar

Vill bara 3 milljarða

Dómari í Bandaríkjunum hefur samþykkt að lækka skaðabótakröfu sína vegna buxna sem týndust í hreinsun. Bótakrafan hljóðar eftir lækkun hljóðar upp á jafnvirði rúmlega þriggja milljarða íslenskra króna.

Samkomulag í loftslagsmálum

Leiðtogar átta helstu iðnríkja heims náðu samkomulagi í loftslagsmálum á fundi sínum í Þýskalandi í dag. Kaslari Þýskalands var sigurreif þó tillaga hennar um að útblástur yrði minnkaður um helming fyrir árið 2050, hafi ekki náð fram að ganga vegna andstöðu Bandaríkjamanna.

Hjúkrunarfræðingar á starfsmannaleigum

Dæmi eru um að hjúkrunarfræðingar segi upp störfum á Landspítalanum til að vinna þar í gegnum starfsmannaleigu. Þrjár íslenskar starfsmannaleigur eru með um sextíu hjúkrunarfræðinga á skrá hjá sér til að þjónusta spítala og stofnanir. Með því móti ná hjúkrunarfræðingarnir talsvert betri kjörum en ef þeir réðu sig beint á spítalann.

Móðir 12 ára einhverfs drengs beið í þrjú ár eftir greiningu

Um 300 börn eru á biðlista hjá Greiningarstöð ríkisins og tæplega helmingurinn þeirra börn, þar sem grunur leikur á einhverfu. Móðir 12 ára drengs sem nýlega var greindur með einhverfu segist hafa beðið eftir greiningu á syni sínum í þrjú ár. Sviðsstjóri Greiningarstöðvar segir að fleira sérmenntað starfsfólk vanti.

Garðyrkjubændur ættu að fá sama og Norðurál

Garðyrkjubændur ættu að taka upp viðræður við orkusala í kjölfar tíðinda af orkuverði til Norðuráls vegna tilvonandi álvers í Helguvík. Þetta segir garðyrkjuráðunautur Bændasamtaka Íslands. Forstjóri Orkuveitunnar staðfestir að verðið til Norðuráls sé nærri tveimur komma einni krónu á kílóvattstund.

Óskiljanlegar skýringar dómsmálaráðuneytisins

Brynjar Níelsson einn umsækjanda um embætti ríkissaksóknara segist hafa fengið óskiljanlegar skýringar frá dómsmálaráðuneytinu um það hvers vegna ráðningu í embættið var frestað.Embættið var auglýst til umsóknar fyrir kosningar, en ákveðið var eftir þær að Bogi Níelsson ríkisaksóknari ynni til áramóta.