Bakkavör sýknað af kröfu Bakkavarar

Héraðsdómur Reykjavíkur sýknaði dag Eignarhaldsfélagið Bakkavör ehf. af kröfum Bakkavör Group um að því væri óheimilt að nota heitið Bakkavör í nafni fyrirtækisins. Töldu eigendur Bakkavör Group sig hafa einkarétt á nafninu.

Bakkavör hf. sem síðar varð Bakkavör Group var stofnað árið 1986. Fyrirtækið sérhæfir sig meðal annars í því að framleiða ferskar matvörur. Eignarhaldsfélagið Bakkavör ehf var hins vegar skráð í hlutafélagaskrá í október árið 2004 en það félag sér meðal annars um útleigu og rekstur fasteigna.

Eigendur Bakkavör Group töldu sig hafa einkarétt á nafninu og kröfðust þess í apríl á síðasta ári að með dómi yrði Eignarhaldsfélaginu Bakkavör ehf. meinað að nota nafnið.

Á það féllst dómarinn hins vegar ekki þar sem kæra Bakkavör Group kom tæpu einu og hálfu ári eftir að frestur til að leggja inn kæru rann út.