Vilja hækka verð á hreindýraveiðileyfum

Dreifbýlis- og hálendisnefnd Fljótsdalshéraðs hefur farið fram á það við Hreindýraráð, Umhverfisstofnun og umhverfisráðuneytið að verð á hreindýraveiðileyfum verði hækkað að minnsta kosti til samræmis við almennar verðhækkanir enda sé eftirspurn eftir leyfunum mikil.

Eru Ísraelar að senda frá sér aðvörun um árás?

Fréttaskýrendur velta því fyrir sé hvort Ísraelar hafi verið að senda frá sér aðvörun, þegar Ehud Olmert forsætisráðherra ýjaði að því að Ísrael væri kjarnorkuveldi. Þeir velta því einnig fyrir sér hvort það hafi verið gert í samráði við Bandaríkjamenn.

Sjö teknir ölvaðir í borginni á síðasta sólarhring

Sjö ökumenn voru teknir fyrir ölvunarakstur í umdæmi lögreglunnar í Reykjavík á síðasta sólarhring og segir lögregla það óvenju mikið á virkum degi. Aðallega var um að ræða karlmenn á fertugs- og fimmtugsaldri en sá elsti var á áttræðisaldri og kom nú við sögu lögreglunnar í fyrsta sinn.

Ekki ástæða til þess að framlengja gæsluvarðhald

Fyrrverandi einræðisherra í Eþíópíu dæmdur fyrir þjóðarmorð

Mengistu Haile Mariam, fyrrverandi einræðisherra í Eþíópíu, hefur verið sakfelldur fyrir þjóðarmorð eftir tólf ára réttarhöld. Mengistu hefur hins vegar verið í útlegð í Simbabve í fimmtán ár og því óvíst hvort dómi yfir honum verður framfylgt en hann á hugsanlega yfir höfði sér dauðadóm.

Hvetja morðingja vændiskvenna til að gefa sig fram

Lögreglan í Ipswich sem rannsakar morð á þremur vændiskonum í borginni hvetur morðingja þeirra til að gefa sig fram. „Þú átt augljóslega við vanda að stríða. Hringdu í mig og við tökumst á við málið," sagði yfirmaður rannóknarinnar í ákalli til morðingjans í breskum fjölmiðlum.

Íslensk börn styðja börn í Úganda og Malaví næstu tvö ár

Sérhvert grunnskólabarn á Íslandi mun styðja eitt grunnskólabarn í Úganda og Malaví um skólamáltíð alla skóladaga ársins næstu tvö árin samkvæmt þróunarverkefni sem utanríkisráðherra hefur ákveðið að setja af stað í löndunum tveimur.

Interpol kemur að rannsókn á morði KGB njósnarans

Alþjóðalögreglan Interpol hefur verið beðin um aðstoð við rannsókn á morðinu á KGB njósnaranum Alexander Litvinenko, sem lést úr geislaeitrun í Lundúnum í síðasta mánuði. Talsmaður skrifstofu Interpol í Rússlandi, segir að þeir hafi verið beðnir um að samræma upplýsingaflæði milli Bretlands, Rússlands og Þýskaland, en öll þessi lönd eru að rannsaka morðið.

Sex þúsund fá vaxtabætur vegna endurskoðunar

Rúmlega sex þúsund skattgreiðendur sem ekki fengu vaxtabætur samkvæmt álagningu í ágúst síðastliðnum öðlast rétt til vaxtabóta samkvæmt lögum um breytingar á vaxtabótum sem samþykkt voru á Alþingi nýlega.

Þriggja ára fangelsi fyrir að nauðga 14 ára stúlku

Rúmlega tvítugur karlmaður, Edward Apeadu Koranteng, var í dag dæmdur í þriggja ára fangelsi í Héraðsdómi Reykjavíkur fyrir nauðgun. Maðurinn nauðgaði stúlkunni sem er fjórtán ára í heimahúsi í september í fyrra. Stúlkunni var jafnframt dæmd um ein milljón króna í miskabætur.

Mitt popp

Bandarísk móðir í Oregon fylki hefur verið handtekin fyrir að særa son sinn á andliti og höndum, með stórum búrhníf. Sonurinn er tuttugu og eins árs gamall, en móðirin fjörutíu og níu. Syninum tókst að hringja í neyðarlínuna, og hjálpin barst áður en móðirin gat alveg gengið frá honum.

Rannsóknarnefnd umferðarslysa efld

Rannsóknarnefnd umferðarslysa verður efld á næsta ári með það fyrir augum að geta sinnt betur rannsóknum á alvarlegum slysum en til þessa hefur nefndin svo til eingöngu getað sinnt rannsóknum banaslysa.

Búið að slökkva eldinn í Gamla Stan í Svíþjóð

Búið er að slökkva að mestu eldinn sem kom upp í fjölbýlishúsi í Gamla Stan, einu elsta hverfi Stokkhólms, í morgun. Mikill eldur kom upp og voru 40 slökkviliðsmenn að störfum þegar mest lét en nærliggjandi hús voru rýmdi vegna ótta við að eldurinn kynni að berast þangað.

Palestinsk börn gera uppreisn gegn fullorðnum

Palestinsk börn á Gaza ströndinni gerðu uppreisn í dag. Þau kveiktu í dekkjum og hótuðu grjótkasti, ef fullorðna fólkið hætti ekki að skapa glundroða á svæðinu. Hinn tólf ára gamli Saeed Salem sagði að þeir væru reiðir yfir bræðrunum þremur sem voru myrtir í gær, og þreyttir á öryggisleysinu sem hefur eyðilagt líf þeirra.

Báðust afsökunar á framferði sínu á vettvangi slyss

Nokkrir vegfarendur höfðu samband við lögregluna í Reykjavík í gær og báðust afsökunar á framkomu sinni sl. sunnudag í kjölfar banaslyss á Vesturlandsvegi. Hinir sömu höfðu áður lýst yfir óánægju sinni með lokun vegarins og gerðu það bæði á vettvangi og símleiðis.

Samverustund syrgjenda

Jólin geta verið erfiður tími fyrir þá sem misst hafa sína nánustu. Nú býðst syrgjendum að taka þátt í samverustund í Grensáskirkju 14. desember klukkan 20. Eitt af því sem gefur samverunni gildi er minningarstund þar sem hver og einn getur tendrað ljós fyrir ástvin sinn.

Stríðið í Írak það umdeildasta í Bandaríkjunum

Aldrei hafa fleiri Bandaríkjamenn verði andsnúnir þátttöku Bandaríkjanna í stríði eins og Íraksstríðinu. Þetta sýnir ný könnun sem Gallup gerði fyrir bandarísku sjónvarpsstöðina CBS.

Fangelsisdómur og há sekt fyrir skatta- og bókhaldsbrot

Héraðsdómur Reykjavíkur hefur dæmt karlmann í níu mánaða skilorðsbundið frangelsi og til greiðslu 29 milljón króna í sekt fyrir að hafa hvorki staðið skil á virðisaukaskattskýrslum vegna atvinnustarfsemi sinnar fyrir árið 2004 né innheimtum virðisaukaskatti að fjárhæð rúmlega 14 milljónir króna. Þá var hann einnig sakfelldur fyrir að færa ekki lögboðið bókhald og varðveita bókhaldsgögn vegna sömu atvinnustarfsemi.

Eberg song on The O.C.

Samverustund fyrir syrgjendur

Haldin verður sérstök samverustund fyrir syrgjendur til að undirbúa þá fyrir jólahátíðina í Grensáskirkju á fimmtudaginn. Margir tengja jól og aðventu við samverustundir með fjölskyldu og ástvinum og söknuður þeirra sem misst hafa ástvini er því oft sár á þessum tíma.

Stórlega hefur dregið úr hraðaakstri á Suðurlandsvegi

Stórlega hefur dregið úr hraðakstri á Suðurlandsvegi undanfarna daga, svo tíðindum sætir, að sögn lögreglunnar á Selfossi.

Slapp ómeidd út út brennandi húsi á Akureyri

Roskin kona komst ómeidd út úr brennandi húsi sínu við Oddeyrargötu á Akureyri um klukkan tólf í gærkvöld og náði að gera nágrönnum sínum viðvart sem líka forðuðu sér út.

Undirrita viljayfirýsingu um sjálvirka neyðarhringingu úr bílum

Samgönguráðuneytið, ND á Íslandi ehf. og Neyðarlínan hafa undirritað viljayfirlýsingu um að vinna sameiginlega að því að hérlendis verði unnt að taka upp sjálfvirka hringingu úr bílum í Neyðarlínuna ef slys verður og þróa notkun Saga-hugbúnaðarkerfisins vegna innheimtu veggjalda og eftirlits með hvíldarákvæðum í umferðarlögum.

Listi Samfylkingarinnar í Suðurkjördæmi samþykktur

Kjördæmisþing Samfylkingarinnar í Suðurkjördæmi hefur samþykkt lista flokksins í kjördæminu fyrir komandi þingkosningar

Neytendamálaráðherra Danmerkur ekki á leið út úr ríkisstjórn

Anders Fogh Rasmussen, forsætisráðherra Danmerkur, vísaði því á bug að neytendamálaráðherra landsins Lars Barföd væri á leið út úr ríkisstjórninni eftir harða gagnrýni fyrir skort á eftirliti með matvælafyrirtækjum.

Confusing Pakistani Cuisine

Style & Innovation

Young and Emerging Artists

Watch this Face

Ísrael er kjarnorkuveldi -Ehud Olmert

Ehud Olmert, forsætisráðherra Ísraels, missti það út úr sér viðtali við þýska sjónvarpsstöð, að Ísrael væri kjarnorkuveldi. Í viðtalinu, sem fór fram á ensku, sagði Olmert: "Íran hefur opinberlega hótað því að þurrka Ísrael út af landakortinu. Finnst þér þetta sambærilegt, þegar þeir eru að reyna að koma sér upp kjarnorkuvopnum, við Bandaríkin, Frakkland, Ísrael og Rússland ?"

Viking Age meets Modern Comfort

West and East clash at Domo

Notkun sýklalyfja eykst

Heildarnotkun sýklalyfja hér á landi jókst um 6% milli áranna 2004 og 2005. Talið er að rekja megi aukninguna að einhverju leyti til inflúensu sem geisaði í upphafi ársins 2005 og lagðist þungt á landsmenn.

Búðarþjófur slapp naumlega

Hætta á fjölgun berklasmita á Íslandi

Óttast er að tíðni berkla komi til með að aukast hér á landi með inngöngu Rúmeníu og Búlgaríu í Evrópusambandið. Tíðni berkla er há í þessum löndum og skapar það ákveðin vandamál.

Mistök að ýja að kjarnavopnum Ísraela

Talskona Ehuds Olmerts, forsætisráðherra Ísraels, sagði hann ekki hafa ætlað að segja að Ísraelar ættu kjarnavopn í sjónvarpsviðtali í kvöld. Hann taldi þar upp nafn Ísraels með öðrum kjarnorkuveldum, sem gengur þvert á þá stefnu sem ísraelsk stjórnvöld hafa fylgt undanfarin ár, að neita að gefa upp hvort ríkið eigi kjarnavopn eða ekki.

Fjöldi ökumanna sektaður í Reykjavík

11 ökumenn voru teknir fyrir ölvunarakstur í umdæmi lögreglunnar í Reykjavík um helgina. Yngstur þeirra er liðlega 16 ára piltur sem hefur aldrei öðlast ökuréttindi eins og gefur að skilja. Þá stöðvaði lögreglan för 9 ökumanna sem höfðu þegar verið sviptir ökuleyfi. Tveir þeirra voru nú teknir fyrir þetta brot öðru sinni.

Fuglesang loks lentur við alþjóðlegu geimstöðina

Sænski geimfarinn með hljómfagra nafnið, Christer Fuglesang, er ekki einasta kominn út í geim, heldur lentur við alþjóðlegu geimstöðina. Flaugin sem hann og félagar þeyttust með út fyrir hvolfin jarðarinnar lagðist að geimstöðinni upp úr tíu í kvöld. Lendingin á geimstöðinni er hættulegasti hluti ferðarinnar, að sögn Dagens Nyheter.

Hafísinn gæti heyrt sögunni til eftir 34 ár

Bandarískir og kanadískir vísindamenn spá því í nýlegri rannsókn að Norðurpóllinn verði íslaus síðsumars strax árið 2040, vegna hlýnunar andrúmsloftsins. Að þeirra mati mun hafísinn hopa fjórfalt hraðar eftir 20 ár en hann hefur nokkurn tíma gert í sögunni.

Lést á Vesturlandsvegi

Maðurinn sem lést í bílslysi á Vesturlandsvegi á sunnudagskvöld hét Ágúst Bjarnason, til heimilis að Esjugrund 33 á Kjalarnesi. Hann var 28 ára, ókvæntur og barnlaus. Hann bjó áður ásamt fjölskyldu sinni að Kirkjubæjarbraut 4 í Vestmannaeyjum.

Gates-hjónin leggja fram 6 milljarða gegn malaríu

Stofnun Gates-hjónanna Bills og Melindu hefur heitið tæpum sex milljörðum íslenskra króna til baráttunnar við malaríu í heiminum. Fénu verður varið til betra eftirlits, rannsókna á bólusetningum og til að fyrirbyggja sjúkdóm sem verður rúmlega milljón manna að aldurtila á ári.

Íslamskur skæruliðahópur hótar fleiri sprengjum í Alsír

Alsírskur skæruliðahópur íslamskra öfgasinna hefur lýst ábyrgð á hendur sér á sprengjuárás á rútu sem flutti erlenda olíuiðnaðarmenn. Þá varar hópurinn við frekari árásum. Alsírskur bílstjóri rútunnar lést í árásinni á sunnudaginn og særði níu manns, þeirra á meðal fjóra Breta og einn Bandaríkjamann.

Stekkjastaur til byggða - munið skóinn

Börn að aldri og börn í anda eru búin að leggja sitt fínasta skótau (eða sitt stærsta) út í glugga til þess að taka við gjöfum frá fyrsta jólasveininum sem kemur til byggða í kvöld. Stekkjastaur kemur fyrstur, eins og verið hefur frá því að elstu menn muna. Bændur ættu einnig að líta til með fjárhúsum sínum, því alkunna er að staurstífur sveinninn sækir í ærnar.

Ekkert GSM-samband á Gemlufallsheiði

Ekkert GSM-samband er á Gemlufallsheiði þar sem rúta valt 40 metra í hávaðaroki og hálku í morgun, að því er segir í frétt á fréttavef Bæjarins besta. Þar er rætt við upplýsingafulltrúa Símans, sem segir það ekki hlutverk Símans að sinna neyðarsambandi, slíkt sé á ábyrgð ríkisstjórnarinnar. NMT-samband er á heiðinni, eins og víðast hvar á þjóðvegum.

Ljósaþjófur stelur jólunum í Keflavík

Nokkrir íbúar í Keflavík hafa orðið fyrir því að undanförnu að perum er stolið úr ljósaseríum sem settar eru upp fyrir jólin, að því er fréttavefur Víkurfrétta greinir frá. Þar segir meðal annars frá fólki sem býr á jarðhæð í blokk og hefur gefist upp á að lýsa upp skammdegið eftir að perur hafa horfið úr seríunni í tvö ár í röð.