Einn fluttur á sjúkradeild

Einn var fluttur með sjúkrabíl á slysadeild eftir árekstur tveggja bíla á Suðurlandsbraut í Reykjavík um klukkan eitt í dag. Meiðsl viðkomandi voru þó talin minniháttar.

Innganga í ESB getur bætt stöðu íslenskra sauðfjárbænda

Framleiðslukostnaður lambakjöts er helmingi lægri hér á landi en í Noregi, að sögn sérfræðings Bændasamtakanna. Hann segir að innganga Íslands í Evrópusambandið myndi hugsanlega bæta stöðu íslenskra sauðfjárbænda.

Meiddist lítillega í hörðum árekstri

Ökumaður fólksbíls var fluttur á sjúkrahús eftir harðan árekstur á Akranesi síðdegis. Tveir bílar lentu saman á gatnamótum Vesturgötu og Akurgerðis og skall annar bíllinn á kyrrstæðum bíl.

Varp fugla getur verið í uppnámi vegna Mýrarelda

Varp fugla getur verið í uppnámi vegna sinueldanna á Mýrum og líklegt er að smárdýralíf skaðist vegna eldanna. Þetta er mat Náttúrufræðistofnunar Íslands en enn logar víða sina á Mýrum.

Aðstoðarmenn dómara fái aukin völd

Aðstoðarmenn dómara fá vald til að fara með hluta dómsstarfa verði frumvarp dómsmálaráðherra um dómstóla að lögum. Hert er á hæfnisskilyrðum aðstoðarmanna og verða þeir að vera lögfræðingar með reynslu af lögmanns- eða lögfræðistörfum eða þá hafa setið á Alþingi.

Frakklandsforseti ætlar að staðfesta vinnulöggjöf

Chirac Frakklandsforseti ætlar að staðfesta umdeilda vinnulöggjöf þrátt fyrir mikil mótmæli á götum Frakklands síðustu vikur. Hann heitir því þó að tveimur umdeildum ákvæðum verði breytt.

Staðfesti starfsleyfi Alcans

Sigríður Anna Þórðardóttir umhverfisráðherra staðfesti í dag ákvörðun Umhverfisstofnunar um útgáfu starfsleyfis vegna stækkunar Alcans í Straumsvík. Með nýja starfsleyfinu fær fyrirtækið heimild til að framleiða allt að 460 þúsund tonn af áli á ári.

Svíar taka út fangelsi stríðsglæpadómstólsins

Sænskum yfirvöldum hefur verið falið að gera úttekt á fangelsinu sem hýsti Slobodan Milosevic, fyrrverandi Júgóslavíuforseta, meðan réttað var yfir honum fyrir stríðsglæpadómstólnum í Haag í Hollandi. Forsetinn lést þar fyrr í þessum mánuði.

Ár flæða yfir bakka sína í Evrópu

Ár flæða nú yfir bakka sína í sex ríkjum Mið- og Austur-Evrópu og valda miklum skemmdum. Minnst fjórir hafa farist í flóðunum. Vatn flæðir um götur og inn í hús og hefur þurft að flytja mörg þúsund manns frá heimilum sínum.

Deildi hart á gagnrýnendur innan flokks

Halldór Ásgrímsson, formaður Framsóknarflokksins, fór hörðum orðum um þá flokksmenn sem hafa gagnrýnt forystuna opinberlega, þegar hann ávarpaði vorfund miðstjórnarflokksins sem haldinn er í Reykjavík.

Skemmtiferð lauk með skelfingu

Skemmtiferð um Persaflóann lauk hræðilega í gærkvöldi, þegar stór snekkja, yfirfull af fólki, fór á hliðina með þeim afleiðingum að 57 manns drukknuðu. Flestir í bátnum voru útlendingar í verktakavinnu í Bahrain.

Minnst 70 fórust í jarðskjálfta

Að minnsta kosti 70 manns létu lífið í snörpum jarðskjálftakippum í Íran í nótt. Óttast er að tala látinna eigi eftir að hækka.

Blóðug átök á Gaza

Blóðug átök brutust út í dag milli andstæðra fylkinga Palestínumanna á Gaza-ströndinni. Átökin hófust eftir að bílsprengja varð Palestínumanni að bana. Maðurinn var foringi skæruliðasamtaka sem hafa staðið fyrir flugskeytaárásum á Ísrael.

Kynningarátak til að efla trú á íslensku efnahagslífi

Forsætisráðuneytið og viðskiptabankarnir ætla í sameiginlegt kynningarátak til að efla trú útlendinga á íslensku efnahagslífi. Þetta kom fram í máli Halldórs Ásgrímssonar forsætisráðherra á ársfundi Seðlabankans í dag.

Sjálfstæðisflokkur fengi meirihluta í borginni

Sjálfstæðisflokkurinn fengi meirihluta í borgarstjórn ef kosið væri nú samkvæmt skoðanakönnun Gallup en fylgi flokksins minnkar þó talsvert frá síðustu könnun.

VG fær ekki leyfi fyrir kosningaskrifstofu

Bæjarráð Mosfellsbæjar synjaði í gær umsókn Vinstri grænna um staðsetningu fyrir kosningaskrifstofu þeirra í miðbæ Mosfellsbæjar. Fulltrúar minnihluta B-lista og G-lista lýstu undrun með þessa ákvörðun í bókun og að húsið skuli hafa verið flutt einmitt á þessum tímapunkti.

Ekkert erindi í ESB

Íslendingar hafa enga ástæðu til að ganga í Evrópusambandið meðan þeir hafa samninginn um Evrópska efnahagssvæðið. Þetta kom fram í máli Geirs H. Haarde, utanríkisráðherra, á málþingi lagadeildar í dag.

Óljóst hvernig varnirnar verða

Fjölmenn bandarísk sendinefnd gat ekki útskýrt í dag hvernig vörnum Íslands verður háttað eftir að herinn fer héðan. Þó er fullyrt að staðið verði að fullu við varnarsamninginn frá árinu nítján hundruð fimmtíu og eitt. Utanríkisráðherra segir að samstarf vegna björgunarþyrlna hafi verið rætt á þessum fyrsta formlega samningafundi þjóðanna eftir að Bandaríkjamenn ákváðu að flytja herlið og búnað frá Keflavík.

Átak til að efla trú á íslenskt efnahagslíf

Forsætisráðuneytið og viðskiptabankarnir ætla í sameiginlegt kynningarátak til að efla trú útlendinga á íslensku efnahagslífi.

Hjartans mál

Hjartalæknar ganga af samningi við Tryggingastofnun frá og með morgundeginum. Við tekur valfrjálst tilvísanakerfi þar sem sjúklingar þurfa beiðni frá heimilislækni til þess að fá hjartalæknisheimsókn endurgreidda frá Tryggingastofnun.

Stúlkubarn varð fuglaflensu að bráð

Stúlka á fyrsta ári léstu úr fuglaflensu á Indónesíu á dögunum. Heilbrigðisráðuneyti landsins greindi frá þessu í dag.

Íslenska ríkið sýknað af bótakröfu

Héraðsdómur Reykjavíkur hefur sýknað íslenska ríkið af bótakröfu manns sem úrskurðaður var í gæsluvarðhald vegna gruns um að hann tengdist fíkniefnasmygli árið 2004. Við rannsókn kom ekkert fram sem benti til þess að maðurinn tengdist málinu og krafðist hann 11 milljóna króna í miskabætur en þeirri kröfu hafnaði héraðsdómur.

Fyrirtæki þurfa skýra stefnu í eineltismálum

Mikilvægt er fyrir fyrirtæki að hafa skýra stefnu í eineltismálum því þau geta orðið þeim kostnaðarsöm. Þetta segir skrifstofustjóri Vinnueftirlitsins sem nýlega rannskaði einelti á þremur opinberum stofnunum.

Sprenging á iðnaðarsvæði í Hollandi

Fjórir voru fluttir á slysadeild eftir að sprenging varð í verksmiðju í iðnaðarhverfi nálægt Haag í Hollandi í dag. Mikill viðbúnaður var á svæðinu eftir sprenginguna en slökkviliðsmenn sögðu hættu á frekari sprengingum.

Járniðnaðarmenn og vélstjórar sameinast

Félag járniðnaðarmanna og Vélstjórafélags Íslands hafa samþykkt að sameina þessi tvö félög og verður gengið frá nýju nafni á félagið og kosið í stjórn stofnfundi nýja félagsins í maílok. Kosið var um sameininguna og voru 92,6 prósent félagsmanna hjá Félagi járniðnaðarmanna samþykk sameiningunig og 54 prósent félagsmanna hjá Vélstjórafélaginu.

Kynningarátak um íslenskt efnahagslíf

Kynningarátak um íslenskt efnahagslíf erlendis, breytingar á Íbúðalánasjóði og stóriðjuframkvæmdir voru meðal þess sem forsætisráðherra talaði um í ræðu sinni á ársþingi Seðlabanka Íslands sem hófst klukkan fjögur.

Sprenging í Istanbúl

Að minnsta kosti einn lét lífið og fjölmargir særðsut þegar sprengja sprakk nálægt strætisvagnastöð í Istanbúl í Tyrklandi í dag.

Gera kjarasamning við starfsmannaleigu

Verkalýðsfélag Húsavíkur gekk í dag frá kjarasamningi við starfmannaleiguna RIMEC sem er með höfuðstöðvar á Írlandi. Er þetta í fyrsta skipti sem verkalýðsfélag gengur frá samningi við erlenda starfsmannaleigu að því er fram kemur í fréttatilkynningu frá félaginu.

Vaskasti uppvaskarinn í Fífunni

Keppnisskapið var allsráðandi í Fífunni í Kópavogi í dag þar sem bestu uppvaskarar landsins börðust um titilinn vaskasti uppvaskarinn. Keppnin er liður í stórsýningunni Matur 2006, en þar leiða einnig fjölmargir innlendir og erlendir matreiðslumenn saman hesta sína í fjölbreyttri keppni.

Fasteignagjöld lægst í Reykjanesbæ

Fasteignagjöld á hvern og einn íbúa eru lægst í Reykjanesbæ af stærstu sveitarfélögum landsins þrátt fyrir að gjöldin hafi hækkað mest þar en síðustu ár.

Harmar ákvörðun síldarverksmiðjunnar á Raufarhöfn

Verkalýðsfélag Húsavíkur harmar ákvörðun Síldarvinnslunnar um að hætta starfsemi loðnuverksmiðju á Raufarhöfn en öllum starfsmönnum verksmiðjunnar hefur verið sagt upp frá og með næstu mánaðarmótum. Að því er fram kemur í yfirlýsingu frá verkalýðsfélaginu þá hefur loðnuverksmiðja gegnt mikilvægu hlutverki í atvinnuuppbyggingu Raufarhafnar og veitt fjölmörgum atvinnu.

Vonar að hægt verði að komast hjá refsiaðgerðum

Mohammed El-Baradei, yfirmaður Alþjóða kjarnorkumálastofnunarinnar, segist vonast til þess að hægt verði að komast hjá refsiaðgerðum gegn Írönum vegna kjarnorkuáætlunar þeirra. Hann sagði vissulega hægt að grípa til aðgerða og þar með stigmagna deiluna en það leysi hana ekki.

Vímulaus æska fær styrk

Félagsmálaráðuneytið og Vímulaus æska hafa gert með sér styrktarsamning þar sem félagsmálaráðuneytið leggur starfsemi samtakanna lið með fjárstuðningi til næstu tveggja ára en samningur þess efnis var undirritaður í gær. Samningurinn gerir samtökunum kleift að vinna áfram fjölbreytt fornvarnarstarf meðal íslenskra fjölskyldna.

Forsætisráðherra skipar í nýtt vísindaráð

Forsætisráðherra hefur skipað nýtt Vísinda- og tækniráð sem er meðal annars ætlað að marka stefnu stjórnvalda á sviði vísinda og tæknimála. Ráðið er skipað til þriggja ára og í því eiga sæti Hrefna Kristmannsdóttir, Inga Þórsdóttir, Jón Torfi Jónasson og Þorlákur Karlsson, Rúnar Bachmann og Stefán Úlfarsson, Kristinn Andersen, Pétur Reimarsson, Guðrún Nordal sem tilnefnd er af menntamálaráðherra, Hallgrímur Jónasson, Sjöfn Sigurgísladóttir, Þorsteinn Tómasson, Ingileif Jónsdóttir og Magnús Jónsson.

Á annan tug sinuelda á höfuðborgarsvæðinu

Sinueldar loga víðar en í Borgarfirði í dag. Slökkvilið höfuðborgarsvæðisins hefur farið í á annan tug útkalla frá því klukkan eitt og hafa slökkviliðsmenn meðal annars fengið aðstoð frá starfsmönnum borgarinnar við að ráða niðurlögum eldanna.

Vilja sérstakt stéttarfélag innan KÍ

Leikskólakennarar vilja stofna sérstakt stéttarfélag innan Kennarasambands Íslands. Þetta eru niðurstöður konnunar meðal leikskólakennara, leikskólastjóra og leikskólafulltrúa sem framkvæmd var af IMG og kynnt var á fundi faghóps leikskólastjóra sem haldinn var á Akureyri í dag. Rúmlega sjötíu og sex prósent þátttakenda í könnuninni vildu að stofnað yrði sérstakt stéttarfélag en ríflega 20 prósent þeirra voru því andvíg.

Dr. Hans Blix á leið til Íslands

Dr. Hans Blix verður á Íslandi 4.-8. apríl til að halda fyrirlestur um gereyðingavopn, Sameinuðu þjóðirnar og valdbeitingu í alþjóðasamfélaginu. Það er Háskóli Íslands í samvinnu við Sendiráð Svíþjóðar og félag Sameinuðu þjóðanna á Íslandi býður Hans Blix til Íslands. Hans Blix mun einnig opna sýningu í Norræna húsinu fimmtudaginn 6. apríl kl. 17.30 til minningar um hundrað ára afmæli Dag Hammarskjöld, sem var framkvæmdastjóri Sameinuðu þjóðanna árin 1953-1961.

Aðalstjórn KR biðst afsökunar á atburðinum

Aðalstjórn KR harmar að ekki hafi verið farið að gildum félagsins á herrakvöldi þess þann 17. mars. Aðalstjórn KR biðst afsökunar á því dómgreindarleysi sem hún telur umræddan atburð endurspegla og telur hann mjög óheppilegan fyrir það umfangsmikla og ábyrga uppeldisstarf sem fram fer hjá KR.

Fundurinn fyrsta skrefið

Fundi viðræðunefnda Bandaríkjamanna og Íslendinga um framtíð varnarsamstarfs ríkjanna lauk í utanríkisráðuneytinu á þriðja tímanum í dag. Fulltrúi Bandaríska utanríkisráðuneytisins sagði eftir fundinn að hann hefði aðeins verið fyrsta skrefið í löngu ferli. Frekari viðræður væru fyrirhugaðar í Bandaríkjunum og á Íslandi næstu vikur og mánuði.

Jóhannes Viðar Ferðafrömuður ársins

Útgáfufélagið Heimir hefur valið Jóhannes Viðar Bjarnason, eiganda Fjörukráarinnar, Ferðafrömuð ársins. Þetta er í þriðja sinn sem Heimur stendur fyrir útnefningunni og var það Samgönguráðherra sem afhenti Jóhannesi viðurkenningarskjal að lokinni steningarathöfn Ferðatorgsins. Í mati sínu lagði dómnefnd til grundvallar einstaka athafnasemi, frumkvæði, metnað og framúrskarandi árangur sem og að hann Jóhannes hefur með hugmyndaauðgi nýtt sögu og menningararfleifð Íslendinga til að skapa einstakt fyrirtæki í ferðaþjónustu.

ÁTVR breytt í hlutafélag

Frumvarp um að Áfengis- og tóbaksverslun ríkisins verði breytt í hlutafélag verður kynnt í ríkisstjórn eftir helgi. Samkvæmt heimildum NFS er frumvarp fjármálaráðherra um málið tilbúið og stefnt er að því að dreifa frumvarpinu til þingmanna eftir helgi.

Fólksbifreið lenti á brúarstólpa á Kringlumýrarbraut

Fólksbíll og jeppabifreið lentu í árekstri á Kringlumýrarbrautinni á þriðja tímanum í dag með þeim afleiðingum að fólksbíllinn hafnaði á einum stólpa göngubrúarinnar sem liggur yfir Kringlumýrarbraut.

Varnarliðið segir upp orku- og vatnskaupa samningi

Varnarliðið á Keflavíkurflugvelli hefur sagt upp orku- og vatnskaupasamningi við Hitaveitu Suðurnesja. Þetta kom fram á aðalfundi Hitaveitunnar sem nú stendur yfir í Svartsengi, að sögn Víkurfrétta. Samningnum var sagt upp með 180 daga fyrirvara. Í dag eru þessi viðskipti upp á 570 milljónir króna á ári.. Haft er eftir Júlíusi Jónssyni, forstjóra Hitaveitunnar, að þetta sé ekki í neinu samræmi við ákvæði gildandi samnings.

Slökkvistarf gengur erfiðlega í Borgarfirði

Slökkviliðsstjórinn í Borgarnesi býst við að slökkvistarf vegna sinueldanna á Mýrum í Borgarfilrði muni standa alla helgina en bætt hefur í eldinn í morgun, eftir að hann virtist vera í rénun í nótt. Að sögn Bjarna Þorsteinssonar, slökkviliðsstjóra snýst baráttan við sinueldanna upp á líf og dauða. Hann segir slökkvistarf aðallega beinast að því að bleyta í kringum nærliggjandi bæi til að reyna að bjarga þeim og búfénaði.

Stúlka á fyrsta ári lést úr fuglaflensu í Indónesíu.

Stúlka á fyrsta ári léstu úr fuglaflensu í Indónesíu á dögunum. Heilbrigðisráðuneyti landsins greindi frá þessu í dag en rannsóknarstofa Alþjóða heilbrigðisstofnunarinnar í Hong Kong staðfesti þetta eftir rannsóknir á sýnum úr stúlkunni. Þar með hafa tuttugu og þrír látist af völdum sjúkdómsins í Indónesíu.