Árás tengist ekki trúarátökum

Að minnsta kosti 22 létu lífið og um fjörutíu særðust þegar tvær sprengjur sprungu á götumarkaði á eyjunni Sulawasi í Indónesíu í morgun. Varaforseti landsins neitar því að árásin tengist átökum kristinna og múslima á svæðinu. Enn hefur enginn lýst sig ábyrgan fyrir ódæðinu.

Eitt skipanna reyndist draugaskip

Eitt af sjóræningjaskipunum sjö á karfaslóð við lögsögumörkin á Reykjaneshrygg er draugaskip; það er ekki að finna í viðurkenndum skipaskrám. Öll sigla þau hins vegar undir fána Dominíku í Karíbahafinu. Kristján Þ. Jónsson, yfirmaður gæsluframkvæmda, segir verið að kortleggja sjóræningjaveiðarnar og verslun með afla.

Sprengjuhótun við grafhýsi Francos

Lögregla á Spáni rannsakar nú hvort skæruliðasamtök Baska, ETA, hafi komið fyrir sprengju við grafhýsi Franciscos Francos, fyrrverandi einræðisherra Spánar, nærri Madríd. Tilkynning þess efnis barst baskneska dagblaðinu <em>Gara</em> í morgun og eru sérsveitir lögreglu á staðnum að kemba svæðið.

Sjálfsmorðsárásir í Norður-Írak

Fimm létust og að minnsta kosti 45 særðust í tveimur sjálfsmorðssprengjuárásum fyrir utan sameiginlega herstöð Íraka og Bandaríkjamanna í bænum Sinjar í Norður-Írak í morgun. Vitni segja að árásarmennirnir hafi sprengt sig í loft upp með stuttu millibili við hlið herstöðvarinnar, en flestir hinna særðu voru starfsmenn stöðvarinnar og írakskir hermenn.

Beðið verði fyrir Aroni Pálma

Biskupsstofa hefur sent öllum prestum landsins beiðni um að mál Arons Pálma Ágústssonar verði gert að sameiginlegu bænarefni við guðþjónustu í kirkjum landsins á morgun eða við aðrar helgistundir í kirkjunum næstu daga þar sem beðið verði fyrir velferð hans og skjótri heimkomu. Er þetta gert að ósk RJF-hópsins, stuðningshóps Arons Pálma.

Helmings launamunur eftir útskrift

Karlar sem útskrifast frá Viðskiptaháskólanum að Bifröst geta vænst þess að fá nærri 50 prósentum hærri laun en konur í sömu stöðu. Þetta kemur fram í nýrri könnun sem háskólinn gerði á stöðu og störfum fólks sem nýlega hefur úrskrifast og Runólfur Ágústsson, rektor skólans, kynnti í útskriftarræðu í dag.

Reykingabann í Belgíu 2007

Reykingar verða bannaðar á veitingastöðum í Belgíu árið 2007 ef frumvarp sem heilbrigðisráðherra landsins hyggst leggja fram nær fram að ganga. Heilbrigðisráðuneytið í Belgíu staðfesti við fjölmiðla í dag að líklegt væri að samkomulag næðist um frumvarpið á mánudag og tekur reykingabannið þá gildi um áramótin 2006-2007.

Annan heimsækir búðir í Darfur

Tugir þúsunda tóku á móti Kofi Annan, framkvæmdastjóra Sameinuðu þjóðanna, þegar hann heimsótti Kalma-flóttamannabúðirnar í Darfur-héraði í dag. Búðirnar eru þær stærstu í héraðinu en þar hafast um 120 þúsund manns við og reiða sig algjörlega á mataraðstoð og önnur hjálpargögn frá Sameinuðu þjóðunum og ýmsum hjálparsamtökum.

Vilja halda í vaxtabótakerfið

Ungir framsóknarmenn leggjast gegn því að vaxtabótakerfið verði afnumið. Stjórn Sambands ungra framsóknarmanna segir í ályktun að vaxtabætur séu eitt besta tækifæri sem stjórnvöld hafa til að hjálpa fólki við að koma sér þaki yfir höfuðið.

Vaxtabótakerfið verði ekki afnumið

Stjórn Sambands ungra framsóknarmanna varar við hugmyndum um afnám vaxtabótakerfisins í ályktun sem félagið sendir frá sér í dag. Þar segir einnig að vaxtabæturnar séu eitt besta tæki sem hið opinbera hafi komið á til að hjálpa einstaklingum til að koma sér þaki yfir höfuðið og dragi þar með úr útgjöldum til húsaleigubóta til lengri tíma litið.

Tafir á flugi vegna verkfalls

Flug bæði frestaðist og var aflýst á Ítalíu í dag þegar ítalskir flugumferðarstjórar lögðu niður vinnu í fjóra tíma vegna kjaradeilu við stjórnvöld. 196 flugum á vegum Alitalia, flestum til útlanda, var afllýst vegna verkfallsins en deilt er um túlkun kjarasamninga sem gerðir voru á síðasta ári.

Big Ben stöðvaðist í gærkvöld

Ein frægasta klukka í heimi, Big Ben í Lundúnum, stöðvaðist í gærkvöld í rúmlega eina og hálfa klukkustund án þess að nokkur skýring hafi fundist á því. Litli vísirinn hætti að ganga rétt rúmlega tíu að staðartíma en fór svo hægt af stað aftur þar til hann stöðvaðist aftur 22.20 og var þá stopp í einn og hálfan tíma.

Kosning um stjórnarskrá hafin

Þjóðaratkvæðargreiðsla um stjórnarskrá Evrópusambandsins hófst í dag á eyjum víða um heim sem heyra undir Frakkland en kosið verður í Frakklandi á morgun. Talið er líklegast að Frakkar hafni stjórnarskránni en síðustu skoðanakannanir, sem gerðar voru í gær, hafa verið nokkuð misvísandi.

Líðan Fahds konungs sögð stöðug

Líðan Fahds, konungs Sádi-Arabíu, er stöðug eftir því sem utanríkisráðherra landsins greinir frá í dag. Konungurinn, sem er 83 ára, var lagður inn á sjúkrahús í gær með lungnabólgu og var vatni dælt úr lungunum í honum. Um tíma var óttast að hann kynni að vera í lífhættu þar sem konungsfjölskyldan sendi frá sér tilkynningu í gær þar sem íbúar landsins voru beðnir um að biðja fyrir kónginum en svo virðist ekki vera nú.

Telja sig grennri en þeir eru

Karlmenn lifa í meiri sjálfsblekkingu en konur þegar kemur að líkamsþyngd og telja sig grennri en þeir eru. Það sýnir ný rannsókn sem Gallup gerði fyrir norska dagblaðið <em>Verdens Gang</em>. Helmingur karlanna sem tóku þátt í könnunninni reyndist yfir kjörþyngd á móti 35 prósentum kvenna en hins vegar taldi aðeins fjórðungur aðspurðra karla að hann væri yfir kjörþyngd á móti 35 prósentum kvenna.

Gleymdist að ræða verðið

Ekki var rætt um verðhugmyndir bjóðenda um Landsbankann fyrr en bjóðendurnir sjálfir bentu á það undir lok söluferlisins. Gripið var til þess að setja inn í ferlið "millistig" þar sem skila ætti inn verðhugmyndum. Sigríður Dögg Auðunsdóttir segir hér frá því hvernig framkvæmdanefndin var notuð til að framkvæma vilja ráðherranna.

Greina enn hermannaveiki í Noregi

Enn greinast ný tilfelli af hermannaveiki í Fredrikstad í Noregi, en á síðasta sólarhring hafa 15 leitað til Östfold-sjúkrahússins og tveir þeirra greinst með sjúkdóminn. Alls hafa 46 smitast af hermannaveiki á svæðinu og eru fimm þeirra látnir. Þá eru tveir alvarlega veikir og einn sjúklingur er í öndunarvél.

Vissi ekki af Búnaðarbankasölu

Framkvæmdanefnd um einkavæðingu hafði samið auglýsingu um sölu á ráðandi hlut í Landsbanka eftir að hafa borist bréf frá Samson í júní 2002. Ráðherranefndin, sem í sátu Davíð Oddsson, Geir H. Haarde, Halldór Ásgrímsson og Valgerður Sverrisdóttir, breytti auglýsingunni eftir fund sinn og auglýsti bankana til sölu að framkvæmdanefndinni forspurðri.

Vilja fjölga nektarströndum

Svo virðist sem nektarsinnum fari fjölgandi í Noregi því yfirvöld í bæði Þrándheimi og Stafangri hafa fengið beiðnir um að opna nýjar nektarstrendur í bæjunum. <em>Aftenposten</em> greinir frá því að meðlimum í Nektarsinnafélagi Rogalands hafi fjölgað jafnt og þétt undanfarið ár og því hafi félagið óskað eftir því við bæjaryfirvöld í Stafangri að ný nektarbaðstönd verði opnuð í bænum.

Fundu lík af tíu sjítum

Lögregla í Írak greindi frá því í dag að hún hefði fundið lík af tíu sjítum nærri bænum Qaim við landamæri Sýrlands. Bundið hafði verið fyrir augun á fólkinu og það skotið í hausinn en auk þess báru líkin merki um pyntingar. Talið er að fólkið sé frá Suður-Írak og hafi verið að koma úr pílagrímsferð til Sýrlands þegar ráðist var á það.

Guðfríður endurkjörin formaður SÍ

Guðfríður Lilja Grétarsdóttir var einróma endurkjörin forseti Skáksambands Íslands á aðalfundi sambandsins sem fram fór í dag. Í tilkynningu frá sambandinu segir að jákvæðar og líflegar umræður hafi farið fram á fundinum um stöðu skákarinnar, stefnu sambandsins og áframhaldandi uppbyggingu æskulýðsstarfs.

Munar 50% á launum kynjanna

Þrátt fyrir að konur tvöfaldi laun sín og rúmlega það eftir nám við Viðskiptaháskólann á Bifröst munar samt nær fimmtíu prósentum á launum þeirra og launum karla eftir útskrift.

Vilja innanflokksprófkjör

Lagt verður til á félagsfundi Vinstri-grænna í Reykjavík í dag að innanflokksprófkjör verði notað til að velja sex efstu frambjóðendur flokksins fyrir borgarstjórnarkosningarnar í Reykjavík næsta vor. Skiptir þá engu hvort flokkurinn býður fram undir eigin nafni eða í samstarfi við hina flokkana sem í dag standa að Reykjavíkurlistanum.

Gæti orðið mjótt á munum

Mjög mjótt er á mununum fyrir þjóðaratkvæðagreiðsluna um stjórnarskrá Evrópusambandsins samkvæmt síðustu skoðanakönnun sem birt var í gær. Samkvæmt henni segja 52 prósent Frakka nei við stjórnarskránni en 48 prósent já.

Vill henda kosningakerfunum

Best væri að henda rafrænum kosningakerfum sem keypt voru eftir forsetakosningarnar árið 2000 og kaupa í þeirra stað skanna sem flokka og telja atkvæðaseðla. Þetta er mat Lester Sola, yfirmanns kosningakerfisins í Miami-Dade sýslu, sem var í brennidepli vegna talningar atkvæða í kosningabaráttu George W. Bush og Al Gore.

Kosið um arfleifð Hariri

Líbanar ganga í dag að kjörborðinu og kjósa sér nýtt þing í fyrsta sinn eftir að Sýrlendingar hurfu frá landinu með hermenn sína og leyniþjónustu.

Ástandið betra en ekki eðlilegt

Ástandið í Darfur hefur batnað en stjórnvöld á svæðinu þurfa að gera meira til að bæta aðstöðu þeirra hundruð þúsunda einstaklinga sem hafa flúið ofbeldi í héraðinu. Þetta sagði Kofi Annan, framkvæmdastjóri Sameinuðu þjóðanna, þegar hann kom í dagslanga heimsókn til Darfurhéraðs í Súdan í gær.

Niður úr krana eftir rúma tvo daga

Bandarískur ógæfumaður um fertugt flúði lögregluna upp í 50 metra háan byggingakrana. Það tók meira en tvo sólarhringa að ná honum niður.

Styttingu náms frestað um eitt ár

Styttingu framhaldsskólanáms verður frestað um eitt ár. Endurskoðuð námsskrá tekur gildi árið 2009. Grunnskólar fá þannig lengri tíma til að undirbúa sig fyrir breytingarnar á framhaldsskólastigi. Menntamálaráðherra tilkynnti þetta í dag.

Þyrla upp á Grafarvogskirkju

Þyrla var hífð upp á þak Grafarvogskirkju í dag. Tilefnið er flugmessa sem verður í kirkjunni á morgun. Að sögn séra Vigfúsar Þórs Árnasonar var TF-LÍF of stór til að lenda á þakinu svo að minni þyrla var fengin til að skreyta kirkjuna. TF-LÍF mun hins vegar flytja presta og tónlistarfólk til messu í fyrramálið og lenda með það á hlaðinu.

Styttingu framhaldsnáms seinkar

Þorgerður Katrín Gunnarsdóttir menntamálaráðherra hefur ákveðið að fresta fyrirhugaðri styttingu á námi til stúdentsprófs um eitt ár. Það þýðir að ný námsskrá tekur gildi haustið 2009 í stað 2008 eins og stefnt var að. 

Innflytjendum mismunað eftir stöðu

Guðrún Margrét Guðmundsdóttir mannfræðingur segir Íslendinga gera mismunandi kröfur til íslenskukunnáttu innflytjenda eftir menntun og stöðu þeirra í samfélaginu.

Sænskur biskup braust inn

Biskupinn í Stokkhólmi hefur verið kærður fyrir innbrot og brot gegn friðhelgi heimilisins.

Smánarblettur á atvinnulífi

Konur, sem hafa útskrifast frá Viðskiptaháskólanum á Bifröst, eru að meðaltali með tæplega helmingi lægri laun en karlar sem útskrifast með sama próf frá sama skóla. Rektor viðskiptaháskólans segir þetta smánarblett á atvinnulífinu og hyggst grípa til aðgerða.

Vísar gagnrýni borgarstjóra á bug

Leiðtogi sjálfstæðismanna í Reykjavík vísar alfarið á bug gagnrýni borgarstjóra á hugmyndir þeirra um framtíðarskipulag í borginni. Þær byggist hvorki á hugmyndum annarra né leiði til hærra lóðaverðs.

Reyna að hindra löndun

Landhelgisgæslan mun reyna að koma í veg fyrir að sjóræningaskipin sem eru að veiðum á Reykjaneshrygg komi afla sínum í verð. Jafnvel kemur til greina að varðskip elti flutningaskip, sem tók við afla frá þeim, hvert sem það fer til að reyna að landa. Gæslan mun jafnframt fylgjast grannt með þeim stóra flota erlendra skipa sem dansar línudans á lögsögumörkunum.

Vill fjölga yngri áhorfendum

Meðalaldur þeirra sem eiga árskort í Þjóðleikhúsinu er sextíu og tvö og hálft ár og fer hækkandi. Þeir, sem yngri eru, fá sér mun síður árskort. Þjóðleikhússtjóri segir að við þessu verði brugðist með aukinni fjölbreytni.

Litblindir hlusta á litrófið

Litblindir geta hlustað á litrófið með hjálp tækis, sem gerir þeim kleift að greina í sundur mismunandi liti með hljóðmerkjum. Litblindur listmálari er sá fyrsti sem notar tækið og má ímynda sér að verkin fái aukna dýpt og verði aðgengilegri þeim sem skynja liti.

Mesta aðsókn í 17 ár hjá LA

Skuldir Leikfélags Akureyrar hafa minnkað um helming frá fyrra ári. Leikhússtjórinn gerir ráð fyrir að félagið verði skuldlaust árið 2006 en aðsókn hefur ekki verið meiri í sautján ár.

Mikill erill hjá lögreglunni

Töluverður erill var hjá lögreglunni á Vík í Mýrdal, vegna mótorkrossmóts sem staðið hefur yfir um helgina. Þrjú slys hafa orðið á ökumönnum bifhjóla. Einn ökumaður ökklabrotnaði, annar fór úr axlarlið og sá þriðji slapp með minni háttar meiðsl.

Gekk vel fyrir sig

Flugslysaæfing var haldin á Akureyrarflugvelli um helgina. Yfir þrjú hundruð manns tóku þátt í æfingunni og voru heilbrigðisstarfsfólk, björgunarsveitir, lögreglan, slökkviliðs- og sjúkraflutningamenn, að ógleymdum miklum fjölda fólks sem lék slasaða, í aðalhlutverkum.

Nýr prestur kynntur í dag

Prestskosningar í Hofsprestakalli í Múlaprófastsdæmi fóru fram í gær, í safnaðarheimilinu á Vopnafirði. Fimm umsækjendur voru um stöðuna,

Um þúsund fuglar drápust úr flensu

Að minnsta kosti þúsund farfuglar hafa drepist í Kína af völdum fuglaflensu samkvæmt upplýsingum frá kínverska landbúnaðarráðuneytinu en það er fimm sinnum meira en upphaflega var haldið fram. Fuglarnir sem drápust voru í norðvesturhluta landsins. Fyrr í vikunni lokuðu stjórnvöld af stór náttúruverndarsvæði og sendu meira en þrjár milljónir skammta af bóluefni til héraðsins eftir að farfuglar fundust þar dauðir.

Alvarlegt umferðarslys í Hvalfirði

Sjúkrabílar og lögregla eru nú á leið í Hvalfjörð, en tilkynnt var um alvarlegt umferðarslys þar. Upplýsingar um slysið eru takmarkaðar en þó er vitað að um árekstur er að ræða.

Mannskæð árás í Islamabad

Að minnsta kosti 20 manns létust og allt að 150 manns særðust er sprengja sprakk í Islamabad, höfuðborg Pakistans, rétt fyrir klukkan sjö í morgun að íslenskum tíma. Um sjálfsmorðsárás var að ræða en þær hafa verið tíðar í landinu að undanförnu. Unnið er að björgunaraðgerðum.