Lækkun gjaldsins veltur á ríkinu

Það myndi engu breyta um veggjaldið um Hvalfjarðargöng þótt Spölur endurfjármagnaði erlend lán sín. Innlendar skuldir Spalar eru hins vegar við ríkissjóð þannig að það stendur upp á ríkið að skapa svigrúm til lækkunar veggjaldsins.

Guggna á ástarsögu um sendiherra

Ritstjórar kanadíska stórblaðsins National Post í Ottawa, biðja Guðmund Eiríksson sendiherra Íslands, Adrienne Clarkson landstjóra Kanada og eiginmann hennar John Ralston Saul afsökunar á skrifum um meint samband þeirra. Ritstjórarnir segja ummælin um þau röng og viljandi missagnir koma fram. Orðalagið ber merki mikillar eftisjáar ritstjóranna.

Geta ekki tryggt öryggi borgaranna

Slökkvilið höfuðborgarsvæðisins vantar úrræði til að tryggja öryggi borgaranna, segir framkvæmdastjóri forvarnadeildar. Brýn þörf sé á að slökkviliðið hafi heimild til að sekta þá beint sem láta undir höfuð leggjast að sinna kröfum um úrbætur á brunavörnum. 

Systirin klessti Bens Hannesar

Áföllin dynja á Hannesi Hólmsteini Gissurarsyni eitt af öðru. Ekkja Laxness komin í mál við hann, botnlanginn sprunginn og nú síðast klessukeyrði systir hans bílinn hans. Hannes veit varla hvaðan á sig stendur veðrið. „Mestu skiptir að enginn slasaðist en systir mín tók þetta nærri sér,“ segir Hannes meðal annars í DV í dag.

Mikill baráttuhugur í almenningi

Urður Gunnarsdóttir, talsmaður ÖSE, Öryggis- og samvinnustofnunar Evrópu, sem starfar við kosningaeftirlit í Úkraínu, segir mikinn baráttuhug í almenningi í landinu. Hún segir ástandið í Kænugarði ótrúlega gott miðað við ólguna í landinu. 

Umferðarþing í Reykjavík

Umferðarþing á vegum Umferðarstofu og Umferðarráðs var sett í Reykjavík í dag. Á þinginu verður „Umferðarljósið“, sérstakur verðlaunagripur Umferðarráðs, veittur aðila sem lagt hefur mikið af mörkum til að auka umferðaröryggi í landinu.

Górillan Lísa yngir upp

Górillan Lísa, sem býr í dýragarði í Jóhannesarborg í Suður-Afríku, hefur verið harmi slegin síðan hún missti maka sinn, Max, í maí í vor. En hún getur nú tekið gleði sína á ný. Górilluhjónabandsmiðlari hefur nefnilega fundið henni annan lífsförunaut, Makakó, sem verður fluttur frá Þýskalandi til Suður-Afríku á morgun.

Sprengjudrunur í Bagdad

Sprengjudrunur heyrast víða í Bagdadborg nú um stundir en engar fréttir hafa borist af særðum eða látnum. Öflug sprenging kvað við í miðborginni fyrir stuttu og fréttamaður Reuters í borginni segist sjá reyk stíga upp til himins norðan við Græna svæðið svokallaða þar sem meðal annars er aðsetur hernámsliðsins og bráðabirgðastjórnar Íraks.

Baráttudagur gegn ofbeldi á konum

Í dag er alþjóðlegur baráttudagur gegn ofbeldi á konum. Af því tilefni vakti Kofi Annan, framkvæmdastjóri Sameinuðu þjóðanna, athygli á því að ofbeldi gegn konum viðgengst um heim allan, í öllum þjóðfélögum og menningarheimum.

Jólasveinar á barmi heimsfrægðar?

Íslensku jólasveinarnir gætu verið á barmi heimsfrægðar en um þessar mundir skreyta þeir umbúðir íslenskra mjólkurferna. Í danska bændablaðinu <em>Landbrugsavisen</em> er umfjöllun um fernurnar, jólasveinana, foreldra þeirra og jólaköttinn.

Tilraunastofa til efnavopnagerðar

Tilraunastofa til efnavopnagerðar hefur fundist í Fallujah-borg í Írak að sögn utanríkisráðherra landsins, Kassims Daouds. Hernámsliðið náði borginni á sitt vald, eða svo gott sem, á dögunum með því að ráðast gegn skæruliðum sem höfðu borgina í herkví og í kjölfarið uppgötvaðist þessi tilraunastofa.

Lögregla leitar enn mannsins

Lögreglan í Kópavogi leitar enn manns um tvítugt sem nam níu ára gamalt stúlkubarn á brott í austurbæ Kópavogs síðdegis í gær. Einhverjar vísbendingar hafa þó borist til lögreglu sem verið er að kanna.

Endurhæfing í stað örorku

Starfsendurhæfing til að forða fólki frá örorku hefur gefið góða raun hér á landi. Tryggingastofnun vill auka þá starfsemi og jafnframt að læknar fái aukna fræðslu um almannatryggingakerfið, stöðu þess og þróun. </font /></b />

Kærleikssjóður Sogns stofnaður

Rósa Aðalheiður Georgsdóttir hefur fyrir liðveislu Landsbanka Íslands stofnað Kærleikssjóð Sogns í minningu dóttur sinnar, Kristínar Kjartansdóttur. Tilgangur sjóðsins er að styrkja starfsemi réttargeðdeildarinnar á Sogni til hagsbóta fyrir sjúklinga, svo sem með jólagjöfum og tækjakaupum.

Bónus styrkti bágstadda

Bónus færði í gær Mæðrastyrksnefnd Reykjavíkur og Hjálparstofnun kirkjunnar 20 milljónir króna að gjöf.

Hópur fólks hefur einangrast

Sú öra tölvu- og tæknivæðing sem orðið hefur í hinum vestræna heimi verður til þess að tilteknir hópar fólks einangrast.

Hárkolla eða augabrúnir

Breyting á reglugerð um styrki Tryggingastofnunar vegna hjálpartækja hefur það í för með sér að fólk fær val um að nýta styrkinn til kaupa á hárkollu eða sérsniðnum höfuðfötum, gerviaugnabrúnum eða augnhárum. Áður var skilyrt að verja honum til hárkollukaupa.

Blóðrásarsjúkdómar okkur skæðastir

Helsta dánarorsök Íslendinga eru blóðrásarsjúkdómar og æxli, eins og annars staðar í heiminum þar sem meðalaldur er hár. Þetta kemur fram í tölum Hagstofunnar um dánarorsakir árið 2002. Nær þrír af hverjum fjórum sem létust voru eldri en 70 ára.

Dregur úr umferðaröryggi

"Dregið hefur úr umferðaröryggi á Íslandi," sagði Sturla Böðvarsson samgönguráðherra á Umferðaþingi í gær. Sturla sagði enn fremur að stefna samgönguráðuneytisins væri skýr; umferðaröryggisáætlun yrði fylgt fast eftir með auknum fjármunum á næsta ári og rannsóknir á umferðarslysum verða auknar.

Ríkið greiði 2,5 milljóna bætur

Héraðsdómur Reykjavíkur dæmdi íslenska ríkið í dag til að greiða karlmanni á fimmtugsaldri 2,5 milljónir króna í bætur. Maðurinn var starfsmaður á Hótel Íslandi árið 1995 þegar hann lenti í miklum átökum við drukkinn gest. Í kjölfar atburðarins var maðurinn úrskurðaður 25% öryrki.

Taílendingar hóta sniðgöngu

Forsætisráðherra Taílands segist munu ganga út af fundi Suðaustur Asíu ríkja í Laos í næstu viku vekji einhver máls á skærum í suðurhluta Taílands þar sem yfir 500 manns hafa fallið á þessu ári.

Íranar vilja undanþágur

Íranar vilja halda áfram að nota skilvindur, sem nota má til að auðga úran, þrátt fyrir samning við ESB um að hætta öllum tilraunum og þróun kjarnavopna. Íranar halda þvi fram að skilvindurnar séu ekki hluti af samningnum og þær eigi að nota í tilraunaskyni en ekki til að auðga úran.

Sprengjur finnast í Belfast

Sprengjusérfræðingar í breska hernum gerðu eldsprengju, sem fannst í verslun í miðborg Belfast, óvirka í gær. Sprengjufundurinn þykir benda til þess að IRA ætli sér að fremja ódæðisverk í jólaösinni. Starfsfólk verslunarinnar fann sprengjuna eftir lokun þegar það leitaði undir fatastæðum eftir ábendingar og viðvaranir lögreglu um aukna hættu á sprengjuárás.

Fann tröppur inn í skáp

"Guðmundur átti skápa sem eru núna á bak við eldshúsinnréttingu og einhvern tímann kíkti ég í þá og rakst þá á tröppurnar," segir Erla Þórarinsdóttir myndlistarmaður sem á dögunum fann gifslíkan eftir Guðmund Einarsson frá Miðdal, myndhöggvara. Erla á hús við Skólavörðustíg sem áður var vinnustofa Guðmundar.

Bónus gefur 20 milljónir

Bónus hefur ákveðið að færa Hjálparstarfi kirkjunnarog Mæðrastyrksnefnd Reykjavíkur 20 milljónir króna að gjöf. Féð verður notað til að aðstoða þá sem við bágust kjör búa nú þegar jólahátíðin er framundan.

Mafían í Nígeríu undir smásjána

Embætti Ríkislögreglustjóra og tollyfirvöld taka þátt í norrænni rannsókn á smygli nígerísku mafíunnar á fólki og eiturlyfjum frá Nígeríu til norðurlandanna undir yfirskriftinni Projekt Sunrise.

Fullreynt að ná sáttum

Brýnt var að nútímavæða Sparisjóð Skagafjarðar. Valið stóð milli þess að loka eða auka stofnfé. Fullreynt þótti að ná sáttum. Ákveðið var að byggja upp frekar en deyða.

Eins og olía á eld

Trúnaðarmannaráð SFR Stéttarfélags í almannaþágu hefur áhyggjur af boðuðum skattalækkunaráformum ríkisstjórnarinnar og telur líkur á að með þeim hagnist hinir best settu mest og hinir tekjulægstu minnst.

Styður ekki hækkun gjalda

Dagný Jónsdóttir, þingmaður Framsóknarflokksins lýsti því yfir á fundi sem Röskva, samtök félagshyggjufólks við Háskóla Íslands um hækkun skráningargjalda ekki styðja frumvarp menntamálaráðherra um hækkun skráningargjaldanna.

Sakaður um að svíkja öryrkja

Stjórnarandstæðingar sóttu hart að Jóni Kristjánssyni, heilbrigðisráðherra á Alþingi í gær og sökuðu hann um að svíkja fyrirheit sín gagnvart öryrkjum.

Úttekt á brunavörnum

Sigríður Anna Þórðardóttir, umhverfisráðherra skýrði frá því á Alþingi í gær að hún hefði falið Brunamálastofnun að gera úttekt á brunavörnum og eldvarnaeftirliti hjá fyrirtækjum í svipuðum rekstri og Hringrás ehf eftir brunann fyrr í vikunni.

Mikill hiti enn í dekkjahaugnum

Mikill hiti kraumar enn í dekkjahaugnum á athafnasvæði Hringrásar við Sundahöfn. Það kviknaði aftur í honum seint í gærkvöldi. Slökkviliðið var á vettvangi fram undir morgun til að tryggja að eldur gysi ekki aftur upp. Borgarráð fór í dag yfir atburðina í kringum eldsvoðann og kom þar fram ánægja með frammistöðu allra sem að aðgerðum komu.

Matur miklu dýrari á Norðurlöndum

Matur er miklu dýrari á Norðurlöndum en að meðaltali í Evrópusambandslöndunum. Samkeppnisyfirvöld allra norrænu ríkjanna rannsaka nú sameiginlega hvers vegna. 

Sveitarfélögin þurfa 3-4 milljarða

Sveitarfélögin telja sig þurfa tekjuhækkun sem nemur tveimur þriðju af skattalækkun ríkisstjórnarinnar nú um áramótin. Sveitastjórnarmenn vonast til að ríkisvaldið kynni hvað það býður á aukalandsþingi sveitarfélaganna á morgun. 

Svifaseint sektaferli

Það sem af er árinu hefur Slökkvilið höfuðborgarsvæðisins gert athugasemdir við slakar brunavarnir hjá rösklega fimm hunduð húseigendum. Eldvarnareftirlitsmenn vilja fá víðtækari heimildir til álagningar sekta en segjast þó gæta hófs.

Skúrað og skrúbbað

Híbýli við Kleppsveg og nágrenni eru nú þrifin hátt og lágt eftir sótið og reykinn sem fylgdi brunanum í Hringrás á dögunum. Guðmundur Vignir Hauksson sem á og rekur hreingerningaþjónustuna Þrif og þvott vinnur talsvert fyrir tryggingarfélögin og honum var falið að þrífa nítján stigaganga hátt og lágt. </font /></b />

Tældi 9 ára telpu upp í bíl sinn

Lögreglan telur sig hafa greinargóða lýsingu á ungum karlmanni sem í gær lokkaði 9 ára telpu upp í bifreið sína í Kópavogi og ók með hana upp að Skálafelli. Hann laug að telpunni að móðir hennar hefði slasast alvarlega í umferðarslysi.

Gjaldið lækki um 20-30 krónur

Endurfjármögnun lána vegna Hvalfjarðarganga skapar einungis svigrúm til að lækka gangagjaldið um 20-30 krónur, segir formaður Spalar. Hann bendir samgönguráðherra á að hægt væri að lækka gjaldið mun meira með því að fella niður virðisaukaskatt.

Fuglaflensan vofir yfir

Fuglaflensufaraldur vofir yfir jarðarbúum. Óttast er að ekkert bóluefni verði til þegar inflúensan dynur yfir. Ef veikin hefði svipuð áhrif hér og landi og spánska veikin hafði í byrjun síðustu aldar létust um þrjú þúsund Íslendingar og um hundrað þúsund veiktust.

Slökkvilið aftur kallað að svæði

Slökkvilið höfuðborgarsvæðisins fór að svæði Hringrásar rétt rúmlega tíu í fyrrakvöld vegna reyks og hitamyndunar í öðrum haugnum sem varð til í stórbrunanum á mánudagskvöld.

Flutti inn hass með tengdamömmu

25 ára maður hefur verið ákærður, ásamt tengdamóður sinni, fyrir innflutning á tæpum níu kílóum af hassi. Hassið var flutt hingað til lands í febrúar. Tengdamóðirin var ein ákærð fyrir innflutning á fimm kílóum af hassi í sama mánuði.

Níu ára stúlku rænt í Kópavogi

Maður nam níu ára stúlku á brott í Kópavogi rétt fyrir klukkan fjögur á miðvikudag, ók með hana upp veginn að Skálafelli og skildi hana þar eftir. Stúlkan veifaði til vegfaranda á Þingvallavegi sem tók hana upp í bílinn og hafði hann samband við lögreglu og foreldra stúlkunnar. Maðurinn var ekki fundinn þegar blaðið fór í prentun í gær.

Bannar birtingu kosningaúrslitanna

Hæstiréttur Úkraínu hefur bannað birtingu úrslita forsetakosninganna og skoðar kæru leiðtoga stjórnarandstöðunnar um kosningasvik. Urður Gunnarsdóttir, talsmaður ÖSE, segir mikinn baráttuvilja í almenningi í Úkraínu. 

Kerfi neðansjávargljúfra finnast

Kerfi stórfelldra neðansjávargljúfra hefur uppgötvast suður af Mýrdalsjökli. Talið er að eðjustraumar frá Kötluhlaupum og öðrum jökulhlaupum hafi myndað þau en ummerki slíkra eðjustrauma sjást allt að 250 kílómetra suður af landinu. 

Íslenska ríkið sýknað

Hæstiréttur hefur sýknað íslenska ríkið af tugmilljóna skaðabótakröfu konu sem fór í misheppnaða brjóstaminnkunaraðgerð fyrir 13 árum. Henni eru dæmdar ein og hálf milljón króna í miskabætur vegna mistaka sem lúta að útliti brjóstanna. Konan segist vera sár og hissa eftir dóminn og býst við að leita til mannréttindadómstóls Evrópu.