Reykjavík ræður yfirmenn

Meirihluti borgarráðs samþykkti í gær skipan í stöður í yfirstjórn Reykjavíkurborgar. Konur munu gegna tíu störfum af þeim fjórtán sem ráðið var í.

Skólastjórar ræði við börn

Brýnt verður fyrir skólastjórum í Kópavogi að ræða við grunnskólabörn vegna brottnáms níu ára stúlku í bænum í fyrradag.

Nýr meirihluti á Dalvík

Framsóknarmenn og sjálfstæðismenn hafa aftur tekið upp samstarf um meirihluta í bæjarstjórn Dalvíkur, en því var slitið formlega á laugardag.

Algjör óvissa ríkir í Úkraínu

Hæstiréttur Úkraínu fjallar á mánudaginn um áfrýjun Viktors Júsjenko forsetaframbjóðanda. Allt að 200 þúsund manns mótmæla á götum Kænugarðs. </font />

Kærleikssjóður til styrktar Sogni

Stofnaður hefur verið Kærleikssjóður Sogns í minningu um Kristínu Kjartansdóttur, sem lést með sviplegum hætti árið 1947 aðeins tveggja ára gömul. Hún var fórnarlamb manns sem var veikur á geði og fékk hvergi meina sinna bót. Það er Rósa Aðalheiður Georgsdóttir, móðir Kristínar, sem stofnaði sjóðinn.

Ríkið greiði miskabætur

Ríkið hefur verið dæmt til að greiða konu 1,5 milljónir króna í miskabætur vegna mistaka sem urðu við brjóstaminnkunaraðgerð á Landspítalanum árið 1991. Konan fór fram á 22,6 milljónir króna í bætur.

Sýknaður af ákæru um hnífsstungu

Hæstiréttur sýknaði í gær karlmann um fertugt fyrir að hafa stungið fyrrverandi sambýliskonu sína með hnífi eða skærum í bringu í heimahúsi í Fellahverfi í Breiðholti á aðfangadag árið 2002. Hæstiréttur sneri þar með við dómi Héraðsdóms Reykjavíkur, sem dæmdi manninn í 18 mánaða óskilorðsbundið fangelsi í mars.

Slökkvistarfi nánast lokið

Slökkvistarfi á athafnasvæði Hringrásar við Sundahöfn lauk á miðnætti og hafa aðeins fjórir slökkviliðsmenn verið á vettvangi í nótt til að vakta svæðið og slökkva í glæðum þar sem þeirra hefur orðið vart. Búist er við að starfi slökkviliðsins verði endanlega lokið á hádegi.

Mótmælin halda áfram

Mótmæli halda enn áfram í Úkraínu þar sem stór hluti almennings neitar að sætta sig við opinberar niðurstöður forsetakosninga á sunnudaginn var. Mótmælendum lenti saman við óeirðalögreglu í gær og umferð í Kænugarði stóð í stað.

Dan Rather hættir

Dan Rather, einhver þekktasti sjónvarpsfréttamaður Bandaríkjanna og aðalfréttaþulur CBS-sjónvarpsstöðvarinnar, mun láta af þeim starfa 9. mars næstkomandi, tuttugu og fjórum árum eftir að hann tók við starfanum af Walter Cronkite. Frá þessu var greint í gær.

Samruni inn í HB-Granda

Stjórnir HB-Granda, Tanga á Vopnafirði og Svans í Reykjavík samþykktu allar samruna félaganna inn í HB- Granda í gær. HB-Grandi eykur þar með enn forskot sitt sem stærsta útvegsfyrirtæki hér á landi í kvótum talið. Efnahagsreikningur félagsins stækkar við þetta um rúmlega fjóra og hálfan milljarð og verður rösklega 26,5 milljarðar króna.

Ofbeldisfyllri og feitari börn

Tölvuleikir valda því að bandarísk börn eru ofbeldisfyllri, feitari og bera minni virðingu fyrir öðrum en ella, samkvæmt niðurstöður nýrrar rannsóknar National Institute on Media and the Family þar vestra. Þar segir meðal annars að í tölvuleikjum kynnist börn kynlífi og ofbeldi án þess að þau séu fær um að átta sig á því hvað þar er á ferð.

Sækjast eftir langtímasamningi

Samningamenn leikskólakennara eru hættir við að sækjast eftir skammtímasamningi eins og stefnt var að áður en samið var við grunnskólakennara. Á næsta samningafundi, sem haldinn verður í dag, er stefnan sett á langtímasamning.

Dómurinn var dómsmorð

Arne Haugestad, verjandi norska stjórnarerindrekans Arne Treholt sem árið 1985 var dæmdur í tuttugu ára fangelsi fyrir njósnir í þágu Sovétríkjanna, segir að dómurinn hafi verið dómsmorð. Hann hefur ekki tjáð sig um málið fyrr en nú að búið er að létta trúnaði af málsskjölunum.

Sammála í náttúruverndarmálum

Davíð Oddsson utanríkisráðherra sagði í setningarræðu sinni við upphaf fjórða ráðherrafundar Norðurskautsráðsins í Reykjavík á Hótel Nordica í morgun að starf ráðsins hefði skilað góðum árangri frá því Íslendingar tóku við formennsku í því fyrir tveimur árum. Hann sagði aðildarríkin jafnframt sammála um nauðsynleg skref í náttúruverndarmálum.

HIV-smituðum fjölgar nokkuð

Tæplega fjörutíu milljónir manna eru smitaðar af HIV-veirunni samkvæmt nýrri ársskýrslu Sameinuðu þjóðanna sem birt var í morgun en alþjóðlegi alnæmisdagurinn er 1. desember næstkomandi. Smituðum hefur fjölgað nokkuð því fyrir tveimur árum var fjöldi HIV-smitaðra í heiminum tæplega 37 milljónir.

Óttast ofbeldi í Úkraínu

Javier Solana, forseti framkvæmdastjórnar Evrópusambansins, óttast að ofbeldi brjótist út í Úkraínu þar sem stór hluti almennings neitar að sætta sig við opinberar niðurstöður forsetakosninganna á sunnudaginn var. ÖSE, Öryggis- og samvinnustofun Evrópu, hefur lýst því yfir að svo virðist sem svik hafi verið í tafli við framkvæmd kosninganna.

Slökkvistarfinu lokið

Slökkvistarfi á athafnasvæði Hringrásar við Sundahöfn er lokið og bíður slökkviliðsmanna nú mikið verk við að hreinsa næstum allan búnað sem slökkviliðið á höfuðborgarsvæðinu hefur yfir að ráða. Ógjörningur er að slá á allar vinnustundir vegna brunans að sögn aðstoðarslökkviliðsstjóra.  

Ætluðu að brenna kaupmanninn inni

Gerð var tilraun til að myrða kaupmann af asískum uppruna í verslun hans í Túnsbergi í Noregi í gærkvöldi. Árásarmennirnir, sem voru þrír, bundu kaupmanninn á höndum og fótum og kveiktu svo í versluninni en vegfarandi sá eldinn í tæka tíð og kallaði á björgunarlið sem náði kaupmanninum lifandi út.

Fréttir af ást íslensks sendiherra

Kanadíska blaðið The National Post greinir frá ástarsambandi sendiherra Íslands við Adrienne Clarkson, landsstjóra Kanada.

Stefnan kemur Hannesi á óvart

Hannes Hólmsteinn Gissurarson segir stefnu á hendur honum vegna ritstuldar úr verkum Halldórs Laxness koma á óvart. Hann segir dætur skáldsins hafa fengið að gera athugasemdir við próförk bókarinnar og að hann hafi tekið tillit til þeirra athugasemda. 

Óttast ekki framtíðina

Vopnfirðingar óttast ekki framtíðina þótt útgerðarrisinn HB-Grandi við Faxaflóa sé að kaupa útgerðarfyrirtækið Tanga, en atvinnulíf bæjarins og afkoma snýst um fyrirtækið.

Hringrás líklega ekki bótaskylt

Ólíklegt þykir að fyrirtækið Hringrás sé bótaskylt vegna þess tjóns sem íbúar í nágrenni við fyrirtækið urðu fyrir við eldsvoðann. Talið er að tjónið hlaupi á milljónum. Snörum viðbrögðum lögreglu og slökkviliðs er þakkað að ekki fór verr.

Varað við flughálku

Vegagerðin varar við flughálku, einkum á Norðurlandi. Það eru hálkublettir á Holtavörðuheiði og víða á Vesturlandi en hálka á Bröttubrekku og flughált á Laxárdalsheiði. Á Vestfjörðum er víðast hálka eða hálkublettir. Þó er þungfært á Dynjandisheiði og flughált á Hrafnseyrarheiði.

Spengjuárás í Afganistan

Að minnsta kosti tveir bandarískir hermenn létust og einn særðist í sprengjuárás í Afganistan nú síðdegis. Árásin átti sér stað í Uruzgan-héraði í miðhluta landsins þar sem hermennirnir voru í eftirlitsför.

Atkvæðagreiðslan verði endurtekin

Annar forsetaframbjóðendanna í Úkraínu, Viktor Yushchenko, segist samþykkur því að atkvæðagreiðsla fari fram að nýju í forsetakosningunum þar í landi gegn því að utanaðkomandi aðili hafi eftirlit með framkvæmd hennar.

Jákvæðni gagnvart neyðarlínunni

Landsmenn þekkja neyðarnúmerið 112 nær undantekningarlaust og eru mjög jákvæðir í garð fyrirtækisins, samkvæmt Gallup-könnun. Jákvæðnin í garð 112 mældist 4,7 á kvarðanum 1-5 en fyrirtæki mælast að meðaltali með 3,6. Þá kom fram að um þrír af hverjum tíu höfðu þurft að hringja í 112 og voru þeir almennt ánægðir með þjónustuna.

Rússi dæmdur fyrir njósnir

Rússneskur vísindamaður sem sakaður var um njósnir fyrir Kínverja var dæmdur í fjórtán ára fangelsi í Síberíu í dag. Hinn dæmdi, Valentin Danilov að nafni, var sakaður um að hafa selt kínverskum yfirvöldum viðkvæmar upplýsingar um rússneska herinn og vopn hans.

Skýrslan rýr í roðinu

Viðbrögð ráðherrafundar Norðurskautsráðsins við skýrslu vísindamanna um öra hlýnun á Norðurslóðum eru rýr í roðinu að mati Náttúruverndarsamtaka Íslands. Þau segja aðildarríki ráðsins hafa þar með misst af tækifæri til að veita forystu í aðgerðum til að bregðast við þeirri ógn sem steðjar að lífríki norðursins. </font />

Tugir kvenna heimilislausar

Ekki færri en tuttugu konur, og jafnvel fjörutíu, í Reykjavík eru heimilislausar, samkvæmt þarfagreiningu sem gerð hefur verið á vegum Reykjavíkurdeildar Rauða kross Íslands.

Brauðsneið seld á tvær milljónir

Tíu ára gömul ristuð brauðsneið var seld á tæpar tvær milljónir króna á uppboðsvefnum eBay. Það var spilavíti á netinu sem keypti brauðsneiðna á uppboðinu.

Sprenging í fjölgun öryrkja

Bein tengsl eru milli langvarandi atvinnuleysis og örorku, að því er greiningar hafa bent til. Forstjóri Tryggingastofnunar segir fjölgun öryrkja hér á landi sprengingu sem beri að hafa áhyggjur af.

Chirac til Líbíu

Jacques Chirac, forsætisráðherra Frakklands, fer í opinbera heimsókn til Líbíu í næstu viku. Hann verður fyrsti franski stjórnmálaleiðtoginn til að heimsækja landið í 53 ár.

Serbnesk stjórnvöld gagnrýnd

Carla Del Ponte, aðalsaksóknari Alþjóðadómstólsins í Haag, gagnrýndi serbnesk stjórnvöld harðlega á fundi með fulltrúum öryggisráðs Sameinuðu þjóðanna.

Milljónir deyja vegna reykinga

Fimm milljónir manna létust í heiminum árið 2000 vegna reykinga samkvæmt rannsókn fræðimanna í Harvard í Bandaríkjunum og Háskólanum í Queensland í Ástralíu.

Rather hættir á fréttastofu CBS

Dan Rather mun hætta störfum á fréttastofu CBS-sjónvarpsstöðvarinnar í mars. Þetta var tilkynnt í fyrradag, ríflega tveimur mánuðum eftir að vinnubrögð hans í fréttaþættinum Sextíu mínútum tvö (60 Minutes II) voru gagnrýnd harðlega.

Öryrkjafjölgun kostar milljarð

Fjölgun öryrkja á þessu ári og því næsta eykur ríkisútgjöld um 2,5 milljarða króna, að sögn Jóns Kristjánssonar heilbrigðisráðherra.

Áhættumat vegna flugvallarins

Höfuðborgarsamtökin krefjast þess að borgarstjórn Reykjavíkur gangist nú þegar fyrir ítarlegu áhættumati flugvallar í Vatnsmýri og olíubirgðastöðvar í Örfirisey, sem standa við þéttbýlasta íbúðasvæði landsins, miðborgarstarfsemi og stjórnsýslumiðstöð ríkis og borgar.

Fá að fylgjast með kosningunum

Stjórnvöld í Ísrael ætla að heimila alþjóðlegum eftirlitsmönnum að fara inn í Palestínu til að fylgjast með forsetakosningunum 9. janúar.

Skatttekjur aukast um 24 prósent

Bæjarstjórn Fjarðarbyggðar gerir ráð fyrir að afgangur verði af rekstri bæjarsjóðs á næsta ári að stórum hluta vegna aukinna skatttekna af fasteignum. Þetta kemur fram á fjárhagsáætlun bæjarins fyrir árið 2005.

Vilja kæra Blair

Breskir þingmenn hafa enn á ný sakað Tony Blair forsætisráðherra um að blekkja Breta til að fara í stríð í Írak. Nokkrir þingmenn vilja að hann verði kærður fyrir embættisbrot.

Tæpur sigur

Þremur vikum eftir forsetakosningarnar var George W. Bush lýstur sigurvegari kosninganna í Nýju Mexíkó. Samkvæmt endanlegum úrslitum sigraði hann með 5.988 atkvæðum. Þar með hlaut hann 49.8 prósent atkvæða.

Bjóða friðarviðræður

Samkvæmt háttsettum talsmanni Sameinuðu þjóðanna er forseti Sýrlands, Bashar Assad, tilbúinn að hefja friðarviðræður við Ísrael án skilyrða.

456 manns hafa diplómata-vegabréf

456 einstaklingar hafa íslensk diplómata-vegabréf að því er fram kom í svari utanríkisráðherra við fyrirspurn Guðrúnar Ögmundsdóttir, þingmanns Samfylkingarinnar, á Alþingi í dag. Auk æðstu embættismanna þjóðarinnar eru fyrrverandi og núverandi starfsmenn utanríkisþjónustunnar meðal þeirra sem rétt hafa á slíkum vegabréfum.

ESB geri svartan lista

Evrópuríkin eiga að safna saman og deila með sér upplýsingum um fyrirtæki sem hafa orðið uppvís að því að beita mútum til að tryggja sér samninga, að mati Peter Eigen, forstjóra alþjóðlegrar stofnunar um gagnsæi í viðskiptum. Þetta kom fram á ráðstefnu í gær um leiðir til að sporna við spillingu.