Skæður vírus kominn á kreik

Nýr og mjög skæður tölvuvírus er kominn á kreik og hefur hann þegar borist til Íslands. Sagt er frá þessu í danska blaðinu Politiken og sagt að þetta sé nýtt afbrigði af hinum skæða Bagle. Ef vírusinn er ræstur reynir hann að dreifa sér um tölvuna og opna bakdyr þannig að þessir óprúttnu aðilar geti misnotað hana síðar.

Stuðst við skriflegan samning

Í samráði olíufélagnna þriggja var meðal annars stuðst við skriflegan samning um að þau skuli „ekki stuðla að né koma á viðbótar sölustöðum né smásöludælum til einkaafnota á framangreindum stöðum nema að fengnu samþykki hinna félaganna, enda falli sú sala einnig inn í skiptin."

þrír handteknir vegna mannráns

Yfirvöld í Afganistan hafa handtekið þrjá menn og telja sig hafa fundið jeppa, sem var notaður til þess að ræna fjórum starfsmönnum Sameinuðu þjóðanna í Kabúl í gær. Ekkert er hinsvegar vitað um örlög fólksins sem var rænt.

Íranir þráast við

Alþjóða kjarnrkumálastofnunin hefur boðist til þess að tryggja Írönum eldsneyti fyrir kjarnorkuver sín, til þess að Íranar þurfi ekki sjálfir að standa í því að auðga sitt eigið úraníum. Tilboðið er lagt fram til þess að reyna að fá Írana ofan af tilraunum sínum til þess að auðga úraníum sem hægt verði að nota í kjarnorkusprengjur.

Fjölgaði um 93%

93% fleiri farþegar hafa flogið með Iceland Express á árinu 2004 en á sama tíma í fyrra. Frá febrúarlokum árið 2003, til loka október sama ár flutti félagið 111.700 farþega. Á sama tíma á þessu ári, alls átta mánuðum, hefur félagið flutt 215.500 farþega, eða 93% fleiri.

Gutenberg ekki fyrstur?

Ítalskur fræðimaður hefur valdið miklu uppnámi með því að halda því fram vel geti verið að Jóhannes Gutenberg eigi ekki heiðurinn af því að hafa prentað fyrstu bók í Evrópu. Bruno Fabbiani, sem er fyrirlesari við tækniskólann í Torino, segir að Gutenberg hafi notað stimpla við prentun sína, en ekki lausa stafi.

Íslandsmiðill með lággjalda áskriftarsjónvarp

Fjarskiptafyrirtækið Íslandsmiðill ehf. gangsetti formlega í dag fyrsta þráðlausa stafræna sjónvarpsdreifikerfið á Íslandi. Íslandsmiðill býður upp á lággjalda áskriftarsjónvarp, VAL+ og er hægt að velja á annan tug erlendra og innlendra sjónvarpsstöðva. Útsendingasvæðið er í fyrstu einskorðað við suðvesturhorn landsins.

Nýr ritstjóri hefur störf

Kári Jónasson hefur hafið störf sem ritstjóri Fréttablaðsins. Tekur hann við af Gunnari Smára Egilssyni sem orðinn er framkvæmdastjóri Norðurljósa.

Ákvörðun samkeppnisráðs styðst ekki við lög

"Við teljum að það séu engar lagalegar forsendur fyrir þessari niðurstöðu samkeppnisráðs eins og málið lá fyrir ráðinu," segir Hörður Felix Harðarson lögmaður Skeljungs um ákvörðun samkeppnisráðs um meint samráð olíufélaganna sem birt var í morgun.  Hörður segir að máli félagsins verði skotið til áfrýjunarnefndar samkeppnismála.

Söfn, hótel og kartöfluhátíð

Tillögur um sókn Suðurfjarða Vestfjarða í ferðaþjónustu og atvinnulífi hafa verið kynntar. Heimamenn binda miklar vonir við að þær bæti byggðaskilyrðin á svæðinu og komi því aftur á kortið. Árni Johnsen stýrði verkinu. </font /></b />

Mat á meintum ávinningi órökstutt

Mat Samkeppnisstofnunar á ávinningi af meintu samráði olíufélaganna á árunum 1998-2001 er órökstutt að mati Skeljungs. Á vef félagsins segir að yfirgnæfandi líkur séu á að hækkun framlegðar, sem stofnunin lagði til grundvallar þessu mati, eigi sér aðrar og eðlilegri skýringar. 

Þarf frekari rannsóknir

Franskir læknar segja að þeir þurfi að rannsaka Yasser Arafat, í nokkra daga, til þess að komast að því hvaða sjúkdómur hrjái hann. Arafat var lagður inn á hersjúkrahús í París í dag. Talsmaður leiðtogans segir að hann hafi þjáðst af iðrakveisu, í að minnsta kosti þrjár vikur, en ljóst sé að eitthvað sé meira að honum en það.

Hjálp þar sem neyðin er mest

Aðbúnaður fatlaðra í þróunarlöndunum er afar bágborinn en fæstir þeirra fá meðferð eða menntun við sitt hæfi. Fordómar og bábiljur hafa víða gert hag þeirra ömurlegri en orð fá lýst.

Farið í fyrstu kílómetrana

Jónas Snæbjörnsson, svæðisstjóri hjá Vegagerðinni í Reykjavík, segir að verið sé að leggja lokahönd á samninga við landeigendur í Hrauni í Grindavík um lagningu Suðurstrandarvegar.

Þeir heppnu komast á stofnanir

Aðbúnaður þroskaheftra í Úganda er ekki eins og best verður á kosið.

Dagbjört Þýri ráðin

Nýr hjúkrunarforstjóri Hrafnistuheimilanna, var ráðinn í dag og er það Dagbjört Þyrí Þorvarðardóttir. Hún tekur við starfinu af Ragnheiði Stephensen, sem óskaði eftir að láta af störfum nú um áramótin. Dagbjört Þyrí hefur verið verkefnastjóri gæðamála á lyflækningasviði I á Landsspítala - háskólasjúkrahúsi frá september 2003.

Stýrivextir hækka

Bankastjórn Seðlabanka Íslands hefur ákveðið að hækka stýrivexti bankans um 0,5 prósentur í 7,25% frá 1. nóvember n.k. Vaxtahækkunin er hin fimmta á þessu ári og er liður í viðbrögðum bankans við miklum vexti innlendrar eftirspurnar og áhrifum stórframkvæmda næstu árin á verðbólguhorfur og þjóðarbúskapinn.

Eindreginn vilji til sameiningar

Meirihluti íbúa á Vesturlandi er hlynntur sameiningu sveitarfélaga í einhverri mynd, að því er fram kemur í nýrri könnun Rannsóknarstofnunar Háskólans á Akureyri. Spurt var hvaða sameiningarkostir þættu vænlegastir og vekur athygli að 16 prósent aðspurðra nefndu Reykjavík.

Vilja línuívilnun burt

Aðalfundur LÍÚ, sem haldinn er í Reykjavík og lýkur í dag. skorar á sjávarútvegsráðherra að beita sér fyrir því að línuívilnun verði afnumin. Í samþykktinni segir að Línuívilnun feli í sér grófa mismunun þar sem einum útgerðarflokki séu veittar auknar veiðiheimildir á kostnað annarra.

Alvarlega slasaður eftir árekstur

Ökumaður lítillar jeppabifreiðar slasaðist alvarlega eftir að hafa ekið utan í fólksbíl sem kom úr gagnstæðri átt og skollið framan á fóðurflutningabíl á Suðurlandsvegi í brekkunni fyrir ofan litlu Kaffistofuna í Svínahrauni skömmu fyrir klukkan hálf níu í gærmorgun.

Hlutabréfin áfram niður

Hlutabréf héldu enn áfram að lækka í Kauphöll Íslands í dag og lækkaði úrvalsvísitalan um þrjú prósent í viðskiptum dagsins. Mest lækkuðu bréf í Kaldbaki, um níu prósent. Þá lækkuðu Bakkavör og Actavis um fimm prósent.

Jarðskjálftamælum komið fyrir

Veðurstofa Íslands er að beiðni Landsvirkjunar að setja upp þrjá nýja jarðskjálftamæla við Kárahnjúka og er það gert til að fylgjast með virkni áður en og á meðan fyllt er í lón virkjunarinnar.

Blikur á lofti vegna verðbólgu

ASÍ segir blikur á lofti í efnahagshorfum og spáir aukinni verðbólgu á næsta og þarnæsta ári. Grétar Þorsteinsson var endurkörinn forseti ASÍ á ársfundi Alþýðusambandsins sem lauk í gær.

Sorpflutningur spennandi kostur

Alfreð Þorsteinsson stjórnarformaður Sorpu segir það spennandi kost að allt sorp af höfuðborgarsvæðinu verði flutt austur fyrir fjall og því fargað á svæði vestan við Þorlákshöfn.

Einn alvarlega slasaður

Ökumenn tveggja bíla slösuðust þegar fólksbíll, jeppi og fóðurflutningabíll rákust saman skammt ofan við Litlu Kaffistofuna í morgun. Hinir slösuðu voru fluttir á slysadeild Landsspítalans og er annar þeirra alvarlega slasaður. Fóðurbíllinn var með fullfermi og lokaði hann veginum.

Arafat skoðaður í París næstu daga

Jasser Arafat, leiðtogi Palestínumanna, var í morgun fluttur á hersjúkrahús í útjaðri Parísar þar sem hann mun gangast undir ítarlega læknisskoðun. Arafat virtist veikburða í morgun, en hann hefur að undanförnu legið sárþjáður af einhvers konar iðrakveisu. Óttast er að hann gæti verið með hvítblæði.

Samkomulag náðist ekki

Ekki náðist samkomulag meðal fulltrúa aðildarsveitarfélaga Sorpstöðvar Suðurlands um lausn á ágreiningi varðandi starfsemi stöðvarinnar.

Á góðum batavegi

Sr. Hjálmar Jónsson dómkirkjuprestur hafði fyrir nokkrum dögum ákveðið að taka að þátt í stjórn landssöfnunar til styrktar hjartalækninga, þegar hann þurfti sjálfur í bráða hjartaþræðingu og aðgerð vegna alvarlegra stíflna í hjartaæðum.

6 vikur og 500 milljónir

Verkfall grunnskólakennara var blásið af í dag og á mánudag mæta rúmlega 4000 kennarar og 45 þúsund skólabörn til starfa eftir 6 vikna fjarveru. Hátt í hálfur milljarður króna hefur verið greiddur úr verkfallssjóði kennara.

Safnað fyrir gervihjörtum

Kaup á svonefndum gervihjörtum er markmið landsöfnunar sem hafin er til styrktar hjartalækningum hér á landi.

Kerry og Edwards í stuði

John Kerry og John Edwards virðast komnir í sóknarham nú á lokaspretti kosningabaráttunnar í Bandaríkjunum og nota hvert tækifæri til að sverta orðspor keppinautanna.

herstöðin minnkar stöðugt

Herstöðin á Miðnesheiði verður minni í sniðum með hverjum mánuði sem líður. Umtalsvert magn af vopnum hefur verið flutt þaðan og minnisblöð sýna að rætt er um að gera það svo lítið beri á.

Varnarliðið verst frétta

Varnarliðið á Keflavíkurflugvelli hyggst ekki svara neinu um fréttir þess efnis að mikill samdráttur sé yfirvofandi á Keflavíkurflugvelli og bandaríski flugherinn taki yfir stjórn flugvallarins af flotanum.

Davíð til starfa

Hætt er við að þingstörf lamist að verulegu leyti í komandi viku, þótt þingfundur sé fyrirhugaður á þriðjudag, vegna setu 16 þingmanna og ráðherra á þingi Norðurlandaráðs í Stokkhólmi.

Úr bakherberginu

Kurr í Hafnarfjarðar-krötum Hugmyndir framtíðarhóps Samfylkingarinnar um einkavæðingu í skólum hefur farið fyrir brjóstið á mörgum flokksmönnum. Guðmundur Árni Stefánsson og Lúðvík Geirsson leiðtogar flokksins í Hafnarfirði eru þannig ekki ánægðir með að opnað sé á Áslands-skóla-ástand eins og einn flokksmaður orðaði það.

Vetrarfríi grunnskólanna aflýst

Vetrarfríi grunnskólanna í Reykavík, sem átti að hefjast á miðvikudaginn og standa út vikuna, verður aflýst. Ákvörðun um þetta var tekin á fundi fræðslunefndar borgarinnar í gær.

Hæfilega bjartsýnn

Ríkissáttasemjari segist hæfilega bjartsýnn á að miðlunartillagan sem hann lagði fram aðfaranótt föstudags verði samþykkt.

Miðlunartillaga er neyðarúrræði

Miðlunartillaga er ekki lög fram nema samningsaðilar telji að aðrar leiðir hafi verið reyndar til þrautar. Samkvæmt upplýsingum frá Alþýðusambandi Íslands hefur ríkissáttasemjari lagt fram miðlunartillögu í nokkur skipti. Til dæmis var lögð fram slík tillaga í deilu verslunarmanna árið 1988.

Enginn þrýstingur á félagsmenn

Miðlunartillagan leiðréttir ekki kjör kennara á þann hátt sem samninganefnd Kennnarasambands Íslands vonaðist eftir að sögn Eiríks Jónssonar, formanns sambandsins.

Samþykktin berst seint

Formenn allra svæðafélaga kennara á höfuðborgarsvæðinu samþykktu einróma á fundi á fimmtudagskvöldið að ef miðlunartillaga kæmi fram skyldi verkfalli ekki frestað heldur gengið til atkvæða um hana eins fljótt og mögulegt væri. Þetta kom fram í fréttum Ríkisútvarpsins í gær.

Hópur kennara vill fella tillöguna

Ólga er meðal stórs hóps kennara sem beinlínis vinnur gegn miðlunartillögu ríkissáttasemjara og vill fella hana. Samkvæmt viðmælundum Fréttablaðsins telur þessi hópur tillöguna vera hreina móðgun við stéttina og kjarabaráttuna sem hún hefur staðið í undanfarnar sex vikur.

Laun kennara hækka um 16,5%

Miðlunartillaga ríkissáttasemara er á svipuðum nótum og innanhússtillagan sem hann lagði fram á föstudaginn fyrir viku síðan. Kostnaðarhækkun sveitarfélaganna vegna miðlunartillögunnar er rétt rúmlega 26 prósent en var tæplega 26 prósent samkvæmt innanhússtillögunni.

Samsæri gegn neytendum

Ólöglegt samráð olíufélaganna er samsæri gegn atvinnulífinu og neytendum, segir forstjóri Samkeppnisstofnunar. Samkeppnisráð hefur sektað olíufélögin um tvö komma sex milljarða króna fyrir ólöglegt samráð, en talið er að samfélagslegur skaði vegna brota þeirra nemi um fjörutíu milljörðum króna. Olíufélögin ætla að áfrýja niðurstöðunni.

Kennarar ekki á eitt sáttir

Verkfall grunnskólakennara hefur verið blásið af. Miðlunartillaga er á leið til allra grunnskólakennara landsins. Forsætisráðherra segist sannfærður um að kennarar muni samþykkja tillöguna, en trúnaðarmenn kennara efast. Kennarar fóru fram á rausnarlega eingreiðslu á fundi Fræðsluráðs í dag til að geta endurskoðað kennsluáætlanir að afloknu verkfalli.

Vetrarfrí lagt niður

Fræðsluráð Reykjavíkur samþykkti á fundi sínum í dag að leggja niður vetrarfrí, sem átti að hefjast í næstu viku, þannig að skólastarf yrði með eðlilegum hætti. Formaður Félags grunnskólakennara segir að kennsla í vetrarfríinu kalli á yfirvinnugreiðslu til kennara.