Heilbrigðisráðherra á móts við SÁÁ

Heilbrigðisráðherra segir að reynt verði að koma til móts við SÁÁ vegna kostnaðar við meðferð sprautufíkla sem háðir eru ópíumefnum. Kostnaðurinn nemur allt að einni milljón króna á mánuði.

Nauðganirnar ekki kærðar

Tvær nauðganir sem tilkynntar voru um verslunarmannahelgina hafa ekki verið kærðar til lögreglu. Í Vestmannaeyjum var ein nauðgun tilkynnt til neyðarmóttöku en hún var ekki kærð til lögreglu.

20 orkumenn til Ástralíu

Yfir 20 manna hópur Íslendinga leggur á næstu dögum land undir fót til að mæta á alþjóðlega orkuráðstefnu í Ástralíu. Fólkið fer ýmist á vegum orkufyrirtækja eða ríkisins. Kostnaður við ferðina er lauslega áætlaður vera um 11 milljónir króna. Flestir fara frá Landsvirkjun eða sex manns; þrír stjórnarmenn og þrír starfsmenn. Um að ræða World Energi Council sem hefst í Ástralíu 5. september og stendur til 9 september.

Landsnet annast raforkuflutning

Nýtt hlutafélag, Landsnet, mun annast flutning raforku og kerfisstjórnun samkvæmt nýjum raforkulögum frá og með 1. janúar næstkomandi. Hlutafélagið hefur verið stofnað og undirbúningsstjórn skipuð, að því er segir í tilkynningu frá iðnaðar- og viðskiptaráðuneytinu.

Úrskurðaður í viku gæsluvarðhald

Héraðsdómur Norðurlands eystra hefur úrskurðað karlmann á þrítugsaldri í vikulangt gæsluvarðhald en hann er grunaður um að hafa höfuðkúpubrotið annan karlmann og veitt honum frekari áverka aðfararnótt síðastliðins fimmtudags. Málið er enn í rannsókn en Neyðarlínu var tilkynnt um að maður hefði slasast í Öxnadal eftir að hafa fallið við að fara út úr bifreið eftir að til deilna hafði komið.

Líbíumenn samþykkja bótagreiðslur

Stjórnvöld í Líbíu hafa samþykkt að greiða bætur til rúmlega 160 fórnarlamba sprengjuárásar á skemmtistað í Berlín í Þýskalandi árið 1986. Þýskir dómstólar úrskurðuðu fyrir þremur árum að líbíska leyniþjónustan hafi staðið fyrir tilræðinu og fjórir menn voru þá dæmdir til fangavistar.

Framleiðni meiri á Mið-Atlantshafi

Vísbendingar eru um að lífræn framleiðni á og við Mið-Atlantshafshrygginn sé meiri en utan hans. Þetta hefur hið alþjóðlega rannsóknarverkefni MAR-ECO leitt í ljós en Hafrannsóknastofnun tekur þátt í verkefninu ásamt vísindamönnum fimmtán annarra landa.

Dómur í kynferðisbrotamáli

Héraðsdómur Vestfjarða hefur dæmt mann á fimmtugsaldri í tveggja ára óskilorðsbundið fangelsi fyrir kynferðisbrot á stúlku árið 1994 þegar stúlkan var 13 ára gömul. Maðurinn var auk þess dæmdur til að greiða stúlkunni 800 þúsund krónur í miskabætur, auk málskostnaðar.

Veðurblíðan með eindæmum

Veðurblíðan á landinu er með eindæmum. Klukkan þrjú var hitinn heilar 28 gráður í Skaftafelli, Árnesi, Skálholti, á Hólasandi og á Þingvöllum. Þá var hitinn 25-27 gráður á fjölmörgum stöðum samkvæmt mælingum Veðurstofunnar. Hitinn á miðhálendinu er með hreinum ólíkindum og á níu af tíu veðurathugunarstöðvum þar var hitinn yfir tuttugu gráðum klukkan þrjú.

Egypskur gísl afhöfðaður

Myndband þar sem egypskur gísl í haldi mannræningja í Írak er afhöfðaður birtist á íslamskri vefsíðu í dag. Á myndbandinu segist hann heita Mohammed Mutawalli og hafa unnið fyrir bandaríska herliðið í landinu, meðal annars við njósnir. Honum er svo ýtt í gólfið af grímuklæddum mönnum, höfuð hans skorið af og því haldið fyrir framan myndavélina.

Rennslið 630 rúmmetrar á sekúndu

Rennslið í Jöklu var 630 rúmmetrar á sekúndu á hádegi í dag og hefur hækkað lítillega eftir því sem liðið hefur á daginn. Sigurður Arnalds, upplýsingafulltrúi Landsvirkjunar, segir að ekki sé búist við mjög miklu vatnsmagni í ánni í kvöld en hins vegar megi búast við að rennsli í henni nái hámarki á fimmtudag eða föstudag.

Víkur sér undan umbótum

Jasser Arafat, forseti Palestínu, hefur vikið sér undan því að staðfesta umbætur í stjórnkerfi landsins sem hann lofaði í síðasta mánuði að sögn palestínskra þingmanna. Loforðin gaf Arafat þegar allt var á suðupunkti í palestínskum stjórnmálum og fastar sótt að honum en áður eru dæmi um.

Fetar í fótspor föður síns

Tæpum fjörutíu árum eftir að Lee Kuan Yew varð fyrsti forsætisráðherra Singapúr er orðið ljóst að sonur hans Lee Hsien Loong tekur við þessu sama embætti.

Bush skipar nýjan stjóra CIA

George W. Bush Bandaríkjaforseti hefur valið eftirmann George Tenet í starf forstjóra leyniþjónustunnar, CIA. Sá heitir Porter Goss og er þingmaður repúblikana. Hann er auk þess formaður þeirrar deildar fulltrúadeildar Bandaríkjaþings sem fjallar um leyniþjónustustofnanir Bandaríkjanna.

Kjúklingar hömluðu umferð

Loka þurfti sænskum vegi í hátt í hálfan sólarhring vegna þess að hann var þakinn í kjúklingum. Nokkur þúsund kjúklingar gengu lausir eftir að flutningabíll sem flutti þá hvolfdi skammt frá Gautaborg.

Með upptökur af byggingum

Pakistanskur maður sem var handtekinn í Charlotte í Bandaríkjunum í síðasta mánuði hafði í fórum sínum myndbandsupptökur af byggingum í ýmsum bandarískum borgum, þar á meðal Atlanta, Houston, Dallas og New Orleans. Bandaríska dómsmálaráðuneytið greindi frá þessu fyrr í dag.

Grunaður um höfuðkúpubrot

Karlmaður á þrítugsaldri situr í gæsluvarðhaldi á Akureyri grunaður um að hafa höfuðkúpubrotið annan mann og veitt honum fleiri áverka. Fórnarlambið var lagt inn á gjörgæsludeild.

Fjórar sprengingar í Istanbúl

Tveir eru látnir og ellefu eru sárir eftir fjórar sprengingar í Istanbúl í Tyrklandi í nótt. Hryðjuverkamenn tengdir Al-Kaída samtökunum hafa lýst sprengingunum á hendur sér. 

Hryðjuverkamaður látinn laus?

Marokkómaður, sem grunaður er um að hafa aðstoðað hryðjuverkamennina 11. september 2001, verður ef til vill látinn laus í Þýskalandi vegna þess að Bandaríkjamenn vilja ekki leyfa lykilvitnum, sem eru í haldi þeirra, að bera vitni.

Sextíu kílómetra sjósundi lokið

Viktoría Áskelsdóttir sunddrottning lauk í dag Breiðafjarðarsundi sínu. Upp úr hádegi synti hún inn í höfnina í Stykkishólmi þar sem bæjarstjórinn tók á móti henni og fjölmenni fagnaði henni vel.

90% féllu „eftir“ stríð

Níu af hverjum tíu föllnum hermönnum í Írak féllu eftir að George Bush Bandaríkjaforseti lýsti því yfir að meiriháttar átökum í Írak væri lokið. Ekkert lát er á árásum uppreisnarmanna í borgunum Najaf og Bagdad.

Ein hefur leitað til Stígamóta

Ein kona hefur leitað til Stígamóta vegna nauðgunar á útihátíð um verslunarmannahelgina, að sögn Guðrúnar Jónsdóttur hjá Stígamótum.

Flugleiðir ekki til Hong Kong

Guðjón Arngrímsson, upplýsingafulltrúi Flugleiða, segir að ekki séu uppi áætlanir um að hefja áætlunarflug til Hong Kong en íslensk yfirvöld undirrituðu loftferðasamninga við Hong Kong í fyrradag.

Flestir skattar verði 15%

Verslunarráð Íslands vinnur að heildstæðum tillögum í skattamálum sem gefnar verða út í byrjun næsta árs. Vinnuheiti verkefnisins er "15 prósenta landið Ísland". Grunnhugmyndin sem gengið er út frá er að virðisaukaskattur og tekjuskattar einstaklinga og fyrirtækja verði fimmtán prósent.

Ekki sjálfsafgreiðsla út á landi

Bensínneytendur njóta ekki sjálfsafgreiðsluverðs á bensínstöðvum Olíufélagsins ESSO víða á landsbyggðinni. Pétur Steingrímson ætlaði sjálfur að dæla bensíni við stöðina í Varmahlíð í Skagafirði um síðustu helgi. "Þá var mér sagt að það stæði ekki til boða og ég yrði að greiða fyrir fulla þjónustu," segir hann.

Fyrst allra yfir Breiðafjörð

"Mér líður furðuvel, enda búin að koma við í heita pottinum," sagði Viktoría Áskelsdóttir sem lauk í gær sundi yfir Breiðafjörð, fyrst allra.

Hrein markleysa

Fulltrúar Landsvirkjunar fara frjálslega með hugtakið fimmhundruð ára flóð í fréttum af vatnavöxtum í Jökulsá á Brú að sögn Viðars Hreinssonar hjá Náttúruvaktinni. Hann segir þær fullyrðingar "hreina markleysu" í ljósi þess að vatnsmagn hafi verið mælt síðan 1965.

Mikill þurrkur á Austurlandi

"Þetta er mun meiri þurrkur en venjulega ," segir Freysteinn Sigurðsson hjá Orkustofnun en lítið sem ekkert hefur rignt í sumar frá Þistilsfirði austur á Fljótsdalshérað. Freysteinn segir þetta valda því að gróður spretti illa og skrælni auk þess sem vatnsból á stöku bóndabæjum eða í sumarhúsum gætu tæmst. Lítið vatn er í lækjum og sprænum.

Hitametið slegið víða um land

Hitamet í ágúst var slegið í dag. Tuttugu og níu stig voru í Skaftafelli og á Þingvöllum. Í höfuðborginni flúði fólk unnvörpum úr vinnunni og út í sólina.

Kvenkyns forstjórar á lægri launum

Þótt meira en helmingi fleiri konur hafi unnið sem forstjórar í fyrra en árið 2000 hafa þær langtum lægri laun en karlkyns kollegar þeirra. Þetta kemur fram í samantekt úr tölum Tekjublaðs Frjálsrar verslunar.

2 milljónir í flóttamannabúðum

Fimmtíu þúsund manns hafa látið lífið í átökum í Súdan og hátt í tvær milljónir manna hafast við í flóttamannabúðum. Íslensk kona sér um daglegan rekstur heilsugæslu í flóttamannabúðum í Darfúr fyrir Alþjóða Rauðakrossinn. 

Gljúfrasteinn opnaður brátt

Framkvæmdum við safn Halldórs Laxness að Gljúfrasteini er að mestu lokið og verður það opnað fyrir gestum 4. september. Aðstandendur safnsins hafa metnaðarfullar hugmyndir um framtíð þess.

Aurskriða í Japan

Ótrúlegar myndir náðust af aurskriðu í Nara-héraði í Japan í dag en það var hópur opinberra embættismanna sem náði myndunum. Miklar rigningar hafa verið á svæðinu undanfarnar vikur og voru embættismennirnir komnir til að rannsaka jarðveginn.

Sagðist of feitur til að nauðga

45 ára gamall flugvirki, sem dæmdur var í gær fyrir að hafa haft samræði við 12 ára dóttur vinahjóna sinna, sagðist fyrir dómi hafa verið of feitur til að nauðga.

Sprengjueyðingar umfangsmeiri

Sprengjueyðing er að verða sífellt umfangsmeira verkefni hjá Landhelgisgæslunni og er hún orðin mjög vel tækjum búin, með sprengjueyðingavélmenni og fleira. Þá er aukin áhersla á varnir gegn hryðjuverkum en síðar í mánuðinum verður hér á landi umfangsmesta æfingin til þessa í þeim efnum.

Landhelgisdeila við Noreg

Norðmenn hafa einhliða tekið ákvörðun um að banna veiðar á alþjóðlega hafsvæðinu við Svalbarða. Friðrik J. Arngrímsson, framkvæmdastjóri Landssambands íslenskra útvegsmanna, segir að ekki verði tekið mark á ákvörðun Norðmanna. "Við munum halda áfram veiðum," segir hann. Landhelgisdeila er í uppsiglingu milli Íslendinga og Norðmanna. <b><font face="Helv" color="#008080"></font></b>

Fjármögnun meðferðar sprautufíkla

Heilbrigðisyfirvöld ætla að reyna að koma til móts við SÁÁ vegna kostnaðar við meðferð sprautufíkla sem háðir eru ópíumefnum. Samtökin segjast ítrekað hafa reynt á undanförnum árum að vekja athygli stjórnvalda á málinu en hvorki heilbrigðisráðherra né formaður heilbrigðisnefndar Alþingis kannast við það. 

Hitametið fallið

Hitamet ágústmánaðar féll í gær á nokkrum stöðum á landinu. Hitinn mældist hæstur 29,1 stig í Skaftafelli. Fyrra hitamet var 27,7 stig á Akureyri árið 1971. Áfram er búist við góðviðri þrátt fyrir að veður fari hægt kólnandi næstu daga.

Undrast veðurblíðu

Veðrið hefur sett mikinn svip á mannlífið síðustu daga. Erlendir ferðamenn á Þingvöllum eru undrandi yfir miklum hlýindum og ferðamenn í Reykjavík segja veðrið hafa komið þeim skemmtilega á óvart. Erill hjá meindýraeyði.

Leitað að fjórtán ára dreng

Leit er hafin að fjórtán ára þýskum dreng sem orðið hafði viðskila við föður sinn á Fljótsdalsheiði í morgun.

Verkfall í síðustu 4 skipti

Aðeins einu sinni á síðasta áratug hafa sjómenn og útvegsmenn samið um kjaramál sín á milli. Stjórnvöld hafa þrisvar sett lög á verkfall sjómanna. Sjómannasambandið ber ekki traust til að svo verði ekki raunin nú. </font /></b />

Kvennaathvarf á eyðieyju

Öryggi ofsóttra kvenna er ekki nægilega tryggt segja forsvarsmenn danskra kvennaathvarfa við Berlingske Tidende. Tillögur um opnun kvennaathvarfs á hinni afskekktu eyju Anholt, þar sem aðeins 160 manns búa, hefur vakið háværar þjóðfélagsumræður í Danmörku.

Athyglin beinist nú að Bush

Meðan sjónir Bandaríkjamanna beindust einkum að John Kerry, forsetaframbjóðanda Demókrata, tókst honum að bæta ímynd sína nokkuð en náði samt ekki að hrista svo neinu nam upp í kosningabaráttunni.

Til liðs við Afríska þjóðarráðið

Nú hyggst Nýi Þjóðarflokkurinn í Suður-Afríku, arftaki Þjóðarflokksins gamla sem tók upp aðskilnað kynþáttanna þar í landi, ganga til liðs við sinn forna fjanda, Afríska þjóðarráðið, sem áratugum saman barðist gegn aðskilnaðarstefnunni og náði síðan völdum í fyrstu frjálsu kosningunum í landinu árið 1994.

Prestur gerði grín að Bush eldri

George Bush Bandaríkjaforseti brosti breitt þegar séra Martin Luther Agnew predikaði yfir forsetafjölskyldunni í messu í gærmorgun, þrátt fyrir að presturinn hafi hvatt söfnuðinn til þess að losa sig við eigur sínar og gert létt grín að George H.W. Bush eldri, föður forsetans.