Hryðjuverkamaður látinn laus?

Marokkómaður, sem grunaður er um að hafa aðstoðað hryðjuverkamennina 11. september 2001, verður ef til vill látinn laus í Þýskalandi vegna þess að Bandaríkjamenn vilja ekki leyfa lykilvitnum, sem eru í haldi þeirra, að bera vitni. Réttarhöld yfir manninum, sem heitir Mounir el Motassadeq, hófust í Hamborg í morgun en fyrri réttarhöld yfir honum voru dæmd ógild vegna skorts á sönnunargögnum. Lykilvitnin eru tveir hryðjuverkamenn frá Jemen sem voru meðlimir í Al-Kaída hryðjuverkasamtökunum en þeir voru í sambandi við hinn grunaða fyrir 11. september. Á myndinni sést Motassadeq koma til réttarins í morgun.