Spáin sjaldan gengið betur eftir

Veðurstofa Íslands segir að sjaldan hafi spár gengið betur eftir en einmitt nú um þessa Verslunarmannahelgi og svarar þannig athugasemdum um veðurspár síðustu daga. Í tilkynningu kemur fram að allt frá miðri síðustu viku hafi verið spáð vætusamri helgi um sunnanvert landið en úrkomulitlu veðri nyrðra.

Réðust í íbúð á fjórðu hæð

Tveir menn réðust inn í íbúð á fjórðu hæð í Grafarholti á laugardagsmorgun. Höfðu mennirnir orðið sér úti um stiga og komust þannig upp á svalir. Þaðan ruddust mennirnir inn á íbúa og réðust á þá með spörkum og barsmíðum. Mennirnir voru handteknir af lögreglunni í Reykjavík og færðir í fangageymslur en fólkið ætlaði að leita sér aðstoðar á slysadeild.

Losun koldíoxíðs jókst um 67 %

Losun koldíoxíðs frá umferð vöruflutningabíla jókst um 67 prósent frá árinu 1983 til 2002, segir í tilkynningu Landverndar, landgræðslu- og umhverfisverndarsamtaka Íslands. Samtökin telja ávinning strandsiglinga fjölþættan og að rík ástæða sé til að efla þá hér við land, í stað þess að hætta þeim eins og Eimskipafélag Íslands hyggst gera 1. desember.

Sex guðfræðingar sóttu um

Sex guðfræðingar sóttu embætti sóknarprests í Ólafsfjarðarprestakalli í Eyjafjarðarprófastsdæmi, en umsóknarfrestur rann út 28. júlí síðastliðinn. Umsækjendur eru guðfræðingarnir: Aðalsteinn Þorvaldsson, Arndís Ósk Hauksdóttir, Sigríður Munda Jónsdóttir, Sigríður Rún Tryggvadóttir, Sólveig Jónsdóttir og Þóra Ragnheiður Björnsdóttir.

Betra verð til bænda

Sláturfélag Austur-Húnvetninga hækkaði verð á flestum flokkum nautgripakjöts til bænda núna um mánaðamótin, að því er fram kemur á vef Landssambands kúabænda, <a href="http://www.naut.is">www.naut.is</a>.

Átta sinnum dýrari flutningar

Rúmlega átta sinnum dýrara er að flytja 7 metra langan flutningabíl með Herjólfi milli lands og Eyja, en kostar að flytja venjulegan fólksbíl eða jeppa. Grunngjald fyrir fólksbíla, jeppa eða tengivagna er 1.700 krónur, eða 3.400 krónur báðar leiðir.

Sægarpur flýr til Noregs

Tollamál hafa hrakið Hafstein Jóhannsson, kafara frá Akranesi, úr landi með seglskútuna Eldingu, án þess að hann lyki hringsiglingu um landið. Hraðbátur sem var í samfloti með skútunni lenti í vandræðum nærri Dyrhólaey eftir að leiðir skildu.

Vasapeningar aflagðir um áramót

Hætt var að leggja umsækjendum um pólitískt hæli til vasapeninga þegar umsjá þeirra færðist frá Rauða krossinum til Reykjanessbæjar um síðustu áramót. Fólkinu eru úthlutaðar "nauðsynjar" samkvæmt ákvörðun Félagsþjónustu bæjarins.

Varð bilt við og keyrði út af

Ökumaður sem keyrði út af veginum yfir Hellisheiði í gær, með þeim afleðingum að bílinn valt, missti stjórn á bílnum vegna lögreglubíls í forgangsakstri sem var á leið austur eftir að tilkynning hafði borist um alvarlegt bílslys á Suðurlandsvegi, við Kotströnd, í gær.

Davíð í aðra aðgerð

Davíð Oddsson forsætisráðherra  gekkst undir aðra skurðaðgerð á Landspítala háskólasjúkrahúsi í dag samkvæmt heimildum DV. Fjarlægja þurfti skjaldkirtil hans. Ólafur Davíðsson, ráðuneytisstjóri forsætisráðuneytisins, staðfesti við blaðið að ráðherrann hefði þurft að gangast undir aðgerð og að von væri á tilkynningu vegna þessa síðar í dag.

Illkynja mein fjarlægt

Skjaldkirtill og nálægir eitlar voru fjarlægðir úr forsætisráðherra í morgun eftir að  illkynja mein fannst í skjaldkirtlinum. Skurðaðgerðin var framkvæmd á Landspítala-háskólasjúkrahúsi í morgun og tókst hún vel eftir því sem fram kemur í fréttatilkynningu frá Forsætisráðuneytinu. Þar segir að forsætisráðherra heilsist vel og að batahorfur séu mjög góðar.

Framtíð milljóna í húfi

Ríkisstjórn Súdan heitir að taka ástandið í Darfur héraði föstum tökum. Á næstu vikum ræðst hvort hún geri alvöru úr loforðum sínum og ennfremur hvort Sameinuðu þjóðirnar fylgi málinu eftir af staðfestu. </font /></b />

Svartfellingar hýsa ekki Fischer

Svartfellingar munu ekki skjóta skjólshúsi yfir skákmeistaranum Bobby Fischer vegna andstöðu Bandaríkjamanna að sögn forseta Svartfjallalands.

Íþróttadeild stofnuð í Vatíkaninu

Ákveðið hefur verið að stofna íþróttadeild í Vatíkaninu til þess að höfða til þeirra milljóna sem fylgjast með Ólympíuleikunum í Aþenu síðar í mánuðinum.

Berserkur myrðir í Osló

Norska lögreglan leitar manns sem gekk berskerksgang í sporvagni í gær og varð farþega að bana með hníf í gær og særði fimm aðra, tvo alvarlega, eftir því sem greint er frá á heimasíðu Verdens gang.

Banaslys við Krossanes

Banaslys varð á Akureyri síðdegis í dag þegar malarflutningabíll valt ofan í fjöru sunnan við Krossanes, skammt utan Akureyrar. Ökumaður á fertugsaldri lést. Tildrög slyssins eru ekki ljós. Unnið er að breikkun á vegi á þessum stað en stór vinnuvél, sem oft er kölluð búkolla, var að flytja jarðefni þegar hún lenti fram af vegi og valt ofan í fjöru.

Steyptist 27 metra í stórgrýti

Það liggur við að hægt sé að tala um kraftaverk að vörubílsstjóri skyldi komast lítið skaddaður úr slysi sem varð í Búðardal síðdegis í dag. Maðurinn var að flytja möl í vörubíl til Búðardals þegar hann kemur að einbreiðri brú yfir Laxá við Laxárdal.

Friðardúfur til Aþenu

Fimm friðardúfum, sem bera boðskap fimm trúarleiðtoga, var sleppt í Róm í dag. Þeim er ætlað að fljúga á Ólympíuleikana í Aþenu. Boðskapurinn sem dúfurnar flytja er frá Jóhannesi Páli páfa og æðstu trúarleiðtogum gyðinga og múslima.

Geimganga Padalka og Fincke

Bandarískur og rússneskur geimfari, fóru í dag í geimgöngu frá Alþjóðlegu geimstöðinni. Þeir bjuggu sig meðal annars undir að taka á móti nýrri tegund af birgðaflaugum, sem verið er að hanna í Evrópu.

Halda upp á hertöku Gíbraltar

Bretar halda uppá það í dag að 300 ár eru liðin frá því að þeir hertóku Gíbraltarklettinn. Spánverjum er ekki skemmt, en Bretar segja að þetta komi þeim ekki við. Hátíðin er haldin til þess að minnast þess að breski flotinn hertók Gíbraltar árið 1704.

Vitlaus verðlagagning papriku

Vegna mistaka í vörumerkingu hefur ein íslensk paprika kostað tæpar 300 krónur í verslunum Tíu ellefu um nokkurt skeið og það án þess að nokkur hafi gert athugasemd við það.

Lítil stemning á heimleið úr Eyjum

Nokkur hundruð strandaglópar framlengdu Þjóðhátíðina í Vestmannaeyjum um sólarhring, þar sem þoka kom í veg fyrir flug. Verulega var dregið af ungum Þjóðhátíðargestum sem komu með Herjólfi í dag, eftir annasama skemmtanahelgi.

Jákvætt í garð lækna og lögreglu

Yfir 80 prósent þjóðarinnar eru jákvæð í garð lækna, lögreglu og kennara. Þingmennska virðist þó ekki vera til vinsælda fallin, því innan við þriðjungur þjóðarinnar er jákvæður gagnvart alþingismönnum. Þetta kemur fram í Þjóðarpúlsi Gallup þar sem fólk var spurt hvort það væri jákvætt eða neikvætt í garð nokkurra starfstétta.

Rekaldið hefur ekkert hreyfst

Lögregla er engu nær um það hvert líkið af Sri Ramawati hefur rekið eftir að Hákon Eydal varpaði því fyrir björg. Rekald, sem sett var út í gær til að kanna rekið, hefur ekkert hreyfst.

Ragnar í gæsluvarðhald

Taílensk yfirvöld framseldu um helgina Ragnar Sigurjónsson, fyrrverandi skreiðarútflytjanda, sem hvarf sporlaust í Lundúnum fyrir fimm árum. Í gær úrskurðaði Héraðsdómur Reykjaness Ragnar í gæsluvarðhald hér á landi til 23. ágúst.

Skotmaður á geðdeild

Maður sem skaut úr haglabyssu á tvö hús á Reykhólum í Barðastrandarsýslu hefur verið vistaður á geðdeild. Annar maður hefur játað að eiga 170 kannabisplöntur sem fundust í húsnæði í Reykjavík, þar sem byssumaðurinn hafði dvalið.

Þrír biðu bana á Gaza

Þrír Palestínumenn biðu bana í dag, þegar sprengja sem þeir hugðust granda ísraelskri jarðýtu með, sprakk í höndunum á þeim. Sprengingin varð í Rafha flóttamannabúðunum, á Gaza svæðinu, og dæmigerðar fyrir það sem gerist á nær hverjum degi, einhversstaðar á sjálfstjórnarsvæðum palestínumanna.

Kallið barst frá bíl í byggð

Neyðarkall sem barst í síðustu viku um að tuttugu manna hópur Frakka væri í nauðum staddur á hálendinu barst úr bíl í byggð á Suðurlandi. Gabb sem þetta er refsivert og biður lögreglan hvern sem getur veitt upplýsingar að hafa samband.

Nefndarkóngar eru ríkisleyndarmál

DV fær ekki aðgang að lista sem fjársýsla ríkisins gerði um nefndakónga ríkisins. Einn þeirra sem sat í sjö nefndum árin 2000 til 2002 fékk 9,5 milljónir króna. Nafn hans er ríkisleyndarmál.

Húsbílaklósett tæmd í leyfisleysi

"Við viljum að þessu sé fylgt eftir í lögreglusamþykkt þannig að öllum geti verið ljóst að kjósi menn að leggja húsbíl eða tjalda innan bæjarmarkana verði þeir að greiða gjald. Vilji þeir ekki gera það verði þeir að fara út fyrir bæjarmörkin.

Byggðist á gömlum gögnum

Yfirvöld í Bandaríkjunum gáfu út öryggisviðvörun vegna hryðjuverkahættu sem byggðust á þriggja ára gömlum upplýsingum. Samkvæmt tilkynningu frá heimavarnarráðuneytinu var talið að hryðjuverkamenn hyggðu á árás á fjármálastofnanir í New York og Washington.

Kerry með leyniáætlun

John Kerry, frambjóðandi Demókrataflokksins til forsetaembættisins í Bandaríkjunum, gefur í skyn að hann muni ná samkomulagi um lyktir Íraksstríðsins nái hann kjöri sem forseti. Hann neitar hins vegar að gefa upp hvað hann hafi fyrir sér í þessum efnum.

Kraftaverk að ekki fór verr

Vörubíll og Toyota Landcruiser jeppi skullu saman á brú yfir Laxá í Laxárdal í umdæmi lögreglunnar í Búðardal skömmu eftir klukkan 15 í gær.

Lík Sri Rhamawati fundið

Lík Sri Rahmawati fannst í djúpri og þröngri hraunsprungu í Almenningi fyrir sunnan Hafnarfjörð í dag. Hákon Eydal, sem hefur játað að hafa banað fyrrum sambýliskonu sinni og barnsmóður, Sri Rahmawati, vísaði lögreglu á réttan stað eftir að honum var sagt að rannsókn lögreglu sýndi að fyrri staðsetning sem hann gaf upp stæðist ekki. </font />

Ein líkamsárás á Akureyri

Tilkynnt var um eina líkamsárás á Akureyri í nótt að sögn lögreglu. Maður nefbrotnaði og missti nokkrar tennur, þegar hann var barinn með barefli. Þá komu upp 15 fíkniefnamál á Akureyri í nótt, mest minni háttar mál, þar sem lögregla gerði upptæk nokkur grömm af amfetamíni eða hassi til einkaneyslu.

Fullar fangageymslur í Eyjum

Fangageymslur lögreglunnar í Vestmannaeyjum eru fullar eftir síðasta kvöld Þjóðhátíðar í gærkvöldi. Lögreglan segir mikið hafa verið um ölvun og einnig að nokkur fíkniefnamál hafi komið upp, en þau nálgast nú fimmta tuginn sem er meira en áður hefur þekkst.

Náði að rekja sér leið til baka

Björgunarsveitir á Austurlandi voru kallaðar út um klukkan hálfellefu í gærkvöldi til að leita að konu sem hafði orðið viðskila við gönguhóp í þoku inn við Borgarfjörð Eystri. Konan náði að rekja sér leið til baka og kom í leitirnar tæpum klukkutíma síðar. Hópurinn var á göngu frá Borgarfirði Eystri yfir í Vatnsdal.

Bjargað úr sjónum við Vík

Björgunarsveit var kölluð út um áttaleytið í gærkvöldi til aðstoðar við erlendan ferðamann sem var í sjónum fyrir utan Vík í Mýrdal, en nærstaddir náðu að bjarga manninum áður en björgunarmenn komu á vettvang.

Fordæma árásir á kirkjur

Leiðtogar múslima í mörgum löndum hafa fordæmt sprengjuárásir sem gerðar voru á sex kristnar kirkjur, í Írak, í gær. Árásirnar voru allar gerðar á sama tíma, í mismunandi borgum. Að minnsta kosti fimmtán manns létu lífið, og tugir særðust.

Eldsvoði í verslunarmiðstöð

Að minnstakosti 283 fórust í miklum eldsvoða, í stórri verslunarmiðstöð, í Suður-Ameríkuríkinu Paragvæ, í gær. Yfir eitthundrað manns hlutu mismunandi alvarleg brunasár. Eldurinn kviknaði í gassprengingu, sem varð í matvörudeild verslunarmiðstöðvarinnar. Meðal þeirra sem fórust voru fjölmörg börn, og lögreglan segir að heilu fjölskyldurnar hafi þurrkast út.

Ráðlagt að sækja um hæli í Japan

Lögfræðingur skáksnillingsins Bobbys Fischer, hefur ráðlagt honum að sækja um pólitískt hæli, í Japan, meðan beðið er úrskurðar dómstóla um hvort hann verður framseldur til Bandaríkjanna. Þar á Fischer yfir höfði sér tíu ára fangelsi fyrir að brjóta viðskiptabann á fyrrverandi Júgóslavíu, með því að tefla þar skákeinvígi, við Boris Spassky, árið 1992.

Morðið sett á Netið

Morð á tyrkneskum gísl mannræningja í Írak, var sett á internetið, í dag. Tyrkinn var með bundið fyrir augun. Hann var látinn liggja á hnjánum, og skotinn þrem skotum í hnakkann. Mörgum tyrkjum hefur verið rænt, í Írak, undanfarnar vikur, og að minnsta kosti tveir hafa verið myrtir, til viðbótar við þann sem sýndur var í dag.

Skotmaður ekki fundinn enn

Maðurinn sem skaut með haglabyssu á tvö hús að Reykhólum í Barðastrandasýslu hefur ekki fundist enn. Lögregla veit hver var að verki en maðurinn hafði yfirgefið umdæmið þegar hún kom á staðinn, rúmlega átta klukkustundum síðar.

Bílvelta við Fitjar

Maður meiddist lítillega þegar hann velti bíl sínum við Fitjar rétt utan við Keflavík klukkan átta í morgun. Að sögn lögreglunnar í Keflavík eru meiðsl mannsins ekki alvarleg. Þá var einnig brotist inn í Verslunina Samhæfni í Keflavík í nótt og nokkrum stafrænum myndavélum stolið þaðan.

Lenti utan vegar við Klaustur

Ung kona missti stjórn á bíl sínum við Orrustuhól, rétt austan við Kirkjubæjarklaustur, um klukkan tíu í gærkvöldi og fór bíllinn eina 200 metra utan vegar áður en hann staðnæmdist. Konan tognaði á hálsi og baki og var flutt með sjúkrabíl á Heilsugæslustöðina á Klaustri.