Fimmti hver skilaði auðu

Ólafur Ragnar Grímsson var endurkjörinn forseti Íslands í kosningunum í gær með 85,6 prósentum gildra atkvæða. Ástþór Magnússon hlaut innan við 2 prósent og Baldur Ágústsson 12 og hálft prósent. Fimmti hver kjósandi skilaði auðu, sem á sér engin fordæmi hér á landi.

Vill Tyrkland í Evrópusambandið

Bush forseti Bandaríkjanna, hefur heitið því að beita sér fyrir því að Tyrkland verði tekið inn sem aðildarþjóð að Evrópusambandinu. Hann hrósaði þessari íslömsku þjóð fyrir að hafa tekið lýðræði og lögum og reglum, opnum örmum.

Úrslitin hljóti að vera áfall

Davíð Oddsson forsætisráðherra segir úrslit forsetakosningarnar hljóta að vera Ólafi Ragnari áfall. Forsætisráðherra er í Tyrklandi á fundi leiðtoga Atlantshafsbandalagsins en tal náðist af honum stuttu fyrir fréttir. Hann óskar Ólafi Ragnari Grímssyni þó til hamingju með að hafa verið endurkjörinn forseti Íslands næstu fjögur árin.

Akureyri og Hrísey sameinuð

Sameining Akureyrarkaupstaðar og Hríseyjarhrepps var samþykkt með miklum meirihluta atkvæða í kosningum sem fram fóru samhliða forsetakosningunum í gær. Sveitarstjóri Hríseyjar segir sameininguna styrkja stöðu hreppsins. Sameining fjögurra sveitarfélaga austur á Héraði var hins vegar felld.

Enginn spámaður í eigin föðurlandi

Ástþór Magnússon segist hafa fengið fleiri atkvæði upp úr kjörkössunum í gærkvöldi en Kristur átti sér fylgismenn. Hann segir engann vera spámann í eigin föðurlandi. Alls hlaut Ástþór Magnússon 1,89 prósent gildra atkvæða. Hann hefði viljað sjá fleiri koma með mannúð í hjarta á kjörstað til að styðja friðarmálin. Hann sagðist þó alls ekki vera hættur og héldi baráttunni áfram.

Hefur ótvírætt umboð frá þjóðinni

Svanur Kristjánsson, prófessor í stjórnmálafræði, segir að Ólafur Ragnar Grímsson hafi fengið ótvírætt umboð frá þjóðinni til að gegna áfram forsetaembættinu. Hann bendir á að meirihluti þjóðarinnar hafi hafnað þeim málflutningi að forsetinn hefði ekki rétt til að skjóta málum til þjóðarinnar.

Ekki lengur sameiningartákn

Ólafi Ragnari Grímssyni hefur mistekist að verða sameiningartákn þjóðarinnar. Þetta segir Hannes Hólmsteinn Gissurarson, stjórnmálafræðiprófessor. Hannes Hólmsteinn verður seint talinn til aðdáenda Ólafs Ragnars Grímssonar, og túlkun hans á niðurstöðun kosninganna er ljós.

Skipstrand nálægt Straumsvíkurhöfn

Tyrkneska súrálflutningaskipið Kiran Pacific strandaði á skeri 3.3 sjómílur norðvestur af Straumsvíkurhöfn í gærkvöldi. Alls er 21 maður um borð í skipinu, allir frá Tyrklandi. Skipið er talið nokkuð stöðugt á skerinu og því ekki óttast um að áhöfnin sé í hættu. Varðskip kom á vettvang í morgun og er áhöfn þess að kanna aðstæður og ástand skipsins.

23 látnir í Hillah

Á þriðja tug fórst í sprengjuárásum í borginni Hillah í Írak í gær. Tugir særðust. Svo virðist sem árásum í landinu ætli aldrei að linna. Svo virðist sem tveimur bílum hafi verið ekið upp að aðalmoskunni í bænum Hillah suður af Bagdad, en moskan er kennd við Saddam Hússein.

Sif opnar opinn skóg

Sif Friðleifsdóttir, umhverfisráðherra opnaði "Opinn skóg", á Snæfoksstöðum í Grímsnesi á laugardaginn, með því að saga í sundur veglega ösp sem lögð hafði verið þvert á stíginn inn í skóginn. Þetta gerði Siv með öflugri mótorsög, íklædd hjálmi og öðrum nauðsynlegum öryggisbúnaði.

SUF vill kanna umsókn að aðild

Þing Sambands ungra framsóknarmanna hvetur til þess að undirbúningur verði hafinn að umsókn um aðild að Evrópusambandinu. Í ályktun er það sagt þjóna hagsmunum Íslands að hefja nú þegar vinnu við samningsmarkmið með aðild í huga og skuli sú vinna hefjast að frumkvæði forsætisráðuneytisins.

Fyrsta sjóferðin í 16 ár

Vestfirðingar minntust sögu sinnar um helgina. Gamlir Sléttuhreppingar og afkomendur þeirra gerðu gott betur en að fylla hina hundrað ára gömlu Staðarkirkju í Aðalvík á Ströndum og elsti varðveitti vélbátur landsins, Gestur frá Vigur sem er aldargamall, fór í sína fyrstu sjóferð í sextán ár.

Hefði viljað vinna

Baldur Ágústsson, forsetaframbjóðandi, segir niðurstöðuna í forsetakosningunum aðra en hann vonaðist eftir, en kjósendur ráði. Hann segir vaktaskipti á Bessastöðum tímabær og því hafi hann viljað vinna kosningarnar.

Andstaðan segir sína skoðun

Ólafur Ragnar Grímsson var endurkjörinn með traustum meirihluta, þrátt fyrir árásir Sjálfstæðisflokksins og Morgunblaðsins. Þetta er mat nokkurra stjórnarandstöðuþingmanna.

Gömul kaldastríðsblaðamennska

Ólafur Ragnar Grímsson segir Morgunblaðið hafa rekið markvissan og hatramman áróður gegn sér og segir blaðið komið í gamla kaldastríðsblaðamennsku.

Ástþór gerði ógilt

Ástþór Magnússon braut kosningalögin með því að flagga kjörseðlinum sínum og setja hann ekki samanbrotinn í kjörkassann í forsetakosningunum í gær. Þórunn Guðmundsson, oddviti yfirkjörstjórnar í Reykjavíkurkjördæmi norður segir að með þessu hafi Ástþór ógilt atkvæðið sitt.

Heimsókn Hákons og Mette

Hákon krónprins Noregs, Mette-Marit krónprinsessa og dóttir þeirra komu nú síðdegis til Íslands í þriggja daga opinbera heimsókn. Krónprinsinn sagði þau hjónin mjög spennt fyrir heimsókninni til sögueyjarinnar.

Traustsyfirlýsing eða áfall

Ólafur Ragnar Grímsson, nýkjörinn forseti Íslands, segir kosningaúrslitin afgerandi traustsyfirlýsingu og mjög sterkt umboð. Davíð Oddsson forsætisráðherra segir úrslitin hins vegar áfall fyrir Ólaf og að hyldýpisgjá hafi myndast á milli hans og þjóðarinnar.

Yfirlit yfir úrslit kosninga

Ólafur Ragnar Grímsson var endurkjörinn forseti Íslands í gær með tæplega 85 prósent gildra atkvæða. Fimmtungur kjósenda skilaði hins vegar auðu og kjörsókn hefur aldrei verið minni í sextíu ára sögu lýðveldisins.

Myrti og riðlaðist á líkinu

Geðklofa Litháinn, Kestutis Baginskas, sem myrti konu og svívirti á hrottalegan hátt í heimalandi sínu má dveljast á Íslandi samkvæmt dómi Hæstaréttar. Frásögn lithísks dagblaðs af hinum hrottlega glæp Kestutis er rakin í DV í dag.

Danir dæma íslenskan dópsmyglara

Íslendingurinn Þórir Jónsson hefur verið dæmdur í þrettán mánaða fangelsi í Kaupmannahöfn fyrir kókaínsmygl. Þórir Jökull Þorsteinsson sendiráðsprestur hefur heimsótt Þóri í fangelsi, meðal annars til að "láta hann vita að hann væri ekki einn í heiminum," eins og séra Þórir segir.

Næsti kafli að hefjast

Eftir innrás og hernám eru Írakar að fá völd í eigin hendur. Bráðabirgðastjórnin tekur við gríðarlegum vandamálum sem herja á íraskt þjóðfélag og þarf að troða marvaðann þar til lýðræðislega kjörið þing tekur að sér uppbyggingu íraska stjórnkerfisins.

Góð niðurstaða

Formaður Sambands íslenskra sveitarfélaga er ánægður með úrslit sameiningarkosninga sem fram fóru samhliða forsetakosningunum. Sameining Akureyrarbæjar og Hríseyjarhrepps var samþykkt með miklum yfirburðum í báðum sveitarfélögum en sameining á Héraði féll hinsvegar á atkvæðum í Fljótsdalshreppi.

Átak í búsetumálum geðfatlaðra

"Við erum búnir að eiga fyrstu umræðu um búsetumálefni fatlaðar með heilbrigðisráðuneytinu og erum búin að setja okkur ákveðin markmið og aðgerðaáætlun," sagði Þór Þórarinsson skrifstofustjóri í félagsmálaráðuneytinu um stöðu í aðgerðum ráðuneytisins vegna búsetuþarfar geðfatlaðra.

Flestir telja að Siv ætti að víkja

Um þriðjungur þeirra sem afstöðu tóku í könnun Fréttablaðsins taldi að Siv Friðleifsdóttir umhverfisráðherra ætti að víkja úr embætti þegar Framsóknarflokkurinn missir einn ráðherrastól 15. september næstkomandi. Um fimmtungur var á þeirri skoðun að Halldór Ásgrímsson, verðandi forsætisráðherra og formaður Framsóknarflokksins, ætti að víkja.

Í kapp við tímann

Stjórnmálaflokkarnir á Norður-Írlandi verða að fá niðurstöðu í það í sumar hvort þeir nái að mynda heimastjórn í landinu.

Skapa ný landamæri

Báðar deildir Bandaríkjaþings hafa samþykkt yfirlýsingu þess efnis að það sé óraunhæft að friðarsamkomulag milli Ísraela og Palestínumanna feli í sér endurhvarf til landamæra Ísraels frá því fyrir sex daga stríðið 1967.

Fyrirskipa áframhaldandi vinnslu

Norsk stjórnvöld hafa skipað starfsmönnum olíuborpalla sem hafa verið í verkfalli að mæta aftur til vinnu og bannað vinnuveitendum að setja verkbann á þá starfsmenn sem voru ekki í verkfalli.

Hótanir frá Pyongyang

Norður-kóresk stjórnvöld hafa hótað því að gera tilraunir með kjarnorkusprengingu ef Bandaríkjastjórn verður ekki að skilyrðum þeirra fyrir því að hætta þróun kjarnorkuvopna.

Kæran sú fyrsta sinnar tegundar

"Maðurinn telur að hann hafi verið blekktur til að láta af hendi peninga," segir Jón H. Snorrason, yfirmaður efnahagsbrotadeildar ríkislögreglustjóra, en Sigvaldi Gunnlaugsson kærði nokkra menn til ríkislögreglustjóra fyrir svik sem upphófust með tölvupósti frá Nígeríumanni að nafni Abiola Williams.

Sjóræningjum fjölgar

Sjómenn við strendur Jamaíka kvarta nú hástöfum yfir sjóræningjum sem gerast æ aðgangsharðari í landhelginni kringum eyjuna.

Sprenging í Tyrklandi

Sprenging varð einni konu að bana og slasaði fjóra á hóteli í Alanya í Tyrklandi í morgun. Talið er að um gassprengingu hafi verið að ræða, þó að tyrknesk vefsíða haldi því fram að sprengja hafi sprungið. Yfirvöld neita því, sem og fregnum af sprengju á alþjóðaflugvellinum í Istanbúl, sem fréttastöðvar greindu frá.

Barroso tilnefndur forseti

Jose Manuel Durao Barroso, forsætisráðherra Portúgals, hefur verið beðinn um að taka að sér starf forseta framkvæmdastjórnar Evrópusambandsins. Bertie Ahern, forsætisráðherra Írlands, kveðst öruggur um að samkomulag náist um Barosso á leiðtogafundi Sambandsins á þriðjudag.

Félagsmálaráðherra í Malaví

Árni Magnússon, félagsmálaráðherra, hélt í dag til Malaví þar sem hann mun m.a. eiga viðræður við félagsmálaráðherra Malaví um nánara samstarf á sviði félagsmála, einkum er varðar velferð barna og fjölskyldna. Þá mun ráðherra eiga fund með nýkjörnum forseta Malaví, Dr. Bingu wa Mutharika og opna nýja sendiskrifstofu Íslands í höfuðborg landsins, Lilongwe.

Enski boltinn til Skjás eins

Útsendingar á enska boltanum hefjast 14. ágúst á Skjá einum. Gengið hefur verið frá öllum samningum um útsendingarétt, að sögn Magnúsar Ragnarssonar, sjónvarpsstjóra, og verða þeir formlega undirritaðir í Englandi á þriðjudag.

Fá lyf sem ekki eru ætluð börnum

Hugsanleganlegt er að rúmlega fimm hundruð íslensk börn og unglingar fái þunglyndislyf sem alls ekki eru ætluð börnum. Notkun þunglyndislyfja á Íslandi heldur áfram að aukast og í samanburði við aðrar Norðurlandaþjóðir er notkunin áfram mest hér á landi.

Lítill áhugi og mótmæli almennings

George Bush, forseti Bandaríkjanna, er kominn til Evrópu til fundar við leiðtoga álfunnar. Hann vonast eftir stuðningi í Írak en mætir litlum áhuga stjórnmálamanna og mótmælum almennings. Bush hittir í dag leiðtoga Evrópusambandsins á fundi á Írlandi, og er fjöldi mála á dagskrá.

Rannsókn felld niður

Rannsókn sænsku ríkislögreglunnar á meintum innherjasvikum sex einstaklinga, í tengslum við kaup Kaupþings á hlutabréfum í JP Nordiska bankanum í Svíþjóð fyrir tveimur árum, hefur verið felld niður. Fimm Íslendingar og einn Svíi voru grunaðir um að hafa keypt bréf í sænska bankanum með ólögmætar upplýsingar um fyrirætlanir Kaupþings í farteskinu.

Kosningar í dag

Íslendingar ganga að kjörborðinu í dag og kjósa sér forseta. Kjörstaðir voru opnaðir klukkan níu í morgun og loka víðast hvar klukkan tíu í kvöld. 213.553 eru á kjörskrá, og er það hátt í 19 þúsund fleiri en voru á kjörskrá í síðustu forsetakosningum fyrir átta árum.

Mun dræmari kjörsókn

Kjörsókn í forsetakosningunum virðist almennt dræmari nú en áður. Klukkan 13 höfðu 12,17% kjósenda í Reykjavíkurkjördæmi norður komið á kjörstað. Í forsetakosningunum 1996, þegar Reykjavík var eitt kjördæmi, var kjörsókn á sama tíma 18,53%.

Flugmenn semja

Flugmenn, Félags íslenskra atvinnuflugmanna, hjá Icelandair, Flugfélagi Íslands, Íslandsflugi og Bláfugli, hafa allir samþykkt nýgerðan kjarasamning við þessi félög. Eftir því sem fram kemur á heimasíðu FÍA.

Afsögn forsætisráðherra Pakistans

Forsætisráðherra Pakistans, Safarullah Khan Jamali, hefur sagt af sér eftir fund sem hann átti með forseta landsins, Pervez Musharraf. Jamali hefur þegar nefnt eftirmann sinn. Ríkisstjórnin mun einnig segja af sér en verður við völd þar til nýr forsætisráðherra hefur tekið við stjórn.Ráðherrann sagði af sér sama dag og fyrstu viðræður milli Indlands og Pakistans á þremur árum, um hið umdeilda hérað Kasmír, áttu sér stað.

Vara við sýktum síðum

Tölvusérfræðingar vara við víðtækri árás sem beinast mun að fjölda vinsælla vefsíðna. Þetta kemur fram á heimasíðu Tæknivals. Þar segir að bandarísk stjórnvöld hafi gefið út viðvörun um að allar vefsíður, hversu traustvekjandi sem þær virka, kunni að vera sýktar og geti hugsanlega haft að geyma hættulegan kóða.

Grípa ekki til neikvæðra aðgerða

Greenpeace-samtökin munu ekki grípa til neikvæðra aðgerða þó Íslendingar hætti ekki hvalveiðum. Þetta kom fram í samtali talmanna samtakanna við formann Verkalýðsfélags Húsavíkur í gær, en sá óskaði eftir fundinum.

Oriana varð frá að hverfa

Eitt stærsta skemmtiferðaskip heims, Oriana, varð að hverfa frá ytri höfninni í Reykjavík vegna hvassviðris nú upp úr hádegi. Vindhviður fóru yfir 20 metra á sekúndu og var af öryggisástæðum ákveðið að skipið létti akkerum og sigldi út á Faxflóa og bíður skipið þar þess nú að veður lægi.