600 skólapláss vantar

Fjárveitingu vantar fyrir að minnsta kosti fimm- til sjöhundruð nemendur sem sótt hafa um framhaldsskólanám næsta haust. Formaður félags íslenskra framhaldsskóla segir að vandinn hafi verið fyrirsjáanlegur, en ekkert hafi verið að gert og úr því sem komið er verði hann líkast til leystur með því að troða í skólana.

Aðeins Íslendingum sagt upp

Aðeins Íslendingum er fórnað á niðurskurðarborðinu hjá Varnarliðinu. Nærri 150 manns hefur verið sagt upp frá því í október á síðasta ári, þar af 20 frá næstu mánaðamótum. Óbreyttum, bandarískum starfsmönnum hefur hins vegar ekki fækkað

Tillögur að þjóðarblómi kynntar

Tuttugu tillögur að þjóðarblómi verða kynntar í Árbæjarsafninu í Reykjavík í dag. Fyrir nokkru var lýst eftir tilnefningum við góðar undirtektir en þetta er niðurstaða þeirrar vinnu.

Clinton styður innrásina í Írak

Bill Clinton, fyrrverandi Bandaríkjaforseti, segist í viðtali við tímaritið Time, sem kemur út á morgun, styðja innrás Bandaríkjanna í Írak. Hann bætir því þó við að hann hefði beðið með innrás þar til vopnaeftirlitsmenn Sameinuðu þjóðanna hefðu lokið störfum.

Albatros heldur frá landinu

Skemmtiferðaskipið Albatros var strandaglópur hér á landi í þrjá daga vegna skemmda. Skipið hélt úr Straumsvíkurhöfn í hádeginu í gær eftir að gert hafði verið við skemmdir á skipinu.

Erill hjá lögreglunni

Mikill erill hefur verið hjá lögreglu víða um land um helgina og jafnvel frá því fyrir sautjánda júní. Á Akureyri hefur verið í ýmsu að snúast, ölvun, ölvunarakstur og pústrar, án þess þó að stórslys hafi hlotist af.

Sprenging í Seðlabankanum í Bagdad

Þrír starfsmenn Seðlabankans í Bagdad særðust í sprengingu við bankann í morgun. Vígamenn hafa í vaxandi mæli valið sér skotmörk í fjármála- og stjórnsýslu Íraks en þeir eru andvígir því hvernig Bandaríkjamenn standa fyrir valdaafsali til bráðabirgðastjórnarinnar um mánaðamótin.

Ráðherra tekur undir með rektor HÍ

Björn Bjarnason dómsmálaráðherra tekur undir með Páli Skúlasyni, rektor Háskóla Íslands í ræðu hans við brautskráningu við skólann í gær, að nauðsynlegt sé að vanda umræður og huga að rökum viðmælenda sinna. Þetta kemur fram á heimasíðu Björns, <a href="http://www.bjorn.is" target="_blank">www.bjorn.is</a>

Konur og börn á meðal látinna

Yfirvöld í Falluja í Írak segja að konur og börn hafi verið á meðal hinna látnu er 22 létu lífið í loftárás Bandaríkjamanna í gær. Bandaríkjamenn telja hins vegar að þeir hafi ráðist á bækistöð erlendra hryðjuverkahópa.

Lögregla óskar aðstoðar

Lögreglan í Reykjavík biður almenning um aðstoð við að upplýsa hver konan er sem fannst látin í fjörunni neðan við Fossvogskirkjugarð í Fossvogi rétt fyrir klukkan þrjú í gær.

Leitað logandi ljósi að leiðtoga

Leiðtogar Evrópusambandsríkja leita nú logandi ljósi að frambjóðanda, sem gæti tekið við af Romano Prodi í forsæti framkvæmdastjórnar ESB. Tveir Norðurlandabúar eru taldir koma til greina í embættið.

Morðin efla al-Kaída

Morð á leiðtogum al-Kaída samtakanna í Sádí-Arabíu verða aðeins til að efla samtökin í baráttu sinni gegn Vesturlöndum. Þetta segir á vefsíðu samtakanna í dag sem viðurkenna að fjórir leiðtogar þeirra hafi verið felldir í skotbardaga í höfuðborginni Riyadh.

Kjarnorkubann framlengt

Indverjar og Pakistanar hafa ákveðið að framlengja bann við tilraunum á kjarnorkuvopnum. Mikil spenna hefur verið á milli þjóðanna um árabil og náði hámarki fyrir tveimur árum þegar óttast var að upp úr syði með kjarnorkustríði.

Ólafur hefði neitað EES-samningnum

Ólafur Ragnar Grímsson, forseti Íslands, fagnar því að Vigdís Finnbogadóttir, fyrrum forseti landsins, telji málskotsréttinn svo virkan að hún hefði talið rétt að vísa Kárahnjúkamálinu til þjóðaratkvæðagreiðslu. Hann segir að ummæli Vigdísar styrki ákvörðun hans um að skrifa ekki undir fjölmiðlalögin.

Kennsl borin á konuna

Lögreglan í Reykjavík hefur fengið upplýsingar um hver konan er sem fannst látin í fjörunni í Fossvogi síðdegis í gær. Eftir að gefin var út lýsing á konunni í fjölmiðlum í hádeginu hafði einstaklingur kunnugur henni samband við lögregluna.

Arroyo forseti Filippseyja

Gloria Macapagal Arroyo telst réttkjörinn forseti Filippseyja en úr því var skorið loks í dag, fimm vikum eftir kosningar. Arroyo hlaut 12,9 milljónir atkvæða og sigraði því helsta keppinaut sinn, kvikmyndastjörnuna Fernando Poe Jr., með um einni milljón atkvæða.

„Kostar líka sitt að hafa einræði“

Sigrún Þorsteinsdóttir, sem bauð sig fram gegn Vigdísi Finnbogadóttur, fyrrverandi forseta Íslands, segist skilja gremju Ástþórs Magnússonar yfir því að hafa ekki fengið Ólaf Ragnar Grímsson, forseta Íslands, í kappræður í sjónvarpi eða útvarpi.

Olíubirgðastöð í Neskaupstað

Nýtt olíudreifingarfyrirtæki ætlar að reisa olíubirgðastöð í Neskaupstað og hefja starfsemi á árinu. Þjónustan mun einskorðast við skip og býst framkvæmdastjórinn við að fyrirtækinu takist að bjóða lægra verð en þau félög sem fyrir eru á markaðnum.

Kona fannst látin í Fossvogi

Kona fannst látin í flæðarmálinu rétt fyrir neðan Fossvogskirkjugarð í gær. Ekki reyndist unnt að bera kennsl á hana þar sem hún var skilríkjalaus og enginn hafði tilkynnt hvarf hennar til lögreglu.

Fílar gegn mönnum í fótbolta

Óvenjulegur fótboltaleikur fór fram í Taílandi í dag. Þar kepptu menn gegn 900 kílógramma þungum ferfætlingum.

Mubarak frá völdum í Egyptalandi

Hosni Mubarak, forseti Egyptalands, hefur falið Atef Obeid, forsætisráðherra, forsetavald í landinu á meðan hann gengst undir skurðaðgerð í Þýskalandi. Mubarak hrjáist af brjósklosi og verður skorinn upp í Munchen á morgun.

Ástþór mætir ekki í upptöku RÚV

Ástþór Magnússon forsetaframbjóðandi telur sér ekki fært að mæta í sjónvarpsupptöku RÚV á þriðjudagsmorgun þar sem ástæða sé til að ætla að þátturinn verði ritskoðaður og síðan klipptur og skorinn eftir geðþótta starfsmanna RÚV.

Mannabreytingar í Hæstarétti

Miklar breytingar eru fyrirsjáanlegar í Hæstarétti á næstu árum. Einn dómari á besta aldri hefur tilkynnt að hann ætli að láta af störfum og þrír aðrir eru að komast á aldur.

Stjórnarskrá ESB ekki samþykkt?

Stjórnmálafræðingur, sem kennir við Háskóla Íslands, efast um að ný stjórnarskrá Evrópusambandsins verði samþykkt þegar hún verður borin undir þjóðaratkvæði í Bretlandi og Danmörku. Hann óttast ekki kreppu innan ESB þótt enn hafi ekki tekist að velja næsta forseta framkvæmdastjórnarinnar.

Grænfriðungar til Ísafjarðar

Grænfriðungar hyggjast gera strandhögg á Ísafirði á morgun en þá leggst að bryggju Esperanza sem er nýjasta skip samtakanna.

Metaðsókn

Á sjöunda hundrað umsóknir hafa borist í Tækniháskóla Íslands. Aldrei hafa fleiri sótt um í skólann en um 800 nemendur stunduðu þar nám síðasta vetur.

Dýrkeypt karlremba

Þeir útlendingar sem mæla með að fólki sé mismunað eða það beitt ofbeldi á grundvelli kynferðis, stjórnmálaskoðana eða útlits síns gætu í framtíðinni átt á hættu að vera vísað úr landi í Frakklandi.

Afturgenginn í hvalslíki

Tilraunir til að bjarga villtum háhyrningi við strendur Kanada valda nú deilum milli líffræðinga og ættflokks indíána. Háhyrningurinn hefur haldið til í höfn þorpsins Gold River síðustu þrjú árin og heimamenn kalla hann Luna. Stjórnvöld eru á því að nærvera hans stefni öryggi íbúanna í hættu og vilja að hann snúi aftur til fjölskyldu sinnar.

Madonna veiðir fasana í friði

Poppstjarnan Madonna hefur unnið mál sem varðaði rétt hennar til að meina veiðimönnum að fara inn á lóð hennar við Ashcombe-sveitasetrið í Suðvestur-Englandi.

Tjón vegna slysa í laxeldi bætt

Landssamband veiðifélaga lýsir þungum áhyggjum vegna þróunar og áforma um eldi á laxi af erlendum stofnum við strendur landsins. Þetta kemur fram í ályktun landsfundar sambandsins.

Æviminningar Clintons koma út

Æviminningar Clintons, fyrrverandi Bandaríkjaforseta, koma út á morgun, en bókarinnar er beðið með mikilli eftirvæntingu. Fræðimenn telja að bókin skyggi á bæði Bush forseta og Kerry, frambjóðanda Demókrataflokksins.

Sumarhitar erfiðir eldra fólki

Ítölsk stjórnvöld hafa gert neyðaráætlun til að vernda eldri borgara landsins fyrir hitabylgjum sumarsins. Þannig verður matvöruverslunum og kvikmyndahúsum fyrirskipað að kæla húsnæði sitt og bjóða upp á athvarf ef hitinn verður mikill.

Umhverfisþættir orsakir barnadauða

Í nýrri skýrslu Alþjóðaheilbrigðisstofnunarinnar kemur fram að fimm umhverfisþættir valda um þriðjungi dauðsfalla meðal evrópskra barna. Þættirnir eru loftmengun innanhúss og utanhúss, menguð og hættuleg vötn, blý og áverkar.

Skólpið út fyrir stórstreymisfjöru

Ekki snúast allar framkvæmdir í Fjarðabyggð um álversframkvæmdir. Daglegur rekstur sveitarfélagsins hefur heldur aukist við þær framkvæmdir, en daglegt líf gengur sinn vanagang og kappkostað er þessa dagana að nota veðurblíðuna til að framkvæma verk sem hafa beðið.

Slysum og misferlismálum mun fækka

Sífellt berast fregnir af ljótum málum þar sem fasteignasalar hafa brugðist trausti og jafnvel dregið sér eða svikið út háar fjárhæðir frá grandalausum viðskiptavinum sínum. Síðustu misserin hefur keyrt um þverbak í þessum efnum.

Segir RÚV beita ritskoðun

Forsetaframbjóðandinn Ástþór Magnússon hefur hafnað boði um að mæta til sjónvarpsupptöku hjá Ríkissjónvarpinu á morgun þar sem hann ætlar að starfsmenn stofnunarinnar klippi þáttinn til í brenglaðri mynd.

Bændur ekki búnir undir breytingar

"Margir íslenskir bændur eru alls ekki búnir undir miklar breytingar sem verða á þeirra högum ef stuðningur stjórnvalda breytist eða minnkar í framtíðinni," segir Ari Teitsson, bóndi og fyrrverandi formaður Bændasamtaka Íslands.

Skarst mikið í andliti

Tæplega þrítugur maður skarst mikið í andliti eftir að rúmlega tvítugur maður barði hann með bjórflösku í höfuðið á Húsavík.

Hærri meðalhraði á Blönduósi

Meðalhraði hefur verið hærri en vanalega um helgina og tvo dagana þar á undan að sögn lögreglunnar á Blönduósi. Um miðjan dag í gær var búið að kæra 55 ökumenn fyrir hraðakstur þessa daga.

Ásatrúarmenn reyna að ná sáttum

Lögsögumaður Ásatrúarfélagsins, Lára Jóna Þorsteinsdóttir, segir engan klofning meðal ásatrúarmanna en vel verði tekið á móti sáttanefnd Reykjavíkurgoðorðs. Lögsögumaðurinn segir að engin óreiða sé í bókhaldi félagsins og ef fyrrverandi allsherjargoði telji sig vita um slíkt, sé það frá fyrri tíð sem hann þekki betur.

Pílagrímsferðir til að skoða hvali

Erlendir ferðamenn eru farnir að koma í eins konar pílagrímsferðir hingað til lands til þess eins að fá að sjá steypireyð, stærsta dýr veraldar, og skynja nálægðina við skepnuna.

Uppgangur á Fáskrúðsfirði

Fjölgun er á Fáskrúðsfirði og fasteignir eru farnar að seljast þar á ný. Þessi þróun er einkum rakin til jarðganga.

Stórlistasýning fyrir austan

Fantasy Island, stórlistasýning íslenskra og erlendra listamanna, var opnuð í gær í Hallormsstaðaskógi og á Eiðum. Öll verkin eru ný og sérstaklega gerð fyrir sýninguna.

Barist á banaspjótum í Hafnarfirði

Það var hart barist í Hafnarfirði í dag og gneistaði af sverðum. Allt var þó í mestu vinsemd því átökin voru í tengslum við Víkingahátíðina í Hafnarfirði sem orðin er árlegur viðburður í námunda við sólstöður.

Bryggjudagar á Súðavík

Sveitarstjórinn í Súðavík fór sjálfur með sigur af hólmi í atvinnutengdri íþróttakeppni æðstu manna sveitarfélaga á Vestfjörðum.