Írakskur drengur í aðgerð í Japan

Írakskur drengur, sem missti nærri sjón í stríðinu en hlaut meðferð í Japan, hitti í morgun ekkju japanska blaðamannsins sem sá til þess að hann hlaut aðstoð. Mohamad Sale er tíu ára gamall piltur frá borginni Fallujah.

Slökkviliðsmenn fylgjast með

Landssamband slökkviliðsmanna ætlar að fylgjast grannt með rannsókn á brunanum í Njarðvík í nótt þar sem meðal annars kviknaði í flugeldalager þannig að slökkviliðsmönnum stafaði stór hætta af.

Ástþór hótar RÚV uppákomum

Ástþór Magnússon forsetaframbjóðandi hótar fréttastofu Ríkissjónvarpsins uppákomum og leiðindum fjalli hún ekki um framboð hans með þeim hætti sem Ástþór telur samrýmast skyldum íslenskra ríkismiðla. Vísar Ástþór þar meðal annars í yfirlýsingu stjórnvalda sem send var Öryggis- og samvinnustofnun Evrópu.

Davíð dæmdur fyrir meiðyrði

Héraðsdómur Reykjavíkur dæmdi í morgun Davíð Oddsson forsætisráðherra fyrir meiðyrði í garð Jóns Ólafssonar, fyrrverandi aðaleiganda Norðurljósa.

Hvalarannsóknir án þess að drepa

Alþjóðlegi dýraverndunarsjóðurinn ætlar að stunda hvalarannsóknir við Ísland í sumar. Fulltrúar sjóðsins telja sig geta stundað nákvæmari rannsóknir en áður hefur verið hægt og það án þess að drepa dýrin.

Ævisaga Clintons væntanleg

Ævisaga Bills Clintons, My Life, kemur út síðar í mánuðinum og ef fer sem horfir verður hún söluhæsta stjórnmálabók allra tíma. Bæði hjá netbókabúðinni Amazon og bókabúðakeðjunni Barnes and Noble er ævisagan í efsta sæti metsölulistans, þó að hún sé ekki ennþá komin út.

Konuleysi undirbúningsnefndar

Það brýtur í bága við nýsamþykkta framkvæmdaáætlun í jafnréttismálum að engin kona eigi sæti í undirbúningsnefnd fyrir þjóðaratkvæðagreiðslu um fjölmiðlalögin. Þetta kemur fram í ályktun Femínistafélags Íslands sem send var út í morgun og tekur félagið þar með undir ályktun Kvenréttindafélags Íslands. 

Innbrotsþjófur handtekinn

Tilkynnt var til lögreglunnar í Hafnarfirði á laugardagskvöldið að brotist hefði verið inn í íbúðarhús í Garðabæ og talsverðum verðmætum stolið. Síðar um nóttina handtók lögreglan í Kópavogi aðila sem grunaður var um aðild að innbrotinu og fundust í fórum hans munir því til rökstuðnings.

Nauðsynlegt að koma Bush frá

Það er nauðsynlegt að koma George Bush, forseta Bandaríkjanna, frá við næstu kosningar þar sem hann er að leggja utanríkisstefnu Bandaríkjanna í rúst. Þetta er kjarni yfirlýsingar frá á þriðja tug fyrrverandi háttsettra diplómata og hershöfðingja. 

Tókýó enn dýrasta borg heims

Enn er langdýrast að búa í Tókýó og bæði Moskva og Pétursborg eru orðnar dýrari en New York. Þetta er samkvæmt samantekt Mercer Human Resource Consulting sem unnin er fyrir ríkisstjórnir og stórfyrirtæki sem þurfa að senda starfsmenn sína til tímabundinnar dvalar víða um heim. Upplýsingarnar gefa því ekki mynd af því hvar dýrast er fyrir heimamenn að búa.

Fórnarlamb eigin velgengni

Kærur flæða yfir Mannréttindadómstólinn í Evrópu þannig að hann hefur ekki undan. Fyrir dyrum standa breytingar sem fækka eiga málum. Mál héðan hafa haft margvísleg áhrif á löggjöf og vinnulag réttarkerfis hér á landi. Síðustu mál hafa frekar snúið að vinnulagi dómstóla en grundvallaratriðum réttarfars.</font /></b />

Mannræningja ákaft leitað

Yfirvöld í Sádi-Arabíu leituðu í gær ákaft að bandarískum ríkisborgara sem rænt var um helgina. Maðurinn, Paul M. Johnson, er talinn vera í haldi hryðjuverkahóps á vegum al Kaída sem þegar hefur lýst yfir ábyrgð sinni á morði á öðrum Bandaríkjamanni sem drepinn var í höfuðborginni Riyadh um helgina.

Vantraustsyfirlýsing felld

Ísraelska þingið greiddi nú rétt áðan atkvæði um vantraustsyfirlýsingu á hendur Ariel Sharon forsætisráðherra. Niðurstaðan varð sú að yfirlýsingin var felld.

Ísraelar færa stöðvar sínar

Stjórnvöld í Ísrael ætla að færa tvær stórar landamærastöðvar sínar í tengslum við brotthvarf hersins og landnema frá Gaza-ströndinni. Háttsettur ísraelskur embættismaður tilkynnti þetta í dag og jafnframt að Ariel Sharon forsætisráðherra hefði þegar fyrirskipað brottflutninginn.

Framkvæmdi hugmynd Hitler

Einræðisherrann Adolf Hitler gældi við það tæpum 60 árum áður en það raunverulega gerðist að láta flugvélar hlaðnar sprengiefnum fljúga á skýjakljúfa í New York. Voru hugmyndir hans það langt komnar að búið var að þjálfa flugmenn og teikna flugvélarnar, sem hlutu nafnið Amerikabomber. Reyndi Hitler mikið að hefja framleiðslu vélanna við lok stríðsins þegar fyrirséð var að þýski herinn væri á undanhaldi á flestum vígstöðvum en gafst ekki nægilegt tóm til.

Framkvæmdi hugmynd Hitler

Einræðisherrann Adolf Hitler gældi við það tæpum 60 árum áður en það raunverulega gerðist að láta flugvélar hlaðnar sprengiefnum fljúga á skýjakljúfa í New York. Voru hugmyndir hans það langt komnar að búið var að þjálfa flugmenn og teikna flugvélarnar, sem hlutu nafnið Amerikabomber. Reyndi Hitler mikið að hefja framleiðslu vélanna við lok stríðsins þegar fyrirséð var að þýski herinn væri á undanhaldi á flestum vígstöðvum en gafst ekki nægilegt tóm til.

Öllum tiltækum ráðum beitt

Stjórn Kennarasambands Íslands skorar á stjórn Sambands íslenskra sveitarfélaga að beita öllum tiltækum ráðum til að semja við Félag grunnskólakennara og Skólastjórafélag Íslands um nauðsynlegar breytingar á launum og vinnutíma í grunnskólum þannig að sátt ríki um starfið þar og grunnskólinn sé á hverjum tíma eftirsóknarverður og aðlaðandi vinnustaður.

Efnistaka í Undirhlíðum samþykkt

Skipulagsstofnun hefur fallist á fyrirhugaða efnistöku í Undirhlíðum í landi Hafnarfjarðar með fjórum skilyrðum. Í niðurstöðu stofnunarinnar segir meðal annars að stofnunin telji að markmið framkvæmdarinnar um að sameina efnistöku á fáum en vel skipulögðum svæðum og koma í veg fyrir óskipulega efnistöku í landi Hafnarfjarðar sé jákvætt.

Sundlaugin enn opin í Húsafelli

Ekki er hægt að útiloka að Norwalk-veiran sem fundist hefur í sýni sjúklings í kjölfar dvalar í Húsafelli geti verið í neysluvatni á staðnum. Þetta kemur fram á vef Landlæknisembættisins. Ekkert athugavert hefur þó fundist í vatninu á svæðinu. Veiran getur lifað í mat og vatni og borist frá manni til manns með snertingu en einnig benda líkur til að smitið geti verið loftborið.

Tólf biðu bana

Tólf manns biðu bana og þrettán særðust í sjálfsmorðsárás nærri bandarískri herstöð í Bagdad í gær. Íraskir lögreglumenn höfðu stöðvað bifreið sem ók gegn einstefnu þegar mikil sprenging varð með þeim afleiðingum að fjórir lögreglumenn og árásarmaðurinn létust, auk sjö óbreyttra borgara.

Fjórir breskir hermenn ákærðir

Fjórir breskir hermenn verða ákærðir fyrir illa meðferð á föngum í Írak. Talsmaður ríkissaksóknarans í Bretlandi sagði að hermennirnir hefðu misþyrmt föngunum og niðurlægt og hefðu brotið gegn reglum hersins um góða og agaða framkomu. Hermennirnir eru þeir fyrstu í Bretlandi sem sóttir verða til saka fyrir framkomu sína við írakska fanga.

Stjórnmálaáhugi lítill

"Það er erfitt að meta þátttökuna í þessum kosningum þar sem sumarleyfi standa nú yfir en fáir skráðu sig til að kjósa utan kjörfundar," segir Pawel Bartoszek.

Gista ekki í Sádi-Arabíu

Áhafnir breska flugfélagsins British Airways munu ekki dvelja næturlangt í Sádi-Arabíu í tengslum við ferðir félagsins þangað. Félagið tilkynnti um þessa breytingu í gær en hún er tilkomin vegna árása íslamskra öfgamanna á útlendinga í landinu.

Telenor brýtur lög

Neytendasamtök í Noregi gagnrýna stærsta símafyrirtæki landsins, Telenor, harðlega og ásaka það um lögbrot. Fjarskiptafyrirtæki í Noregi eiga í harðri samkeppni og hefur verð á farsímum því lækkað til muna á undanförnum árum.

Ákæra Saddam eða sleppa honum

Alþjóðleg nefnd Rauða krossins hvetur stjórnvöld í Írak til að leggja fram ákærur á Saddam Hussein, fyrrverandi forseta landsins, eða sleppa honum ella þegar heimamenn taka við stjórnartaumunum í Írak.

Sjö fórust í aurskriðu

Sprenging í tengslum við vegaframkvæmdir kom af stað skriðu sem varð sjö manns að bana á Indlandi í gær. Flytja varð tugi manna slasaða á sjúkrahús eftir slysið. Verið var að breikka fjölfarinn fjallveg með þessum afleiðingum en þeir sem fórust voru staddir á veginum þegar skriðan varð.

Íslenskir laganemar unnu

"Þetta gekk allt upp. Við vorum vel undirbúin og heppin," segir Heiða Björg Pálmadóttir laganemi. Hún vann ásamt fimm öðrum laganemum Norrænu málflutningskeppnina sem haldin var hér á landi um helgina. Þetta er í fyrsta sinn sem íslenskt lið ber sigur úr býtum en tólf lið taka þátt í keppninni á ári hverju.

Þórólfur fagnar umræðunni

Þórólfur Árnason borgarstjóri segist ekki hafa ákveðið hvort hann muni sækiast eftir pólitísku burðarhlutverki innan Reykjavíkurlistans. "Það eru tvö ár til kosninga og ég mun meta stöðuna þegar nær dregur."

Sjúkraflug á Reykjaneshrygg

Þyrla Landhelgisgæslunnar, TF-LIF, sótti í dag hjartveikan mann um borð í togarann Venus HF-519, sem var við veiðar á Reykjaneshrygg.

Staðfestir ábendingar okkar

"Þetta staðfestir það sem minnihlutinn hefur lengi bent á. Reykjavíkurlistinn stendur á brauðfótum og er aðframkominn vegna samstarfsþreytu. Pólitísk forysta, sem var lítil fyrir, er nú engin og það eina sem heldur listanum saman er ótti valdaklíkunnar við að missa stólana sína," segir Guðlaugur Þór Þórðarson, borgarfulltrúi Sjálfstæðisflokksins, um ummæli Helga Hjörvar.

Afkáraleg staða til lengdar

Jóhann M. Hauksson, doktor í opinberri stjórnsýslu, segir að fræðilega séð geti borgarstjóri vissulega setið á hlutlausum friðarstóli en það sé bagalegt til lengri tíma. "Hann getur starfað sem framkvæmdastjóri ef pólitíska forystan kemur annars staðar frá, en það er afkáralegt að staðan sé svona til lengdar.

Skýr forysta víst til staðar

"Forystan er ekki lengur bundin í persónu borgarstjóra eins og hún hefur lengi verið í Reykjavík, heldur dreifist milli fleiri ráðamanna sem allir eru í pólitískri forystu," segir Árni Þór Sigurðsson borgarfulltrúi um fullyrðingar Helga Hjörvar í Fréttablaðinu í gær þess efnis að Reykjavíkurlistann skorti forystu.

Enginn fékk hreinan meirihluta

Þjóðernissinninn Tomislav Nikolic hlaut flest atkvæði í forsetakosningunum í Serbíu og Svartfjallalandi sem fram fóru í gær. Samkvæmt fyrstu tölum hlaut Nikolic rúmlega 30% atkvæða en helsti keppinautur hans, Boric Tadic úr flokki umbótasinna, var með rúmlega 27% fylgi.

Tveir drepnir á sólarhring

Tveir háttsettir embættismenn voru drepnir í Írak um helgina. Þeir voru báðir ráðnir af dögum í höfuðborg landsins Bagdad en menningarfulltrúi írakska menntamálaráðuneytisins, Kamal Jarrah, var skotinn fyrir utan heimili sitt í Gasalíja-hverfinu og aðstoðarutanríkisráðherra landsins, Bassam Kubba, var myrtur á leið sinni til vinnu.

Bjargað til byggða

Björgunarsveit frá Höfn í Hornafirði kom að þeim stað sem tveir pólskir ferðamenn óskuðu hjálpar á Vatnajökli á sjöunda tímanum í gær. Mennirnir hófu göngu sína yfir jökulinn á þriðjudaginn, en slæmt veður í gær batt enda á ferðina.

Grafhýsi finnast

Ástralskir fornleifafræðingar grófu upp 5.000 ára gamlan grafreit með tuttugu heillegum grafhýsum í Egyptalandi í gær.

Fíkniefnasalar á Selfossi

Sýslumaðurinn á Selfossi segir vel fylgst með fíkniefnamálum í umdæmi lögreglunnar. Þrjú sjálfstæð mál sem leiddu til upptöku fíkniefna komu upp í aðdraganda helgarinnar. Innbrot hafa einnig verið tíð í mánuðinum. Erfitt að ráða í ástæðurnar. </font /></b />

Ísraelar beina augum frá átökum

Fréttir af ófriðarástandi í Ísrael hafa vikið fyrir forræðadeilu milli hjóna og líffræðilegra foreldra þrettán mánaða drengs þeirra sem vilja fá hann aftur.

Orð forsætisráðherra dauð og ómerk

Tvenn ummæli sem Davíð Oddsson forsætisráðherra lét falla um Jón Ólafsson fyrrverandi aðaleiganda Norðurljósa voru í dag dæmd dauð og ómerk. Davíð á þess ekki kost að áfrýja dóminum. Jón Ólafsson segist hafa fengið það fram sem hann vildi.

Veiku fólki vísað frá

Sveinn Magnússon framkvæmdastjóri Geðhjálpar segir að bráðveiku fólki sé ítrekað vísað frá göngudeild geðdeildar Landspítalans. Átján ára stúlku í sjálfsvígshugleiðingum var tvívegis vísað frá göngudeildinni í vetur, en fyrir tilviljun fundu tveir hlauparar hana í Laugardalnum þar sem hún reyndi að svipta sig lífi.

Bílsprengja í Bagdad

Öflug bílsprengja grandaði að minnsta kosti þrettán manns í Bagdad í morgun. Mikil reiði ríkir vegna tilræðisins og er óttast að frekari árásir verði gerðar.

Eldsvoði í Njarðvík

Slökkviliðsmenn voru í mikilli hættu þegar þeir börðust við eld sem kviknaði á bifreiðaverkstæði í Njarðvík í nótt þar sem mikið var geymt af flugeldum í óleyfi.

Mæðrastyrksnefnd dreifir fatnaði

Mæðrastyrksnefnd tók nýlega við rausnarlegri gjöf frá AKS ehf. þegar Einar Sigfússon afhenti þeim talsvert úrval af nýjum fatnaði, einkum barnafatnaði, en fyrirtækið AKS ehf. stendur fyrir fatamarkaði í Perlunni tvisvar sinnum á ári undir nafninu Merkjavara á silfurfati.

Framtíð Íslands ekki svört

Framtíð Íslands er ekki svört að mati starfsmanna þjóðbúningaleigu Þjóðdansafélags Reykjavíkur. Á þeim forsendum neitaði félagið að lána skautbúning í myndatöku, en þeldökk kona átti að klæðast honum. Peysuföt stóðu þó til boða.

Óværan sem gerir usla á netinu

Útgáfur Netsky ormsins eru fyrirferðamestar á mánaðarlegum lista vírusvarnafyrirtækisins Central Command yfir "sóðatylftina," eða fyrirferðamestu tölvuóværuna í liðnum mánuði. Fyrsta sæti listans vermir hins vegar Sasser ormurinn, sem uppgötvaðist 30. apríl sl. Hann varð fljótlega mjög fyrirferðamikill og sýkti þúsundir Windows tölva um heim allan.