Innlent

Bilun í Arnar­felli og skipið dregið til Fær­eyja

Agnar Már Másson skrifar
Arnarfell flytur vörur á milli Íslands og Evrópu og getur fluttnings getur flutt rúmlega 900 tuttugu feta gámaeiningar.
Arnarfell flytur vörur á milli Íslands og Evrópu og getur fluttnings getur flutt rúmlega 900 tuttugu feta gámaeiningar. Mynd/Samskip

Bilun kom upp í Arnarfelli, gámaflutningaskipi Samskipa, er það silgdi á milli Hjaltlandseyja og Færeyja í nótt. Skipið var á leið til Rotterdam í Hollandi. Skipið verður dregið í land til Runavíkur í Færeyjum. Engan sakaði að sögn Samskipa, sem segja að orsök bilunarinnar sé þekkt.

„Arnarfell varð fyrir vélabilun um helgina sem hefur gert það að verkum að skipið er nú í drætti til Runavíkur í Færeyjum til viðgerðar,“ skrifar Ágústa Hrund Steinarsdóttir, forstöðumaður á markaðs- og samskiptadeildar Samskipa, í svari við fyrirspurn Vísis.

Hún tekur fram að öryggi áhafnar og skips hafi aldrei verið í hættu.

Arnarfell flytur vörur á milli Íslands og Evrópu og getur flutt rúmlega 900 tuttugu feta gámaeiningar.

„Orsök bilunarinnar er þekkt og varahlutir eru til staðar, þannig að vonir standa til að viðgerð taki stuttan tíma,“ bætir hún við.

Af MarineTraffic að dæma virðist Færeyska fiskiskipið Gøtunes draga skipið í land en Arnarfell siglir undir færeyskum fána og á heimahöfn í Þórshöfn.

Verið er að draga skipið í land.Skjáskot/Marine Traffic
Skipaflutningar Færeyjar

Mest lesið


Fleiri fréttir

Sjá meira


×

Mest lesið