Þjálfari Evrópu­meistaranna ber að ofan og ber­fættur á æfingu liðsins

Luis Enrique varð fyrsti stóri Paris Saint Germain til að vinna Meistaradeildina og nú er hann mættur með lið sitt til Bandaríkjanna á heimsmeistarakeppni félagsliða.

PSG byrjaði keppnina frábærlega eða með því að vinna 4-0 sigur á Atlético Madrid í fyrsta leik. Liðið hefur verið frábært eftir áramót og vann þrennuna á nýloknu tímabili. Nú þykir liðið líklegt til að bæta við fjórða titlinum á HM félagsliða.

Enrique er sérstakur maður og enn í flottu formi þótt að hann sé orðinn 55 ára.

Hann klæðir sig líka allt öðruvísi en stjórar hinna stórliða Evrópu. Það sást vel á æfingu PSG í Bandaríkjunum.

Enrique gekk þá um ber að ofan og berfættur eins og ekkert væri eðlilegra. Hér fyrir neðan má sjá þann spænska á æfingu Paris Saint Germain.