Leitað er að sérfræðingi í föstum leikatriðum með UEFA A þjálfaragráðu. Áhugasamir geta sótt um í gegnum LinkedIn síðu Liverpool.
„Í þessu hlutverki verður þú taktískur sérfræðingur sem ber ábyrgð á að hámarka frammistöðu liðsins í öllum föstum leikatriðum. Þetta felur í sér ítarlega greiningu, nákvæma áætlanagerð og hæfni til að þjálfa bæði sóknar- og varnaráætlanir af fagmennsku,“ segir í starfslýsingunni á LinkedIn.
Um er að ræða fullt starf í 35 stunda vinnuviku, launatölur eru ekki gefnar upp en sagðar samkeppnishæfar á sínu sviði.
