Ísak Berg­mann á skotskónum og Düsseldorf dreymir

Ísak Bergmann Jóhannesson er á láni hjá Fortuna frá danska félaginu FC Kaupmannahöfn. Hann var í byrjunarliðinu og skoraði síðara mark liðsins á 64. mínútu leiksins. Markið skoraði hann með hægri fæti eftir gott hlaup inn á teig. Hann hefur nú skorað þrjú mörk og gefið fimm stoðsendingar í 24 deildarleikjum.

Eftir sigur dagsins er Fortuna í 3. sæti með 52 stig, fimm stigum á eftir St. Pauli í 2. sætinu og sex á eftir Holstein Kiel sem trónir á toppnum.

Efstu tvö lið B-deildarinnar fara beint upp í þýsku úrvalsdeildinni á meðan liðið í 3. sæti fer í umspil við liðið í þriðja neðsta sæti úrvalsdeildarinnar.