Hiti að 22 stigum og hlýjast sunnan­lands

Á vef Veðurstofunnar segir að það birti smám saman til suðaustanlands þegar líður á daginn.

Hiti á landinu verður á bilinu tólf til 22 stig að deginum og hlýjast sunnanlands, en mun svalara norðaustanlands.

„Hægari á morgun og bjart veður, en skýjað austanlands og súld með köflum. Hiti breytist lítið.“

Veðurhorfur á landinu næstu daga

Á miðvikudag: Norðlæg átt 3-10 m/s. Skýjað norðan- og austanlands og smásúld eða þokuloft. Hiti 8 til 14 stig. Bjartviðri á Suður- og Vesturlandi með hita að 20 stigum.

Á fimmtudag: Hæg breytileg átt. Viða léttskýjað, en skýjað austast. Þokabakkar við norður- og austurströndina. Hiti 10 til 19 stig, hlýjast inn til landsins.

Á föstudag: Suðvestlæg átt, 3-10. Þykknar upp á vestanverðu landinu og fer að rigna seinnipartinn. Lengst af bjart fyrir austan. Hiti 10 til 20 stig, hlýjast norðaustanlands.

Á laugardag: Ákveðin sunnanátt með rigningu eða súld, en úrkomulítið. Hiti 12 til 22 stig, hlýjast á Austurlandi.

Á sunnudag: Stíf suðvestlæg átt með rigningu vestanlands, en bjart með köflum fyrir austan. Hiti 8 til 18 stig, hlýjast austanlands.

Á mánudag: Vestlæg eða breytileg átt og skúrir á víða og dreif. Kólnandi.