Veður

Hvessir og gert ráð fyrir stormi á morgun

Atli Ísleifsson skrifar
Gera má ráð fyrir hita á bilinu sex til þrettán stig á landinu í dag.
Gera má ráð fyrir hita á bilinu sex til þrettán stig á landinu í dag. Vísir/Vilhelm

Veðurstofan gerir ráð fyrir minnkandi vindi og að það dragi úr úrkomu í dag. Það mun svo fara að rigna sunnan- og vestantil í kvöld og hvessir verulega á landinu þegar skilin fara hjá.

Á vef Veðurstofunnar kemur fram að hiti verði á bilinu sex til þrettán stiga hita í dag.

Á morgun er svo gert ráð fyrir suðvestan hvassviðri eða stormi með mjög hvössum skúra eða élja hryðjum. Það kólnar dálítið í skúraloftinu.

Festa þarf lausamuni sem annars gætu fokið. Á miðvikudag en farið að lægja og draga úr úrkomu aftur og hlýnar þá dálítið aftur.

Spákort fyrir klukkan 14.Veðurstofan

Veðurhorfur á landinu næstu daga

Á þriðjudag: Gengur í suðvestan 13-20 m/s. Rigning og síðar skúrir, en yfirleitt þurrt á Norðaustur- og Austurlandi. Hiti 5 til 17 stig, hlýjast austanlands.

Á miðvikudag: Vestan 8-15 og smáskúrir eða slydduél, hiti 3 til 10 stig, mildast suðaustanlands.

Á fimmtudag: Suðvestan 5-10, skýjað með köflum og dálitlar skúrir vestantil. Hiti 7 til 13 stig.

Á föstudag: Suðvestanátt og súld eða rigning, en úrkomulítið austanlands. Hiti 7 til 18 stig, hlýjast á Austurlandi.

Á laugardag: Vestlæg átt með rigningu og síðar skúrum, en úrkomulítið austanlands. Heldur kólnandi.

Á sunnudag (hvítasunnudagur): Útlit fyrir suðvestlæga átt með skúrum en þurrt á austanverðu landinu. Hiti 6 til 12 stig.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið