Veður

Mildar aust­lægar áttir leika um landið næstu daga

Atli Ísleifsson skrifar
Búist er við að hiti verði á bilinu sjö til fjórtán stigum að deginum.
Búist er við að hiti verði á bilinu sjö til fjórtán stigum að deginum. Vísir/Vilhelm

Mildar austlægar áttir leika um landið á næstunni og má reikna með að hitatölur geti náð fimmtán stigum þar sem best lætur yfir hádagi. Það má reikna með að það verði fremur þungbúið, en yfirleitt bjartara norðanlands.

Í hugleiðingum veðurfræðings á vef Veðurstofunnar segir að þetta veðurlag muni líklega standa fram yfir helgi.

Reikna má með suðustlægri átt, þremur til tíu metrum á sekúndu, en tíu til fimmtán syðst.

„Rigning með köflum á sunnan- og vestanverðu landinu, en skýjað og þurrt fyrir norðan. Styttir upp sunnanlands í kvöld.

Hiti 7 til 14 stig að deginum.“

Spákort fyrir klukkan 14.Veðurstofan

Veðurhorfur á landinu næstu daga

Á laugardag: Austlæg átt, 3-10 m/s og víða dálítil væta með köflum, en bjartviðri á Norður- og Austurlandi. Hiti 7 til 14 stig.

Á sunnudag, mánudag og þriðjudag: Austlægar áttir og dálítil væta með köflum, en lengst af þurrt á Norðurlandi. Áfram milt veður.

Á miðvikudag: Hæg breytileg átt og þurrt víðast hvar. Heldur svalara.

Á fimmtudag: Útlit fyrir suðaustlæga átt með dálítilli vætu sunnan- og vestantil, annars úrkomulítið. Hiti 6 til 12 stig.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið