Meintur gerandi fái vernd á meðan brotaþoli og fjölskylda sitja í djúpum sárum Fanndís Birna Logadóttir skrifar 9. janúar 2023 14:31 Helga Baldvins Bjargardóttir lögmaður er réttargæslumaður stúlkunnar. Stúlkan greindi fyrst frá ofbeldinu fyrir tæplega tveimur árum en ákæra hefur ekki enn verið gefin út. Vísir/Baldur Réttargæslumaður fimmtán ára stúlku, sem sakaði stjúpföður sinn um ítrekað og gróft kynferðisofbeldi, segir ekki boðlegt að réttarkerfið geti ekki unnið úr málum án þess að valda brotaþolum skaða. Stúlkan hafi þurft að bíða í nærri tvö ár án ákæru og lögreglan á þeim tíma afhent manninum síma brotaþola. Maðurinn nýtur nú verndar í formi nálgunarbanns. Í næsta mánuði verða tvö ár liðin frá því að stúlkan, sem er í dag fimmtán ára, greindi í viðtali hjá Barnahúsi frá ítrekuðu og grófu kynferðisofbeldi af hálfu fyrrum stjúpföður síns en ofbeldið átti sér stað frá því hún var níu ára þar til hún var tólf ára. Helga Baldvins Bjargardóttir, réttargæslumaður stúlkunnar, segir málið hafa verið hjá lögreglu í tæpt ár án þess að rætt hafi verið við vitni né kallað eftir skýrslu frá Barnahúsi. Málið var þá hjá ákæruvaldinu í hálft ár áður en ákveðið var að senda það aftur til rannsóknar. Í millitíðinni afhenti lögregla manninum síma stúlkunnar fyrir mistök. „Þetta hefur bara gríðarlega slæm áhrif á brotaþola og öll málsmeðferðin, að þetta taki svona ofboðslega langan tíma og sé svo komið aftur til ákæruvaldsins. Það eru komin tvö ár síðan barnið segir frá,“ segir Helga. Tilhugsunin um að gerandi hafi aðgang að símanum yfirþyrmandi Hvað síma stúlkunnar varðar bendir Helga á að maðurinn kunni öll lykilorð og geti því hæglega komist að viðkvæmum upplýsingum. Þó lögregla hafi beðist afsökunar og bætt stúlkunni símann fjárhagslega hafi þau ekki fallist á kröfu föður hennar um að húsleit yrði gerð hjá manninum og hann tekinn trúanlegur að hann hafi hent símanum. Lögreglu hefði átt að vera ljóst frá upphafi að síminn, sem er neon litaður, hafi ekki tilheyrt manninum. Allt hafi þetta haft gríðarlega alvarleg sálræn áhrif á stúlkuna. „Hún rauk upp í áfallastreitu og áfallaviðbrögðum við þetta, og bara tilhugsunin um að meintur gerandi komist í allar þessar myndir og einkaskilaboð eru bara yfirþyrmandi,“ segir Helga. Bróðir og faðir úrskurðaðir í nálgunarbann Faðir stúlkunnar sagði í samtali við DV fyrir helgi að rannsókn lögreglu hafi verið misheppnuð og fulla af klúðri en hann sætir nú nálgunarbanni vegna hótana í garð mannsins. Hann gekkst við því í viðtalinu að hafa hótað að eyðileggja líf mannsins og fjölskyldu hans. „Þessi maður rústaði lífi dóttur minnar. Hann skal fá makleg málagjöld. Hann braut mörg hundruð sinnum gegn henni á viðbjóðslegan hátt. Það sem hann gerði er ófyrirgefanlegt,“ segir faðirinn, sem ekki vill láta nafns síns getið, í samtali við DV. Sonur hans, bróðir stúlkunnar, var einnig úrskurðaður í nálgunarbann af Héraðsdómi Reykjavíkur eftir að hann réðst á manninn þann 11. október en Landsréttur felldi þann úrskurð úr gildi í lok síðasta mánaðar. Meintur gerandi fær vernd meðan fjölskyldan situr í sárum Helga bendir á að sonurinn hafi einnig verið beittur ofbeldi og kært manninn en það ekki hafa fengið framgöngu í kerfinu þar sem hann mundi atvikin illa. Hann hafi rekist á manninn á förnum vegi og ráðist á hann. „Það er þá sem að gerandi fær nálgunarbann bæði á bróðurinn og á föður brotaþola,“ segir Helga en hún segir föðurinn öskureiðan, líkt og við var að búast. „Þetta er ferli sem að tekur bara tvo mánuði og þarna er meintur gerandi kominn með vernd á meðan brotaþoli og fjölskylda sitja í djúpum sárum í tvö ár að bíða eftir einhverri niðurstöðu í málinu,“ segir hún enn fremur. Nauðsynlegt sé að gera betur. Lögreglan sé vanfjármögnuð en skorti einnig þekkingu á ofbeldi, áföllum og áfallamiðaðri nálgun. „Það er í rauninni ekki boðlegt að senda brotaþola af stað með að kæra málin sín og berskjalda sig svona og afhenda viðkvæmustu og erfiðustu upplýsingar lífs síns kerfi sem að kann ekki að taka við þeim og vinna úr þeim á þann hátt að það valdi þeim ekki skaða,“ segir Helga. Kynferðisofbeldi Dómsmál Lögreglumál Ofbeldi gegn börnum Tengdar fréttir „Að rústa þér andlega og líkamlega er það eina sem ég mun einbeita mér að“ Landsréttur hefur staðfest úrskurð Héraðsdóms Reykjavíkur um nálgunarbann á hendur manni sem ítrekað hefur haft uppi grófar hótanir, þar á meðal líflátshótanir, í garð annars manns og fjölskyldu hans. 2. janúar 2023 21:09 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Stærsti gígurinn orðinn „formfagur“ Innlent Íbúar Hlíða velta fyrir sér dularfullum hvelli Innlent Voru sérstaklega varaðir við árás frá ISKP Erlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Í næsta mánuði verða tvö ár liðin frá því að stúlkan, sem er í dag fimmtán ára, greindi í viðtali hjá Barnahúsi frá ítrekuðu og grófu kynferðisofbeldi af hálfu fyrrum stjúpföður síns en ofbeldið átti sér stað frá því hún var níu ára þar til hún var tólf ára. Helga Baldvins Bjargardóttir, réttargæslumaður stúlkunnar, segir málið hafa verið hjá lögreglu í tæpt ár án þess að rætt hafi verið við vitni né kallað eftir skýrslu frá Barnahúsi. Málið var þá hjá ákæruvaldinu í hálft ár áður en ákveðið var að senda það aftur til rannsóknar. Í millitíðinni afhenti lögregla manninum síma stúlkunnar fyrir mistök. „Þetta hefur bara gríðarlega slæm áhrif á brotaþola og öll málsmeðferðin, að þetta taki svona ofboðslega langan tíma og sé svo komið aftur til ákæruvaldsins. Það eru komin tvö ár síðan barnið segir frá,“ segir Helga. Tilhugsunin um að gerandi hafi aðgang að símanum yfirþyrmandi Hvað síma stúlkunnar varðar bendir Helga á að maðurinn kunni öll lykilorð og geti því hæglega komist að viðkvæmum upplýsingum. Þó lögregla hafi beðist afsökunar og bætt stúlkunni símann fjárhagslega hafi þau ekki fallist á kröfu föður hennar um að húsleit yrði gerð hjá manninum og hann tekinn trúanlegur að hann hafi hent símanum. Lögreglu hefði átt að vera ljóst frá upphafi að síminn, sem er neon litaður, hafi ekki tilheyrt manninum. Allt hafi þetta haft gríðarlega alvarleg sálræn áhrif á stúlkuna. „Hún rauk upp í áfallastreitu og áfallaviðbrögðum við þetta, og bara tilhugsunin um að meintur gerandi komist í allar þessar myndir og einkaskilaboð eru bara yfirþyrmandi,“ segir Helga. Bróðir og faðir úrskurðaðir í nálgunarbann Faðir stúlkunnar sagði í samtali við DV fyrir helgi að rannsókn lögreglu hafi verið misheppnuð og fulla af klúðri en hann sætir nú nálgunarbanni vegna hótana í garð mannsins. Hann gekkst við því í viðtalinu að hafa hótað að eyðileggja líf mannsins og fjölskyldu hans. „Þessi maður rústaði lífi dóttur minnar. Hann skal fá makleg málagjöld. Hann braut mörg hundruð sinnum gegn henni á viðbjóðslegan hátt. Það sem hann gerði er ófyrirgefanlegt,“ segir faðirinn, sem ekki vill láta nafns síns getið, í samtali við DV. Sonur hans, bróðir stúlkunnar, var einnig úrskurðaður í nálgunarbann af Héraðsdómi Reykjavíkur eftir að hann réðst á manninn þann 11. október en Landsréttur felldi þann úrskurð úr gildi í lok síðasta mánaðar. Meintur gerandi fær vernd meðan fjölskyldan situr í sárum Helga bendir á að sonurinn hafi einnig verið beittur ofbeldi og kært manninn en það ekki hafa fengið framgöngu í kerfinu þar sem hann mundi atvikin illa. Hann hafi rekist á manninn á förnum vegi og ráðist á hann. „Það er þá sem að gerandi fær nálgunarbann bæði á bróðurinn og á föður brotaþola,“ segir Helga en hún segir föðurinn öskureiðan, líkt og við var að búast. „Þetta er ferli sem að tekur bara tvo mánuði og þarna er meintur gerandi kominn með vernd á meðan brotaþoli og fjölskylda sitja í djúpum sárum í tvö ár að bíða eftir einhverri niðurstöðu í málinu,“ segir hún enn fremur. Nauðsynlegt sé að gera betur. Lögreglan sé vanfjármögnuð en skorti einnig þekkingu á ofbeldi, áföllum og áfallamiðaðri nálgun. „Það er í rauninni ekki boðlegt að senda brotaþola af stað með að kæra málin sín og berskjalda sig svona og afhenda viðkvæmustu og erfiðustu upplýsingar lífs síns kerfi sem að kann ekki að taka við þeim og vinna úr þeim á þann hátt að það valdi þeim ekki skaða,“ segir Helga.
Kynferðisofbeldi Dómsmál Lögreglumál Ofbeldi gegn börnum Tengdar fréttir „Að rústa þér andlega og líkamlega er það eina sem ég mun einbeita mér að“ Landsréttur hefur staðfest úrskurð Héraðsdóms Reykjavíkur um nálgunarbann á hendur manni sem ítrekað hefur haft uppi grófar hótanir, þar á meðal líflátshótanir, í garð annars manns og fjölskyldu hans. 2. janúar 2023 21:09 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Stærsti gígurinn orðinn „formfagur“ Innlent Íbúar Hlíða velta fyrir sér dularfullum hvelli Innlent Voru sérstaklega varaðir við árás frá ISKP Erlent Svipar til gamalla óupplýstra rána Innlent Hætt við framboð og vonast eftir þjóðhollum og guðræknum forseta Innlent Fullkomlega sáttur við ákvörðun sína en útilokar ekkert Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
„Að rústa þér andlega og líkamlega er það eina sem ég mun einbeita mér að“ Landsréttur hefur staðfest úrskurð Héraðsdóms Reykjavíkur um nálgunarbann á hendur manni sem ítrekað hefur haft uppi grófar hótanir, þar á meðal líflátshótanir, í garð annars manns og fjölskyldu hans. 2. janúar 2023 21:09