Út­lit fyrir tíðinda­lítið veður á landinu

Á vef Veðurstofunnar segir að austantil á landinu verði þó norðvestan kaldi eða strekkingur og þar megi búast við lítilsháttar snjókomu fram yfir hádegi.

Frost verður yfirleitt á bilinu núll til tólf stig, mildast austast á landinu.

„Austlæg eða breytileg átt 5-13 m/s á morgun og þurrt að kalla, en sunnantil á landinu má búast við dálitlum éljum og einnig austanlands annað kvöld. Áfram svalt í veðri,“ segir í hugleiðingum veðurfræðings á vef Veðurstofunnar.

Veðurhorfur á landinu næstu daga

Á fimmtudag: Austlæg eða breytileg átt 3-10 m/s, en 8-13 við suðausturströndina. Dálítil él sunnantil og einnig austanlands um kvöldið, annars þurrt að kalla. Frost 0 til 12 stig, mildast syðst.

Á föstudag: Norðaustan 5-13 og dálítil él, en þurrt um landið sunnanvert. Bætir í vind um kvöldið. Hiti breytist lítið.

Á laugardag: Norðaustan 10-18 og slydda eða snjókoma með köflum, en þurrt suðvestanlands. Hlýnar í veðri.

Á sunnudag: Ákveðin norðaustanátt og snjókoma eða slydda, en úrkomuminna sunnanlands. Hiti kringum frostmark.

Á mánudag: Norðaustlæg átt og snjókoma með köflum, en þurrt að kalla sunnan heiða. Kólnar heldur.

Á þriðjudag: Útlit fyrir austan- og norðaustanátt með snjókomu eða éljum norðan- og vestanlands.