Veður

Frost að fjórtán stigum

Atli Ísleifsson skrifar
Sigurður Aron Sigurðarson tók til hendinni í Kópavogi í gær
Sigurður Aron Sigurðarson tók til hendinni í Kópavogi í gær Vísir/Vilhelm

Veðurstofan spáir fremur hægri norðlægri átt í dag og á morgun, Þorláksmessu. Reikna má með dálitlum éljum norðan- og austanlands, en annars yfirleitt léttskýjað. Þó eru um að él gætu slæðst inn á Suðurland annað kvöld.

Á vef Veðurstofunnar segir að það varði talsvert frost á öllu landinu, einkum í innsveitum. Segir að frost verði á bilinu þrjú til fjórtán stig síðdegis.

„Á aðfangadag er búist við nokkrum smálægðum eða lægðadrögum á dóli úti fyrir ströndinni, en þeim fylgir snjókoma eða él í flestum landshlutum. Jafnframt dregur þá úr frostinu.“

Spákort fyrir klukkan 14 í dag.Veðurstofan

Veðurhorfur á landinu næstu daga

Á föstudag (Þorláksmessa): Hæg norðlæg eða breytileg átt og dálítil él norðantil, en bjart með köflum sunnan heiða. Frost 4 til 16 stig, mest í innsveitum.

Á laugardag (aðfangadagur jóla): Norðan 5-15 m/s og víða él eða dálítil snjókoma, hvassast norðvestantil. Frost 5 til 18, kaldast inn til landsins.

Á sunnudag (jóladagur): Stíf norðlæg átt og víða él, en úrkomulítið suðvestanlands. Talsvert frost.

Á mánudag (annar í jólum): Suðaustlæg átt, strekkingur og dálítil snjókoma við suðurströndina, en annars hægari og úrkoulítið. Frost 1 til 14 stig, minnst syðst.

Á þriðjudag: Útlit fyrir stífa suðaustanátt með snjókomu, en síðar slyddu sunnan- og vestantil. Heldur hlýnandi veður.

Á miðvikudag: Snýst líklega í norðaustanátt með éljum.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið