Vill bora öll jarðgöng sem þörf er á hérlendis á næstu þrjátíu árum

Kristján Már Unnarsson skrifar 1. desember 2022 22:20

Sigurður Ingi Jóhannsson er innviðaráðherra. Steingrímur Dúi Másson

Sigurður Ingi Jóhannsson innviðaráðherra vill að á næstu þrjátíu árum verði reynt að bora öll þau jarðgöng sem þörf er á hérlendis en fjármagna þau í allt að fimmtíu ár eftir það.

Fjallað var um málið í fréttum Stöðvar 2 en eftir að Dýrafjarðargöng voru opnuð fyrir tveimur árum hefur jarðgangagerð legið niðri. Þó heyrast kröfur um ný göng nánast úr öllum landshlutum. Ráðherra innviða boðar núna nýja nálgun.

Frá opnun Dýrafjarðarganga þann 25. október árið 2020. Bílalestin var nærri tveggja kílómetra löng, svo mikil var eftirvæntingin.Hafþór Gunnarsson

„Þannig að í stað þess að hafa horft til þess, eigum við að segja, að jarðgöng á Íslandi hingað til hafi verið þannig að einhver mjög duglegur þingmaður í einhverjum landshluta hafi náð að hvetja til aðgerðarinnar, að þá erum við að taka öll jarðgöng undir,“ segir Sigurður Ingi Jóhannsson.

„Við erum að reyna að búa til þá hugmyndafræði að í næstu jarðgangaáætlun setjum við fram þannig að á næstu þrjátíu árum munum við reyna að byggja öll þau göng sem við þurfum en fjármagna þau kannski allt að fimmtíu ár eftir þann tíma,“ segir innviðaráðherra.

Tölvugerð mynd sýnir fyrirhugaðan gangamunna Fjarðarheiðarganga í Seyðisfirði.Vegagerðin/Mannvit

Samkvæmt gildandi samgönguáætlun er gert ráð fyrir að Fjarðarheiðargöng til Seyðisfjarðar verði næst. En stendur sú forgangsröðun?

„Mér finnst eðlilegt að við stöndum við gefin loforð. Nema það sé eitthvað annað sem Alþingi taki ákvörðun um. Þá verð ég auðvitað að framfylgja því.“

Þegar ráðherrann er spurður hvaða önnur göng hann teldi helst koma til skoðunar nefnir hann þessi:

„Í kringum Siglufjörð, Siglufjarðarskarðið, þar sem Almenningar eru að fara niður. Göng á Vestfjörðum. Svo er náttúrlega verið að fjalla um göng víðar í kerfinu. Til dæmis göng undir Reynisfjall og fleiri göng á Austfjörðum.“

Siglufjarðarvegur við Strákagöng.Skjáskot/Stöð 2

Við fjármögnun vill hann horfa til Færeyinga sem fyrirmyndar að hluta en einnig segir hann þetta tengjast endurskoðun gjalda af umferð.

„Þar sem við erum að takast á við framtíðar samgöngugjöld á sama tíma og við munum sjá eldsneytisgjöldin, bensín- og olíugjaldið, fara út,“ segir Sigurður Ingi Jóhannsson.

Hér má sjá frétt Stöðvar 2:

Samgöngur Vegagerð Dýrafjarðargöng Byggðamál Vegtollar Múlaþing Ísafjarðarbær Súðavíkurhreppur Fjallabyggð Mýrdalshreppur Vestmannaeyjar Vesturbyggð Tálknafjörður Skagafjörður Reykhólahreppur Færeyjar

Tengdar fréttir

Annasamt verkefni að flytja jarðgangafréttir í Færeyjum

Sá sem skrifar fréttir af gangi jarðgangaverkefna í Færeyjum í vef Landsverks, vegagerðar þeirra Færeyinga, hefur sannarlega frá nógu að segja þessa dagana. Svo mikil er atorkan hjá frændþjóð Íslendinga í að bæta samgöngukerfi sitt með fleiri jarðgöngum.

19. nóvember 2022 14:20

Talsmenn Súðavíkur- og Fljótaganga segja ekki boðlegt að bíða í áratugi

Talsmenn sveitarfélaga sem þrýsta á Súðavíkurgöng fyrir vestan og Fljótagöng fyrir norðan segja þessi verkefni það brýn að ekki sé hægt að bíða eftir því að jarðgangagerð klárist á Mið-Austurlandi. Áformað er að samgönguáætlun verði endurskoðuð á Alþingi eftir áramót.

8. nóvember 2022 22:01

Þjóðbraut liggi um Hjaltadal á ný með göngum undir Tröllaskaga

Margir Norðlendingar sjá fyrir sér að jarðgöng undir Tröllaskaga verði til þess að Hólar í Hjaltadal endurheimti fyrri sess sem miðstöð Norðurlands.

24. október 2022 21:42

Fólu bæjarstjóra að hefja samtal um jarðgöng til Vestmannaeyja

Á fyrsta fundi nýrrar bæjarstjórnar Vestmannaeyjabæjar samþykkti bæjarstjórn tillögu þess efnis að bæjarstjóra og bæjarstjórn yrði falið að hefja samtal við stjórnvöld um að kanna fýsileika á gerð jarðgangna milli lands og Eyja.

9. júní 2022 19:14

Ný bortækni gæti valdið byltingu í jarðgangagerð

Ný aðferð í jarðgangagerð sem felst í að nota plasma-ljósboga til að mölva sér leið í gegnum berg vekur vonir um að jafnvel villtustu draumar margra á Íslandi um veggöng gætu ræst. Fullyrt er að með þessari tækni megi grafa göng margfalt hraðar og margfalt ódýrar en með núverandi tækni og með mun minni umhverfisáhrifum.

2. ágúst 2022 15:36

Fjarðarheiði gleypir öll framlög og veggjöld til jarðganga í sautján ár

Svo fjárfrek verða Fjarðarheiðargöng að öll framlög á fimmtán ára jarðgangaáætlun ásamt gjaldtöku af öllum göngum duga ekki til að greiða kostnaðinn. Rými til að grafa næstu göng í landinu skapast vart fyrr en í kringum árið 2040.

14. júlí 2022 22:30

Kynnir stofnun opinbers hlutafélags um gjaldtöku af vegum og göngum

Sigurður Ingi Jóhannsson innviðaráðherra hefur kynnt á samráðsgátt stjórnvalda áform um að stofna opinbert hlutafélag um uppbyggingu og rekstur samgönguinnviða. Helsta hlutverk félagsins verður að innheimta notkunargjöld, bæði af vegum og jarðgöngum.

19. júlí 2022 12:16

Mjófirðingar kalla eftir laxeldi og jarðgöngum til að treysta byggð

Tvísýnt er um framtíð byggðar í Mjóafirði eftir að skólahald lagðist þar af fyrir fjórum árum. Þegar Mjófirðingar eru spurðir hvað sé til bjargar er svarið skýrt: Jarðgöng og laxeldi.

21. febrúar 2022 22:20

Vestfirðingar vilja láta bora fern ný jarðgöng

Forystumenn á Vestfjörðum telja þörf á minnst fernum nýjum jarðgöngum í fjórðungum til að koma samgöngumálum þar í viðunandi horf; einum á norðanverðum fjörðunum og þrennum á sunnanverðum.

6. janúar 2021 23:19

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.