Tónlist

Þórir Snær Sigurðs­son vann Rímna­flæði 2022

Auður Ösp Guðmundsdóttir skrifar
Þórir Snær Sigurðsson, Lil Hailo sló í gegn með lagið sitt „Úlpa“.
Þórir Snær Sigurðsson, Lil Hailo sló í gegn með lagið sitt „Úlpa“.

Sigurvegari Rímnaflæði 2022 er Þórir Snær Sigurðsson, Lil Hailo frá félagsmiðstöðinni Gleðibankinn í Reykjavík sem sló í gegn með lagið sitt „Úlpa“. Í öðru sæti var Bjartmar Elí frá félagsmiðstöðinni Bólið í Mosfellsbæ með lagið „Fullorðnir menn“. Valur Rúnarsson Bridde úr félagsmiðstöðinni Kúlan í Kópavogi tók þriðja sætið með lagið „Auðmjúkur“.

Rímnaflæði, rappkeppni unga fólksins á aldrinum 13-16 ára er stökkpallur fyrir unga rappara var fyrst haldin árið 1999 í Miðbergi. Síðustu tvö ár var viðburðurinn haldinn á netinu og segir í tilkynningu að mjög gaman hafi verið að geta loksins haldið þennan viðbuðrinn aftur með keppendur og áhorfendur á staðnum í Fellahelli.

„Við óskum öllum keppendum innilega til hamingju með frábæra frammistöðu. Það er ljóst að framtíðin í rappinu er björt og eru margir efnilegir rapparar að taka sín fyrstu skref.“ 

Dómnefndina skipuðu þau Ragna Kjartansdóttir, Ragnhildur Holm og Árni Matthíasson. Plötusnúðarnir Patrekur og Hilmar „Einn og hálfur Dj" úr félagsmiðstöðinni Sigyn spiluðu í upphafi viðburðar. 

Einnig komu fram Ragnheiður Inga Matthíasdóttir (Ragga Rix) sigurvegari Rímnaflæði 2021, Jónas Víkingur (Johnny Boy) sigurvegari Rímnaflæði 2020, Daniil, Issi og Ízleifur.

Að neðan má sjá myndband frá Rímnaflæði 2021.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.