Veður

Norðan­átt og rigning og slydda með köflum

Atli Ísleifsson skrifar
Hiti á landinu verður á bilinu núll til sjö stig.
Hiti á landinu verður á bilinu núll til sjö stig. Vísir/Vilhelm

Veðurstofan spáir norðan og norðaustan átta til fimmtán metrum á sekúndu í dag. Úrkomulítið vestanlands, annars rigning eða slydda með köflum, einkum norðaustantil og þar má búast við snjókomu á heiðum.

Í hugleiðingum veðurfræðings segir að hiti verði á bilinu núll til sjö stig, mildast syðst.

Það verður heldur hægari vindur á morgun og lítilsháttar rigning á Norður- og Austurlandi, en þurrt og bjart sunnanlands.

Snýst í austanátt á föstudag með stöku skúrum eða slydduéljum.

Spákort fyrir klukkan 14.Veðurstofan

Veðurhorfur á landinu næstu daga

Á fimmtudag: Norðan 5-13 m/s og rigning eða slydda með köflum, en yfirleitt þurrt á Suður- og Vesturlandi. Hiti 2 til 8 stig, mildast við suðurströndina.

Á föstudag: Norðaustan og austan 5-13. Stöku skúrir, en þurrt vestanlands. Vaxandi austanátt á sunnan- og vestanverðu landinu um kvöldið. Hiti 0 til 7 stig.

Á laugardag: Ákveðin austanátt og rigning eða slydda með köflum, en úrkomulítið norðvestanlands. Hiti breytist lítið.

Á sunnudag og mánudag: Austlæg átt, rigning með köflum og milt veður.

Á þriðjudag: Breytileg átt og víða dálítil rigning.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið