Veður

Hæg­lætis veður í dag en lægð nálgast landið

Atli Ísleifsson skrifar
Hiti á landinu verður á bilinu fimm til ellefu stig í dag.
Hiti á landinu verður á bilinu fimm til ellefu stig í dag. Vísir/Vilhelm

Veðurstofan spáir hæglætis veðri á landinu í dag – hægri suðlægri eða breytilegri átt og dálítilli vætu á víð og dreif. Þó verður lengst af þurrt á Norðurlandi.

Á vef Veðurstofunnar segir að hiti verði á bilinu fimm til ellefu stig yfir daginn.

„Á morgun nálgast lægð úr suðvestri. Þá gengur í austan og suðaustan kalda eða stinningskalda með rigningu allvíða, og síðdegis má búast við allhvössum vindstrengjum sunnantil á landinu. Á norðaustanverðu landinu verður hins vegar yfirleitt þurrt fram á kvöld,“ segir í tilkynningunni.

Spákort fyrir klukkan 14 í dag.Veðurstofan

Veðurhorfur á landinu næstu daga

Á fimmtudag: Vaxandi austan- og suðaustanátt, 10-18 m/s síðdegis, en hægari norðan- og austanlands. Víða rigning, en þurrt á norðaustanverðu landinu fram á kvöld. Hiti 6 til 11 stig.

Á föstudag: Norðaustan 5-13 og rigning, en 10-18 um landið norðvestanvert og væta með köflum. Úrkomulítið suðvestanlands. Hiti breytist lítið.

Á laugardag: Norðaustan 10-18 og rigning, en hægari á Suður- og Vesturlandi og þurrt að kalla. Hiti áfram svipaður.

Á sunnudag: Breytileg átt og dálítil væta á víð og dreif, hiti 7 til 11 stig.

Á mánudag: Austanátt og víða rigning. Hiti breytist lítið.

Á þriðjudag: Breytileg átt og rigning, en þurrt að kalla norðaustanlands. Heldur kólnandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.