Veður

Norð­vestan gola, skúrir og fremur svalt

Atli Ísleifsson skrifar
Hiti á landinu í dag verður á bilinu fjögur til fjórtán stig þar sem mildast verður á Suðausturlandi.
Hiti á landinu í dag verður á bilinu fjögur til fjórtán stig þar sem mildast verður á Suðausturlandi. Vísir/Vilhelm

Veðurstofan spáir norðvestan golu eða kalda í dag, skúraleiðingum og og fremur svölu veðri. Hitinn kemst þó líklega í þrettán til fjórtán stig á Suðausturlandi þegar best lætur.

Í hugleiðingum veðurfræðings segir að það verði suðvestan fimm til tíu metrar á sekúndu á morgun, en tíu til fimmtán norðvestantil á landinu. Þurrt og bjart veður, en skýjað með köflum vestanlands.

Gengur í hvassa suðvestanátt með rigningu á laugardag, en úrkomulítið á Austurlandi. Hiti 10 til 20 stig, hlýjast á Austfjörðum.

Spákort fyrir klukkan 14.Veðurstofan

Veðurhorfur á landinu næstu daga

Á föstudag (haustjafndægur): Suðvestan 5-15 m/s, hvassast norðvestantil. Víða bjartviðri, en skýjað með köflum vestanlands. Hiti 6 til 13 stig.

Á laugardag: Gengur í suðvestan 15-23 með rigningu, sums staðar talsverð úrkoma, en þurrt austanlands fram á kvöld. Hiti 10 til 19 stig, hlýjast fyrir austan.

Á sunnudag: Snýst í norðan og norðvestan 10-18 með dálítilli slyddu, en styttir upp á Suður- og Vesturlandi. Kólnandi, hiti 2 til 8 stig eftir hádegi. Mun hægari vindur vestanlands síðdegis en hvessir þá austantil.

Á mánudag: Norðvestanátt og víða léttskýjað, hiti 3 til 8 stig yfir daginn.

Á þriðjudag og miðvikudag: Suðlæg átt og dálítil væta með köflum. Hiti 5 til 10 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×