Sjáðu Bríeti og Sinfó spila fyrir gesti Norwegian Prima

Sylvía Rut Sigfúsdóttir skrifar 29. ágúst 2022 09:49

Bríet kom fram í Hörpu um helgina. Norwegian Cruise Line.

Söngkonan Bríet söng á tvennum tónleikum í Hörpu á föstudag fyrir Katy Perry og gesti skemmtiferðaskipsins Norwegian Prima.

Tilefnið var formleg skírn skipsins, en Katy Perry guðmóðir Norwegian Prima fékk þann heiður að gefa skipinu nafn í Hörpu. Bríet hékk úr loftinu og söng eins engill í hvítum síðum kjól. Tók hún lög á borð við Sólblóm, Hann er ekki þú, Carousel og Cold Feet en Sinfó spilaði undir við flest lögin. Að sögn Steinunnar Camillu, umboðsmanns Bríetar, fékk hún virkilega góðar viðtökur frá salnum. Gestir í Hörpu fengu einnig að sjá einstakt ljósaverk eftir Ólaf Elíasson.

Hér fyrir neðan má sjá stutt myndband af flutningi söngkonunnar í Hörpu.

Klippa: Bríet skemmti gestum Norwegian Prima í Hörpu

Tónlist Harpa Skemmtiferðaskip á Íslandi

Tengdar fréttir

Hannaði silfurmen með safírum og demöntum fyrir Katy Perry

Guðbjörg Kristín Ingvarsdóttir, skartgripahönnuður og eigandi Aurum, hannaði stórt silfurhálsmen með safírum og demöntum fyrir Katy Perry sem tónlistarkonan bar á sérstakri skírnarathöfn skemmtiferðaskipsins Norwegian Prima við Skarfabakka í gær.

28. ágúst 2022 16:48

Innlit í skemmtiferðaskipið við Klettagarða í Reykjavík

Stórt skemmtiferðaskip hefur vakið athygli við höfnina hjá Klettagörðum í Reykjavík síðustu daga. Skipið sem um ræðir er skemmtiferðaskipið Norwegian Prima sem mun fá formlega nafngift við Skarfabakka um helgina.

26. ágúst 2022 13:55