Innlent

Allt að þrjá­tíu metrar á sekúndu

Viktor Örn Ásgeirsson skrifar
Viðvaranirnar eru í gildi til klukkan 18.00 í dag.
Viðvaranirnar eru í gildi til klukkan 18.00 í dag. Veðurstofan

Gul viðvörun er enn í gildi á Norðurlandi eystra og vindhviður geta náð allt að þrjátíu metrum á sekúndu austan Húsavíkur. Mikilvægt er að tryggja lausa hluti utandyra og veðrið getur verið varasamt ökutækjum sem taka á sig mikinn vind.

Á Austurlandi að Glettingi er einnig gul viðvörun en gert er ráð fyrir norðvestan og vestanátt 10-15 metrum á sekúndu. Staðbundnar vindhviður geta farið upp í 30 metra á sekúndu.

Viðvaranirnar eru í gildi til klukkan 18 síðdegis.

Öllu mildara verður á Suðurlandi en í dag ert gert ráð fyrir vestlægri átt, víða 5-13 metrum á sekúndu. Rigning með köflum á norðanverðu landinu en bjartvirði suðaustan til.

Lægja tekur á morgun með norðlægri átt, 3-8 metrum á sekúndu vestan og norðvestanlands. Allvíða rigning um norðanvert landið en skýjað eða léttskýjað sunnanlands. Hiti á bilinu fimm til fjórtán stig.

Veðurhorfur á landinu næstu daga

Á þriðjudag: Norðlæg átt, 3-8 m/s en 8-13 m/s vestan og noðrvestanlands. Allvíða rigning um landið norðanvert og á skúrir á Austfjörðum en skýjað með köflum eða léttskýjað sunnantil. Hiti 5 til 14 stig, hlýjast syðst.

Á miðvikudag: Norðan og norðvestan 5-13 m/s, en heldur hvassara á annesjum austanlands. Talsverð rigning á norðan- og austanverðu landinu, en annars skýjað með köflum. Áfram svalt norðantil, en milt syðra.

Á fimmtudag: Minnkandi norðvestanátt og úrkomulítið. Léttir til víða um land og hlýnar lítið eitt. 

Á föstudag: Útlit fyrir suðvestlæga átt með dálítilli vætu vestantil, en bjartviðri fyrir austan og hlýnandi veður. Hiti að 16 stigum norðaustantil.

Á laugardag: Gengur í sunnan 8-13 með rigningu vestanlands en hægari suðlæg átt og þurrviðri um landið norðan og austanvert. Hiti 12 til 17 stig yfir daginn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.