Ísrael vann 2-1 sigur á Frökkum og Englendingar unnu 2-1 sigur á Ítölum. Úrslitakeppnin er spiluð í Slóvakíu og úrslitaleikurinn fer fram á föstudaginn.
Jarell Quansah hit the Steph after scoring an 82nd-minute winner against Italy to send the England U19s to the Euro U19 final pic.twitter.com/q8Q11a30Y6
— B/R Football (@brfootball) June 28, 2022
Alex Scott, 18 ára miðjumaður Bristol City og Jarell Quansah, 19 ára miðvörður Liverpool skoruðu mörk enska liðsins í undanúrslitaleiknum.
Fabio Miretti hafði komið Ítalíu í 1-0 á 12. mínútu með marki úr víti en Scott jafnaði á 58. mínútu og Liverpool strákurinn skoraði svo sigurmarkið með skalla eftir horn átta mínútum fyrir leikslok.
England og Ísrael voru saman í riðli í keppninni og þeir ensku unnu innbyrðis leik liðanna 1-0 með marki Liam Delap sem er leikmaður Manchester City.
Reds defender Jarell Quansah scored the winner as the #YoungLions reached the #U19EURO final tonight
— Liverpool FC (@LFC) June 28, 2022
Þetta er aðeins í annað skiptið sem Ísraelsmenn komast í úrslitakeppnina en síðast, árið 2014, þá tapaði liðið öllum sínum leikjum.
Mörkin í sigrinum á Frökkum voru sjálfsmark og mark frá El Yam Kancepolsky sem spilar með Hapoel Tel Aviv.
Enska landsliðið vann þessa keppni árið 2017 en þá voru í aðalhlutverki hjá liðinu leikmenn eins og Mason Mount, Reece James, Aaron Ramsdale og Ryan Sessegnon.
