Veður

Dá­lítil él norðan­lands og skúrir suð­austan­lands

Atli Ísleifsson skrifar
Hiti verður á bilinu núll til átta stig yfir daginn. Myndin er telin á Úlfarsfelli í morgun.
Hiti verður á bilinu núll til átta stig yfir daginn. Myndin er telin á Úlfarsfelli í morgun. Vísir/Vilhelm

Veðurstofan spáir minnkandi norðlægri átt í dag, fimm til þrettán metrar á sekúndu en lægir smám saman í dag. Dálítil él á norðanverðu landinu og skúrir suðaustanlands, en annars yfirleitt þurrt.

Á vef Veðurstofunnar segir hiti verði á bilinu núll til átta stig yfir daginn, mildast sunnantil en allvíða næturfrost.

„Á morgun gengur lægð austur yfir landið. Áttin verður því breytileg, víða kaldi eða strekkingur og úrkoma með köflum, en þurrt að kalla á Norður- og Austurlandi fram eftir degi. Úrkoman verður ýmist snjókoma, slydda eða rigning á láglendi, en á fjallvegum verður snjókoman einráð. Annað kvöld bætir svo í vind.

Spákortið fyrir klukkan 14.Veðurstofan

Veðurhorfur á landinu næstu daga

Á fimmtudag: Breytileg átt 5-13 m/s og rigning eða snjókoma með köflum, en úrkomulítið á Austurlandi. Hiti 0 til 8 stig. Víða vestan og norðvestan 8-15 um kvöldið með snjókomu eða éljum og kólnar.

Á föstudag: Snýst í suðvestan og vestan 5-13 með éljum eða skúrum, en allhvöss norðvestanátt austantil í fyrstu. Hiti um eða yfir frostmarki. Léttir til á suðaustanverðu landinu og hiti 4 til 7 stig þar.

Á laugardag: Suðvestan og sunnan 5-10 og skúrir, en bjart að mestu austanlands. Hiti 3 til 9 stig.

Á sunnudag: Suðaustan 5-13 og súld eða rigning með köflum, en úrkomulítið um landið norðaustanvert. Hiti 5 til 13 stig.

Á mánudag: Breytileg átt og rigning víða um land. Áfram milt í veðri.

Á þriðjudag: Útlit fyrir norðlæga átt með dálítilli vætu, en þurrt að kalla syðra. Heldur kólnandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×