Veður

Skýjað um landið vestan­vert og rigning í nótt

Atli Ísleifsson skrifar
Hiti verður á bilinu þrjú til tíu stig í dag.
Hiti verður á bilinu þrjú til tíu stig í dag. Vísir/Vilhelm

Líklega verður skýjað um landið vestanvert í dag og með kvöldinu er útlit fyrir að úrkomubakki komi inn á land úr vestri. 

Í hugleiðingum veðurfræðings segir að mesta úrkoman verði í nótt og fyrripartinn á morgun.

Hiti og vindhraði verða áfram á svipuðum nótum og verið hefur, um þrjú til tíu stig og svo þrír til átta metrar á sekúndu, suðvestlæg eða breytileg. Líklegt er að létti til á Norðaustur- og Austurlandi.

Spákort fyrir klukkan 14.Veðurstofan

Veðurhorfur á landinu næstu daga

Á föstudag: Suðvestlæg eða breytileg átt 3-10 m/s og lítilsháttar skúrir, en lengst af þurrt og bjart suðaustantil og á Austfjörðum. Hiti 6 til 12 stig.

Á laugardag: Suðvestan 8-15 á norðanverðu landinu, annars hægari vindur. Víða bjartviðri, en skýjað vestantil. Hiti 6 til 14 stig.

Á sunnudag: Snýst í norðan 5-13 með stöku éljum á norðanverðu landinu og vægu frosti. Þurrt að kalla sunnan heiða með hita 3 til 10 stig.

Á mánudag: Norðaustlæg eða breytileg átt. Stöku él og frost 0 til 5 stig, en hiti 1 til 6 stig yfir daginn sunnan heiða með lítilsháttar skúrum.

Á þriðjudag og miðvikudag: Breytileg átt og dálitlar skúrir eða él suðvestantil, annars þurrt að kalla. Hiti að 8 stigum að deginum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×