Tíska og hönnun

Það besta í hári og förðun á rauða dreglinum að mati HI beauty

Sylvía Rut Sigfúsdóttir skrifar
Vanessa Hudgens
Vanessa Hudgens Getty/Jeff Kravitz

„Hárið stal klárlega senunni þetta kvöldið,“ segja Ingunn Sig og Heiður Ósk þáttastjórnendur Snyrtiborðsins hér á Vísi.

Þær eru eigendur HI beauty og Reykjavík Makeup School og fengum við þær til að velja flottustu förðunina og greiðslurnar á Óskarsverðlaununum í nótt. Umfjöllun okkar um best klæddu stjörnurnar má finna HÉR.

Við gefum þeim Heiði og Ingunni orðið...

Heiður Ósk og Ingunn Sig mynda HI beauty teymið. Þær hafa áralanga reynslu úr förðunarbransanum hér á landi.Undireins

Zoe Kravitz

Hárið hennar sló í gegn, hún var með topp í anda Audrey Hepburn og púllaði hann einstaklega vel! Við hefðum ekki getað ímyndað okkur neinn annan en Zoe að bera þessa greiðslu svona vel.

Hún er ávallt með mjög ferska og létta húð og við elskum að sjá freknurnar hennar koma í gegn. Fluffy augabrúnir og lítill sætur eyeliner. Fullkomnun!

Zoë KravitzGetty/Jeff Kravitz

Zendaya

Alltaf óaðfinnanleg á rauða dreglinum. Við vorum ótrúlega hrifnar af hárinu hennar, hún var með messy bun og leyfði krullunum sínum að njóta sín.

Hún var með fallegan silfraðan augnskugga í stíl við pilsið sitt og skartaði að sjálfsögðu sínar signature Zendaya augabrúnir. 

ZendayaGetty/Emma McIntyre
ZendayaGetty/Momodu Mansaray

Vanessa Hudgens

Vanessa var með hárið skipt í miðju og sleikt aftur í háan 90s bun. Ótrúlega fallega förðuð, húðin hennar var í sérflokki! 

Vanessa HudgensGetty/David Livingston

Lily James

Himnesk með fullkomið effortless hár, látlausir liðir. Förðunin hennar tónaði fullkomlega við kjólinn, fjólutóna augnförðun og dökkur augnblýantur í votlínu. Við vorum sjúkar í þetta look!

Lily JamesGetty/Jeff Kravitz

Maddie Ziegler

Látlaust updo með liðuðum lokkum. Förðunin var einstaklega falleg, monochrome förðun með brúnum tónum.

Maddie ZieglerGetty/Jeff Kravitz

Kourtney Kardashian

Túberað slick back og greitt aðeins til hliðar, algjör töffari. Förðunin mjög klassísk, falleg skygging og varirnar í fullkomnun nude tón og juicy.

Kourtney KardashianGetty/Jeff Kravitz

Sofia Carson

Falleg djúp hliðar skipting og hárið vel sleikt aftur!

Augabrúnirnar stóðu uppúr, full on soap brows og klassískur svartur eyeliner með spíss.

Sofia CarsonGetty/Jeff Kravitz

Demi Singleton

Demi var með fallega langa fléttu sem var skreytt með steinum í stíl við kjólinn hennar, skrautið setti algjörlega punktinn yfir i-ið. Förðunin hennar var náttúruleg og falleg.

Demi SingletonGetty/Mike Coppola

Saniyya Sidney

Ballerina bun og toppur! Toppurinn er klárlega að koma með comeback og við vorum að elska þetta lúkk. Förðunin var látlaus og augun fallega römmuð inn.

Saniyya SidneyGetty/Emma McIntyre

Tengdar fréttir

Stjörnurnar sem skinu skærast á Óskarnum

Í beinni textalýsingu okkar frá Óskarsverðlaununum í nótt fórum við auðvitað líka yfir tískuna á rauða dreglinum jafn óðum og gestirnir mættu á svæðið. 

Blue Ivy kom fram í Óskarsatriði Beyoncé

Beyoncé ljómaði eins og sólin í stórkostlegu atriði í nótt. Söngkonan Beyoncé opnaði Óskarsverðlaunin með flutningi á laginu Be Alive úr kvikmyndinni King Richard.

Sigurvegarar Óskarsins 2022: „Þetta er okkar stund“

Óskarsverðlaunahátíðin 2022 fer líklega í sögubækurnar sem ein viðburðarríkasta og jafnvel undarlegasta hátíðin hingað til. Dune vann flest verðlaun kvöldsins, alls sex, en þó ekki sem besta myndin. Hátíðin var í beinni útsendingu á Stöð 2 auk þess sem fylgst var grannt með gangi mála í vaktinni, eins og sjá má neðst í fréttinni.

Óskarsvaktin 2022

Óskarinn fer fram í Dolby leikhúsinu í kvöld þar sem allar stærstu stjörnurnar mæta og vonast eftir gullstyttunni. Dóra Júlía og Elísabet Hanna ætla að halda uppi vaktinni í nótt og fara með lesendum í gegnum rauða dregilinn og hátíðina. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.