Vaxandi austanátt og fer að snjóa í kvöld

Atli Ísleifsson skrifar 7. mars 2022 07:13

Spáð er hita í kringum frostmark í dag. Vísir/Vilhelm

Veðurstofan spáir suðvestanátt, víða fimm til þrettán metra á sekúndu, og éljum, en léttskýjuðu norðaustan- og austanlands.

Er reiknað með heldur hægara veðri í dag og hiti í kringum frostmark yfir daginn. Vaxandi austanátt og fer að snjóa í kvöld, fyrst sunnantil.

„Snýst í suðaustan 8-15 með rigningu sunnantil og á Austfjörðum á morgun, en áfram snjókoma NV-til fram eftir degi. Hlýnar, hiti 1 til 6 stig undir kvöld, svalast á Vestfjörðum.“

Veðurhorfur á landinu næstu daga

Á þriðjudag: Suðaustan og austan 10-18 m/s. Þurrt N-lands, en rigning annars staðar og snjókoma eða slydda á Vestfjörðum. Skúrir síðdegis og hiti 2 til 8 stig, en úrkomulítið norðan heiða.

Á miðvikudag: Austlæg eða breytileg átt, 8-15 m/s og rigning eða slydda með köflum, einkum S- og A-lands. Hiti 0 til 5 stig.

Á fimmtudag: Austlæg átt og rigning eða slydda, en snjókoma með köflum og vægt frost N-til.

Á föstudag, laugardag og sunnudag: Austlæg og síðar suðlæg átt, vætusamt og fremur milt.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.