Veður

Stormurinn á Suð­austur- og Austur­landi gengur smám saman niður

Atli Ísleifsson skrifar
Spáð er allhvassri suðaustanátt á morgun, en hvassviðri eða stormi suðvestantil.
Spáð er allhvassri suðaustanátt á morgun, en hvassviðri eða stormi suðvestantil. Vísir/RAX

Alldjúp lægð norðaustur af landinu fjarlægist í dag og mun vestan hvassviðrið og stormurinn á Suðaustur- og Austurlandi því ganga smám saman niður.

Á vef Veðurstofunnar segir að það verði hægari vindur og él í öðrum landshlutum, en úrkomulítið síðdegis. Hiti um eða undir frostmarki. Gular viðvaranir eru í gildi á Suðausturlandi til klukkan 11 í dag og á Austfjörðum til hádegis.

„Í kvöld rofar til og kólnar, jafnframt snýst hann í vaxandi austanátt suðvestan- og vestanlands enda ný lægð að nálgast úr suðvestri.

Allhvöss suðaustanátt á morgun, en hvassviðri eða stormur suðvestantil. Yfirleitt þurrt á Norðurlandi, annars rigning eða slydda. Það hlýnar aftur og hiti kemst víða í 3 til 6 stig. 

Hægari og slydduél annað kvöld, en rigning suðaustan- og austanlands.“

Spákortið fyrir klukkan 14 í dag.Veðurstofan

Veðurhorfur á landinu næstu daga

Á miðvikudag: Suðaustan 13-23 m/s, hvassast SV-lands. Rigning eða slydda, en úrkomulítið á N-landi. Hlýnandi, hiti 1 til 6 stig eftir hádegi. Hægari um kvöldið og slydduél um landið V-vert, en rigning SA-lands og á Austfjörðum.

Á fimmtudag: Suðlæg átt 5-10 og stöku él, en rigning eða slydda A-til fram eftir degi. Hiti 0 til 5 stig, en kólnar um kvöldið.

Á föstudag: Suðvestan og vestan 8-15 og él, en þurrt og bjart A-lands. Hiti í kringum frostmark.

Á laugardag: Suðlæg átt og úrkomulítið, en rigning eða slydda S- og V-lands seinni partinn og hlýnar heldur.

Á sunnudag: Suðlæg átt og rigning eða snjókoma, en þurrt NA-lands.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.